বাংলাদেশলৈ যাব নেকি প্ৰধানমন্ত্ৰী মোদী? তাৰিক ৰহমানৰ শপত গ্ৰহণ অনুষ্ঠানত নিমন্ত্ৰণৰ সম্ভাৱনা
বাংলাদেশত জয়ৰ পিছতে শীঘ্ৰেই প্ৰধানমন্ত্ৰী হিচাপে শপত গ্ৰহণ কৰিব তাৰিক ৰহমান। সেই শপত গ্ৰহণ অনুষ্ঠানত প্ৰধানমন্ত্ৰী মোদীক নিয়ন্ত্ৰণ জনোৱাৰ সম্ভাৱনা আছে।
বাংলাদেশৰ নিৰ্বাচনত জয় কৰি দেশৰ পৰৱৰ্তী প্ৰধানমন্ত্ৰী হিচাপে শপত গ্ৰহণ কৰিবলৈ সাজু হৈছে তাৰিক ৰহমান। এই ঐতিহাসিক অনুষ্ঠানত বিএনপিয়ে ভাৰতৰ সৈতে সম্পৰ্কৰ ‘নতুন আৰম্ভণি’ৰ ইংগিত দিছে।
তাৰিক ৰহমানৰ শপত গ্ৰহণ অনুষ্ঠানত প্ৰধানমন্ত্ৰী নৰেন্দ্ৰ মোদীক নিমন্ত্ৰণ কৰিবলৈ সাজু হৈছে দলটো।
ইয়াৰ উপৰিও বিএনপিয়ে সকলো আঞ্চলিক ৰাষ্ট্ৰপতিকো আমন্ত্ৰণ কৰিব পাৰে।তাৰিক ৰহমানৰ বৈদেশিক পৰিক্ৰমা উপদেষ্টা হুমায়ুন কবীৰে স্পষ্ট কৰি দিয়ে যে,দুয়োখন দেশৰ পুৰণি ধাৰণা সলনি কৰাৰ সময় আহি পৰিছে।
তেওঁ কয় যে,‘ভাৰতে বুজিব লাগিব যে আজিৰ বাংলাদেশত শ্বেখ হাছিনা আৰু আৱামী লীগৰ অস্তিত্ব আৰু নাই।
বিএনপিয়ে ভাৰতক আহ্বান জনাইছে যে,শ্বেখ হাছিনাৰ দৰে “সন্ত্রাসবাদী”ক ভাৰতৰ মাটিত আশ্ৰয় নিদিব,যিয়ে বাংলাদেশক অস্থিৰ কৰিবলৈ চেষ্টা কৰিছিল।
হুমায়ুন কবীৰৰ মতে যদি ভাৰতে ‘চুবুৰীয়া প্ৰথম’ নীতিৰ অধীনত সন্মানজনক আচৰণ কৰে, তেন্তে দুয়োখন দেশেই উন্নয়নৰ নতুন উচ্চতা স্পৰ্শ কৰিব পাৰে।
লগতে পঢ়ক: বাংলাদেশত BNP ৰ বৃহৎ জয়ৰ পিছত তাৰিক ৰহমানক শুভেচ্ছা প্ৰধানমন্ত্ৰী মোদীৰ…
