উত্তৰ ইউৰোপৰ দেশ ফিনলেণ্ডৰ ৰাষ্ট্ৰপতি আলেকজেণ্ডাৰ ষ্টাব তিনিদিনীয়া ভাৰত ভ্ৰমণত আছিল।ভাৰতত থকাৰ সময়ত ৰাষ্ট্ৰপতি গৰাকীয়ে ধুৰন্ধৰ ছবিখনৰ প্ৰশংসা কৰে।

সাধাৰণতে কোনো এখন দেশৰ ৰাষ্ট্ৰপতি আন এখন দেশলৈ ভ্ৰমণলৈ গ’লে তেওঁলোকৰ আলোচনা প্ৰতিৰক্ষা চুক্তি, প্ৰযুক্তি আৰু কূটনীতিৰ মাজতে আবদ্ধ হৈ থাকে।কিন্তু এই সময়ত ফিনলেণ্ডৰ ৰাষ্ট্ৰপতি আলেকজেণ্ডাৰ ষ্টাবৰ ওপৰত ৰণবীৰ সিঙৰ ব্লকবাষ্টাৰ থ্ৰিলাৰ ‘ধুৰন্ধৰ’ই যথেষ্ট  প্ৰভাৱ পেলাইছে।

দৰাচলতে,ষ্টাবে প্ৰকাশ কৰে যে ভাৰতলৈ অহাৰ পূৰ্বে পুত্ৰৰ পৰামৰ্শ অনুসৰি তেওঁ ৰণবীৰ সিঙৰ ব্লকবাষ্টাৰ চোৰাংচোৱা থ্ৰিলাৰ ‘ধুৰন্ধৰ’ চাইছিলে আৰু এতিয়া ইয়াৰ  ছিকুৱেল ‘ধুৰন্ধৰ ২: দ্য ৰিভেঞ্জ’ৰ বাবে তেওঁ আন যিকোনো অনুৰাগীৰ দৰেই উত্তেজিত হৈ আছে।ইউৰোপীয় দেশ ফিনলেণ্ডৰ ৰাষ্ট্ৰপতি আলেকজেণ্ডাৰ ষ্টাবেৱে ধূৰন্ধৰ ছবিখনক প্ৰশংসা কৰিছে।

৪ মাৰ্চৰ পৰা ৭ মাৰ্চলৈ ভাৰত ভ্ৰমণত থকা আলেকজেণ্ডাৰ ষ্টাবৰে এক সাক্ষাৎকাৰত হাঁহি হাঁহি কয় যে, তেওঁক পুত্ৰই ছবিখন চাবলৈ জোৰ দিছিল।চিনেমাখন চাই সন্ত্ৰাসবাদৰ বিৰুদ্ধে যুঁজ দিয়াৰ এই কাহিনীটো মোৰ বৰ ভাল লাগিল।ময়ো সেই ছবিখনৰ কাহিনীৰ অংশ আছিলো। এতিয়া মই ১৯ মাৰ্চত আহিবলগীয়া ইয়াৰ ছিকুৱেলৰ বাবে আগ্ৰহেৰে অপেক্ষা কৰি আছো।’

২০২৫ চনৰ ৫ ডিচেম্বৰত মুক্তি পোৱা ‘ধুৰন্ধৰ’ ছবিখন প্ৰতিটো স্থৰতে সফলতা লাভ কৰাৰ লগতে বিশ্বজুৰি ১৩৫০ কোটি টকাৰ সংগ্ৰহৰে এখন ছবি হিচাপে পৰিগণিত হয়।

লগতে পঢ়ক: অপেক্ষাৰ অন্ত; ধুৰন্ধৰ দ্য ৰিভেঞ্জৰৰ ট্ৰেইলাৰ মুকলি

অপেক্ষাৰ অন্ত পেলাই ধুৰন্ধৰ ২ৰ ট্ৰেইলাৰ মুক্তি লাভ কৰিলে। য’ত সঞ্জয় দত্তৰ পৰা ৰণবীৰ সিঙৰ আভাস দেখা গৈছে।

পৰিচালক আদিত্য ধৰৰ দুৰ্দান্ত ছবি ধুৰন্ধৰ ২ ৰ অপেক্ষা এতিয়া অন্ত পৰিল আৰু আজি ইয়াৰ ট্ৰেইলাৰ মুকলি কৰা হৈছে। যিয়ে অনুৰাগীৰ মাজত আলোড়নৰ সৃষ্টি কৰিছে।ছবিখনত পুনৰবাৰ লিয়াৰীক তেজেৰে লুতুৰি হোৱা দেখিবলৈ পোৱা গৈছে।

আদিত্য ধৰৰ পৰিচালনাত নিৰ্মিত এই ছবিখনৰ ট্ৰেইলাৰত ৰণবীৰ সিঙক পূৰ্বতকৈ অধিক উগ্ৰ আৰু শক্তিশালী চৰিত্ৰত দেখা গৈছে। তেওঁ লিয়াৰীৰ ‘ৰজা’ হৈ শত্ৰুৰ পৰা প্ৰতিশোধ লোৱা দেখা যায়।ট্ৰেইলাৰত ৰেহমান ডাকোইট (অক্ষয় খান্নাৰ চৰিত্ৰ)ৰো সৰু আভাসও পোৱা গৈছে।

