১৪ফেব্ৰুৱাৰীত অসমলৈ আহিব প্ৰধানমন্ত্ৰী মোদী; অসমবাসীক দিব উপহাৰৰ টোপোলা  

অসমবাসীলৈ কেইবাটাও উপহাৰৰ টোপোলা লৈ ১৪ফেব্ৰুৱাৰীত অসমলৈ আহিব প্ৰধানমন্ত্ৰী নৰেন্দ্ৰ মোদী।

অসমৰ বাবে ১৪ ফেব্ৰুৱাৰী হ’ব ঐতিহাসিক দিন।অসমবাসীলৈ কেইবাটাও উপহাৰৰ টোপোলা লৈ অসমলৈ আহিব প্ৰধানমন্ত্ৰী নৰেন্দ্ৰ মোদী

১৪ ফেব্ৰুৱাৰীৰ দিনা পুৱা  দিল্লীৰ পৰা পোনে পোনে  ৯.৫০ত চাবুৱাত উপস্থিত হ’ব প্ৰধানমন্ত্ৰীগৰাকী। বুধবাৰে লোকসেৱা ভৱনত এখন সংবাদমেল সম্বোধন কৰি এই কথা উল্লেখ কৰে মুখ্যমন্ত্ৰী গৰাকীয়ে।

মুখ্যমন্ত্ৰী গৰাকীয়ে কয় যে, দিল্লীৰ পৰা পোনে পোনে মৰাণৰ ইমাৰজেন্সি লেণ্ডিং ফিল্ডত অৱতৰণ কৰিব প্ৰধানমন্ত্ৰীৰ বিমান।

তাৰ পিছতেই আধাঘন্টাৰ ভিতৰত ১৬খন বিমান উৰিব মৰাণৰ আকাশত। মৰাণৰ ৰাষ্ট্ৰীয় ঘাইপথৰ পৰাই পোনে পোনে গুৱাহাটীলৈ আহিব প্ৰধানমন্ত্ৰীগৰাকী।

দুপৰীয়া ১ বজাত গুৱাহাটীত উপস্থিতি হৈ গুৱাহাটী-উত্তৰ গুৱাহাটী দলং মুকলি কৰিব প্ৰধানমন্ত্ৰী গৰাকীয়ে।মুকলিৰ পিছত কিছুসময় এই অত্যাধুনিক দলংখন পৰিদৰ্শন কৰিব মোদীয়ে।

তাৰ পিছত লাচিত ঘাটৰ পৰা প্ৰধানমন্ত্ৰী গৰাকীয়ে IIMৰ অস্থায়ী চৌহদ মুকলি কৰিব । ১৪ ফেব্ৰুৱাৰীৰ দিনাই জ্যোতিৰাদিত্য সিন্ধিয়াই এডভান্টেজ অসমত উল্লেখ কৰা DATA CENTER ৰ শুভ উদ্বোধন কৰিব তেওঁ।

ইয়াৰ লগতে তেওঁ গুৱাহাটীত ১০০খন বৈদ্যুতিক বাছৰ শুভাৰম্ভণিও কৰিব। আৰু শেষত দুপৰীয়া ২বজাত খানাপাৰাত বিজেপিৰ বুথ সন্মিলনত অংশ ল’ব প্ৰধানমন্ত্ৰী মোদীয়ে।

লগতে পঢ়ক: অসমৰ ৰাষ্ট্ৰীয় ঘাইপথত নামিব যুদ্ধ বিমান : প্ৰধানমন্ত্ৰীৰ উপস্থিতিত বায়ুসেনাই কৰিব শক্তি প্ৰদৰ্শন

অৰ্জুন তেণ্ডুলকাৰৰ বিবাহত অতিথি হ’ব প্ৰধানমন্ত্ৰী মোদী; শচীন তেণ্ডুলকাৰে দিলে নিমন্ত্ৰণ

চলিত বৰ্ষৰ মাজত ভাগত বিবাহ পাশত আৱদ্ধ হ’ব অৰ্জুন তেণ্ডুলকাৰ। পুত্ৰৰ বিবাহৰ বাবে প্ৰধানমন্ত্ৰী মোদীক নিমন্ত্ৰণ দিলে শচীন তেণ্ডুলকাৰে

ভাৰতৰ কিংবদন্তি ক্ৰিকেটাৰ শচীন তেণ্ডুলকাৰে নিজৰ পুত্ৰ অৰ্জুন তেণ্ডুলকাৰৰ বিবাহৰ কথা ঘোষণা কৰিছে।অৰ্জুনৰ হ’বলগীয়া পত্নীৰ নাম ছানিয়া।

