১৫৪খন দেশৰ ভিতৰত এই তালিকাত ০.৫৫১৫ নম্বৰ লাভ কৰি ১৬ সংখ্যক স্থান লাভ কৰিছে ভাৰতে । এই তালিকাত ভাৰতে আমেৰিকা আৰু চীনৰ দৰে ডাঙৰ দেশক অতিক্ৰম কৰে ।

ৱৰ্ল্ড ইনটেলেকচুৱেল ফাউণ্ডেশ্যনে (WIF) প্ৰকাশ কৰা ৰেচপন্সিবল নেচনছ ইনডেক্স ২০২৬(Responsible Nations Index)-এ দেশসমূহৰ ওপৰত এক নতুন দৃষ্টিভংগী আগবঢ়াইছে । এই তালিকাত এখন দেশৰ শক্তি তাৰ অৰ্থনীতি, সামৰিক বা ৰাজনৈতিক প্ৰভাৱৰ দ্বাৰা নহয়, বৰঞ্চ ইয়াৰ জনসাধাৰণ, পৰিৱেশ আৰু বিশ্বৰ প্ৰতি থকা দায়িত্বৰ দ্বাৰাহে জোখা হয় ।

যি সময়ত বিশ্বই ভূ-ৰাজনৈতিক উত্তেজনা, অৰ্থনৈতিক অনিশ্চয়তা আৰু জলবায়ু সংকটৰ সৈতে যুঁজি আছে, সেই সময়ত এই প্ৰতিবেদনে ন্যায়, কৰুণা আৰু দীৰ্ঘম্যাদী চিন্তাধাৰাক অগ্ৰাধিকাৰ দিয়া দেশসমূহৰ ওপৰত আলোকপাত কৰিছে ।

ৰেচপন্সিবল নেচনছ ইনডেক্স কি ?

ৰেচপন্সিবল নেচন ইনডেক্স (RNI) হৈছে ১৫৪খন দেশক মূল্যায়ন কৰা এক বিশ্বব্যাপী ৰেংকিং । ই চাৰিটা মূল আধাৰক লৈ দেশসমূহৰ মূল্যায়ন কৰে :

-নৈতিক আৰু স্বচ্ছ শাসন ব্যৱস্থা

-সমাজ কল্যাণ আৰু নাগৰিকৰ মংগল

-পৰিৱেশ সুৰক্ষা

-বিশ্বব্যাপী দায়বদ্ধতা আৰু আন্তঃৰাষ্ট্ৰীয় আচৰণ

এই সূচকাংকই জিডিপি বা সামৰিক শক্তিৰ দৰে পৰম্পৰাগত পদক্ষেপৰ পৰা আঁতৰি দেশসমূহে নিজৰ ক্ষমতা কিমান সৎ আৰু দায়িত্বশীলভাৱে ব্যৱহাৰ কৰে তাক চায় ।

২০২৬ চনৰ ১০খন আটাইতকৈ দায়িত্বশীল দেশ-

-ছিংগাপুৰ (স্ক’ৰ : ০.৬১৯৪)

-চুইজাৰলেণ্ড (০.৫৮৬৯)

-ডেনমাৰ্ক (০.৫৮৩৭)

-চাইপ্ৰাছ (০.৫৭৭৪)

-ছুইডেন (০.৫৭৪০)

-চেকিয়া (০.৫৭০৪)

–বেলজিয়াম (০.৫৬৯০)

-অষ্ট্ৰিয়া (০.৫৬৬৫)

-আয়াৰলেণ্ড (০.৫৬৩৪)

-জৰ্জিয়া (০.৫৫৮১)

ভাৰতৰ স্থান কিমান ?

১৫৪খন দেশৰ ভিতৰত ভাৰতে এই তালিকাত ০.৫৫১৫ নম্বৰ লাভ কৰি ১৬ সংখ্যক স্থান লাভ কৰিছে ভাৰতে । এই তালিকাত ভাৰতে আমেৰিকা (৬৬) আৰু চীন (৬৮)ৰ দৰে ডাঙৰ দেশক অতিক্ৰম কৰে । ভাৰতৰ স্থানে স্বাস্থ্য, সামাজিক সমতা, পৰিৱেশ প্ৰচেষ্টা আৰু জনকেন্দ্ৰিক শাসনৰ অগ্ৰগতি প্ৰতিফলিত কৰে । এই তালিকাৰ ১৫৪খন দেশৰ ভিতৰত পাকিস্তানে ৯০ নম্বৰ স্থান লাভ কৰিছে । ৰাছিয়াই ৯৬ নম্বৰ স্থান লাভ কৰে ।

লগতে পঢ়ক : অগ্নিকাণ্ডত ভস্মীভূত হ’ল ১০০০ তকৈও অধিক ঘৰ, হাজাৰ হাজাৰ লোক গৃহহীন

আমেৰিকাই ভাৰতৰ ওপৰত শুল্ক হ্ৰাসৰ বৃহৎ ঘোষণা কৰিছে । তেওঁ প্ৰধানমন্ত্ৰী নৰেন্দ্ৰ মোদীক বন্ধু বুলি অভিহিত কৰি সামাজিক মাধ্যমত এটা পোষ্টযোগে এই ঘোষমা কৰিছে ।

