প্ৰধানমন্ত্ৰী মোদীয়ে ১৬ এপ্ৰিলৰ পৰা ১৮ এপ্ৰিলৰ ভিতৰত সংসদৰ বিশেষ অধিৱেশনখনক ঐতিহাসিক বুলি অভিহিত কৰি কয় যে, ‘নাৰী শক্তি বন্দন অভিযান’ৰ জৰিয়তে দেশৰ মহিলাসকলক সৱল প্ৰতিনিধিত্ব প্ৰদানৰ বাবে সুনিৰ্দিষ্ট পদক্ষেপ গ্ৰহণ কৰা হ’ব।
দিল্লীৰ নাৰী শক্তি বন্দন অভিযান কাৰ্যসূচীত প্ৰধানমন্ত্ৰী নৰেন্দ্ৰ মোদীয়ে মহিলা সকলক ৰাজনৈতিক অংশগ্ৰহণ শক্তিশালী কৰাত গুৰুত্ব আৰোপ কৰি কয় যে, দশক দশক ধৰি বাকী থকা অপেক্ষাৰ অন্ত পেলোৱাৰ সময় এতিয়া আহি পৰিছে।তেওঁ কয় যে ১৬, ১৭, ১৮ এপ্ৰিলৰ তাৰিখ এই ক্ষেত্ৰত অত্যন্ত তাৎপৰ্যপূৰ্ণ বুলি প্ৰমাণিত হ’ব।
প্ৰধানমন্ত্ৰী কয় যে, ২০২৩ চনত নতুন সংসদ ভৱনত ‘নাৰি শক্তি বন্দন অধিনিয়াম’ ৰ ৰূপত প্ৰথম পদক্ষেপ গ্ৰহণ কৰা হয়।ইয়াৰ উদ্দেশ্য দেশৰ গণতান্ত্ৰিক ব্যৱস্থাত মহিলাসকলৰ অংশগ্ৰহণক অধিক সবল কৰা।
প্ৰধানমন্ত্ৰী গৰাকীয়ে কয় যে, এই উদ্দেশ্য মনত ৰাখি সংসদৰ বাজেট অধিৱেশনৰ সময়ত ১৬ এপ্ৰিলৰ পৰা এক বিশেষ অধিৱেশন অনুষ্ঠিত কৰা হৈছে। এই অধিবেশনৰ জৰিয়তে মহিলাসকলক অধিক প্ৰতিনিধিত্ব প্ৰদানৰ দিশত সুনিৰ্দিষ্ট পদক্ষেপ গ্ৰহণ কৰা হ’ব।
প্ৰধানমন্ত্ৰী গৰাকীয়ে আৰু কয় যে, ‘নাৰি শক্তি বন্দন’ কাৰ্যসূচীৰ জৰিয়তে সমগ্ৰ দেশৰ কোটি কোটি মাতৃ আৰু আমি আমাৰ ভগ্নীসকলৰ আশীৰ্বাদ লাভ কৰিছো, যিয়ে এই পদক্ষেপক আৰু অধিক শক্তিশালী কৰিব।
লগতে পঢ়ক: “মই আপোনালোকৰ ওচৰত ঋণী হৈ পৰিছো”; পশ্চিম বংগত উচুপি উঠিল প্ৰধানমন্ত্ৰী মোদী