মঙলবাৰে শচীন তেণ্ডুলকাৰে তেওঁৰ পৰিয়ালৰ সৈতে ভাৰতৰ প্ৰধানমন্ত্ৰী নৰেন্দ্ৰ মোদীক সাক্ষাৎ কৰিবলৈ তেওঁৰ বাসগৃহত উপস্থিত হয়।

শচীন তেণ্ডুলকাৰে অৰ্জুন আৰু ছানিয়াৰ বিয়াত অংশগ্ৰহণ কৰিবলৈ প্ৰধানমন্ত্ৰী মোদীক আমন্ত্ৰণ জনাই।শচীনৰ সমগ্ৰ পৰিয়ালটোৱে প্ৰধানমন্ত্ৰী মোদীৰ সৈতে ফটো ক্লিক কৰিছিল।

শচীন তেণ্ডুলকাৰে ছচিয়েল মিডিয়া প্লেটফৰ্ম এক্সত নিজৰ অফিচিয়েল হেণ্ডেলৰ পৰা প্ৰধানমন্ত্ৰী মোদীৰ সৈতে এই ছবিসমূহ শ্বেয়াৰ কৰে।

ছ’চিয়েল মিডিয়াত ছবিসমূহ শ্বেয়াৰ কৰি মাষ্টাৰ ব্লাষ্টাৰে লিখিছে, “অৰ্জুন আৰু ছানিয়াৰ বিয়ালৈ মাননীয় প্ৰধানমন্ত্ৰী নৰেন্দ্ৰ মোদী জীক আমন্ত্ৰণ জনোৱাৰ সৌভাগ্য প্ৰাপ্ত হ’ল।এই যুৱ দম্পতীক আপোনাৰ আশীৰ্বাদ আৰু চিন্তাশীল পৰামৰ্শৰ বাবে ধন্যবাদ মোদী জী।”

ক্ৰিকেট কিংবদন্তি শচীন তেণ্ডুলকাৰে মঙলবাৰে ৰাজধানী দিল্লীত কংগ্ৰেছৰ সাংসদ তথা দলীয় সংসদীয় দলৰ অধ্যক্ষ ছোনিয়া গান্ধীকো সাক্ষাৎ কৰে।

চলিত বৰ্ষৰ মাজভাগত অৰ্জুন তেণ্ডুলকাৰে ছানিয়া চান্দোকৰ সৈতে বিবাহপাশত আবদ্ধ হ’ব।বিবাহৰ অনুষ্ঠান ৩ মাৰ্চৰ পৰা আৰম্ভ হ’ব আৰু ৫ মাৰ্চত পৰিয়ালৰ সদস্য আৰু ঘনিষ্ঠ বন্ধু-বান্ধৱীৰ উপস্থিতিত অনুষ্ঠিত হ’ব বিবাহ।

অৰ্জুন তেণ্ডুলকাৰৰ ভৱিষ্যত পত্নী ছানিয়া এগৰাকী উদ্যোগী আৰু সুপৰিচিত ব্যৱসায়িক পৰিয়ালৰ জীয়ৰী।ছানিয়া প্ৰখ্যাত উদ্যোগপতি তথা গ্ৰেভিছ গ্ৰুপৰ মুৰব্বী ৰবি ঘাইৰ নাতিনী।

লগতে পঢ়ক: কঠোৰ হৈছে বিচিচিআই; টি-২০ বিশ্বকাপত নাকচ ভাৰতীয় খেলুৱৈৰ দাবী

‘যাৰ চৰকাৰ সুৰাৰ ৰাগীত ডুব গ’ল,যাৰ কাঁচৰ ৰাজপ্ৰসাদ…’; ৰাজ্যসভাত আপক প্ৰধানমন্ত্ৰী মোদীৰ তীক্ষ্ণ আক্ৰমণ 

ৰাজ্যসভাত প্ৰধানমন্ত্ৰী মোদীয়ে আম আদমি পাৰ্টিক লক্ষ্য কৰি লয়। প্ৰধানমন্ত্ৰী গৰাকীয়ে সুৰা নীতি আৰু কাঁচৰ ৰাজপ্ৰসাদক লৈ সমালোচনা কৰে।

বৃহস্পতিবাৰে (৫ ফেব্ৰুৱাৰী) প্ৰধানমন্ত্ৰী নৰেন্দ্ৰ মোদীয়ে ৰাজ্যসভাত ৰাষ্ট্ৰপতিৰ ভাষণ সন্দৰ্ভত ধন্যবাদৰ প্ৰস্তাৱৰ প্ৰতি সঁহাৰি জনায়।ইয়াৰ মাজতে প্ৰধানমন্ত্ৰী মোদীয়ে আম আদমী পাৰ্টিৰ ওপৰত তীব্ৰ আক্ৰমণ চলায়।

