আইচিচিয়ে এদিনীয়া আৰু টি-২০ বিশ্বকাপৰ ফৰ্মেটত বৃহৎ পৰিৱৰ্তনৰ বাবে অনুমোদন জনাইছে।আগন্তুক এদিনীয়া বিশ্বকাপত ১৪টা দলে অংশগ্ৰহণ কৰিব, য’ত সৰ্বনিম্ন ৰেংকিঙৰ তিনিটা দলৰ ভিতৰত ‘ছুপাৰ ছিৰিজ’ অনুষ্ঠিত হ’ব আৰু মাত্ৰ এটা দলেহে মূল ৰাউণ্ডলৈ আগবাঢ়িব।

আইচিচিয়ে বিশ্বব্যাপী প্ৰতিযোগিতাসমূহক অধিক ৰোমাঞ্চকৰ, প্ৰতিযোগিতামূলক, আৰু দৰ্শকৰ বাবে আকৰ্ষণীয় কৰি তুলিবলৈ এক ঐতিহাসিক পদক্ষেপ গ্ৰহণ কৰিছে। শেহতীয়াকৈ এডিনবাৰ্গত অনুষ্ঠিত আইচিচিৰ বাৰ্ষিক বৈঠকত ক্ৰিকেটৰ দুখন বৃহৎ প্ৰতিযোগিতা  ক্ৰমে এদিনীয়া বিশ্বকাপ আৰু টি-২০ বিশ্বকাপৰ ফৰ্মেটত বৃহৎ পৰিৱৰ্তনৰ অনুমোদন জনোৱা হয়। এই পৰিৱৰ্তনসমূহৰ প্ৰধান উদ্দেশ্য হৈছে প্ৰতিযোগিতাসমূহৰ প্ৰাৰম্ভিক পৰ্যায়ৰ পৰাই মেচৰ ‘তাৎপৰ্য্য আৰু তীব্ৰতা’ বৃদ্ধি কৰা, যাতে কোনো মেচ নিস্তেজ নহয়।

আগন্তুক এদিনীয়া বিশ্বকাপত দলৰ সংখ্যা ১৪টা হৈ থাকিব যদিও প্ৰতিযোগিতাখনৰ ফৰ্মেট সম্পূৰ্ণৰূপে সলনি কৰা হৈছে। আইচিচিয়ে আৰম্ভণিৰে পৰাই দলসমূহৰ মাজত তীব্ৰ প্ৰতিযোগিতা নিশ্চিত কৰাৰ বাবে এক নতুন মঞ্চৰ ব্যৱস্থা কৰিছে। প্ৰতিযোগিতাখনৰ আৰম্ভণি হ’ব ‘ছুপাৰ ছিৰিজ’, য’ত আটাইতকৈ নিম্ন ৰেংকিঙৰ তিনিটা দলে মুখামুখি হৈ মূল গ্ৰুপ পৰ্যায়ত স্থান নিশ্চিত কৰিব। এই তিনিটা দলৰ ভিতৰত এটা দলে মূল ৰাউণ্ডৰ বাবে যোগ্যতা অৰ্জন কৰাৰ বিপৰীতে বাকী দুটা দলে প্ৰতিযোগিতাখনৰ পৰা বাহিৰ হ’ব।ছুপাৰ ছিৰিজৰ পৰা যোগ্যতা অৰ্জন কৰা এটা দল আৰু পূৰ্বৰে পৰা থকা ১১ টা দলকে ধৰি মুঠ ১২ টা দলে দ্বিতীয় ৰাউণ্ডলৈ আগবাঢ়িব।এই ১২টা দলক ছয়জনীয়া দুটা গ্ৰুপত ভাগ কৰা হ’ব।

চুপাৰ ৭ ষ্টেজ

দুয়োটা গ্ৰুপৰ শীৰ্ষ তিনিটা দলে পোনপটীয়াকৈ পৰৱৰ্তী ৰাউণ্ডলৈ আগবাঢ়িব। ইয়াৰ উপৰিও নিজ নিজ গ্ৰুপত চতুৰ্থ স্থান দখল কৰাসকলৰ মাজত উন্নত প্ৰদৰ্শন কৰা দলটোৱে (চতুৰ্থ স্থানৰ শ্ৰেষ্ঠ দল)ও আগবাঢ়ি যাবলৈ স্থান অৰ্জন কৰিব। এইদৰে মুঠ ৭টা দলে ‘ছুপাৰ ৭’ পৰ্যায়ত প্ৰৱেশ কৰিব।

