শনিবাৰে চেন্নাই ছুপাৰ কিংছৰ হাতত ২৩ ৰানত দিল্লী কেপিটেলছ পৰাস্ত হয় ।খেলখনৰ অন্তত নীতিশ ৰাণাক জৰিমনা বিহা হয়।

চেন্নাই ছুপাৰ কিংছ বনাম দিল্লী কেপিটেলছৰ খেলখনৰ পিছত নীতিশ ৰাণা বিপদত পৰিছে। এই মেচখনত নীতিশ ৰাণা দিল্লীৰ প্লেইং একাদশত অন্তৰ্ভুক্তও নাছিল আৰু  ইমপেক্ট প্লেয়াৰ হিচাপেও খেলা নাছিল।কিন্তু তাৰ পিছটো বিচিচিআই এ নীতিশ ৰাণাক মেচ মাচুলৰ ২৫ শতাংশ জৰিমনা বিহিছে।

আই পি এলৰ আচৰণ বিধি লেভেল ১ ভংগ কৰাৰ বাবেও তেওঁক এটা ডিমেৰিট পইণ্ট দিয়া হৈছিল। দৰাচলতে ট্ৰিষ্টান ষ্টাবছ আউট হোৱাৰ পিছত নীতিশ ৰাণাক বাউণ্ডেৰীত আম্পায়াৰৰ সৈতে তৰ্ক কৰা দেখা গৈছিল।তেওঁ খঙত আছিল আৰু অশ্লীল শব্দ ব্যৱহাৰ কৰিছিল।

আই পি এলৰ এক বিবৃতিত কোৱা হৈছে যে, দিল্লী কেপিটেলছৰ বেটছমেন নীতিশ ৰাণাক মেচ মাচুলৰ ২৫% জৰিমনা বিহা হৈছে আৰু লগতে আই পি এলৰ খেলুৱৈৰ বাবে থকা আচৰণ বিধিৰ লেভেল ১ উলংঘা কৰাৰ বাবে এটা ডিমেৰিট পইণ্টো জাৰি কৰা হৈছে।

ৰাণাই আই পি এলৰ আচৰণ বিধিৰ ২.৩ অনুচ্ছেদ উলংঘা কৰা বুলি ধৰিছে, যিটো মেচৰ সময়ত চিঞৰি চিঞৰি অশ্লিল শব্দ ব্যৱহাৰৰ সৈতে জড়িত।এই ঘটনাটো ১৯ নং অভাৰত সংঘটিত হয়, যেতিয়া ৰাণা ফৰ্থ আম্পায়াৰৰ সৈতে বহু সময় ধৰি কাজিয়াত লিপ্ত হয়।

অৱশ্যে আই পি এলৰ এক বিবৃতিত উল্লেখ কৰা হৈছে যে নীতিশ ৰাণাই নিজৰ ভুল স্বীকাৰ কৰি আৰোপ কৰা শাস্তি মানি লৈছে।

লগতে পঢ়ক: সঞ্জু চেমছনৰ শতকেৰে চেন্নাইয়ে খুলিলে জয়ৰ একাউন্ট, ২৩ ৰানত পৰাস্ত দিল্লী কেপিটেলছ

১৫ বছৰীয়া বৈভৱ সূৰ্যবংশীয়ে ৭৮ ৰান সংগ্ৰহ কৰি ৰাজস্থান ৰয়েলছক সহজ জয় লাভ কৰাৰ দিশত আগুৱাই লৈ যায়।জশপ্ৰীত বুমৰাহৰ কথা উল্লেখ কৰি বৈভৱ সূৰ্যবংশীয়ে কয় তেওঁ কেৱল বলৰ ওপৰত হে গুৰুত্ব দিয়ে।

১৫ বছৰীয়া বৈভৱ সূৰ্যবংশীয়ে পুনৰবাৰ প্ৰমাণ কৰিলে যে বয়স মাথোঁ এটা সংখ্যা। ৰাজস্থান ৰয়েলছ (আৰ আৰ)ৰ এই যুৱ বেটছমেন গৰাকীয়ে ৰয়েল চেলেঞ্জাৰছ বেংগালুৰুৰ বিৰুদ্ধে দুৰ্দান্ত বেটিং প্ৰদৰ্শন আগবঢ়াই মাত্ৰ ২৬টা বলত ৭৮ ৰান সংগ্ৰহ কৰে আৰু দলটোৱে দুটা অভাৰ বাকী থকা অৱস্থাতেই ২০১ ৰানৰ লক্ষ্য পূৰণ কৰিবলৈ সক্ষম হয়।