প্ৰধানমন্ত্ৰী মোদীয়ে কাব্যিক ৰূপত আম আদমি পাৰ্টিক লক্ষ্য কৰি দলটোৰ সুৰা নীতি আৰু আম আদমি পাৰ্টিৰ মুৰব্বী অৰবিন্দ কেজৰিৱালৰ কাঁচৰ ৰাজপ্ৰসাদক লৈ সমালোচনা কৰে।

বৃহস্পতিবাৰে প্ৰধানমন্ত্ৰী মোদীয়ে ভাষণ আৰম্ভ কৰাৰ লগে লগে বিৰোধী সাংসদসকলে জোৰেৰে শ্লোগান দিবলৈ আৰম্ভ কৰে।

প্ৰধানমন্ত্ৰী নৰেন্দ্ৰ মোদীয়ে আম আদমী পাৰ্টিক দুৰ্নীতি আৰু নৈতিক অৱনতিৰ অভিযোগ উত্থাপন কৰি তীব্ৰ আক্ৰমণ চলালে।

সংসদত ভাষণৰ সময়ত প্ৰধানমন্ত্ৰী মোদীয়ে কাৰো নাম নোলোৱাকৈয়ে কয় যে, এজন মাননীয় সদস্যই অহৰহ ভাষণ দি আছিল,কিন্তু তেওঁৰ সমগ্ৰ চৰকাৰ সুৰা নীতিৰ দৰে কেলেংকাৰীত ডুব গৈছে।

তেওঁ কয় যে তথাকথিত ‘কাঁচৰ মহল’ আজি প্ৰতিখন ঘৰতে ঘৃণাৰ কাৰণ হৈ পৰিছে আৰু ই ক্ষমতাৰ অহংকাৰ আৰু দুৰ্নীতিপৰায়ণ আচৰণৰ প্ৰতীক হৈ পৰিছে।

প্ৰধানমন্ত্ৰী নৰেন্দ্ৰ মোদীয়ে বিৰোধীয়ে জনসাধাৰণক বিপথে পৰিচালিত কৰাৰ অভিযোগ উত্থাপন কৰে।তেওঁ কয় যে একাংশ লোকে দেশ আৰু বিশ্বক বিপথে পৰিচালিত কৰিবলৈ অহৰহ চেষ্টা চলাই আছে, কিন্তু এইয়া কিমান দিনলৈ চলি থাকিব? প্ৰধানমন্ত্ৰী গৰাকীয়ে কটাক্ষ কৰি কয় যে, যি দিনাখন আইনাখন চাব, সেই দিনা সত্য লুকুৱাবলৈ ঠাই নাথাকিব।

লগতে পঢ়ক: ‘প্রধানমন্ত্রীৰ লগত যিকোনো ঘটনা হ’ল হয়’; লোকসভাৰ অধ্যক্ষ ওম বিৰলাৰ ডাঙৰ ৰহস্য ভেদ

‘প্রধানমন্ত্রীৰ লগত যিকোনো ঘটনা হ’ল হয়’; লোকসভাৰ অধ্যক্ষ ওম বিৰলাৰ ডাঙৰ ৰহস্য ভেদ

প্ৰধানমন্ত্ৰী নৰেন্দ্ৰ মোদীৰ সন্দৰ্ভত লোকসভাৰ অধ্যক্ষ ওম বিৰলাই এক ভয়ংকৰ তথ্য পোহৰলৈ আনিছে। অধ্যক্ষ ওম বিৰলাৰ মতে প্ৰধানমন্ত্ৰী গৰাকীক আক্ৰমণৰ লক্ষ্য আছিল একাংশৰ।

প্ৰধানমন্ত্ৰী নৰেন্দ্ৰ মোদীয়ে ৪ ফেব্ৰুৱাৰীৰ সন্ধিয়া ৫ বজাত লোকসভাত ধন্যবাদৰ প্ৰস্তাৱ সন্দৰ্ভত হোৱা আলোচনাৰ উত্তৰ দিয়াৰ কথা আছিল।

অৱশ্যে বিৰোধীৰ হুলস্থুলৰ বাবে এনে হ’ব নোৱাৰিলে আৰু প্ৰধানমন্ত্ৰীৰ উত্তৰ অবিহনে লোকসভাত ভোটৰ জৰিয়তে ধন্যবাদৰ প্ৰস্তাৱ গৃহীত কৰা হয়।

