প্ৰধানমন্ত্ৰী মোদীক ঝালমুড়ি বিক্ৰী কৰি বিপদত বিক্ৰম; ফোনযোগে মৃত্যুৰ ভাবুকি
পশ্চিম বংগত বিধানসভাৰ নিৰ্বাচনী প্ৰচাৰৰ সময়ত ঝালমুড়ি বিক্ৰেতা বিক্ৰম সৌৱে শিৰোনাম দখল কৰিছিল। প্ৰধানমন্ত্ৰীক ঝলমুড়ি বিক্ৰী কৰি বিপদত পৰিছে বিক্ৰম।
পশ্চিমবংগৰ ঝাৰগ্ৰামৰ পৰা পোহৰলৈ আহিছে এক চাঞ্চল্যকৰ ঘটনা। পশ্চিম বংগত বিধানসভাৰ নিৰ্বাচনী প্ৰচাৰৰ সময়ত ঝালমুড়ি বিক্ৰেতা বিক্ৰম সৌৱে শিৰোনাম দখল কৰিছিল। প্ৰধানমন্ত্ৰী নৰেন্দ্ৰ মোদীয়ে তেওঁৰ দোকানত ঝলমুড়িৰ সোৱাদ ল’বলৈ ৰৈছিল।অৱশ্যে বিক্ৰম সৌৱে এতিয়া দাবী কৰিছে যে বিশেষকৈ পাকিস্তান আৰু বাংলাদেশৰ পৰা আন্তঃৰাষ্ট্ৰীয় নম্বৰৰ পৰা তেওঁ লৈ অহৰহ ভাবুকিমূলক ফোন আৰু ভিডিঅ’ কল আহি আছে।
দৰাচলতে ১৯ এপ্ৰিলত ঝাৰগ্ৰামত নিৰ্বাচনী সমাৱেশৰ পৰা উভতি অহাৰ সময়তে হঠাৎ পথৰ কাষতে থকা বিক্ৰমৰ ষ্টলত ৰৈছিল প্ৰধানমন্ত্ৰী নৰেন্দ্ৰ মোদীয়ে।তেওঁ দোকানৰ পৰা প্ৰধানমন্ত্ৰীগৰাকীয়ে কেৱল ঝলমুৰি খোৱাই নহয় বিক্ৰমৰ সৈতে বাৰ্তালাপো কৰিছি,ইয়াৰ ফলত বিক্ৰমে ‘প্ৰধানমন্ত্ৰীৰ ঝলমুৰি বিক্ৰেতা’ৰ পৰিচয় লাভ কৰে।
বিক্ৰমৰ অভিযোগ যে বিগত কিছুদিন ধৰি তেওঁক মৃত্যুৰ ভাবুকি দিয়া হৈছে।প্ৰধানমন্ত্ৰী মোদীৰ সৈতে বাৰ্তালাপ কৰাৰ বাবেই বাবেই তেওঁক টাৰ্গেট কৰা বুলি দাবী কৰিছে ফোন কৰা সকলে।
বিষয়টোৰ গম্ভীৰতা আৰু ইয়াৰ আন্তঃৰাষ্ট্ৰীয় সংযোগৰ প্ৰতি লক্ষ্য ৰাখি প্ৰশাসনে ব্যৱস্থা গ্ৰহণ কৰিছে,বিক্ৰম সৌৰ নিৰাপত্তা সুনিশ্চিত কৰিবলৈ তেওঁৰ দোকান আৰু বাসগৃহৰ আশে-পাশে আৰক্ষী আৰু কেন্দ্ৰীয় বাহিনী মোতায়েন কৰা হৈছে।আৰক্ষী প্ৰশাসনে এই আন্তঃৰাষ্ট্ৰীয় নম্বৰ কেইটাক ট্ৰেক কৰি তথ্য লাভ কৰাৰ বাবে তদন্ত আৰম্ভ কৰিছে।
লগতে পঢ়ক: অনুপ্ৰৱেশৰ বিৰুদ্ধে শূন্য-সহনশীলতা নীতি: দেশৰ সীমান্ত চিল কৰিবলৈ আৰম্ভ হ’ব ‘স্মাৰ্ট বৰ্ডাৰ প্ৰকল্প’
