মধ্য-প্ৰাচ্যত চলি থকা যুদ্ধৰ মাজতে প্ৰধানমন্ত্ৰী নৰেন্দ্ৰ মোদীয়ে দেশবাসীক উৰাবাতৰিৰ পৰা আতৰত থাকিবলৈ কৈছে।
প্ৰধানমন্ত্ৰী নৰেন্দ্ৰ মোদীয়ে আজি উত্তৰ প্ৰদেশৰ জেৱাৰত প্ৰথম পৰ্যায়ৰ নয়ডা আন্তঃৰাষ্ট্ৰীয় বিমানবন্দৰ (জেৱাৰ বিমানবন্দৰ) উদ্বোধন কৰে।এইটোৱেই হৈছে দিল্লী-এনচিআৰৰ দ্বিতীয়টো বৃহৎ আন্তঃৰাষ্ট্ৰীয় বিমানবন্দৰ।
বিমানবন্দৰটো উদ্বোধন কৰি প্ৰধানমন্ত্ৰী নৰেন্দ্ৰ মোদীয়ে কয় যে, আজি পশ্চিম এছিয়াত চলি থকা যুদ্ধৰ বাবে সমগ্ৰ বিশ্বই চিন্তিত হৈ পৰিছে।বহু দেশত খাদ্য সামগ্ৰী, পেট্ৰ’ল, ডিজেল, গেছৰ নাটনিৰ সন্মুখীন হৈছে।ভাৰতেও বৃহৎ পৰিমাণে খাৰুৱা তেল আমদানি কৰে,গতিকে চৰকাৰে এনে পদক্ষেপ গ্ৰহণ কৰিছে যাতে সাধাৰণ পৰিয়াল আৰু কৃষকৰ ওপৰত এই সংকটৰ প্ৰভাৱ নূন্যতম হয়।দেশৰ নাগৰিকে একেলগে এই প্ৰত্যাহ্বানৰ সন্মুখীন হৈছে।তেওঁলোকে কেৱল উৰাবাতৰিৰ পৰা আঁতৰি থাকিব লাগিব।
লগতে পঢ়ক: ‘দেশত নহয় কোনো লকডাউন’; সকলো ৰাজ্যৰ মুখ্যমন্ত্ৰীৰ সৈতে প্ৰধানমন্ত্ৰীৰ আঢ়ৈ ঘণ্টীয়া বৈঠক