বৃহস্পতিবাৰে লোকসভাৰ অধ্যক্ষ ওম বিৰলাই এই বিষয়ত এক ডাঙৰ তথ্য পোহৰলৈ আনিছে। ওম বিৰলাই কয় যে কালি সদনৰ যি পৰিস্থিতি আছিল, এনে ক্ষেত্ৰত প্ৰধানমন্ত্ৰীৰ লগত যিকোনো হ’ব পাৰিলেহেঁতেন।

অধ্যক্ষ ওম বিৰলাই প্ৰধানমন্ত্ৰী মোদীক অনুৰোধ কৰিছিল যে তেওঁ সদনলৈ যাব নালাগে। আজি লোকসভাৰ কার্যসূচীৰ সময়ত অধ্যক্ষই এটা ডাঙৰ কথা প্রকাশ কৰি কয় যে কালি সদনত প্রধানমন্ত্রীৰ ওপৰত আক্রমণ কৰিলে হেঁতেন৷সদনত এক অভাৱনীয় ঘটনা সংঘটিত হ’ব পাৰিলেহেঁতেন ৷

যদিহে প্ৰধানমন্ত্ৰীৰ কিবা হ’লহেঁতেন তেন্তে সংসদৰ মৰ্যদা হানি হ’লহেঁতেন।আচৰিত কথা যে সংসদৰ ইতিহাসত হয়তো প্ৰথমবাৰৰ বাবে এনেকুৱা হৈছে,যেতিয়া লোকসভাৰ অধ্যক্ষই স্বীকাৰ কৰিছে যে সংসদৰ ভিতৰতে দেশৰ প্ৰধানমন্ত্ৰীৰ নিৰাপত্তা বিপদত পৰিছে।

বিয়লি ৩ বজাত সদনৰ কাৰ্য্যবিৱৰণী আৰম্ভ হোৱাৰ পিছত অধ্যক্ষ গৰাকীয়ে কয় যে, লোকসভা চেম্বাৰত এই সদনৰ একাংশ সদস্যই যি ধৰণে আচৰণ কৰিছিল, যি ধৰণৰ পৰিস্থিতি সৃষ্টি কৰিছিল,এই সদনৰ ইতিহাসত এনে ঘটনা কেতিয়াও হোৱা নাই। আমাৰ সংসদীয় ব্যৱস্থাত সদনৰ অধ্যক্ষৰ মৰ্যাদাপূৰ্ণ স্থিতি আমাৰ সংবিধানে নিজেই নিশ্চিত কৰিছে।

অধ্যক্ষ ওম বিৰলাই আৰু কয় যে, অধ্যক্ষৰ কাৰ্যালয়ত বিৰোধীৰ সদস্য সকলে যি ধৰণৰ আচৰণ কৰিছিল,সেয়া আমাৰ সংসদীয় পৰম্পৰাৰ বাবে উপযুক্ত নাছিল। আমি সকলোৱে সদন সুচাৰুৰূপে চলোৱাত সহযোগ কৰা উচিত।

যেতিয়া সদনৰ নেতাই ৰাষ্ট্ৰপতিৰ ভাষণৰ উত্তৰ দিবলগীয়া আছিল, মোৰ ওচৰত সম্পূৰ্ণ তথ্য আছিল যে, কংগ্ৰেছ দলৰ কিছুমান সদস্যই প্ৰধানমন্ত্ৰীৰ ওচৰত উপস্থিত হৈ যিকোনো অভাৱনীয় ঘটনা সংঘটিত কৰিলে হয়।

আৰু এনে দৃশ্য মই সদনত দেখিছিলো। যদি এনে ঘটনা সংঘটিত হ’ল হেঁতেন তেনেহলে এই দৃশ্যই দেশৰ গণতান্ত্ৰিক পৰম্পৰাক ছিন্নভিন্ন কৰি পেলালেহেঁতেন।

লগতে পঢ়ক: নিৰ্বাচনৰ পিছতে অসমত হ’ব SIR, মুখ্যমন্ত্ৰীয়ে কৰিলে ডাঙৰ মন্তব্য

‘ভাৰতৰ সংস্কাৰ এক্সপ্ৰেছে গতি লাভ কৰিব’; বাজেটক প্ৰশংসা প্ৰধানমন্ত্ৰী মোদীৰ

প্ৰধানমন্ত্ৰী নৰেন্দ্ৰ মোদীয়ে ২০২৬ চনৰ কেন্দ্ৰীয় বাজেট দাখিল কৰাৰ পিছত ইয়াৰ প্ৰশংসা কৰি কয় যে এই বাজেট ঐতিহাসিক আৰু অপৰিসীম সুযোগৰ ঘাইপথ।

