ৰজত পাটিদাৰৰ অধিনায়কত্বত ৰয়েল চেলেঞ্জাৰছ বেংগালুৰু (আৰ চি বি) এ গুজৰাট টাইটানছক পৰাস্ত কৰি একেৰাহে দ্বিতীয় বছৰৰ বাবে আই পি এলৰ ফাইনেলত স্থান নিশ্চিত কৰিছে।

ৰজত পাটিদাৰে ৰয়েল চেলেঞ্জাৰ্ছ বেংগালুৰু (আৰচিবি)ক একেৰাহে দ্বিতীয়বাৰৰ বাবে ফাইনেলত প্ৰৱেশ কৰোৱাই ইতিহাস ৰচনা কৰিছে। মঙলবাৰে (২৬ মে’) ধৰ্মশালাৰ হিমাচল প্ৰদেশ ক্ৰিকেট এছ’চিয়েশ্যন ষ্টেডিয়ামত অনুষ্ঠিত আইপিএল ২০২৬ৰ প্ৰথমটো কোৱালিফায়াৰ মেচত আৰচিবিয়ে গুজৰাট টাইটান্সক ৯২ ৰানৰ এক বৃহৎ ব্যৱধানত পৰাস্ত কৰে। এই বিজয়ৰ সৈতে বেংগালুৰুৱে এতিয়া অহা দেওবাৰে (৩১ মে’) আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হ’বলগীয়া খিতাপ যুঁজত অৱতীৰ্ণ হ’ব।

বেংগালুৰু দলটোৰ বাবে ইতিহাসত এয়া পঞ্চমটো ফাইনেল হ’ব। ইয়াৰ পূৰ্বে ‘মেন ইন ৰেড এণ্ড গ’ল্ড’ বাহিনীয়ে ২০০৯, ২০১১, ২০১৬ আৰু ২০২৫ চনত ফাইনেল খেলিছিল। প্ৰথম তিনিখন ফাইনেলত পৰাজিত হোৱাৰ পিছত, যোৱা বছৰ পঞ্জাৱ কিংছক (PBKS) হৰুৱাই বেংগালুৰুৱে প্ৰথমটো খিতাপ দখল কৰিছিল। এতিয়া দলটোৱে একেৰাহে দ্বিতীয় বছৰৰ বাবে খিতাপ জয়ৰ নিচেই কাষ চাপিছে।

ৰজত পাটিদাৰ বেংগালুৰুৰ ইতিহাসত আই পি এল বিজয়ী একমাত্ৰ অধিনায়ক। তেওঁ এতিয়া দলটোক পুনৰ এবাৰ খিতাপ জয়ৰ দিশে আগুৱাই লৈ গৈছে। ইয়াৰ লগতে তেওঁ দলটোক দুখন আইপিএল ফাইনেললৈ লৈ যোৱা প্ৰথমজন অধিনায়ক হিচাপেও পৰিগণিত হৈছে।

তেওঁৰ পূৰ্বে অনিল কুম্বলে (২০০৯), ডেনিয়েল ভেট্টৰী (২০১১) আৰু বিৰাট কোহলীৰ (২০১৬) অধিনায়কত্বত দলটোৱে ফাইনেলত স্থান লাভ কৰিছিল। পাটিদাৰে এতিয়া এই তিনিওজনকে অতিক্ৰম কৰিবলৈ সক্ষম হৈছে।

আৰচিবিৰ ইতিহাসলৈ চালে ৰজত দুখন ফাইনাল খেলা তৃতীয়জন অধিনায়ক। তেওঁৰ পূৰ্বে ভেট্টৰী (২০১১ চেম্পিয়নছ লীগ টি-২০) আৰু স্মৃতি মন্ধানাই (ডব্লিউপিএলৰ দুখন ফাইনেল) এই কৃতিত্ব অৰ্জন কৰিছিল। ইয়াৰ উপৰিও, পাটিদাৰ বেংগালুৰুৰ এনে প্ৰথমজন অধিনায়ক হিচাপে পৰিগণিত হৈছে যিয়ে নিজৰ অধিনায়কত্বৰ প্ৰথম দুয়োটা ছিজনতে দলটোক আইপিএলৰ ফাইনেললৈ লৈ গৈছে।

