আই পি এল ২০২৬ত বৈভৱ সূৰ্য্যবংশীৰ বেটে ধুমুহাৰ সৃষ্টি কৰিছে। শেহতীয়াকৈ তেওঁ ৩৬টা বলত শতক অৰ্জন কৰিছিল। ধুমুহাময় প্ৰদৰ্শনৰ মাজতে বৈভৱ সূৰ্য্যবংশীৰ এটা ভিডিঅ’ ভাইৰেল হৈছে।

ৰাজস্থান ৰয়েলছৰ অ’পেনাৰ বৈভৱ সূৰ্য্যবংশীৰ বেটে আই পি এল ২০২৬ত গৰ্জন কৰি আছে।সামাজিক মাধ্যমত তেওঁৰ বিস্ফোৰক বেটিংৰ ভিডিঅ’ই খলকনি তুলিছে।  অৱশ্যে এই সকলোবোৰৰ মাজতে বৈভৱৰ এটা ভিডিঅ’ ভাইৰেল হৈ পৰিছে, ভিডিঅ’টোত বৈভৱ সূৰ্য্যবংশীক বিমানবন্দৰত দুজন শিশু অনুৰাগীৰ সৈতে ধেমালি কৰা দেখা গৈছে।খেলুৱৈ গৰাকীয়ে শিশুদুটিক এখন ফটোৰ বাবে ১০০ টকা লাগিব বুলি কৈছে।ৰাজস্থান ৰয়েলছে এই ভিডিঅ’টো তেওঁলোকৰ ছ’চিয়েল মিডিয়া প্লেটফৰ্মত শ্বেয়াৰ কৰিছে।

ভিডিঅ’টোত দেখিবলৈ পোৱা গৈছে যে, বৈভৱ সূৰ্য্যবংশীৰ সৈতে এখন ফটো উঠিবৰ বাবে দুটা শিশুৱে তেওঁৰ কাষ চাপি আহিছে।শিশু দুটাই বৈভৱক এখন ফটোৰ বাবে অনুৰোধ কৰিছে। কিন্তু বৈভৱে কয় যে, ভাই মই বিনামূলীয়াকৈ ফটো উঠিব নোৱাৰিম। মোক পইচা লাগিব। মই সঁচাকৈ কৈছো, এখন ফটোৰ বাবদ মোক ১০০ টকাকৈ দিব লাগিব। ইয়াৰ পিছত শিশু অনুৰাগী দুজনে ২০০ টকা লৈ উভতি আহে আৰু ফটো বৈভৱক পইচাটো দি ফঠো তুলিবলৈ কয়।লগে লগে কৌতুকটোৰ অন্ত পেলাই বৈভৱে প্ৰকাশ কৰে যে সেইটো এটা প্ৰেংক আছিল।ইয়াৰ পিছত তেওঁলোকৰ সৈতে কিছু ফটোৰ বাবে পোজ দিয়ে খেলুৱৈ গৰাকীয়ে। বৈভৱ সূৰ্য্যবংশীৰ এই ধেমেলিয়া ভিডিঅ’টো এতিয়া সামাজিক মাধ্যমত ভাইৰেল হৈ পৰিছে।

লগতে পঢ়ক: “তেওঁ মোৰ নতুন প্ৰিয় খেলুৱৈ”; বৈভৱ সূৰ্য্যবংশীৰ প্ৰশংসাত পঞ্চমুখ পেট কামিন্স

আই পি এলত সৰ্বাধিক শতক অৰ্জন কৰা খেলুৱৈৰ তালিকাত যৌথভাৱে চতুৰ্থ স্থান দখল কৰিছে সঞ্জু চেমছনে।

আই পি এল ২০২৬ত চেন্নাই ছুপাৰ কিংছ (চি এছ কে)ৰ অ’পেনাৰ সঞ্জু চেমছনে মুম্বাই ইণ্ডিয়ানছ (এম আই)ৰ বিৰুদ্ধে ৫৪ বলত ১০১ ৰানৰ অপৰাজিত ইনিংছ খেলিছিল, য’ত ৬টা ছয় আৰু ১০টা চাৰি কোবাই।২০২৬ চনৰ আই পি এলত এইটো আছিল তেওঁৰ দ্বিতীয় শতক, যাৰ ফলত সঞ্জুৱে টি-২০ ফৰ্মেটত সৰ্বাধিক শতক অৰ্জন কৰা খেলুৱৈৰ তালিকাত দ্বিতীয় স্থান লাভ কৰিছে।

৫৪টা বলত ধুমুহাময় অপৰাজিত শতকৰ বাবে তেওঁ এক উল্লেখযোগ্য কৃতিত্ব অৰ্জন কৰিছে  যিটো এতিয়ালৈকে আই পি এলৰ ইতিহাসত কেতিয়াও হোৱা নাছিল। হয়, আই পি এলৰ ইতিহাসত মুম্বাই ইণ্ডিয়ানছৰ বিৰুদ্ধে শতক অৰ্জন কৰা চেন্নাই ছুপাৰ কিংছৰ প্ৰথমজন বেটছমেন সঞ্জু চেমছন।