কেন্দ্ৰীয় বাজেট সন্দৰ্ভত প্ৰধানমন্ত্ৰী নৰেন্দ্ৰ মোদীয়ে চৰকাৰৰ দৃষ্টিভংগী দাঙি ধৰাৰ সময়ত ইয়াক “অসীম সুযোগৰ বাজেট” বুলি অভিহিত কৰে।

তেওঁ কয় যে এই বাজেটখনে বৰ্তমানৰ সপোন বাস্তৱায়িত কৰিব আৰু ইয়াৰ দ্বাৰা দেশৰ অৰ্থনীতি শক্তিশালী হ’ব।প্ৰধানমন্ত্ৰী মোদীয়ে বিত্তমন্ত্ৰী নিৰ্মলা সীতাৰমনক প্ৰশংসা কৰি কয় যে তেওঁ অবিৰতভাৱে বাজেট দাখিল কৰি এক ঐতিহাসিক অভিলেখ গঢ়ি তুলিছে।

প্ৰধানমন্ত্ৰীয়ে কয় যে এই বাজেটখন অপৰিসীম সুযোগৰ ঘাইপথ।যিয়ে উন্নত ভাৰতৰ ভেটি আৰু অধিক শক্তিশালী কৰিব।তেওঁৰ মতে, এই বাজেটখনে চৰকাৰৰ দৃষ্টিভংগী ৰূপায়ণৰ কাম কৰিব।

প্ৰধানমন্ত্ৰী মোদীয়ে কয় যে এই বাজেটে ভাৰতৰ সংস্কাৰ এক্সপ্ৰেছক নতুন গতি প্ৰদান কৰিব।ইয়াৰ ফলত দেশৰ সংস্কাৰৰ প্ৰক্ৰিয়া ত্বৰান্বিত হ’ব আৰু অৰ্থনৈতিক গাঁথনি অধিক শক্তিশালী হ’ব।

মেক ইন ইণ্ডিয়া আৰু আত্মনিৰ্ভৰশীল ভাৰতক ত্বৰান্বিত কৰাৰ বাবে বাজেটত বহু গুৰুত্বপূৰ্ণ পদক্ষেপ গ্ৰহণ কৰা হৈছে,যাৰ বাবে দেশত উৎপাদন আৰু বিনিয়োগ বৃদ্ধি পাব।

প্ৰধানমন্ত্ৰী মোদীয়ে কয় যে শেহতীয়াকৈ ভাৰতে বহু বৃহৎ বাণিজ্যিক চুক্তি কৰিছে।এই চুক্তিসমূহৰ দ্বাৰা দেশৰ যুৱক-যুৱতীসকলে প্ৰত্যক্ষভাৱে লাভৱান হ’ব আৰু তেওঁলোকৰ বাবে নতুন সুযোগৰ সৃষ্টি হ’ব।

প্ৰধানমন্ত্ৰীয়ে পুনৰ কয় যে  চৰকাৰৰ লক্ষ্য হৈছে যে ভাৰতক অতি সোনকালে বিশ্বৰ তৃতীয় বৃহত্তম অৰ্থনীতি হিচাপে গঢ়ি তোলা আৰু এই বাজেট সেই দিশত এক শক্তিশালী পদক্ষেপ।

লগতে পঢ়ক: ‘বাজেটত পশ্চিম বংগক একো নিদিলে’; বাজেটক লৈ মমতা বেনাৰ্জীৰ তীক্ষ্ণ সমালোচনা

“অজিত দাদাই প্ৰতিখন গাঁৱৰ বাবে কাম কৰিছিল”; অজিত পাৱাৰৰ মৃত্যুত শোক প্ৰকাশ প্ৰধানমন্ত্ৰী মোদীৰ

‘গাঁওবাসীৰ জীৱন উন্নত কৰাৰ বাবে তেওঁ সদায় আগস্থানত কাম কৰি আহিছিল’। অজিত পাৱাৰৰ মৃত্যুত শোক প্ৰকাশ প্ৰধানমন্ত্ৰী মোদীৰ

মহাৰাষ্ট্ৰৰ উপ-মুখ্যমন্ত্ৰী অজিত পাৱাৰৰ মৃত্যুত শোক প্ৰকাশ কৰে প্ৰধানমন্ত্ৰী নৰেন্দ্ৰ মোদীয়ে। প্ৰধানমন্ত্ৰী মোদীয়ে কৈছে যে,”মহাৰাষ্ট্ৰত হোৱা দুৰ্ঘটনাই অজিত পাৱাৰ জী আৰু কিছু সহকৰ্মীক আমাৰ পৰা কাঢ়ি লৈ ​​গ’ল”।