ৰজতৰ নেতৃত্বত বেংগালুৰুৱে এতিয়ালৈকে তিনিখন প্লে-অফ মেচত জয়লাভ কৰিছে, যিটো এই ফ্ৰেঞ্চাইজিৰ যিকোনো অধিনায়কৰ বাবে সৰ্বাধিক জয়। ইয়াত যোৱা বছৰৰ প্ৰথম কোৱালিফায়াৰ, ফাইনেল আৰু এই বছৰৰ শেহতীয়া জয়টো অন্তৰ্ভুক্ত হৈ আছে।

৩২ বছৰীয়া ৰজত পাটিদাৰ আইপিএল ইতিহাসৰ দ্বিতীয়জন এনে অধিনায়ক, যিয়ে নিজৰ প্ৰথম দুটা ছিজনতে দলটোক ফাইনেললৈ লৈ গৈছে। তেওঁৰ পূৰ্বে কেৱল হাৰ্দিক পাণ্ডিয়াইহে এই সফলতা লাভ কৰিছিল। ইয়াৰ লগতে বেংগালুৰু এতিয়া চেন্নাই ছুপাৰ কিংছ, মুম্বাই ইণ্ডিয়ানছ আৰু গুজৰাট টাইটান্সৰ পিছত একেৰাহে দুখন ফাইনেল খেলা চতুৰ্থটো দল হিচাপে পৰিগণিত হৈছে।

লগতে পঢ়ক: আই পি এলত বিৰাট ইতিহাস! কিং কোহলীয়ে গঢ়িলে অভূতপূৰ্ব অভিলেখ

চলিত আই পি এল ছিজনৰ প্লে অফৰ ছবিখন এতিয়া সম্পূৰ্ণ স্পষ্ট হৈ পৰিছে। দুৰ্দান্ত প্ৰদৰ্শনেৰে ৰাজস্থান ৰয়েলছে প্লে অফত নিজৰ স্থান নিশ্চিত কৰিছে।

আই পি এল ২০২৬ৰ গ্ৰুপ পৰ্যায়ৰ অন্তিমখন খেলৰ পূৰ্বে প্লে অফত স্থান দখল কৰা চাৰিটা দল নিশ্চিত হৈছে।ৱানখেড়ে ষ্টেডিয়ামত অনুষ্ঠিত খেলখনত ৰাজস্থান ৰয়েলছে মুম্বাই ইণ্ডিয়ানছক পৰাস্ত কৰি প্লে অফত স্থান নিশ্চিত কৰে।দেওবাৰে (২৪ মে’) লীগৰ অন্তিমখন খেলত ৰাজস্থান ৰয়েলছে মুম্বাই ইণ্ডিয়ানছ (এম আই)ক ৩০ ৰানত পৰাস্ত কৰে।

ইয়াৰ লগে লগে পঞ্জাব কিংছ আৰু কলকাতা নাইট ৰাইডাৰ্ছ দুয়োটাৰে বাবে প্লে অফৰ দুৱাৰ বন্ধ হৈ পৰিছে। ৰয়েল চেলেঞ্জাৰছ বেংগালুৰু, ছানৰাইজাৰ্ছ হায়দৰাবাদ, আৰু গুজৰাট টাইটানছৰ পিছত ৰাজস্থান ৰয়েলছ প্লে অফত প্ৰৱেশ কৰা চতুৰ্থটো দল হিচাপে পৰিগণিত হৈছে। ৰিয়ান পৰাগ নেতৃত্বাধীন দলটোৱে অহা ২৭ মে’ত এলিমিনেটৰ মেচত ছানৰাইজাৰ্ছ হায়দৰাবাদৰ বিৰুদ্ধে খেলিব।এই খেলখন মুলনপুৰৰ নিউ চণ্ডীগড়ত অনুষ্ঠিত হ’ব।

এতিয়া আই পি এল ২০২৬ত অহা ২৬ মে’ত (মঙলবাৰ) ৰয়েল চেলেঞ্জাৰছ বেংগালুৰু আৰু গুজৰাট টাইটানছৰ মাজত কোৱালিফায়াৰ ১ অনুষ্ঠিত হ’ব লাগে।সেই মেচখনৰ বিজয়ী দলটোৱে পোনপটীয়াকৈ ফাইনেললৈ আগবাঢ়িব।আনহাতে কোৱালিফায়াৰ ১ত পৰাস্ত হোৱা দলটোৱে আন এটা সুযোগ পাব আৰু কোৱালিফায়াৰ ২ খেলিব।ছানৰাইজাৰ্ছ হায়দৰাবাদ আৰু ৰাজস্থান ৰয়েলছৰ মাজত এলিমিনেটৰ মেচত জয়ী হোৱা দলটোৱে, কোৱালিফায়াৰ ২ত খেলাৰ সুযোগ পাব।

