টি-২০ বিশ্বকাপ ২০২৬ জয় কৰাৰ মাত্ৰ কেইঘণ্টামানৰ পিছতে অধিনায়ক সূৰ্য্যকুমাৰ যাদৱ, প্ৰশিক্ষক গৌতম গম্ভীৰ আৰু আই চি চিৰ অধ্যক্ষ জয় শ্বাহে ট্ৰফী লৈ আহমেদাবাদৰ হনুমান টেকৰি মন্দিৰত উপস্থিত হয়।
আহমেদাবাদত ইতিহাস ৰচনা কৰি আই চি চি পুৰুষ টি-২০ বিশ্বকাপৰ খিতাপ জয় কৰাৰ কিছু ঘণ্টাৰ পিছত ভাৰতীয় দলৰ অধিনায়ক সূৰ্যকুমাৰ যাদৱ, মুখ্য প্ৰশিক্ষক গৌতম গম্ভীৰ আৰু আই চি চিৰ অধ্যক্ষ জয় শ্বাহে হাতত ট্ৰফী লৈ আহমেদাবাদৰ হনুমান টেকৰি মন্দিৰত উপস্থিত হয়।
ইয়াত তেওঁলোকে হনুমানজীক দৰ্শন কৰি দলৰ ঐতিহাসিক জয়ৰ বাবে আশীৰ্বাদ বিচাৰে।ইয়াৰ ভিডিঅ’ ছ’চিয়েল মিডিয়াত এতিয়া ভাইৰেল হৈ পৰিছে। দলটোৰ আটাইকেইজন সদস্যই খোজ কাঢ়ি গৈ হনুমান জীৰ আশিৰ্বাদ লয়।
ভাৰতীয় দলটোৱে ৮ মাৰ্চ দেওবাৰে ফাইনেলত নিউজিলেণ্ডক ৯৬ ৰানৰ বিপুল ব্যৱধানত পৰাস্ত কৰি তৃতীয়বাৰৰ বাবে বিশ্বকাপৰ খিতাপ দখল কৰে।এই জয়ৰ লগতে ভাৰতে কেৱল খিতাপ অক্ষুণ্ণ ৰখাই নহয়, আয়োজক দেশ হিচাপে টি-২০ বিশ্বকাপ জয় কৰা প্ৰথমখন দেশ হিচাপে পৰিগণিত হয়।