” অজিত দাদাই মহাৰাষ্ট্ৰ আৰু দেশৰ উন্নয়নত বিপুল অৱদান আগবঢ়াইছিল।বিশেষকৈ গাঁৱৰ মানুহৰ জীৱন উন্নত কৰাৰ বাবে সদায় আগবাঢ়ি কাম কৰিছিল”।

“তেখেতৰ পৰিয়াললৈ সমবেদনা জ্ঞাপন কৰিছো।এই দুৰ্ঘটনাত আমি যিসকল সতীৰ্থক হেৰুৱালো,এই দুখৰ সময়ত আমি সকলোৱে তেওঁলোকৰ লগত আছো।”

নতুন দিল্লীৰ কাৰিয়াপ্পা খেলপথাৰত এন চি চিৰ পেৰেডত ভাষণ দিয়াৰ সময়তে প্ৰধানমন্ত্ৰী মোদীয়ে অজিত পাৱাৰৰ মৃত্যুত এনেদৰে শোক প্ৰকাশ কৰে।

বুধবাৰে পুৱা মহাৰাষ্ট্ৰৰ উপ-মুখ্যমন্ত্ৰী অজিত পাৱাৰৰ চাৰ্টাৰ্ড বিমান দুৰ্ঘটনাগ্ৰস্ত হয়। এই দুৰ্ঘটনাত তেওঁৰ বাহিৰে আন চাৰিজন লোকৰো মৃত্যু হয়।

প্ৰাণ হেৰুৱা সকলৰ ভিতৰত অজিত পাৱাৰৰ বাহিৰে তেওঁৰ পি এছ অ’ বিদীপ জাধৱ,পাইলটৰ কেপ্তেইন সুমিত কাপুৰ, কেপ্তেইন সাম্ভৱী পাঠক আৰু বিমান পৰিচাৰিকা পিকি মালি আছিল।

লগতে পঢ়ক: “শাৰদ পাৱাৰৰ দললৈ ঘূৰি যাব বিচাৰিছিল অজিত পাৱাৰ”; মমতা বেনাৰ্জীৰ চাঞ্চল্যকৰ মন্তব্য

মিছন দক্ষিণ; কেৰালাত প্ৰধানমন্ত্ৰী মোদীয়ে বজালে নিৰ্বাচনী ৰণডংকা

আহি আছে কেৰালা বিধানসভা নিৰ্বাচন। নিৰ্বাচনৰ ৰণডংকা বজাবলৈ আজি কেৰালাত উপস্থিত হয় প্ৰধানমন্ত্ৰী নৰেন্দ্ৰ মোদী।

ভাৰতবৰ্ষৰ সকলো স্থানতে বিজেপিয়ে নিজৰ আধিপত্য বিস্তাৰ কৰিছে যদিও দক্ষিণ ভাৰতত বিজেপিয়ে যেন সংগ্ৰাম কৰি আছে।

গুজৰাটৰ পৰা উত্তৰ-পূৰ্বাঞ্চল, কাশ্মীৰৰ পৰা কৰ্ণাটকলৈ বিজেপিৰ গেৰুৱা পতাকা উৰুৱাইছে কিন্তু  কেৰালা, তামিলনাডু আৰু তেলেংগানাত ই স্থান লাভ কৰা নাই।

অৱশ্যে কিছু স্থানীয় নিৰ্বাচনত নিশ্চিতভাৱে কিছু ভাল খবৰ আহিছিল। নতুন বছৰত নতুন আৰু কনিষ্ঠতম ৰাষ্ট্ৰীয় সভাপতি নিৰ্বাচন কৰাৰ পিছত এতিয়া বিজেপি নিৰ্বাচনী মোডলৈ আহিছে।

আজি প্ৰধানমন্ত্ৰীয়ে কেৰালাৰ তিৰুৱনন্তপুৰমৰ পৰা দক্ষিণ অভিযান আৰম্ভ কৰে।ইফালে কেৰালাত ইনোভেচন এণ্ড এণ্টাৰপ্ৰেনিউৰশ্বিপ হাবৰ আধাৰশিলা স্থাপন কৰে প্ৰধানমন্ত্ৰী নৰেন্দ্ৰ মোদীয়ে।

