বাংলাদেশত সংখ্যালঘুৰ ওপৰত চলি থকা অত্যাচাৰ আৰু হিংসা অব্যাহত থকাৰ মাজতে ভাৰতত সৃষ্টি হৈছে প্ৰতিবাদ । ইয়াৰ মাজতে ভাৰতীয় উচ্চায়ুক্তক তলব কৰা হৈছে ।

ভাৰতত থকা বাংলাদেশ দূতাবাসৰ নিৰাপত্তাক লৈ উদ্বেগ প্ৰকাশৰ মাজতে মঙলবাৰে বাংলাদেশৰ ভাৰতীয় উচ্চায়ুক্ত প্ৰণয় বাৰ্মাক বাংলাদেশৰ বৈদেশিক মন্ত্ৰালয়লৈ তলব কৰা হয় । জানিব পৰা মতে নতুন দিল্লী, কলকাতাকে ধৰি ভাৰতৰ কেইবাটাও স্থানত অৱস্থিত বাংলাদেশী মিছনৰ আশে-পাশে সৃষ্টি হোৱা নিৰাপত্তাজনিত পৰিস্থিতিৰ প্ৰতি লক্ষ্য ৰাখি বাৰ্মাক তলব কৰা হৈছে ।

জানিব পৰা মতে বাংলাদেশৰ বৈদেশিক সচিব আছাদ আলম ছিয়েমে মঙলবাৰে ভাৰতীয় উচ্চায়ুক্ত প্ৰণয় বাৰ্মাক বৈদেশিক পৰিক্ৰমা মন্ত্ৰালয়লৈ মাতি আনে । ভাৰতৰ বিভিন্ন প্ৰান্ত, বিশেষকৈ নতুন দিল্লী আৰু কলকাতাত বাংলাদেশৰ মিছনসমূহৰ নিৰাপত্তা সন্দৰ্ভত আলোচনাৰ বাবে আহ্বান কৰা হয় এই বৈঠক । বাংলাদেশ চৰকাৰে ভাৰতক নিজৰ মিছন আৰু কূটনীতিবিদসকলৰ নিৰাপত্তা সুদৃঢ় কৰিবলৈ অনুৰোধ জনায় ।

দহদিনৰ ভিতৰত দ্বিতীয়বাৰৰ বাবে চমন-

বিগত দহ দিনত দ্বিতীয়বাৰৰ বাবে প্ৰণয় বাৰ্মাক চমন কৰা হৈছে । ইয়াৰ পূৰ্বে ১৪ ডিচেম্বৰত ইনকিইলাব মঞ্চৰ আহ্বায়ক শ্বৰীফ ওছমান হাদীৰ ওপৰত আক্ৰমণৰ দোষীক গ্ৰেপ্তাৰ কৰাত সহায় কৰিবলৈ তেওঁক তলব কৰা হৈছিল । মন কৰিবলগীয়া যে বাংলাদেশৰ অন্তৱৰ্তীকালীন চৰকাৰৰ কাৰ্যকালত ভাৰতীয় ৰাষ্ট্ৰদূতগৰাকীক এই পৰ্যন্ত ছবাৰকৈ তলব কৰা হৈছে ।

অত্যাচাৰৰ বিৰুদ্ধে প্ৰতিবাদ-

ইফালে বাংলাদেশী সংখ্যালঘুৰ ওপৰত আক্ৰমণৰ প্ৰতিবাদত শ শ লোকে কলকাতাত সমদল বাহিৰ কৰে । শ শ প্ৰতিবাদকাৰীয়ে পদযাত্ৰা বাহিৰ কৰে । গেৰুৱা পতাকা লৈ ছিলদাৰ পৰা বাংলাদেশ উপ উচ্চায়ুক্ত অভিমুখে যাত্ৰা কৰি থকা অৱস্থাত বেকবাগান অঞ্চলত আৰক্ষীয়ে তেওঁলোকক বাধা দিয়ে ।

আৰক্ষীৰ লাঠী চাৰ্জ-

প্ৰতিবাদকাৰীয়ে আৰক্ষীৰ বেৰিকেড ভাঙি উপ-উচ্চ আয়োগৰ ওচৰ চাপিবলৈ চেষ্টা কৰাত পৰিস্থিতি উত্তেজিত হৈ পৰে । ৰাইজক ছত্ৰভংগ দিয়াবলৈ আৰক্ষীয়ে মৃদু লাঠী চাৰ্জৰ আশ্ৰয় লয় । বাংলাদেশৰ হিন্দুসকলৰ সুৰক্ষাৰ দাবীত আৰু শেহতীয়াকৈ এজন হিন্দু যুৱকক হত্যা কৰাৰ বিৰোধিতা কৰি প্ৰতিবাদকাৰীসকলে শ্ল’গানেৰে পৰিৱেশ উত্তাল কৰি তোলে ।