ছেমিফাইনেলৰ পথ

ছুপাৰ ৭ পৰ্যায়ত সকলো দলে প্ৰতিযোগিতাত অংশগ্ৰহণ কৰিব, আৰু পইণ্ট টেবুলৰ শীৰ্ষ চাৰিটা দলে ছেমিফাইনেলত প্ৰৱেশ কৰিব। ইয়াৰ পিছতে নকআউট মেচ অনুষ্ঠিত হ’ব।

এই সন্দৰ্ভত আইচিচিয়ে কয় যে, ” মেচৰ ক্ৰমবৰ্ধমান গুৰুত্ব আৰু প্ৰতিযোগিতামূলক তীব্ৰতাই অনুৰাগীৰ অভিজ্ঞতা বহু পৰিমাণে উন্নত কৰিব।একে সময়তে এই নতুন ব্যৱস্থাই উদীয়মান দলসমূহক ক্ৰিকেটৰ বৃহত্তম মঞ্চত প্ৰতিদ্বন্দ্বিতা কৰাৰ সুযোগো প্ৰদান কৰি যাব।

এদিনীয়া ফৰ্মেটৰ লগতে টি-২০ বিশ্বকাপৰ ফৰ্মেটকো নতুন ৰূপ দিয়া হৈছে। আইচিচিয়ে এই চুটি ফৰ্মেটত নকআউট পৰ্যায়ৰ ঠিক আগতেই ‘এলিমিনেটৰ’ৰ প্ৰৱৰ্তন কৰিছে, যিটো পদক্ষেপে প্ৰতিযোগিতাখনৰ উত্তেজনাক নতুন উচ্চতালৈ লৈ যাব। টি-২০ বিশ্বকাপত মুঠ ২০টা দলে অংশগ্ৰহণ কৰিব। চাৰিটাকৈ দলৰ পাঁচটা পৃথক গ্ৰুপত ভাগ কৰা হ’ব। প্ৰতিটো গ্ৰুপৰ পৰা শীৰ্ষ দুটা দলে পৰৱৰ্তী ৰাউণ্ডলৈ আগবাঢ়িব, অৰ্থাৎ মুঠ ১০টা দল আগবাঢ়িব। ইয়াৰ পিছত এই ১০টা যোগ্যতা অৰ্জনকাৰী দলক পাঁচজনীয়া দুটা গ্ৰুপত (গ্ৰুপ এ আৰু গ্ৰুপ বি) বিভক্ত কৰা হ’ব। এই ‘ছুপাৰ ১০’ পৰ্যায়ত দলসমূহৰ মাজত তীব্ৰ প্ৰতিযোগিতা দেখা যাব।

ছুপাৰ ১০ পৰ্যায়ৰ সামৰণিত নিজ নিজ গ্ৰুপৰ শীৰ্ষত স্থান দখল কৰা দল দুটাই ছেমি ফাইনেলত প্ৰত্যক্ষ স্থান নিশ্চিত কৰিব। বাকী দুটা ছেমি ফাইনেল বাৰ্থৰ বাবে এটা নতুন টুইষ্ট প্ৰৱৰ্তন কৰা হৈছে: দুয়োটা গ্ৰুপত দ্বিতীয় আৰু তৃতীয় স্থান দখল কৰা চাৰিটা দলে ‘এলিমিনেটৰ’ খেলিব লাগিব।

লগতে পঢ়ক: ফুটবলপ্ৰেমীৰ বাবে সাৰে থাকিব মহানগৰী! কিন্তু কিয়?

ভাৰতীয় দলটোৱে টি-২০ বিশ্বকাপ ২০২৬ খিতাপ দখল কৰাৰ পিছত এতিয়া বিচিচিআইয়ে এক ডাঙৰ ঘোষণা কৰিছে। বিচিচিআইয়ে ভাৰতীয় দলটোলৈ ১৩১ কোটি টকাৰ পুৰস্কাৰ দিছে।

২০২৬ চনৰ আই চি চি পুৰুষৰ টি-২০ বিশ্বকাপত ঐতিহাসিক জয়ৰ পাছত ভাৰতীয় দলটোৰ ওপৰত ধনৰ বৰষুণ হৈছে।ভাৰতীয় ক্ৰিকেট নিয়ন্ত্ৰণ ব’ৰ্ডে টিম ইণ্ডিয়াক ১৩১ কোটি টকাৰ নগদ পুৰস্কাৰ ঘোষণা কৰিছে।১০ মাৰ্চত (মঙলবাৰ)বিচিচিআইয়ে এই কথা ঘোষণা কৰিছিল।