লগতে পঢ়ক: ভাৰতৰ নতুন স্প্ৰিণ্ট কিং!ভাৰতীয় নৌসেনা জোৱান গুৰিন্দৰৱীৰ সিঙৰ নতুন ইতিহাস

আই পি এল ২০২৬ৰ প্লে অফৰ স্থান সন্দৰ্ভত এক বৃহৎ পৰিৱৰ্তন পোহৰলৈ আহিছে।

ইণ্ডিয়ান প্ৰিমিয়াৰ লীগ (আই পি এল)২০২৬ ৰ প্লে অফৰ স্থান সন্দৰ্ভত এটা ডাঙৰ আপডেট আহিছে,যিটোৱে অনুৰাগীৰ মাজত এক চৰ্চা লাভ কৰিছে। বিচিচিআই এ যি সূচী প্ৰকাশ কৰিছিল, তাত লীগৰ পিছৰ মেচৰ তাৰিখ আৰু স্থান নিৰ্দিষ্ট কৰা হোৱা নাছিল।এতিয়া কোৱালিফায়াৰ আৰু এলিমিনেটৰ মেচ ক’ত অনুষ্ঠিত হ’ব সেয়াও সিদ্ধান্ত লোৱা হৈছে।

ইণ্ডিয়ান প্ৰিমিয়াৰ লীগৰ এই ছিজনৰ লীগ পৰ্যায়ৰ অন্তিমখন খেল ২৪ মে’ত অনুষ্ঠিত হ’ব। এই দিনটোত প্ৰথমখন খেল মুম্বাই ইণ্ডিয়ানছ আৰু ৰাজস্থান ৰয়েলছৰ মাজত হ’ব,যিখন খেল মুম্বাইৰ ৱানখেদে ষ্টেডিয়ামত অনুষ্ঠিত হ’ব।দ্বিতীয়খন খেলত কেকেআৰ আৰু দিল্লী কেপিটেলছৰ মাজত অনুষ্ঠিত হ’ব।যিখন ইডেন গাৰ্ডেনত অনুষ্ঠিত হ’ব।ইয়াৰ লগে লগে লীগ পৰ্যায়ৰ সামৰণি পৰিব।১০টা দলৰ ভিতৰত ছটা দল বাহিৰ হ’ব, যাৰ ফলত খিতাপৰ দৌৰত বাকী থাকিব মাত্ৰ চাৰিটা দল।কোৱালিফায়াৰ ১ ধৰ্মশালাত অনুষ্ঠিত হ’ব, আনহাতে এলিমিনেটৰ আৰু কোৱালিফায়াৰ ২ চণ্ডীগড়ত অনুষ্ঠিত হ’ব।

ইয়াৰ পিছত দুটা কোৱালিফায়াৰ, এটা এলিমিনেটৰ, আৰু তাৰ পিছত ফাইনেল খেলিব।ফাইনেল মেচখন  ৩১ মে’, নৰেন্দ্ৰ মোডী ষ্টেডিয়াম, আহমেদাবাদত অনুষ্ঠিত হ’ব। উল্লেখযোগ্য যে, আই পি এলৰ নিয়ম অনুসৰি চূড়ান্ত খেলখন ডিফেণ্ডিং চেম্পিয়ন দলৰ ঘৰুৱা খেলপথাৰত অনুষ্ঠিত হ’ব লাগিছিল।এনে পৰিস্থিতিত বেংগালুৰু এই দৌৰত আগত আছিল,কিন্তু শেহতীয়াকৈ টিকট বিতৰ্কই সমীকৰণটো সম্পূৰ্ণৰূপে সলনি কৰি পেলাইছে।টিকট বিক্ৰীৰ সৈতে জড়িত সমস্যা আৰু ইয়াৰ লগত জড়িত পৰিচালনাৰ চিন্তাৰ বাবে বিচিচিআইয়ে স্থান সলনি কৰাৰ সিদ্ধান্ত লয়।এই কাৰণেই এতিয়া আহমেদাবাদত অনুষ্ঠিত হ’ব ফাইনেল মেচ।

লগতে পঢ়ক: আই পি এলত সঞ্জু চেমছনৰ ইতিহাস; বিৰাট কোহলীৰ অভিলেখ স্পৰ্শ