ভোটাৰলৈ মুখ্যমন্ত্ৰী ৰেখা গুপ্তাৰ বিশেষ আহ্বান
আজি ৰাজধানী দিল্লীৰ ১২টা পৌৰ নিগমৰ ৱাৰ্ডত অনুষ্ঠিত হৈছে উপ-নিৰ্বাচন। কটকটীয়া নিৰাপত্তাৰ ব্যৱস্থাৰ মাজতে দেওবাৰে পুৱাৰে পৰা দিল্লী পৌৰ নিগমৰ ১২টা ৱাৰ্ডত উপ-নিৰ্বাচনৰ বাবে ভোটদান আৰম্ভ হয়।
আজি সন্ধিয়া ৫:৩০ বজালৈ ভোটগ্ৰহণ প্ৰক্ৰিয়া অব্যাহত থাকিব।বিজেপিয়ে ৮ গৰাকী মহিলা প্ৰাৰ্থী, আপে ৬ গৰাকী আৰু কংগ্ৰেছে ৫ গৰাকী মহিলা প্ৰাৰ্থী প্ৰক্ষেপ কৰিছে।
দিল্লীৰ মুখ্যমন্ত্ৰী ৰেখা গুপ্তাই ভোটাৰলৈ আহ্বান জনাই সামাজিক মাধ্যম এক্সত এক বিশেষ পোষ্ট কৰিছে। পোষ্টোত তেওঁ লিখিছে যে, “সন্মানিত ভোটাৰ, আজি ১২টা ৱাৰ্ডত অনুষ্ঠিত হৈ থকা পৌৰ নিগমৰ উপ-নিৰ্বাচন কেৱল নিৰ্বাচনী প্ৰক্ৰিয়াতকৈও অধিক, আমাৰ ভাগ-বতৰা কৰা আকাংক্ষাক শক্তিশালী কৰাৰ এক সুযোগ”।
“আপোনাৰ ৱাৰ্ডত প্ৰশাসনিক স্বচ্ছতা আছে নে নাই আপোনালোকৰ প্ৰত্যেক ভোটেই সিদ্ধান্ত লব,সুশাসন আৰু জনসেৱাৰ সেই ধাৰাটো আগবাঢ়িব লাগে, য’ত উন্নয়ন কেৱল প্ৰতিশ্ৰুতিত নহয়,কিন্তু মাটিৰ বাস্তৱতাত ই দৃশ্যমান হ’ব লাগে।”
মুখ্যমন্ত্ৰী গৰাকীয়ে লগতে লিখিছে,”গণতন্ত্ৰৰ এই উৎসৱত অংশগ্ৰহণ কৰি ভোটাধিকাৰ সাব্যস্ত কৰিবলৈ আপোনালোক সকলোকে আহ্বান জনাইছো”।
“ঘৰৰ পৰা ওলাই আহি ভোটগ্ৰহণ কেন্দ্ৰত উপস্থিত হওক আৰু আপোনাৰ অঞ্চলটোক সুৰক্ষিত, সক্ষম আৰু উন্নয়নমুখী কৰি আপোনালোকৰ আকাংক্ষাক অগ্ৰাধিকাৰ দিব পৰা প্ৰাৰ্থী আৰু দল বাছি লওক”।
“আপোনাৰ এটা ভোটে দিল্লীৰ উজ্জ্বল ভৱিষ্যত গঢ় দিব আৰু ‘উন্নত দিল্লী’ৰ সৃষ্টি কৰিব। প্ৰথমে ভোট দিয়ক, তাৰ পিছত সতেজ!”
লগতে পঢ়ক: ‘কেজৰিৱালে মোৰ ফোন ৰিচিভ নকৰে’; কান্দি কান্দি বিজেপিত যোগদান আপৰ ৰাজেশ গুপ্তাৰ
