কিন্তু বৈভৱৰ উইকেট দখল কৰাৰ পিছতে জেমিছনে এটা ভুল কৰাত বিচিচিআইয়ে তেওঁৰ বিৰুদ্ধে ব্যৱস্থা গ্ৰহণ কৰিবলৈ বাধ্য হয়

আই পি এল ২০২৬ৰ শুকুৰবাৰে অনুষ্ঠিত হোৱা এখন মেচত ৰাজস্থান ৰয়েলছ আৰু দিল্লী কেপিটেলছ মুখামুখি হয় । জয়পুৰৰ ছাৱাই মানসিং ষ্টেডিয়ামত খেলা মেচখনত ৰাজস্থান ৭ উইকেটত পৰাস্ত হয় । এই মেচত দুৰ্দান্ত ফৰ্মত থকা বেটছমেন বৈভৱ সূৰ্য্যবংশী ব্যৰ্থ হয় । দিল্লীৰ বেগী বলাৰ কাইল জেমিছনে ইনিংছৰ আৰম্ভণিতে তেওঁক পেভিলিয়নৰ বাট দেখুৱাই । কিন্তু বৈভৱৰ উইকেট দখল কৰাৰ পিছতে জেমিছনে এটা ভুল কৰাত বিচিচিআইয়ে তেওঁৰ বিৰুদ্ধে ব্যৱস্থা গ্ৰহণ কৰিবলৈ বাধ্য হয় ।

দিল্লী কেপিটেলছৰ ফাষ্ট বলাৰ কাইল জেমিছনৰ বিৰুদ্ধে আই পি এলৰ আচৰণ বিধি লেভেল ১ উলংঘা কৰাৰ অভিযোগ উত্থাপন হৈছে । মেচ ৰেফাৰী ৰাজীৱ ছেথে লেভেল ১ৰ সতৰ্কবাণী জাৰি কৰি ডেমেৰিট পইণ্ট প্ৰদান কৰে । মেচখনৰ প্ৰথম ইনিংছৰ দ্বিতীয় অভাৰত জেমিছনে এই উলংঘা সংঘটিত কৰে । বৈভৱ সূৰ্যবংশীক আউট কৰাৰ লগে লগে জেমিছনে তেওঁৰ কাষ চাপি আগ্ৰাসী উদযাপনত লিপ্ত হোৱা দেখা যায়, যাৰ ফলত বেটছমেনৰ আক্ৰমণাত্মক প্ৰতিক্ৰিয়াৰ সৃষ্টি হোৱাৰ সম্ভাৱনাই দেখা দিছিল ।

এই কাণ্ডক আই পি এলৰ আচৰণ বিধিৰ ২.৫ অনুচ্ছেদ উলংঘা বুলি গণ্য কৰা হৈছিল, য’ত আন এজন খেলুৱৈক উত্তেজিত কৰিব পৰা ভাষা, কাৰ্য্য বা ইংগিত সামৰি লোৱা হৈছে । কাইল জেমিছনে এই অভিযোগ স্বীকাৰ কৰি মেচ ৰেফাৰীয়ে জাৰি কৰা দণ্ড মানি লৈছে । উইকেট দখলৰ পিছত জেমিছনে বাৰে বাৰে হাত চাপৰি বজাই বৈভৱৰ চকুলৈ চাই থকা দেখা গৈছিল । ঘটনাৰ সময়ত সূৰ্যবংশীয়েও তেওঁৰ ফালে চাই আছিল ।

লগতে পঢ়ক : টি-২০ বিশ্বকাপৰ বাবে ঘোষণা ভাৰতীয় দল, হৰমনপ্ৰীতৰ হাতত দলৰ বাঘজৰী

মঙলবাৰে অনুষ্ঠিত হোৱা আই পি এল ২০২৬ৰ খেলখনত ৰাজস্থান ৰয়েলছে পঞ্জাৱ কিংছক ৬ উইকেটত পৰাস্ত কৰে।

আই পি এল ২০২৬ৰ ৪০ সংখ্যক মেচত মঙলবাৰে পঞ্জাৱ কিংছ আৰু ৰাজস্থান ৰয়েলছৰ মাজত অনুষ্ঠিত হয়।য’ত ৰাজস্থান ৰয়েলছে ৬ উইকেটত জয় নিশ্চিত কৰে। ২০২৬ চনৰ আই পি এলত পঞ্জাৱ কিংছৰ এইটোৱেই আছিল প্ৰথম পৰাজয়।এই মেচখন নিউ চণ্ডীগড়ত অনুষ্ঠিত হৈছিল।