মেচৰ পিছত নিজৰ সফলতাৰ আঁৰৰ ৰহস্য উদঙাই দি সূৰ্যবংশীয়ে স্পষ্টকৈ উল্লেখ কৰে যে- তেওঁ বলাৰৰ নামটোত প্ৰভাৱিত নহয়। তেওঁৰ মনোযোগ কেৱল বলৰ ওপৰতহে থাকে।তেওঁ কয় যে, মগজুত এইটো চলি থাকে যে সন্মুখত জশপ্ৰীত বুমৰাহ বা জোছ হেজলবুডৰ দৰে বলাৰ আছে, কিন্তু খেলি থাকোঁতে তেওঁ কেৱল বলৰ ওপৰত গুৰুত্ব দিয়ে।

শুকুৰবাৰৰ খেলখনত বৈভৱ সূৰ্যবংশীয়ে বিশেষকৈ হেজলবুডক লক্ষ্য কৰি একেৰাহে চাৰিটা বলত তিনিটা চাৰি আৰু এটা ছয় কোবাই মেচখনৰ গতি সলনি কৰি দিয়ে। তেওঁৰ এই ইনিংছে আৰচিবিৰ বলাৰসকলক সম্পূৰ্ণৰূপে বিধ্বস্ত কৰে।  

লগতে পঢ়ক: বৰ্ষাপাৰাত সূৰ্যবংশীৰ ধুমুহা; ৰাজস্থান ৰয়েলছৰ হাতত ধৰাশায়ী বেংগালুৰু

দ্ৰুত বলাৰ মহম্মদ শ্বামী, তেওঁৰ অভিজ্ঞতা, ফিটনেছ, আৰু স্মাৰ্ট বলিঙৰ সৈতে পুনৰবাৰ প্ৰমাণ কৰিলে যে তেওঁৰ মাজত এতিয়াও যথেষ্ট ক্ৰিকেট বাকী আছে।

ছানৰাইজাৰ্ছ হায়দৰাবাদ (এছ আৰ এইচ)ৰ বিৰুদ্ধে ইণ্ডিয়ান প্ৰিমিয়াৰ লীগ ২০২৬ৰ খেলখনত লক্ষ্ণৌ ছুপাৰ জায়েন্টছৰ ফাষ্ট বলাৰ মহম্মদ শ্বামীয়ে এক দুৰ্দান্ত প্ৰদৰ্শন আগবঢ়োৱাৰ লগতে দলটোৰ জয়ৰ ভেটিও স্থাপন কৰিলে। দেওবাৰে (৫ এপ্ৰিল) হায়দৰাবাদৰ ৰাজীৱ গান্ধী আন্তঃৰাষ্ট্ৰীয় ষ্টেডিয়ামত খেলা এই খেলখনত শ্বামীয়ে টাইট বলিং স্পেল দি ২ উইকেট দখল কৰাৰ বিপৰীতে মাত্ৰ ৯ ৰানহে দিয়ে।

মহম্মদ শ্বামীয়ে নিজৰ স্পেলত মুঠ ১৮টা ডট বল কৰে, যিটো মেচখনৰ টাৰ্নিং পইণ্ট হিচাপে প্ৰমাণিত হয়।লক্ষ্ণৌ ছুপাৰ জায়েন্টছে এই খেলখনত ৫ উইকেটত জয়লাভ কৰে। মেচৰ পিছত নিজৰ প্ৰদৰ্শনৰ ওপৰত মন্তব্য কৰি মহম্মদ ছামীয়ে কয় যে “মই কোনো মেচিন নহয় আৰু খেলত মোৰ উত্থান-পতন হোৱাটো নিশ্চিত।যোৱা কেইবছৰমানৰ পৰা মই ভাল প্ৰদৰ্শন কৰিছো, যদি মানুহে লক্ষ্য কৰা নাই, তেন্তে সেয়া বেলেগ কথা।কিন্তু মই সদায় ভাল কৰিবলৈ চেষ্টা কৰো।”

মন কৰিবলগীয়া যে পূৰ্বৰ আই পি এল ছিজনটো মহম্মদ শ্বামীৰ বাবে যথেষ্ট প্ৰত্যাহ্বানজনক আছিল।অৱশ্যে এইবাৰ তেওঁ শক্তিশালী কামবেক কৰি নিজৰ যোগ্যতা প্ৰমাণ কৰিছে।মহম্মদ শ্বামীয়ে কয় যে,” যদি আপুনি খেলিব বিচাৰে তেন্তে খেলৰ সৈতে যোগাযোগত থকাটো অতি প্ৰয়োজনীয়।ফিট হৈ থাকিলেহে নিজৰ দক্ষতাৰ ওপৰত কাম কৰিব পাৰিব।”সেইবাবেই মই ঘৰুৱা ক্ৰিকেট খেলিছিলো।”

