বংগৰ প্ৰথম পৰ্যায়ৰ নিৰ্বাচনৰ ভোটগ্ৰহণৰ সামৰণি পৰিল।দ্বিতীয় পৰ্যায়ৰ আসনৰ বাবে প্ৰচাৰ এতিয়া তীব্ৰতৰ হৈ পৰিছে।ইফালে শুকুৰবাৰে প্ৰধানমন্ত্ৰী নৰেন্দ্ৰ মোদীক হুগলী নদীত নৌকাবিহাৰ কৰে।

ঝালমুৰি উপভোগ কৰাৰ পিছত এতিয়া প্ৰধানমন্ত্ৰী নৰেন্দ্ৰ মোদীক বংগত নাও যাত্ৰা কৰা দেখা গ’ল।শুকুৰবাৰে হুগলী নদীত নৌকাবিহাৰ কৰে প্ৰধানমন্ত্ৰী মোদীয়ে।খোদ প্ৰধানমন্ত্ৰী গৰাকীয়ে ছচিয়েল মিডিয়াত ইয়াৰ ফটো শ্বেয়াৰ কৰিছে।এই সময়ছোৱাত প্ৰধানমন্ত্ৰী মোদীয়ে নিজেও ফটো তুলিছিল।

ছবিসমূহত প্ৰধানমন্ত্ৰী মোদীক এখন নাঁৱত, হাতত কেমেৰা লৈ থকা দেখিবলৈ পোৱা গৈছে।ছ’চিয়েল মিডিয়া প্লেটফৰ্ম এক্সত হুগলী নদীত নাও যাত্ৰাৰ ছবি শ্বেয়াৰ কৰি প্ৰধানমন্ত্ৰী মোদীয়ে লিখিছে—প্ৰতিজন বঙালীৰ বাবে গংগাই এক অতি বিশেষ স্থান দখল কৰিছে।কোনোবাই ক’ব পাৰে যে বংগৰ আত্মাৰ মাজেৰে গংগা বৈ যায়।ইয়াৰ পবিত্ৰ জলে এটা সমগ্ৰ সভ্যতাৰ চিৰন্তন আত্মাক সামৰি লৈছে।

ছ’চিয়েল মিডিয়া পোষ্টত প্ৰধানমন্ত্ৰী মোদীয়ে আৰু লিখিছে—আজি ৰাতিপুৱা কলকাতাত হুগলী নদীৰ পাৰত কিছু সময় কটালোঁ—এয়া আছিল মাতৃ গংগাৰ প্ৰতি কৃতজ্ঞতা প্ৰকাশ কৰাৰ এক সুযোগ।লগতে,তাত থকা নাৱৰীয়াসকলকো লগ পোৱাৰ সুযোগ পাইছিলোঁ,যাৰ কঠোৰ পৰিশ্ৰমৰ প্ৰৱণতা সঁচাকৈয়ে প্ৰশংসনীয়,আৰু পুৱা খোজ কাঢ়িবলৈ অহা সকলকো লগ পাইছিলো। হুগলীৰ পাৰত,মই পশ্চিম বংগৰ উন্নয়ন আৰু মহান বঙালী জনগোষ্ঠীৰ সমৃদ্ধিৰ বাবে কাম কৰাৰ প্ৰতিশ্ৰুতি পুনৰবাৰ দোহাৰিলোঁ ।

লগতে পঢ়ক: “ঝালমুৰি মই খালো,জ্বলা-পোৰা অনুভৱ টিএমচিয়ে কৰিছে”: মমতা বেনাৰ্জীক কটাক্ষ প্ৰধানমন্ত্ৰী মোদীৰ

প্ৰধানমন্ত্ৰী নৰেন্দ্ৰ মোদীয়ে বংগত ধাৰাবাহিকভাৱে সভা অনুষ্ঠিত কৰিছে। ইয়াৰ মাজতে দেওবাৰে পথৰ কাষৰ দোকানত ৰৈ ঝালমুৰিৰ সোৱাদ ললে।

পশ্চিম বংগত নিৰ্বাচনী প্ৰচাৰত সক্ৰিয়ভাৱে নিয়োজিত হৈ আছে প্ৰধানমন্ত্ৰী নৰেন্দ্ৰ মোদী। নিৰ্বাচনী প্ৰচাৰৰ মাজতে পশ্চিম বংগৰ পথৰ কাষৰ দোকানত ৰৈ খাদ্যৰ সোৱাদ ললে প্ৰধানমন্ত্ৰী গৰাকীয়ে। প্ৰধানমন্ত্ৰী গৰাকীৰ এই ভিডিঅ’টো সামাজিক মাধ্যমত ভাইৰেল হৈ পৰিছে।

ঝাৰগ্ৰামত এখন ৰাজহুৱা সভা সম্বোধন কৰি প্ৰধানমন্ত্ৰী গৰাকীয়ে হেলিপেড খেলপথাৰলৈ যোৱাৰ পথত হঠাৎ কলেজ ম’ৰত ৰৈ দিয়ে। য’ত তেওঁ স্থানীয় দোকানৰ পৰা ঝালমুৰি খোৱাৰ লগতে সাধাৰণ মানুহৰ লগতো মত বিনিময় কৰে।