ইয়াৰ পূৰ্বে ভাৰতীয় দলটোৱে ৰোহিত শৰ্মাৰ অধিনায়কত্বত টি-২০ বিশ্বকাপ ২০২৪ খিতাপ দখল কৰিছিল,তেতিয়া বিচিচিআইয়ে খেলুৱৈসকলক ১২৫ কোটি টকাৰ পুৰস্কাৰ ঘোষণা কৰিছিল।

উল্লেখ্য যে, আহমেদাবাদৰ নৰেন্দ্ৰ মোদী ষ্টেডিয়ামত দেওবাৰে (৮ মাৰ্চ) অনুষ্ঠিত হোৱা চূড়ান্ত খেলখনত ভাৰতে নিউজিলেণ্ডক ৯৬ ৰানত পৰাস্ত কৰি খিতাপ দখল কৰে। এই জয়েৰে ভাৰতে সফলতাৰে নিজৰ টি-২০ বিশ্বকাপৰ চেম্পিয়ন হয়।

বিচিচিআইয়ে এক বিবৃতিত কয় যে, “আইচিচি পুৰুষৰ টি-২০ বিশ্বকাপ ২০২৬ত তেওঁলোকৰ দুৰ্দান্ত প্ৰদৰ্শনৰ পিছত ভাৰতীয় ক্ৰিকেট নিয়ন্ত্ৰণ ব’ৰ্ডে (বিচিচিআই) টিম ইণ্ডিয়াৰ বাবে ১৩১ কোটিৰ নগদ ধনৰ পুৰস্কাৰ ঘোষণা কৰিছে।আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হোৱা ফাইনেলত নিউজিলেণ্ডক পৰাস্ত কৰি ভাৰতে এই  ট্ৰফী অৰ্জন কৰে, সফলতাৰে খিতাপ ৰক্ষা কৰি প্ৰতিযোগিতাখনৰ ইতিহাসত আই চি চি পুৰুষৰ টি-২০ বিশ্বকাপ অক্ষুণ্ণ ৰখা প্ৰথমটো দল হিচাপে পৰিগণিত হয়।এই জয়ৰ জৰিয়তে ভাৰতেও আই চি চি পুৰুষৰ টি-২০ বিশ্বকাপ তিনিবাৰকৈ জয়ী হোৱা প্ৰথমটো দল হিচাপে পৰিগণিত হয়”।

লগতে পঢ়ক: শৈশৱৰ লগৰী বংশিকাৰ সৈতে বিবাহ পাশত আৱদ্ধ হ’ব কুলদীপ যাদৱ…

আহমেদাবাদৰ নৰেন্দ্ৰ মোদী ষ্টেডিয়ামত টি-২০ বিশ্বকাপৰ ফাইনেলত ৯৬ ৰানত জয়লাভ কৰে টিম ইণ্ডিয়াই।এই মহান বিজয়ৰ জৰিয়তে টিম ইণ্ডিয়াই একেৰাহে তৃতীয়বাৰৰ বাবে এই খিতাপ দখল কৰিছে।

আই চি চি পুৰুষৰ টি-২০ বিশ্বকাপ ২০২৬ৰ খিতাপ দখল কৰিলে টিম ইণ্ডিয়াই। দেওবাৰে আহমেদাবাদত অনুষ্ঠিত হোৱা ফাইনেল মেচখনত ভাৰতে ৯৬ ৰানত জয়লাভ কৰি তৃতীয়বাৰৰ বাবে খিতাপ দখল কৰে।এই মেচখনত টছত জয়ী হোৱাৰ পাছত নিউজিলেণ্ডৰ দলটোৱে প্ৰথমে বলিং কৰাৰ সিদ্ধান্ত লয়।ইয়াৰ প্ৰতিক্ৰিয়া স্বৰূপে নিউজিলেণ্ডৰ দলটোৱে ১৫৯ ৰান সংগ্ৰহ কৰি পতন ঘটায়।

ভাৰতীয় দলটোৱে টি-২০ বিশ্বকাপৰ ইতিহাসত তৃতীয়বাৰৰ বাবে খিতাপ দখল কৰা প্ৰথমটো দল হিচাপে পৰিগণিত হৈছে। লগতে প্ৰথমবাৰৰ বাবে আয়োজক দলে টি-২০ বিশ্বকাপৰ ট্ৰফী লাভ কৰিছে।একে সময়তে নিউজিলেণ্ডৰ দলটোৱে পুনৰবাৰ খিতাপ জয়ৰ পৰা বঞ্চিত হৈছে।

লগতে পঢ়ক: ঘোষণা হ’ল আই পি এল২০২৬ৰ উদ্বোধনী মেচ;  এইটো দিনৰ পৰা আৰম্ভ হ’ব প্ৰতিযোগিতা