আই পি এল কেৰিয়াৰত সঞ্জু চেমছনে পঞ্চম শতক অৰ্জন কৰাৰ বিপৰীতে সোঁহাতৰ বেটছমেনগৰাকীয়ে টি-২০ আন্তঃৰাষ্ট্ৰীয় ক্ৰিকেটত তিনিটা শতক অৰ্জন কৰিছে। মুঠ ৮ টা শতক অৰ্জন কৰি সঞ্জুৱে এতিয়া ৰোহিত শৰ্মাৰ স্থান পাইছে।দুয়োগৰাকী খেলুৱৈয়ে টি-২০ ক্ৰিকেটত ৮টাকৈ শতক অৰ্জন কৰিছে।এই তালিকাত বিৰাট কোহলী আৰু অভিষেক শৰ্মাই যৌথভাৱে ‘১ নম্বৰ’ স্থান দখল কৰিছে।এই খেলুৱৈসকলে টি-২০ ক্ৰিকেটত ৯টাকৈ শতক।

আই পি এলত সৰ্বাধিক শতক অৰ্জন কৰা খেলুৱৈৰ তালিকাত যৌথভাৱে চতুৰ্থ স্থান দখল কৰিছে সঞ্জু চেমছনে।তেওঁৰ উপৰিও কে এল ৰাহুলে আই পি এলত ৫টা শতক অৰ্জন কৰিছে। এই তালিকাৰ শীৰ্ষস্থানত বিৰাট কোহলি আছে।

বৃহস্পতিবাৰে ৱানখেড়ে ষ্টেডিয়ামত টছত পৰাস্ত হৈ বেটিং কৰিবলৈ লোৱাৰ পিছত চেন্নাই ছুপাৰ কিংছে ২০ অভাৰত ৬টা উইকেট হেৰুৱাই ২০৭ ৰান সংগ্ৰহ কৰে। সঞ্জু চেমছনে অধিনায়ক ৰুতুৰাজ গাইকৱাদৰ সৈতে প্ৰথম উইকেটৰ বাবে ৩২ ৰানৰ অংশীদাৰিত্ব ভাগ কৰে।

লগতে পঢ়ক: আই পি এলত ৰবীন্দ্ৰ জাদেজাৰ আলোড়ন; ভংগ কৰিব নেকি এম এছ ধোনীৰ অভিলেখ

বৰুণ চক্ৰৱৰ্তী এতিয়া টি-২০ ক্ৰিকেটত ২০০ উইকেট দখল কৰা সৰ্বাধিক দ্ৰুত ভাৰতীয় স্পিনাৰ হিচাপে পৰিগণিত হৈছে।

বৰুণ চক্ৰৱৰ্তীয়ে শক্তিশালী কামবেক কৰি দেওবাৰে কলকাতা নাইট ৰাইডাৰ্ছৰ বাবে এক ভয়ংকৰ স্পেল দিয়ে আৰু তেওঁলোকে ৰাজস্থান ৰয়েলছক ১৫৫/৯ স্ক’ৰত সীমাবদ্ধ কৰি ৰাখে।কলকাতাৰ ইডেন গাৰ্ডেনত খেলা মেচখনত তেওঁ ইতিহাসৰ সৃষ্টি কৰে। বৰুণ চক্ৰৱৰ্তী এতিয়া টি-২০ ক্ৰিকেটত ২০০ উইকেট দখল কৰা সৰ্বাধিক দ্ৰুত ভাৰতীয় স্পিনাৰ হিচাপে পৰিগণিত হৈছে।মাত্ৰ ১৫৫ ইনিংছত তেওঁ এই মাইলৰ খুঁটি অৰ্জন কৰে,ইয়াৰ লগে লগে তেওঁ কুলদীপ যাদৱৰ অভিলেখ (১৬০ ইনিংছ) ভংগ কৰে।

বৈভৱ সূৰ্যবংশীক আউট কৰি ২০০ সংখ্যক উইকেট দখল কৰে চক্ৰৱৰ্তীয়ে। টছত জয়ী হোৱাৰ পিছত প্ৰথমে বেটিং কৰি ৰাজস্থানে তীব্ৰ আৰম্ভণি কৰে।কিন্তু যি মুহূৰ্তত বৈভৱ সূৰ্যবংশীৰ উইকেট পৰিল,কে কে আৰৰ বলাৰসকলে নিজৰ গ্ৰিপ কটকটীয়া কৰি সমগ্ৰ দলটোক মাত্ৰ ১৫৫ ৰানত সীমাবদ্ধ কৰি ৰাখে।

বৰুণে এক উজ্জ্বল বলিং প্ৰদৰ্শন আগবঢ়ায়।তেওঁৰ বাবে এই স্পেল বিশেষ আছিল কাৰণ যথেষ্ট দিনৰ পৰা বৰুণক ফৰ্মত থকা যেন দেখা পোৱা নাছিল।

লগতে পঢ়ক: ৰিংকু সিঙৰ ধুমুহাই কেকেআৰক দিলে প্ৰথম জয়ৰ সোৱাদ; ৪ উইকেটত পৰাস্ত ৰাজস্থান