প্ৰধানমন্ত্ৰী মোদীয়ে পশ্চিম বংগৰ হুগলী জিলাত দেওবাৰে মমতা চৰকাৰক তীক্ষ্ণ সমালোচনা কৰে। প্ৰধানমন্ত্ৰী গৰাকীয়ে কয় যে টিএমচিয়ে জনতাক শত্ৰুতা কৰি আছে।

দেওবাৰে বিয়লি পশ্চিম বংগৰ হুগলী জিলাত উপস্থিত হয় প্ৰধানমন্ত্ৰী নৰেন্দ্ৰ মোদী। তেওঁ চিংগুৰত কেইবাটাও উদ্বোধন, আধাৰশিলা স্থাপন আৰু গুৰুত্বপূৰ্ণ উন্নয়নমূলক প্ৰকল্পৰ শিলান্যাস কৰে।

এই উপলক্ষে প্ৰধানমন্ত্ৰী মোদীয়ে দুখন পৃথক ৰাজহুৱা সভাতো ভাষণ প্ৰদান কৰে।তেওঁ কয় যে উন্নত ভাৰতৰ লক্ষ্যত উপনীত হ’বলৈ পূব ভাৰতৰ উন্নয়ন অতি গুৰুত্বপূৰ্ণ আৰু কেন্দ্ৰীয় চৰকাৰে এই দিশত অহৰহ কাম কৰি আছে।

প্ৰধানমন্ত্ৰী মোদীয়ে মমতা চৰকাৰক লক্ষ্য কৰি কয় যে, টিএমচিয়ে বংগৰ জনসাধাৰণৰ ওপৰত শত্ৰুতা উলিয়াইছে আৰু কেন্দ্ৰীয় চৰকাৰৰ আঁচনি ইয়াত ৰাইজৰ কাষ চাপিব পৰা নাই।

প্ৰধানমন্ত্ৰীয়ে কয় যে কালি পশ্চিম বংগৰ পৰা দেশৰ প্ৰথমখন বন্দে ভাৰত শ্লীপাৰ ট্ৰেইন মুকলি কৰা হয়।ইয়াৰ সমান্তৰালকৈ বংগই প্ৰায় আধা ডজন নতুন অমৃত ভাৰত এক্সপ্ৰেছ ৰে’লও লাভ কৰিছে।

আজি আৰু তিনিখন অমৃত ভাৰত এক্সপ্ৰেছ ৰে’লৰ ফ্লেগ অফ কৰা হয়।ইয়াৰে এখন ৰে’লে মোৰ সংসদীয় সমষ্টি কাশী (বাৰানসী) আৰু বংগৰ মাজত সংযোগ আৰু অধিক শক্তিশালী কৰিব৷

প্ৰধানমন্ত্ৰী গৰাকীয়ে আৰু কয় যে,বালাগড়ত নিৰ্মাণ হ’বলগীয়া বৰ্ধিত বন্দৰ গেট ব্যৱস্থাই হুগলী আৰু ইয়াৰ আশে-পাশে থকা অঞ্চলসমূহৰ বাবে নতুন সুযোগ মুকলি কৰিব।

আজি ভাৰতত বহু-মডাল সংযোগ আৰু সেউজ গতিশীলতাৰ ওপৰত বিশেষ গুৰুত্ব দিয়া হৈছে।নিৰৱচ্ছিন্ন পৰিবহণ নিশ্চিত কৰিবলৈ বন্দৰসমূহ,নদীৰ জলপথ, ঘাইপথ আৰু বিমানবন্দৰ সংযোগ কৰা হৈছে।

লগতে পঢ়ক: ‘অসমীয়াই কোনো অচিনাকী লোকৰ ওচৰত আত্মসমৰ্পন নকৰে’; মুখ্যমন্ত্ৰী

মকৰ সংক্ৰান্তিৰ দিনাৰ পৰাই সলনি হ’ব প্ৰধানমন্ত্ৰী মোদীৰ কাৰ্যালয়ৰ ঠিকনা। দক্ষিণ ব্লকৰ পৰা ‘সেৱা তীৰ্থ’ কমপ্লেক্সলৈ হ’ব স্থানান্তৰিত।

মকৰ সংক্ৰান্তিৰ পৰা সলনি হ’ব প্ৰধানমন্ত্ৰী নৰেন্দ্ৰ মোদীৰ কাৰ্যালয়ৰ ঠিকনা।বৰ্তমান দক্ষিণ ব্লকত থকা পিএমঅ’ কাৰ্যালয় আজি ‘সেৱা তীৰ্থ’ কমপ্লেক্সলৈ স্থানান্তৰিত হ’ব পাৰে।পিএমঅ’ৰ কেৱল স্থান সলনি হোৱাই নহয়, ইয়াৰ কৰ্মশৈলীও নতুন হ’ব।

অৰ্থাৎ, এতিয়া দেশৰ শীৰ্ষ প্ৰশাসনিক ব্যৱস্থা এক নতুন আৰু আধুনিক পৰিসৰৰ সৈতে কৰা হ’ব।’সেৱা তীৰ্থ’ দাৰা শিকোহ ৰোড (পূৰ্বৰ ডালহাউচি ৰোড)ত অৱস্থিত।

মন কৰিবলগীয়া যে ভাৰতৰ স্বাধীনতাৰ পৰাই প্ৰধানমন্ত্ৰীৰ কাৰ্যালয় দক্ষিণ ব্লকত অৱস্থিত।কিন্তু এতিয়া তাৰ পৰা আঁতৰাই ‘সেৱা তীৰ্থ’ কমপ্লেক্সলৈ স্থানান্তৰিত কৰা হৈছে।নতুন কাৰ্যালয় কমপ্লেক্সটো চেণ্ট্ৰেল ভিষ্টা পুনৰ উন্নয়ন প্ৰকল্পৰ অংশ।

‘সেৱা তীৰ্থ’ হৈছে এক আধুনিক প্ৰশাসনিক কমপ্লেক্স, যিটোক আনুমানিক ১,১৮৯ কোটি ব্যয়ৰে নিৰ্মাণ কৰা হৈছে।ই প্ৰায় ২.২৬ লাখ বৰ্গফুট এলেকাত বিস্তৃত।’সেৱা তীৰ্থ’ সমগ্ৰ কমপ্লেক্সটো তিনিটা পৃথক অট্টালিকাৰে গঠিত, প্ৰত্যেকৰে এটা নিৰ্দিষ্ট ভূমিকা আছে।

সেৱা তীৰ্থ-১ হৈছে মূল ভৱন,য’ত প্ৰধানমন্ত্ৰীৰ কাৰ্যালয় বা পিএমঅ’ই কাম কৰিব। সেৱা তীৰ্থ-২ কেবিনেট সচিবালয়ৰ নতুন মুখ্য কাৰ্যালয় হয়,যিটো ২০২৫ চনৰ শেষৰ পৰা কাৰ্যক্ষম হৈ আছে।

সেৱা তীৰ্থ-৩ ৰাষ্ট্ৰীয় নিৰাপত্তা পৰিষদৰ সচিবালয় আৰু ৰাষ্ট্ৰীয় নিৰাপত্তা উপদেষ্টা (এন এছ এ)ৰ কাৰ্যালয়ৰ বাবে নিৰ্দিষ্ট স্থান থাকিব।

লগতে পঢ়ক: শীঘ্ৰেই সলনি হ’ব প্ৰধানমন্ত্ৰীৰ কাৰ্যালয়ৰ ঠিকনা; জানুৱাৰী মাহতে স্থানান্তৰিত হোৱাৰ সম্ভাৱনা