লগতে পঢ়ক : বাংলাদেশত সংখ্যালঘুৰ ওপৰত সংঘটিত আক্রমণক লৈ উদ্বেগ প্রকাশ ভাৰতৰ

দিল্লীৰ বিমানবন্দৰত ১১০খন বিমান বাতিল হোৱাৰ লগতে ৩৭০খনতকৈও অধিক বিমান সেৱাত পলম হৈছে ।

দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত ১১০খন বিমান বাতিল হোৱাৰ লগতে ৩৭০খনতকৈও অধিক বিমান সেৱাত পলম হোৱাৰ খবৰ প্ৰকাশ পাইছে । পলম আৰু বাতিলৰ কাৰণ ঘন কুঁৱলী আৰু কম দৃশ্যমানতা বুলি কোৱা হৈছে । বিমানবন্দৰৰ বিষয়াসকলে কয় যে, “৫৯খন আগমন আৰু ৫১খন প্ৰস্থান বিমানকে ধৰি ১১০খন বিমান বাতিল কৰা হৈছে । ৩৭০খনতকৈও অধিক বিমান পলম হৈছে, সকলো বিমানতে গড়ে ২৬ মিনিট পলম হৈছে ।”

DIAL (দিল্লী আন্তঃৰাষ্ট্ৰীয় বিমানবন্দৰ লিমিটেডে)ৰ মতে কাম-কাজ সুচাৰুৰূপে চলি আছে । আই জি আই বিমানবন্দৰে সাধাৰণতে প্ৰায় ১,৩০০ বিমান সেৱা চম্ভালে, যাৰ ফলত বতৰৰ লগত জড়িত বিঘিনিৰ বাবে ই অধিক সংবেদনশীল হৈ পৰে । বিগত কেইবাদিনো ধৰি চলি থকা ঘন কুঁৱলীৰ ফলত দিল্লী আৰু উত্তৰ ভাৰতৰ কেইবাটাও বিমানবন্দৰত বিমান সেৱাত প্ৰভাৱ পৰিছে ।

কেন্দ্ৰীয় প্ৰদূষণ নিয়ন্ত্ৰণ ব’ৰ্ডৰ তথ্য অনুসৰি দেওবাৰে পুৱা বায়ুৰ গুণাগুণ সূচকাংক ৩৮৬ ৰেকৰ্ড কৰা হৈছে । সমগ্ৰ চহৰখনতে বায়ুৰ গুণাগুণ চিন্তনীয় হৈয়ে আছে । ইয়াৰে ১৬টা নিৰীক্ষণ ষ্টেচনে গুৰুতৰ শ্ৰেণীত এ কিউ আইৰ মাত্ৰা ৰেকৰ্ড কৰিছিল । বাকী ষ্টেচনসমূহে অতি দুৰ্বল বায়ুৰ ৰিপৰ্ট দিছিল ।

চি পি চি বিৰ নিয়ম অনুসৰি ০ৰ পৰা ৫০ৰ ভিতৰত AQI ৰিডিং ভাল বুলি গণ্য কৰা হয় । ৫১ আৰু ১০০ নং সন্তোষজনক বুলি গণ্য কৰা হয় । ১০১ আৰু ২০০ক মধ্যমীয়া বুলি ধৰা হয় । ২০১ আৰু ৩০০ক শোচনীয় বুলি গণ্য কৰা হয় । ৩০১ আৰু ৪০০ক অতি শোচনীয় বুলি গণ্য কৰা হয় । ৪০১ আৰু ৫০০ গুৰুতৰ বুলি গণ্য কৰা হয় ।

বতৰৰ পৰিস্থিতিয়ে প্ৰত্যাহ্বান আৰু অধিক ভয়াৱহ কৰি তুলিছে । সৰ্বনিম্ন তাপমাত্ৰা ৯.৪ ডিগ্ৰী চেলছিয়াছ, যিটো ঋতুৰ গড়তকৈ ১.৩ ডিগ্ৰী বেছি । আই এম ডিয়ে জনোৱা মতে, সৰ্বোচ্চ উষ্ণতা ১৭ ডিগ্ৰী চেলছিয়াছৰ ওচৰত থকাৰ সম্ভাৱনা আছে । মধ্যমীয়া কুঁৱলীৰ বাবে য়েল্ল এলাৰ্ট জাৰি কৰা হৈছে ।

লগতে পঢ়ক : নয়ডাৰ কেইবাখনো বিদ্যালয় বোমাৰে উৰুৱাই দিয়াৰ ভাবুকি…