লগতে পঢ়ক: লক্ষ্ণৌ ছুপাৰ জায়েন্টছে খুলিলে জয়ৰ খাটা; ৫ উইকেটত পৰাস্ত ছানৰাইজাৰ্ছ হায়দৰাবাদ

ফিটনেছ টেষ্টত ব্যৰ্থ হোৱাৰ পিছত শ্ৰীলংকা ক্ৰিকেট ব’ৰ্ডে নুৱান থুছাৰাক এন অ’ চি প্ৰদান কৰা নাছিল। আৰচিবি দলৰ অংশ নুৱান থুছাৰে এতিয়া আদালতৰ কাষ চাপিছে।

ইণ্ডিয়ান প্ৰিমিয়াৰ লীগ (আই পি এল ২০২৬)ৰ ১৯ সংখ্যক সংস্কৰণৰ আৰম্ভণি হৈছে, য’ত ১০ টা দলৰ আটাইকেইটা দলে প্ৰথমখন খেল খেলিছে।ডিফেণ্ডিং চেম্পিয়ন ৰয়েল চেলেঞ্জাৰছ বেংগালুৰুৱে প্ৰথমখন মেচত ছানৰাইজাৰ্ছ হায়দৰাবাদক পৰাস্ত কৰি অভিযানৰ দুৰ্দান্ত আৰম্ভণি কৰিছে।কিন্তু দলটোৰ অংশ হিচাপে থকা শ্ৰীলংকাৰ খেলুৱৈ নুৱান থুছাৰাই এন অ’ চি লাভ নকৰাৰ বাবে আৰ চি বিত যোগদান কৰিবলৈ সক্ষম হোৱা নাই।এতিয়া এই বিষয়ত তেওঁ আদালতৰ হস্তক্ষেপ বিচাৰিছে।

ফিটনেছ টেষ্টত ব্যৰ্থ হোৱাৰ বাবে শ্ৰীলংকা ক্ৰিকেট ব’ৰ্ডে নুৱান থুছাৰাক এন অ’ চি প্ৰদান কৰা নাই।৩১ বছৰীয়া নুৱানক ৰয়েল চেলেঞ্জাৰছ বাংগালুৰুৱে ক্ৰয় কৰিছিল। নুৱানে কলম্বো জিলা আদালতত গোচৰ তৰিছে আৰু ব’ৰ্ডক এন অ’ চি জাৰি কৰিবলৈ নিৰ্দেশ দিবলৈ দাবী কৰিছে।৯ এপ্ৰিলত এই গোচৰৰ পৰৱৰ্তী শুনানি হ’ব।

শ্ৰীলংকাৰ স্থানীয় সংবাদ মাধ্যমত প্ৰকাশিত বাতৰি অনুসৰি নুৱানে যুক্তি দিছে যে শ্ৰীলংকা ক্ৰিকেট ব’ৰ্ডৰ সৈতে তেওঁৰ চুক্তিৰ ম্যাদ ৩১ মাৰ্চত শেষ হৈছিল।এই চুক্তি বৃদ্ধি হোৱাটো তেওঁ নিবিচাৰে।তেওঁ দাবী কৰিছে যে তেওঁ ব’ৰ্ডক জনাইছিল যে তেওঁ আন্তঃৰাষ্ট্ৰীয় ক্ৰিকেট কেৰিয়াৰ শেষ কৰিব বিচাৰে।তেওঁৰ মতে, এই পৰিস্থিতিত  এছ এল চিৰ এন অ চি নিদিয়াৰ সিদ্ধান্ত আদালতে বাতিল কৰিব লাগে।মন কৰিবলগীয়া যে শ্ৰীলংকা ব’ৰ্ডে ৰাষ্ট্ৰীয় দললৈ নিৰ্বাচনৰ বাবে ফিটনেছ টেষ্টত উত্তীৰ্ণ হোৱাটো বাধ্যতামূলক কৰিছে।

লগতে পঢ়ক: পঞ্জাব কিংছৰ অধিনায়ক শ্ৰেয়াছ আয়াৰৰ বিৰুদ্ধে ব্যৱস্থা গ্ৰহণ; ভৰিব লাগিব জৰিমনা