য’ত ৰাজস্থানে টছত জয়লাভ কৰি প্ৰথমে বলিং কৰিবলৈ বাছি লৈছিল।প্ৰথমে বেটিং কৰি পঞ্জাৱ দলটোৱে মুঠ ২২২ ৰান সংগ্ৰহ কৰে, য’ত প্ৰভচিমৰণ সিং আৰু মাৰ্কাছ ষ্ট’ইনিছে অৰ্ধশতক কৰে।ইয়াৰ উত্তৰত ৰাজস্থানে শেষৰটো অভাৰত সফলতা লাভ কৰে।

২২৩ ৰানৰ লক্ষ্য খেদি বৈভৱ আৰু যশস্বীয়ে ৰাজস্থানৰ ইনিংছৰ আৰম্ভণি কৰে। বৈভৱে ১৬টা বলত ৪৩ ৰান সংগ্ৰহ কৰে।এই ইনিংছত তেওঁ ৫টা ছয় আৰু ৩টা চাৰিটা কোবায় অৰ্থাৎ উইকেটৰ মাজত দৌৰি মাত্ৰ ১ ৰানহে লয়। এই মেচত পৰাজয়ৰ পিছতো পঞ্জাৱ দলটো টেবুলৰ শীৰ্ষত আছে।পঞ্জাবে ৮খন খেলৰ পৰা ১৩ পইণ্ট লাভ কৰিছে।ইফালে ৮খন খেলৰ পৰা ১২ পইণ্ট লাভ কৰি দ্বিতীয় স্থানত আছে আৰ চি বি।ইফালে ৯খন খেলৰ পৰা ১২ পইণ্ট সংগ্ৰহ কৰি এতিয়া তৃতীয় স্থানত আছে ৰাজস্থান।

লগতে পঢ়ক:আই পি এলৰ ‘কিং’ বিৰাট কোহলীৰ অভিলেখ; সম্পূৰ্ণ কৰিলে ৯ হাজাৰ ৰান

হায়দৰাবাদে পইন্ট তালিকাৰ শীৰ্ষত থকা ৰাজস্থান ৰয়েলছক ৫৭ ৰানত পৰাস্ত কৰে

সোমবাৰে আই পি এল ২০২৬ৰ ২১ সংখ্যক মেচত মুখামুখি হয় ছানৰাইজাৰ্ছ হায়দৰাবাদ আৰু ৰাজস্থান ৰয়েলছ । মেচখনত হায়দৰাবাদে পইন্ট তালিকাৰ শীৰ্ষত থকা ৰাজস্থান ৰয়েলছক ৫৭ ৰানত পৰাস্ত কৰে । এই জয়ৰ নায়ক আছিল ছাকিব হুছেইন আৰু প্ৰফুল হিংগে, যিয়ে নিজৰ অভিষেক মেচত চাৰিটাকৈ উইকেট দখল কৰি ৰাজস্থানৰ সমগ্ৰ বেটিং লাইন আপ ভাঙি দিয়ে ।

এই মেচত ৰাজস্থান ৰয়েলছে টছত জয়লাভ কৰি প্ৰথমে বলিং কৰিবলৈ সিদ্ধান্ত লয় । ঈশান কিষনৰ ৯১ ৰানৰ সহায়ত হায়দৰাবাদে ৰাজস্থানক ২১৭ ৰানৰ লক্ষ্য নিৰ্ধাৰণ কৰি দিয়ে । ইয়াৰ প্ৰত্যুত্তৰত ইনিংছ আৰম্ভ কৰি বিপৰ্যয়ৰ সন্মুখীন হয় ৰাজস্থান । প্ৰথম অভাৰতে এক ৰানতে তিনিটা উইকেট হেৰুৱাই শলঠেকত পৰে দলটো । পূৰ্বৰ মেচসমূহত বিস্ফোৰক ইনিংছ খেলা বৈভৱ আৰু যশস্বী দুয়ো বিফল হয় ।