ঝালমুৰি খোৱাৰ পাছত প্ৰধানমন্ত্ৰী মোদীয়ে ছ’চিয়েল মিডিয়া প্লেটফৰ্ম ‘এক্স’ত ইয়াৰ ছবি শ্বেয়াৰ কৰি লিখিছে-দেওবাৰে পশ্চিমবংগত চাৰিটা ৰেলীৰ মাজতে ঝাৰগ্ৰামৰ সুস্বাদু ঝালমুৰি খালোঁ। লক্ষণীয় যে প্ৰধানমন্ত্ৰী মোদীয়ে দোকানীজনক ঝালমুৰি খোৱাৰ বাবদ ১০ টকাও দিয়ে।

ইফালে প্ৰধানমন্ত্ৰী গৰাকীৰ সমৰ্থকে সমবেত হৈ ভিৰ কৰা দেখিবলৈ পোৱা গৈছে।প্ৰধানমন্ত্ৰী মোদীয়ে স্থানীয় লোকসকলৰ সৈতে মত বিনিময়ো কৰে।এই সময়ছোৱাত তেওঁ ৰাইজৰ সৈতে ঝালমুৰি ভাগ কৰিছিল।

লগতে পঢ়ক: ২৯ এপ্ৰিলৰ পূৰ্বে আত্মসমৰ্পণৰ অন্তিম সুযোগ: টিএমচিৰ “গুণ্ডাৰাজ আৰু চিণ্ডিকেট”ক লৈ প্ৰধানমন্ত্ৰী মোদীৰ সকীয়নি

মহিলা সংৰক্ষণ বিধেয়ক সন্দৰ্ভত লোকসভাত প্ৰধানমন্ত্ৰী মোদীয়ে এক শক্তিশালী ভাষণ প্ৰদান কৰে।প্ৰধানমন্ত্ৰী মোদীয়ে উল্লেখ কৰিছে যে মহিলাসকলক সংৰক্ষণ প্ৰদান কৰাটো সময়ৰ প্ৰয়োজনীয়তা।

মোদী চৰকাৰে ধাৰাবাহিকভাৱে মহিলাৰ কণ্ঠ শক্তিশালী কৰিবলৈ চেষ্টা কৰি আছে।  আজি সদনত মহিলা সংৰক্ষণ সম্পৰ্কীয় তিনিখন গুৰুত্বপূৰ্ণ বিধেয়ক উত্থাপন কৰা হৈছে।চৰকাৰৰ লক্ষ্য হৈছে ২০২৯ চনৰ নিৰ্বাচনৰ ভিতৰত লোকসভা আৰু সকলো ৰাজ্যিক বিধানসভাত মহিলাৰ বাবে ৩৩% অৰ্থাৎ এক তৃতীয়াংশ সংৰক্ষিত কৰা হওক। মহিলা সংৰক্ষণ বিধেয়ক সন্দৰ্ভত বৃহস্পতিবাৰে লোকসভাত প্ৰধানমন্ত্ৰী নৰেন্দ্ৰ মোদীয়ে ভাষণ প্ৰদান কৰে ।

মহিলা সংৰক্ষণ বিধেয়ক সন্দৰ্ভত প্ৰধানমন্ত্ৰী মোদীয়ে কয়- ২৫-৩০ বছৰ পূৰ্বেই মহিলাৰ বাবে সংৰক্ষণৰ প্ৰয়োজন আছিল।বৰ্তমান আমি ইয়াক যথেষ্ট পৰিপক্কতাৰ স্তৰলৈ লৈ আহিব পাৰিলো হয়। প্ৰয়োজন অনুসৰি ইয়াৰ উন্নতি সময়ে সময়ে হয় আৰু সেয়াই হৈছে গণতন্ত্ৰৰ সৌন্দৰ্য্য।প্ৰধানমন্ত্ৰী মোদীয়ে কয় যে মই বিচাৰো যে এই বিধেয়কখন সৰ্বসন্মতিক্ৰমে গৃহীত হওক।

প্ৰধানমন্ত্ৰী গৰাকীয়ে কয় যে, নাৰীক নীতি নিৰ্ধাৰণৰ অংশ হিচাপে গঢ়ি তোলাটোৱেই হৈছে সময়ৰ প্ৰয়োজনীয়তা।পঞ্চায়তৰ পৰা সংসদলৈকে মহিলাসকলে আহিব বিচাৰে।  একাংশ লোকে তেওঁলোকৰ আসন হেৰুৱাব বুলি এই বিধেয়কখনৰ বিৰোধিতা কৰিছে। আজি যিয়ে এই বিধেয়কখনৰ বিৰোধিতা কৰিব, তেওঁ বহুদিনলৈ মূল্য দিব লাগিব। আমি যদি একেলগে কাম কৰি এই বিধেয়কখন গৃহীত কৰোঁ তেন্তে সকলোৱে লাভৱান হ’ব।এইসকল লোকে পঞ্চায়তত মহিলা সংৰক্ষণৰ বিৰোধিতা নকৰে। যিয়ে এই বিধেয়কখনৰ বিৰোধিতা কৰিব তেওঁ নিৰ্বাচনত পৰাস্ত হ’ব।

লগতে পঢ়ক: ধৰ্মৰ ভিত্তিত সংৰক্ষণ অসাংবিধানিকঃ লোকসভাত বিৰোধীক প্ৰত্যুত্তৰ অমিত শ্বাহৰ