এই গুলীচালনা প্ৰাক্তন মুখ্যমন্ত্ৰী ফাৰুক আব্দুল্লাক লক্ষ্য কৰি লোৱা হৈছিল বুলি বাতৰিত প্ৰকাশ
জম্মুৰ বৃহত্তৰ কৈলাশ অঞ্চলৰ হোটেল ৰয়েল পাৰ্কত অনুষ্ঠিত বিবাহ অনুষ্ঠানত এক গুলীচালনাৰ ঘটনা সংঘটিত হয় । এই অনুষ্ঠানত নেশ্যনেল কনফাৰেন্সৰ পৃষ্ঠপোষক ফাৰুক আব্দুল্লা, জম্মু-কাশ্মীৰৰ উপ-মুখ্যমন্ত্ৰী সুৰিন্দৰ চৌধুৰীকে ধৰি কেইবাজনো দলীয় নেতা উপস্থিত আছিল । এই গুলীচালনা ফাৰুক আব্দুল্লাক লক্ষ্য কৰি লোৱা হৈছিল বুলি বাতৰিত প্ৰকাশ ।
আৰক্ষীয়ে জনোৱা মতে, জম্মুৰ গ্ৰেটাৰ কৈলাশৰ ৰয়েল পাৰ্কত বিবাহ অনুষ্ঠানৰ সময়ত এই আক্ৰমণ সংঘটিত হয় । নিৰাপত্তাৰ বাবে নিয়োজিত আৰক্ষী আৰু এন এছ জিৰ কমাণ্ডোৱে তৎক্ষণিকভাৱে এই আক্ৰমণ বিফল কৰে । অভিযুক্তক আটক কৰি গুলীচালনা কৰিবলৈ ব্যৱহাৰ কৰা বন্দুকটো জব্দ কৰা হৈছে । অভিযুক্তক আটক কৰি জেৰা অব্যাহত ৰাখিছে আৰক্ষীয়ে । অভিযুক্ত জম্মুৰ পুৰাণী মাণ্ডী অঞ্চলৰ বাসিন্দা কমল সিং বুলি জানিব পৰা গৈছে ।
খবৰ অনুসৰি, অনুষ্ঠানৰ সময়ত এজন লোকে গুলীচালনা কৰে । অৱশ্যে ঘটনাস্থলীত উপস্থিত থকা নিৰাপত্তাৰক্ষীয়ে আক্ৰমণকাৰীক আটক কৰিবলৈ সক্ষম হয় । উপ-মুখ্যমন্ত্ৰী সুৰিন্দৰ চৌধুৰী সামান্য আঘাতপ্ৰাপ্ত হোৱাৰ লগতে আনহাতে ফাৰুক আব্দুল্লাৰ কোনো ক্ষতি হোৱা নাই বুলি জানিব পৰা গৈছে ।
লগতে পঢ়ক : ১২ মাহত ১৩ বাৰ ৰিচাৰ্জ কিয় ? মোবাইল ৰিচাৰ্জৰ বিষয়ত সংসদত সৰৱ ৰাঘৱ চাড্ডা