ৰাজস্থানৰ ইনিংছ-

২১৭ ৰানৰ লক্ষ্য অনুসৰণ কৰি ৰাজস্থানৰ আৰম্ভণি বিপৰ্যয়েৰে আৰম্ভ হৈছিল । প্ৰথম অভাৰত প্ৰফুলে তিনিটা উইকেট দখল কৰে । বৈভৱ সূৰ্য্যবংশী, জুৰেল আৰু প্ৰটেৰিয়াছৰ উইকেট দখল কৰে অভিষেককাৰী প্ৰফুলে । পিছৰ অভাৰত মাত্ৰ এক ৰান সংগ্ৰহ কৰি আউট হয় যশস্বী । তাৰ পিছত ৰিয়ান পৰাগো ক্ৰীজত তিষ্ঠিব নোৱাৰি পেভিলিয়নমুখী হয় । অৱশ্যে ফেৰেইৰা আৰু জাডেজাই ধৈৰ্যশীল বেটিঙেৰে দলক বিপৰ্যয়ৰ পৰা উদ্ধাৰৰ চেষ্টা চলাই । অৱশ্যে ১৫ অভাৰত ফেৰেইৰাৰ উইকেটৰ পতন ঘটে । ফেৰেইৰাই ৬৯ ৰান সংগ্ৰহ কৰে । তাৰ পিছৰ অভাৰত জাডেজাৰ উইকেটৰো পতন ঘটে । অৱশেষত ১৫৯ ৰানত আটাইকেইটা উইকেট হেৰুৱাই পৰাজয় স্বীকাৰ কৰে ৰাজস্থানে ।

অভিষেক মেচতে জিলিকিল ছাকিব-প্ৰফুল

ঈশান কিষনৰ অধিনায়কত্বত এই মেচত ছাকিব হুছেইন আৰু প্ৰফুল হিংগক অভিষেকৰ সুযোগ দিয়া হয় । দুয়োজনে এই সুযোগৰ সদ্ব্যৱহাৰ কৰে । প্ৰফুলে ৪ অভাৰত মাত্ৰ ৩৪ ৰান দি ৪টা উইকেট দখল কৰে । বৈভৱৰ উইকেটকে ধৰি প্ৰথম অভাৰত তিনিটা উইকেট দখল কৰে তেওঁ । ইফালে ছাকিবে চাৰি অভাৰত মাত্ৰ ২৪ ৰান দি ৪টা উইকেট দখল কৰে । অৰ্থাৎ অভিষেক মেচতে দুয়োগৰাকীয়ে মুঠ ৮টা উইকেট দখল কৰি ৰাজস্থানৰ বেটিং মেৰুদণ্ড ভাঙি দিয়ে ।

হায়দৰাবাদৰ ইনিংছ-

প্ৰথমে বেটিং কৰি হায়দৰাবাদে প্ৰথমটো বলত বিপৰ্যয়ৰ সন্মুখীন হ’বলগীয়া হয় । অভিষেক শৰ্মা জোফ্ৰা আৰ্চাৰৰ হাতত কোনো ৰান সংগ্ৰহ নকৰাকৈ পেভিলিয়নমুখী হয় । ইয়াৰ পিছতে ট্ৰেভিছ হেড আৰু ঈশান কিষনে দায়িত্ব লয় । ছয় অভাৰেৰে গঠিত পাৱাৰপ্লে’ত দুয়োজনে হায়দৰাবাদৰ স্ক’ৰ ৫০ৰ ওপৰলৈ লৈ যায় । কিন্তু সপ্তম অভাৰত হায়দৰাবাদে আন এক বিপৰ্যয়ৰ সন্মুখীন হ’বলগীয়া হয় যেতিয়া ট্ৰেভিছ হেড ১৮ ৰানত আউট হয় । কিন্তু ঈশান কিষনে মাত্ৰ ৩০টা বলত অৰ্ধ শতক অৰ্জন কৰে ।

অৰ্ধ শতকৰ পাছত ঈশানে আগ্ৰাসী বেটিং কৰি ১১ অভাৰত দলৰ স্ক’ৰ ১০০ৰ ওপৰলৈ লৈ যায় । ১৪ নং অভাৰত হায়দৰাবাদে তৃতীয়টো আঘাতৰ সন্মুখীন হয়, ঈশান কিষান ৯১ ৰানত আউট হয় । ঈশানে নিজৰ ইনিংছত ৪৪টা বলৰ মুখামুখি হয় আৰু ৮টা চাৰি আৰু ৬টা ছয় কোবাই ।