কেৰালাত উপস্থিত হৈ প্ৰধানমন্ত্ৰী মোদীয়ে কয় যে,কেৰালাৰ বাওঁপন্থী গোটবোৰে হয়তো মোক ভাল নাপাব। তথাপিও তথ্যখিনি উল্লেখ কৰিম।১৯৮৭ চনৰ আগতে বিজেপি গুজৰাটৰ এটা প্ৰান্তীয় দল আছিল।

আমাৰ যাত্ৰা গুজৰাটৰ এখন চহৰৰ পৰা আৰম্ভ হৈছিল, আৰু সেইদৰেই কেৰালাতো আমি এখন চহৰৰ পৰাই আৰম্ভ কৰিলোঁ।

মোৰ বিশ্বাস ইয়াৰ পৰাই বুজা যায় যে কেৰালাৰ জনসাধাৰণে বিজেপিক বিশ্বাস কৰিবলৈ আৰম্ভ কৰিছে আৰু সেইদৰে আমাৰ সৈতে সংযোগ হৈছে যেনেকৈ গুজৰাটৰ জনসাধাৰণ এসময়ত সংযুক্ত হৈছিল।

কেৰালাত প্ৰধানমন্ত্ৰী গৰাকীয়ে লগতে কয় যে,’আজি কেৰালাৰ উন্নয়নৰ বাবে কেন্দ্ৰীয় চৰকাৰৰ প্ৰচেষ্টাই নতুন গতি লাভ কৰিছে।আজিৰ পৰা কেৰালাত ৰে’ল সংযোগ সুদৃঢ় হৈ পৰিছে।’

লগতে পঢ়ক: ক্ষমতাৰ বাবেই ভাতৃক বিশ্বাসঘাতক; উদ্ধৱ থাকৰেৰ শত্ৰুৰে হাত মিলালে ৰাজ থাকৰেয়ে

প্ৰধানমন্ত্ৰী মোদীক লৈ আপত্তিজনক মন্তব্য কৰি বিপদত ভোজপুৰী কণ্ঠশিল্পী…

ভোজপুৰী লোকগায়িকা নেহা সিং ৰাথোৰৰ এটা বক্তব্যৰ বাবে পুনৰবাৰ বাতৰিৰ শিৰোনাম দখল কৰিছে।প্ৰধানমন্ত্ৰী মোদীক লৈ কৰা আপত্তিজনক মন্তব্যৰ অভিযোগত আৰক্ষীয়ে তেওঁৰ বিৰুদ্ধে ব্যৱস্থা তীব্ৰতৰ কৰি তুলিছে।

উত্তৰ প্ৰদেশৰ বাৰাণসীৰ আৰক্ষীয়ে ২০২৫ চনত ৰুজু হোৱা এক গোচৰৰ সন্দৰ্ভত লোকগায়িকা নেহা সিং ৰাথোৰক জাননী জাৰি কৰিছে।

এই গোচৰটো প্ৰধানমন্ত্ৰী নৰেন্দ্ৰ মোদীৰ বিৰুদ্ধে আপত্তিজনক মন্তব্যৰ অভিযোগৰ সৈতে জড়িত।বৃহস্পতিবাৰে এই কথা আৰক্ষী বিষয়াসকলে নিশ্চিত কৰে।

লংকা আৰক্ষী থানাৰ ভাৰপ্ৰাপ্ত পৰিদৰ্শক ৰাজকুমাৰ শৰ্মাই এই কথা জানিবলৈ দিয়ে নেহা সিং ৰাথোৰৰ বিৰুদ্ধে ২০২৫ চনত এটা গোচৰ ৰুজু কৰা হৈছিল,য’ত তেওঁৰ বিৰুদ্ধে প্ৰধানমন্ত্ৰী গৰাকীক অপমানজনক মন্তব্য কৰাৰ অভিযোগ উত্থাপন হৈছে।

তেওঁ কয় যে এই গোচৰৰ অভিযোগনামা দাখিল কৰাৰ প্ৰক্ৰিয়াৰ অংশ হিচাপে বুধবাৰে ৰাথোৰলৈ আইনী জাননী প্ৰেৰণ কৰা হয়।

ৰাথোৰে তেওঁৰ পোষ্টত লিখিছে, ‘মোক হাৰাশাস্তি কৰিবলৈ যিমান কষ্ট আৰু তীব্ৰতা দেখুওৱা হৈছে,সিমান পৰিশ্ৰম আৰু তীব্ৰতা যদি পাটনাৰ কন্যাৰ ন্যায় লাভৰ ক্ষেত্ৰতো দেখুৱালে হয়।