ধূৰন্ধৰ ২ৰ ট্ৰেইলাৰৰ পৰা অনুৰাগীসকলে কাহিনীটোত কিছু নতুন আশা কৰিছিল যদিও বিশেষ একো দেখা নগ’ল।আগৰ খণ্ডটোৰ দৰেই এই অংশতো বেকগ্ৰাউণ্ড স্ক’ৰৰ লগতে কাহিনীটোত একচন দৃশ্য দেখা যায়।আৰ মাধৱনেও নিজৰ চৰিত্ৰটোৰ যোগেদি পৰ্দাত যাদু প্ৰদৰ্শন কৰা দেখা যাব।

১৯ মাৰ্চত মুক্তি পাবলগীয়া ছবিখনৰ অগ্ৰিম বুকিংও ছবিখন মুক্তিৰ প্ৰায় এসপ্তাহ পূৰ্বৰ পৰাই আৰম্ভ হ’ব।ধূৰন্ধৰৰ ট্ৰেইলাৰত প্ৰচণ্ড একচনৰ দ্বাৰা ৰণবীৰ সিঙে আকৌ এবাৰ আলোড়নৰ সৃষ্টি কৰা দেখা যাব।

ধুৰন্ধৰ ২ এতিয়ালৈকে বছৰৰ সৰ্ববৃহৎ ছবি হিচাপে পৰিগণিত হৈছে আৰু মুক্তিৰ পূৰ্বেও বহিঃৰাজ্যত প্ৰিমিয়াৰ শ্ব’ বুকিং কৰা হৈছে।এতিয়া লক্ষ্যণীয় যে এই ছবিখনে ধুৰন্ধৰৰ প্ৰথম খণ্ডৰ বক্স অফিচৰ অভিলেখ ভংগ কৰিবলৈ সক্ষম হ’ব নে নহয়।

লগতে পঢ়ক: অবৈধ প্ৰেমৰ অভিযোগৰ মাজতে একেলগে দেখা গ’ল থালাপথী বিজয় আৰু তৃষা; পৰিচালকৰ বিশেষ পোষ্ট

অপেক্ষাৰ অন্ত পেলাই অৱশেষত মুক্তি পালে ধুৰন্ধৰ ২ৰ টিজাৰ । ইতিমধ্যে সামাজিক মাধ্যমত খলকনি তুলিছে এই টিজাৰে ।

শেহতীয়াকৈ মুক্তি পোৱা “ধুৰন্ধৰ” ছবিখনে বলীউডত আলোড়নৰ সৃষ্টি কৰে । আদিত্য ধৰৰ পৰিচালনাত নিৰ্মিত এই ছবিখনত ৰণবীৰ সিঙৰ লগতে আৰ মাধৱন, অক্ষয় খান্না, চাৰা আলী খান, অৰ্জুন ৰামপালেও অভিনয় কৰিছে । এই স্পাই একচন থ্ৰিলাৰখনে ২০২৫ চনৰ সৰ্ববৃহৎ ব্লকবাষ্টাৰ হিচাপে আত্মপ্ৰকাশ কৰাৰ লগতে হিন্দী চলচ্চিত্ৰ জগতৰ সৰ্বাধিক উপাৰ্জনকাৰী ছবি হিচাপেও পৰিগণিত হয় । এতিয়া ইয়াৰ ছিকুৱেল “ধুৰন্ধৰ: দ্য ৰিভেঞ্জ”ক লৈ প্ৰচণ্ড উত্তেজনা অব্যাহত আছে । ইয়াৰ মাজতে মঙলবাৰে “ধুৰন্ধৰ: দ্য ৰিভেঞ্জ” ছবিখনৰ বহু অপেক্ষাৰত টিজাৰ মুক্তি পালে । দ্বিতীয় খণ্ডৰ টিজাৰৰ বাবে আগ্ৰহেৰে অপেক্ষা কৰি থকা অনুৰাগীসকলে এতিয়া টিজাৰটো অনলাইনত চাব পাৰিব ।

ধুৰন্ধৰঃ দ্য ৰিভেঞ্জৰ টিজাৰ মুকলি-

ধুৰন্ধৰ থিয়েটাৰত মুক্তি পোৱাৰ ৬০ দিনৰ পাছত ২০২৬ চনৰ ৩ ফেব্ৰুৱাৰীত, নিশা ১২:১২ বজাত ধুৰন্ধৰ ২ ৰ প্ৰথমটো টিজাৰ মুকলি কৰি অনুৰাগীক আনন্দিত কৰে ছবিখনৰ নিৰ্মাতাই । ইউটিউবৰ লগলাইনত লিখা আছে, “ধুৰন্ধৰ : দ্য ৰিভেঞ্জ ২০২৬ চনৰ ১৯ ​​মাৰ্চত বিশ্বজুৰি চিনেমা হলত হিন্দী, তেলেগু, তামিল, কানাড়া আৰু মালয়ালম ভাষাত মুক্তি পাব ।”

ছবিগৃহত কেতিয়া মুক্তি পাব ধুৰন্ধৰ ২ ?

ধুৰন্ধৰ ২, ২০২৬ চনৰ ১৯ ​​মাৰ্চ বৃহস্পতিবাৰে চিনেমাগৃহত মুক্তি পোৱাৰ কথা আছে । দক্ষিণৰ চুপাৰষ্টাৰ য়শৰ কানাড়া একচন থ্ৰিলাৰ টক্সিকৰ সৈতে সংঘৰ্ষ হ’ব দ্য ৰিভেঞ্জৰ । দুয়োখন ছবিক লৈ অনুৰাগীসকল অত্যন্ত উৎসাহিত ।

লগতে পঢ়ক : অ’টিটি প্লেটফৰ্মত মুক্তি পালে ৰণবীৰ সিঙৰ ব্লকবাষ্টাৰ ছবি ‘ধুৰন্ধৰ’