ইয়াৰ পিছতে ২৬টা বলত ৪০ ৰান সংগ্ৰহ কৰি হাইনৰিখ ক্লাচেন পেভিলিয়নমুখী হয় । ইফালে, নীতিশ ৰেড্ডীয়ে ১৩টা বলত ২৮ ৰান সংগ্ৰহ কৰি ছানৰাইজাৰ্ছ হায়দৰাবাদক ৬ উইকেটত ২১৬ ৰান সংগ্ৰহ কৰাত সহায় কৰে ।

লগতে পঢ়ক : টি-২০ বিশ্বকাপ : আইচিচিয়ে বৃদ্ধি কৰিলে প্ৰাইজমানি, কিমান ধন লাভ কৰিব চেম্পিয়ন দলে ?

শনিবাৰে অনুষ্ঠিত হোৱা মেচখনত ৰিয়ান পৰাগৰ অধিনায়কত্বৰ সিদ্ধান্তসমূহ সঠিক আছিল বুলি প্ৰমাণিত হৈছে

যোৱা ছিজনত অধিনায়ক হিচাপে আঠখন মেচৰ ভিতৰত ছখনতে পৰাস্ত হোৱাৰ পিছত, ৰিয়ান পৰাগে চলিত ইণ্ডিয়ান প্ৰিমিয়াৰ লীগত ৰাজস্থান ৰয়েলছৰ পূৰ্ণকালীন অধিনায়ক হিচাপে ধাৰাবাহিক বিজয়ৰে যাত্ৰা আৰম্ভ কৰিছে । শনিবাৰে নিশা আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হোৱা মেচখনত গুজৰাটক পৰাস্ত কৰে ৰাজস্থান ৰয়েলছে । ইয়াৰ পূৰ্বে গুৱাহাটীৰ বৰ্ষাপাৰা ক্ৰিকেট ষ্টেডিয়ামত অনুষ্ঠিত হোৱা এখন মেচত চেন্নাই ছুপাৰ কিংছক পৰাস্ত কৰিছিল ৰিয়ান পৰাগৰ দলটোৱে ।

শনিবাৰে অনুষ্ঠিত হোৱা মেচখনত ৰিয়ান পৰাগৰ অধিনায়কত্বৰ সিদ্ধান্তসমূহ সঠিক আছিল বুলি প্ৰমাণিত হৈছে । যাৰ ফলত ২১১ ৰান ৰক্ষা কৰি ৰাজস্থান ৰয়েলছে ৰোমাঞ্চকৰ অন্তিম অভাৰত গুজৰাট টাইটানছৰ বিৰুদ্ধে মাত্ৰ ছয় ৰানত বিজয় সাব্যস্ত কৰে । ভাৰতীয় দলৰ প্ৰাক্তন প্ৰশিক্ষক তথা বিশিষ্ট ধাৰাভাষ্যকাৰ ৰবি শাস্ত্ৰীয়ে ইয়াৰ পিছতে ৰিয়ান পৰাগৰ ধৈৰ্যৰ উচ্চ প্ৰশংসা কৰে । শাস্ত্ৰীয়ে এক্স-ত লিখিছে, “আইপিএল ইতিহাসৰ অন্যতম শ্ৰেষ্ঠ খেল । ইয়াক সংৰক্ষণ কৰি থৈ দিয়ক! ৰিয়ান পৰাগ, তোমাৰ সাহস অপৰিসীম আৰু নেতৃত্বৰ ভূমিকাত তোমাৰ ভৱিষ্যত অতি উজ্জ্বল । অসাধাৰণ মানসিক দৃঢ়তা । সুন্দৰ খেলিছা !”

পূৰ্বৰ অধিনায়ক সঞ্জু চেমচনে ফ্ৰেঞ্চাইজিটো এৰি যোৱাৰ পিছত, ৰাজস্থান ৰয়েলছ কৰ্তৃপক্ষই দীৰ্ঘম্যাদী অধিনায়ক হিচাপে কেইটামান বিকল্পৰ ভিতৰত পৰাগক বাছনি কৰিছিল । অসমৰ সু-সন্তান গৰাকীয়ে অনুৰাগী তথা সমৰ্থকক হতাশ নকৰিলে আৰু বলিং পৰিবৰ্তনৰ ক্ষেত্ৰত নিখুঁত সিদ্ধান্ত গ্ৰহণ কৰিলে ।

উল্লেখ্য য়ে, ২০০ তকৈ অধিক ৰানৰ লক্ষ্য অনুসৰণ কৰি গুজৰাট টাইটানছে ৰছিদ খান আৰু কাগিছো ৰাবাডাৰ আগ্ৰাসী বেটিঙৰ সহায়ত সুন্দৰকৈ আগবাঢ়িছিল, য’ত তেওঁলোকে প্ৰায় ২০০ ষ্ট্ৰাইক ৰেটত ৰান সংগ্ৰহ কৰিছিল । অন্তিম দুই অভাৰত জয়ৰ বাবে মাত্ৰ ১৫ ৰানৰ প্ৰয়োজন আছিল । নিজৰ প্ৰথম তিনি অভাৰত গড়ে প্ৰায় ১১ ৰান দিয়াৰ পিছতো দ্বিতীয় অন্তিম অভাৰটো কৰিবলৈ জফ্ৰা আৰ্চাৰক দায়িত্ব দিয়া হৈছিল । ইংৰাজ বলাৰজনে মাত্ৰ চাৰিটা চিংগল ৰান দি নিজৰ অধিনায়কৰ বিশ্বাসৰ মৰ্যাদা ৰাখে আৰু গুজৰাট টাইটানছৰ বেটাৰসকলৰ ওপৰত পুনৰ চাপ সৃষ্টি কৰে । ইয়াৰ পিছতে অন্তিম অভাৰত পৰাগে সন্দীপ শৰ্মা আৰু নান্দ্ৰে বাৰ্গাৰৰ দৰে অভিজ্ঞ খেলুৱৈৰ পৰিৱৰ্তে তুষাৰ দেশপাণ্ডেৰ হাতত বল তুলি দি সকলোকে আচৰিত কৰি দিছিল ।

চিএছকেৰ প্ৰাক্তন বলাৰজনে হেঁচা থকা সত্ত্বেও ধাৰাবাহিকভাৱে ইয়ৰ্কাৰ প্ৰদান কৰি অধিনায়ক পৰাগৰ বিশ্বাসৰ প্ৰতিদান দিয়ে । অন্তিম ছটা বলত ১১ ৰানৰ প্ৰয়োজন হোৱা অৱস্থাত ৰছিদ আৰু ৰাবাডাই মাত্ৰ পাঁচ ৰানহে কৰিবলৈ সক্ষম হয় আৰু ৰাজস্থান ৰয়েলছে একেৰাহে দ্বিতীয়টো জয় নিশ্চিত কৰে ।

লগতে পঢ়ক : গুজৰাটক পৰাস্ত কৰাৰ পিছত চৰ্চাত ৰিয়ান পৰাগৰ বিজয় উদযাপন

গুজৰাট টাইটানছক ২১১ ৰানৰ লক্ষ্য দি ৰয়েলছে ৰিয়ান পৰাগৰ পৰিপক্ক অধিনায়কত্বৰ বাবে মেচখনত ৰোমাঞ্চকৰ জয় লাভ কৰে

নতুন পূৰ্ণকালীন অধিনায়কৰ অধীনত ৰাজস্থান ৰয়েলছে ইণ্ডিয়ান প্ৰিমিয়াৰ লীগৰ চলিত ছিজনত ব্যতিক্ৰমীভাৱে আগ্ৰাসী প্ৰদৰ্শন আগবঢ়াইছে । একেৰাহে দুখন খেলত জয়লাভ কৰি পইণ্ট তালিকাত শীৰ্ষস্থান দখল কৰিছে দলটোৱে । গুজৰাট টাইটানছৰ বিৰুদ্ধে অন্তিম কেইটামান অভাৰত অধিনায়ক ৰিয়ান পৰাগৰ বলিঙৰ পৰিৱৰ্তনে খেলখনৰ গতি পৰিৱৰ্তন কৰে । বিজয়ৰ পিছত তেওঁৰ চেলিব্ৰেশ্যনৰ এটা ভিডিঅ’ সম্প্ৰতি ছ’চিয়েল মিডিয়াত ভাইৰেল হৈ আছে । এই উদযাপন আগ্ৰাসী যদিও ইয়াত পৰাগক সন্তুলিত দেখা গৈছে । ইয়াৰ পৰা দেখা যায় যে প্ৰতিভাৱান এই খেলুৱৈগৰাকী পৰিপক্ক হৈ উঠিছে ।

আহমেদাবাদত গুজৰাট টাইটানছক ২১১ ৰানৰ লক্ষ্য দি ৰয়েলছে ৰিয়ান পৰাগৰ পৰিপক্ক অধিনায়কত্বৰ বাবে মেচখনত ৰোমাঞ্চকৰ জয় লাভ কৰে । ৰছিদ খান আৰু কাগিছো ৰাবাদাই মেচখনৰ গতি প্ৰায় সলনি কৰিছিল । দুয়োজনে প্ৰায় ২০০ ষ্ট্ৰাইক ৰেটত বেটিং কৰি গুজৰাট টাইটানছক পুনৰ খেললৈ ঘূৰাই আনিছিল । ১২টা বলত মাত্ৰ ১৫ ৰানৰ প্ৰয়োজন হোৱাত ৰিয়ানৰ কৌশলে মেচখন ৰক্ষা কৰে । ১৯ নম্বৰ অভাৰটো জোফ্ৰা আৰ্চাৰক গতাই দি অন্তিম অভাৰটো দিবলৈ তুষাৰ দেশপাণ্ডেৰ ওপৰত বিশ্বাস প্ৰদৰ্শন কৰে তেওঁ ।

আৰ্চাৰৰ অভাৰত মাত্ৰ চাৰি ৰানহে লাভ কৰিছিল গুজৰাটে । কিয়নো তেওঁ নিজৰ গতি আৰু সঠিক দৈৰ্ঘ ব্যৱহাৰ কৰি দুয়োজন বেটছমেনক শলঠেকত পেলায় । এই অভাৰত ৰছিদ আৰু ৰাবাদাই কেৱল ছিংগলহে ল’বলৈ সক্ষম হয় । ফাইনেল অভাৰত ১১ ৰান ৰক্ষা কৰিবলৈ হেঁচাত পৰা দেশপাণ্ডেয়ে চমৎকাৰ বলিং কৰে । তেওঁ একেৰাহে ইয়ৰ্কাৰ বলিং কৰিছিল । এই অভাৰত তেওঁ মাত্ৰ পাঁচ ৰানহে খৰছ কৰে লগতে ৰছিদকো আউট কৰে । মেচখন হাতৰ পৰা ওলাই যোৱা যেন লাগিছিল যদিও অৱশেষত ৰয়েলছে ছয় ৰানৰ জয় নিশ্চিত কৰে ।

এই ৰোমাঞ্চকৰ মেচত ৰাজস্থান ৰয়েলছে গুজৰাট টাইটানছক পৰাস্ত কৰাৰ পিছত অধিনায়ক ৰিয়ান পৰাগৰ উদযাপনৰ দৃশ্য আছিল ব্যতিক্ৰম । তেওঁ আগ্ৰাসীভাৱে বিজয় উদযাপন কৰিছিল যদিও সেয়া সীমাৰ ভিতৰত আছিল । ৰছিদ খানৰ উইকেটৰ পতনৰ লগে লগে তেওঁ টুপী খুলি ওপৰলৈ দলিয়াই । এই সময়ত তেওঁ এটাও শব্দ উচ্চাৰণ কৰা নাছিল আৰু টুপীটো মাটিতো পেলোৱা নাছিল । তেওঁৰ উৎসাহ প্ৰচুৰ আছিল যদিও তেওঁ স্থিৰতাও প্ৰদৰ্শন কৰিছিল । লগতে জয়ৰ পাছত শেষ অভাৰত বলিং কৰা তুষাৰক ৰিয়ান পৰাগে সাৱটি ধৰাও পৰিলক্ষিত হয় ।

লগতে পঢ়ক : আই পি এলত নিষিদ্ধ হ’ব নেকি শ্ৰেয়াছ আয়াৰ; বিচিচিআইৰ ডাঙৰ এক্সচন