তেওঁ আৰু কয়, এইদৰেই কন্যা সন্তানক ৰক্ষা কৰা হৈছে। তেওঁৰ এই মন্তব্য ছ’চিয়েল মিডিয়াত দ্ৰুতগতিত ভাইৰেল হৈ পৰিছে।

আৰক্ষী বিষয়াসকলে পুনৰ কয় যে এই জাননীখন ২০২৫ চনত পঞ্জীয়ন হোৱা এটা গোচৰৰ সৈতে জড়িত আৰু ইয়াক আইনৰ পৰিসৰৰ ভিতৰত জাৰি কৰা হৈছে।

লগতে পঢ়ক: মুক্তিৰ পূৰ্বেই ৰেকৰ্ড বৰ্ডাৰ ২ৰ; প্ৰথমদিনাই পিছ পেলাব ধুৰন্ধৰৰ অভিলেখ

‘মোদী মোৰ ভাল বন্ধু,শীঘ্ৰেই ভাৰতৰ সৈতে হ’ব চুক্তি স্বাক্ষৰ; ডাভোছত ভাৰতক লৈ ট্ৰাম্পৰ ডাঙৰ বক্তব্য

বিশ্ব অৰ্থনৈতিক মঞ্চতে আমেৰিকাৰ ৰাষ্ট্ৰপতি ড’নাল্ড ট্ৰাম্পে প্ৰশংসা কৰিলে প্ৰধানমন্ত্ৰী নৰেন্দ্ৰ মোদীক।তেওঁ প্ৰধানমন্ত্ৰী মোদীক তেওঁৰ ভাল বন্ধু বুলিও কয়

ডাভোছত অনুষ্ঠিত বিশ্ব অৰ্থনৈতিক মঞ্চত সম্বোধন কৰাৰ পাছতে ভাৰতৰ সৈতে হোৱা বাণিজ্যিক চুক্তি সন্দৰ্ভত এটা ডাঙৰ বক্তব্য আগবঢ়াইছে আমেৰিকাৰ ৰাষ্ট্ৰপতি ড’নাল্ড ট্ৰাম্পে

প্ৰধানমন্ত্ৰী নৰেন্দ্ৰ মোদীক প্ৰশংসা কৰি তেওঁ কয় যে আমেৰিকাই ভাৰতৰ সৈতে ‘ডাঙৰ’ বাণিজ্যিক চুক্তি কৰিব।তেওঁ কয় যে,’আপোনালোকৰ প্ৰধানমন্ত্ৰীৰ প্ৰতি মোৰ বৰ শ্ৰদ্ধা আছে।মোদী এগৰাকী সুন্দৰ ব্যক্তি আৰু তেওঁ মোৰ ভাল বন্ধু।আমি ভাল চুক্তি কৰিবলৈ ওলাইছো।’

ট্ৰাম্পৰ এই মন্তব্য এনে সময়ত আহিছে, যি সময়ত আমেৰিকাই ভাৰতৰ ওপৰত ৫০ শতাংশ শুল্ক আৰোপ কৰিছে,যিটো বিশ্বৰ সকলোতকৈ অধিক শুল্কৰ ভিতৰৰ এটা।

যদিও দুয়োখন দেশেই বাণিজ্যিক চুক্তিৰ আলোচনা অব্যাহত থকা বুলি পুনৰ কৈছে,কিন্তু এই চুক্তি সন্দৰ্ভত এতিয়ালৈকে কোনো চূড়ান্ত সিদ্ধান্ত লোৱা হোৱা নাই।

বিশ্ব অৰ্থনৈতিক মঞ্চৰ ৫৬ সংখ্যক বাৰ্ষিক সন্মিলন উপলক্ষে মানিকণ্ট্ৰলৰ সৈতে একচেটিয়াভাৱে কথা পাতিছিল ট্ৰাম্পে।ভাৰত আৰু আমেৰিকাৰ মাজত হোৱা বাণিজ্যিক চুক্তি সন্দৰ্ভত ট্ৰাম্পে অতি আশাবাদীভাৱে কথা কৈছে।

দুয়োখন দেশৰ মাজত বহু ক্ষেত্ৰত আলোচনা আগবাঢ়িব পৰা নাই। ইয়াৰ ভিতৰত শুল্কৰ হাৰৰ পৰা আৰম্ভ কৰি বজাৰত প্ৰৱেশৰ বিষয়সমূহো অন্তৰ্ভুক্ত।

লগতে পঢ়ক: গ্ৰীণলেণ্ডক লৈ ট্ৰাম্পৰ ইউ টাৰ্ণ!প্ৰত্যাহাৰ কৰিলে শুল্কৰ ভাবুকি