অষ্ট্ৰেলিয়াৰ বিৰুদ্ধে অনুষ্ঠিত হ’ব লগা একমাত্ৰ টেষ্ট মেচৰ বাবে ঘোষণা কৰা হৈছে ভাৰতীয় দল । এই দলত স্থান লাভ কৰিছে এগৰাকী অসমীয়া খেলুৱৈয়েও…
অষ্ট্ৰেলিয়াৰ বিৰুদ্ধে আগন্তুক টেষ্ট মেচৰ বাবে ভাৰতীয় ক্ৰিকেট নিয়ন্ত্ৰণ ব’ৰ্ডে ঘোষণা কৰিছে ১৫ জনীয়া ভাৰতীয় দল । দল পৰিচালনা সমিতিয়ে পুনৰবাৰ প্ৰবীণ অধিনায়কগৰাকীৰ ওপৰত বিশ্বাস ৰাখিছে । প্ৰথমবাৰৰ বাবে দলত অন্তৰ্ভুক্ত হৈছে এজগৰাকী যুৱ বলাৰ । ইফালে এই টেষ্টৰ বাবে অসমৰো এগৰাকী খেলুৱৈয়ে লাভ কৰিছে সুযোগ । ৬ মাৰ্চৰ পৰা অষ্ট্ৰেলিয়াৰ পাৰ্থত অনুষ্ঠিত হ’ব ভাৰত আৰু অষ্ট্ৰেলিয়াৰ একমাত্ৰ টেষ্ট ।
উল্লেখ্য যে বিচিচিআইয়ে মহিলা টেষ্টৰ বাবে ভাৰতীয় দলটো আজি ঘোষণা কৰিছে । হৰমনপ্ৰীত কৌৰক পুনৰবাৰ দলৰ বাঘজৰী দিয়া হৈছে । যুৱ স্পীনাৰ বৈষ্ণৱী শৰ্মাইয়ো এই দলত স্থান লাভ কৰিছে । ২০ বছৰীয়া বৈষ্ণৱীয়ে এতিয়ালৈকে কেৱল টি-২০ ইণ্টাৰনেশ্যনেল ফৰ্মেটতহে খেলিছে । ক্ৰান্তি গৌড়কো এই দলত অন্তৰ্ভুক্ত কৰা হৈছে । ইয়াৰ উপৰিও অ’পেনিং বেটছমেন প্ৰতীকা ৰাৱালক অন্তৰ্ভুক্ত কৰা হৈছে দলত ।
আনহাতে এই দল ঘোষণা কৰাৰ লগে লগে অসমবাসীয়েও লাভ কৰিলে এক ভাল খবৰ । কিয়নো এই টেষ্ট দলত স্থান লাভ কৰিছে অসমