ভাৰত-দক্ষিণ আফ্ৰিকাৰ মাজত বিশাখাপট্টনমত আজি অনুষ্ঠিত হোৱা অন্তিমখন মেচত ভাৰতীয় দলে ভংগ কৰিবলৈ সক্ষম হয় দীৰ্ঘদিন ধৰি অব্যাহত থকা এক অভিলেখ ।

ভাৰত আৰু দক্ষিণ আফ্ৰিকাৰ মাজত আজি বিশাখাপট্টনমত অনুষ্ঠিত হৈছে শৃংখলাৰ অন্তিম তথা নিৰ্ণায়ক মেচ । এই মেচতে আজি ভংগ হ’ল ভাৰতৰ নামত থকা এক অনাকাংক্ষিত অভিলেখ । এই অভিলেখ ভংগ হোৱাৰ পিছতেই ভাৰতীয় দলৰ অধিনায়ক কে এল ৰাহুলৰ লগতে দলটোৰ সকলো সদস্যকে আনন্দিত হৈ পৰা দেখা যায় । কিয়নো বিগত ২০খন এদিনীয়াৰ পাছত আজিৰ বিশাখাপট্টনম মেচত ভাৰতে প্ৰথম টছ জয় কৰে ।

আজিৰ মেচত টছত জয়লাভ কৰাৰ পাছত অধিনায়ক কে এল ৰাহুলে দক্ষিণ আফ্ৰিকাৰ বিৰুদ্ধে প্ৰথমে বলিং কৰাৰ সিদ্ধান্ত লয় । উল্লেখ্য যে, ২০২৩ চনৰ পুৰুষৰ এদিনীয়া বিশ্বকাপৰ ছেমি ফাইনেলৰ পিছত (নিউজীলেণ্ডৰ বিৰুদ্ধে) ভাৰতে অত্মিবাৰ এদিনীয়াত টছত জয়লাভ কৰিছিল ।

টছত কে এল ৰাহুলে টছ কৰিছিল । টেম্বা বাভুমাই “হেড” বুলি কৈছিল, কিন্তু ই “টেইল” পৰে । লগে লগে অৱশেষত ২০টা চেষ্টাৰ অন্তত ভাৰতে টছত জয়লাভ কৰে উল্লেখ্য যে ৰাঁচীত তিনিখন মেচৰ এদিনীয়া শৃংখলাত ভাৰতে জয়লাভ কৰাৰ বিপৰীতে ৰায়পুৰত দক্ষিণ আফ্ৰিকাই জয়লাভ কৰিছিল ।

তাৎপৰ্যপূৰ্ণভাৱে কে এল ৰাহুলে বাওঁহাতেৰে টছ টছ কৰাৰ ফলত ভাৰতে টছত জয়লাভ কৰে । ইয়াৰ ফলত টছত পৰাস্ত হোৱাৰ দীঘলীয়া ধাৰাবাহিকতাৰ অন্ত পৰে । ৰোহিতৰ পিছত অধিনায়ক শুভমন গিলো টছত জয়ী হ’ব পৰা নাছিল যদিও অন্তৱৰ্তীকালীন অধিনায়ক কে এল ৰাহুলে এই পৰাজয়ৰ ধাৰাৰ অন্ত পেলাই । টছত জয়লাভ কৰাৰ পিছত ৰাহুলে বলিং প্ৰশিক্ষক মৰ্নে মৰ্কেলৰ সৈতে নিজৰ টছ ট্ৰিক সম্পৰ্কে আলোচনা কৰা দেখা যায় ।

বাহিৰ ৱাশ্বিংটন, তিলক বাৰ্মা অন্তৰ্ভূক্ত-

ভাৰতীয় দলে বিশাখাপট্টনম মেচৰ বাবে দলত এটা পৰিৱৰ্তন কৰে । ৱাশ্বিংটন সুন্দৰৰ ঠাইত অল-ৰাউণ্ডাৰ তিলক বাৰ্মাক দলত অন্তৰ্ভূক্ত কৰা হয় । বাকী দলটো ৰায়পুৰৰ দৰেই থাকে । ইফালে দক্ষিণ আফ্ৰিকাই দুটা পৰিৱৰ্তন কৰে । আঘাতৰ বাবে খেলখনৰ বাবে নান্দ্ৰে বাৰ্গাৰ আৰু টনি ডি জোৰ্জি দলৰ পৰা বাহিৰ হয় । তেওঁলোকৰ ঠাইত ফাষ্ট বলাৰ অটনিয়েল বাৰ্টমেন আৰু বেটছমেন ৰিয়ান ৰিকেলটনে স্থান লাভ কৰে ।

বিশাখাপট্টনম এদিনীয়াৰ বাবে ভাৰতৰ মূল একাদশ :

ৰোহিত শৰ্মা, যশস্বী জয়ছোৱাল, বিৰাট কোহলী, ৰুতুৰাজ গাইকোৱাদ, তিলক বাৰ্মা, কে এল ৰাহুল (উইকেটকীপাৰ/অধিনায়ক), ৰবীন্দ্ৰ জাডেজা, হৰ্ষিত ৰানা, কুলদীপ যাদৱ, অৰ্শদীপ সিং আৰু প্ৰসিদ্ধ কৃষ্ণ ।

লগতে পঢ়ক : ঘোষণা কৰা হ’ল ফিফা বিশ্বকাপ ২০২৬ৰ গ্ৰুপ; কোন দল কেতিয়া আৰু কাৰ মুখামুখি হ’ব ?

ৰায়পুৰ এদিনীয়াত ৪ উইকেটত জয়লাভ কৰি শৃংখলাত সমতা স্থাপন কৰিছে দক্ষিণ আফ্ৰিকাই । ভাৰতৰ নিয়ন্ত্ৰহীণ বলিং আৰু দুৰ্বল ফিল্ডিঙৰ বাবে মেচখন হেৰুৱাব লগা হয় ।

বুধবাৰে ৰায়পুৰত অনুষ্ঠিত হোৱা দ্বিতীয়খন এদিনীয়াত দক্ষিণ আফ্ৰিকাই ভাৰতক ৪ উইকেটত পৰাস্ত কৰি তিনিখন মেচৰ শৃংখলাত ১-১ ব্যৱধানত সমতা স্থাপন কৰে । ৰায়পুৰত অনুষ্ঠিত হোৱা মেচখনত ভাৰতে টছত পৰাস্ত হৈ প্ৰথমে বেটিং কৰি ৩৫৮ ৰান সংগ্ৰহ কৰে । বিৰাট কোহলী আৰু ৰুতুৰাজ গাইকোৱাডৰ দুৰ্দান্ত শতকৰ সহায়ত ভাৰতে এই বিশাল স্ক’ৰ সংগ্ৰহ কৰিবলৈ সক্ষম হয় । ইয়াৰ প্ৰত্যুত্তৰত চাৰিটা উইকেট বাকী থকা অৱস্থাত অন্তিম অভাৰলৈ নামি অহা মেচখনত দক্ষিণ আফ্ৰিকাই জয়লাভ কৰে ।

এই মেচত ৰুতুৰাজ গাইকোৱাডে নিজৰ এদিনীয়া কেৰিয়াৰৰ প্ৰথমটো শতক অৰ্জন কৰে । ৰুতুৰাজে ৮৩ টা বলৰ সন্মুখীন হৈ ২ টা ছয় আৰু ১২ টা চাৰিৰ সহায়ত ১০৫ ৰান সংগ্ৰহ কৰে । ইফালে এই মেচতে এদিনীয়া কেৰিয়াৰৰ ৫৩ সংখ্যক শতক অৰ্জন কৰে তাৰকা বেটছমেন বিৰাট কোহলীয়ে । ৰাঁচী এদিনীয়াটো শতক অৰ্জন কৰা কোহলীয়ে দ্বিতীয়খন এদিনীয়াটো একেৰাহে শতক অৰ্জন কৰি অভিলেখ সৃষ্টি কৰে । কোহলীয়ে ৯৩ টা বলৰ সন্মুখীন হৈ ২ টা ছয় আৰু ৭ টা চাৰিৰ সহায়ত ১০২ ৰান সংগ্ৰহ কৰে ।

উল্লেখ্য যে, ভাৰতৰ মাটিত বিদেশী দলে অনুসৰণ কৰা এয়া সৰ্বাধিক এদিনীয়া স্ক’ৰ । ইয়াৰ পূৰ্বে অষ্ট্ৰেলিয়াই ভাৰতত ৩৫৯ ৰানৰ অভিলেখ গঢ়িছিল । ২০১৯ চনত ভাৰতৰ বিৰুদ্ধে এই কৃতিত্ব অৰ্জন কৰিছিল দলটোৱে । এতিয়া দক্ষিণ আফ্ৰিকাইও ৩৫৯ ৰান সফলতাৰে অনুসৰণ কৰি অষ্ট্ৰেলিয়াৰ অভিলেখ স্পৰ্শ কৰিছে ।

এই মেচত ভাৰতৰ পৰাজয়ৰ ক্ষেত্ৰত নিয়ন্ত্ৰণহীন বলিং আৰু দুৰ্বল ফিল্ডিঙে অৰিহণা যোগাইছিল । ভাৰতীয় খেলুৱৈয়ে কেচ ড্ৰপ কৰাৰ বিপৰীতে ৱাশ্বিংটন সুন্দৰ আৰু ৰবীন্দ্ৰ জাডেজাই অসংখ্য মিছফিল্ড কৰে । টিম ইণ্ডিয়াৰ বেটিং ত্ৰুটিও উন্মোচিত হয় । ভাৰতীয় দলে সহজেই ৩৮০-৩৯০ স্ক’ৰত উপনীত হ’ব পাৰিলেহেঁতেন যদিও শেষৰ ১০ অভাৰত ভাৰতীয় বেটছমেনসকলে মাত্ৰ ৭৪ ৰানহে কৰিবলৈ সক্ষম হয় ।

লগতে পঢ়ক : সূৰ্য ব্ৰিগেডৰ পৰা বাহিৰ হ’ল ৰিংকু সিং, নীতিশ; দক্ষিণ আফ্ৰিকা টি-২০ ছিৰিজৰ বাবে দল ঘোষণা