আমেৰিকা আৰু ভাৰতৰ মাজত হোৱা বাণিজ্যিক চুক্তিৰ অংশ হিচাপে আমেৰিকাই ভাৰতৰ ওপৰত শুল্ক ২৫%ৰ পৰা ১৮%লৈ হ্ৰাস কৰিছে । এই কথা ঘোষণা কৰিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে । তেওঁ প্ৰধানমন্ত্ৰী নৰেন্দ্ৰ মোদীক বন্ধু বুলি অভিহিত কৰি কয় যে তেওঁলোকে ফোনযোগে বাণিজ্য, ৰাছিয়া আৰু ইউক্ৰেইনৰ যুদ্ধৰ অন্ত পেলোৱাকে ধৰি কেইবাটাও বিষয়ত আলোচনা কৰে ।

ভাৰতৰ সৈতে হোৱা বাণিজ্যিক চুক্তিৰ বিষয়ে তথ্য প্ৰকাশ কৰি আমেৰিকাৰ ৰাষ্ট্ৰপতি ড’নাল্ড ট্ৰাম্পে ছ’চিয়েল মিডিয়াত লিখিছে, “আজি ভাৰতৰ প্ৰধানমন্ত্ৰী মোদীৰ সৈতে কথা পাতিবলৈ পাই গৌৰৱ অনুভৱ কৰিলোঁ । তেওঁ মোৰ অন্যতম ঘনিষ্ঠ বন্ধু আৰু তেওঁৰ দেশৰ এজন শক্তিশালী আৰু সন্মানীয় নেতা । আমি বাণিজ্য, ৰাছিয়া-ইউক্ৰেইন যুদ্ধৰ অন্ত পেলোৱাকে ধৰি বহু বিষয়ৰ ওপৰত আলোচনা কৰিলোঁ ।”

ৰাছিয়াৰ পৰা তেল ক্ৰয় কৰা বন্ধ কৰিলে ভাৰতে-

ট্ৰাম্পে নিজৰ সামাজিক মাধ্যমত দিয়া পোষ্টত দাবী কৰে যে ভাৰতে ৰাছিয়াৰ পৰা তেল ক্ৰয় কৰা বন্ধ কৰি আমেৰিকা আৰু সম্ভৱতঃ ভেনিজুৱেলাৰ পৰা অধিক তেল ক্ৰয় কৰিবলৈ সন্মত হৈছে । ইয়াৰ ফলত ইউক্ৰেইনত প্ৰতি সপ্তাহত হাজাৰ হাজাৰ লোকৰ মৃত্যু হোৱা যুদ্ধৰ অন্ত পৰাত সহায়ক হ’ব !

ভাৰতেও হ্ৰাস কৰিব নেকি শুল্ক ?

প্ৰধানমন্ত্ৰী মোদীক বন্ধু আখ্যা দি তেওঁ কয়, “প্ৰধানমন্ত্ৰী মোদীৰ প্ৰতি বন্ধুত্ব আৰু সন্মানৰ বাবে আৰু তেওঁৰ অনুৰোধত আমি তাৎক্ষণিকভাৱে কাৰ্যকৰী হোৱাকৈ আমেৰিকা আৰু ভাৰতৰ মাজত বাণিজ্যিক চুক্তিত সন্মতি প্ৰকাশ কৰিছো, যাৰ অধীনত আমেৰিকাই পাৰস্পৰিক শুল্ক ২৫%ৰ পৰা ১৮%লৈ হ্ৰাস কৰিব । একেদৰে ভাৰতেও আমেৰিকাৰ সামগ্ৰীৰ ওপৰত শুল্ক আৰু অশুল্ক বাধা শূন্যলৈ হ্ৰাস কৰাৰ পদক্ষেপ গ্ৰহণ কৰিব ।”

ট্ৰাম্পে আৰু কয় যে মোদীয়ে বাই আমেৰিকান নীতিক অতি উচ্চ পৰ্যায়লৈ লৈ যোৱাৰ প্ৰতিশ্ৰুতি দিছে । ভাৰতে আমেৰিকাৰ পৰা ৫০০ বিলিয়ন ডলাৰতকৈ অধিক মূল্যৰ শক্তি, প্ৰযুক্তি, কৃষি, কয়লা আৰু অন্যান্য আমেৰিকাৰ সামগ্ৰী ক্ৰয় কৰিব । ট্ৰাম্পে কয় যে ভাৰতৰ সৈতে আমাৰ সম্পৰ্ক আৰু অধিক শক্তিশালী হ’ব ।

লগতে পঢ়ক : দমন, নিষ্ঠুৰতাৰ ইতিহাস জগত বিখ্যাত : বেলুচিস্তানক লৈ পাকিস্তানক কঠোৰ সমালোচনা ভাৰতৰ