লোকসভাত বিৰোধী দলৰ নেতা ৰাহুল গান্ধীয়ে আজি প্ৰাক্তন প্ৰধানমন্ত্ৰী ৰাজীৱ গান্ধীৰ ৩৫ সংখ্যক মৃত্যু বাৰ্ষিকীত এক আৱেগিক পোষ্ট লিখিছে।
আজি প্ৰাক্তন প্ৰধানমন্ত্ৰী ৰাজীৱ গান্ধীৰ ৩৫ সংখ্যক মৃত্যু বাৰ্ষিকী।মৃত্যু বাৰ্ষিকী উপলক্ষে লোকসভাৰ বিৰোধী দলৰ নেতা ৰাহুল গান্ধীয়ে পিতৃলৈ মনত পেলাই আৱেগিক হৈ পৰিছে। ছ’চিয়েল মিডিয়া প্লেটফৰ্ম এক্সত তেওঁ পিতৃৰ সৈতে নিজৰ শৈশৱৰ এখন ফটো শ্বেয়াৰ কৰি লিখিছে-“পাপা, আপুনি সপোন দেখি থকা দক্ষ, সমৃদ্ধিশালী আৰু শক্তিশালী ভাৰতক বাস্তৱায়িত কৰাৰ দায়িত্ব মই পালন কৰিম।আপোনাৰ শিক্ষা, আপোনাৰ মূল্যবোধ, আপোনাৰ স্মৃতি সদায় মোৰ লগত থাকিব।”
ইয়াৰ উপৰিও দিল্লীত ৰাজীৱ গান্ধীৰ স্মৃতিসৌধ বীৰ ভূমিত মল্লিকাৰ্জুন খাৰ্গে, ছোনিয়া গান্ধী আৰু প্ৰিয়ংকা গান্ধী ভাদ্ৰাকে ধৰি বহু কংগ্ৰেছৰ জ্যেষ্ঠ নেতাই ৰাজীৱ গান্ধীৰ স্মৃতিসৌধত শ্ৰদ্ধাঞ্জলি জনায়। শ্ৰদ্ধাঞ্জলি অনুষ্ঠানত প্ৰিয়ংকা গান্ধীৰ সন্তান মিৰায়া আৰু ৰাইহান ভাদ্ৰাও উপস্থিত থাকে।
লগতে পঢ়ক: শপত লৈ বিধানসভাৰ মজিয়াত ‘মমতা দিদি জিন্দাবাদ’ ধ্বনি শ্বেৰমান আলীৰ
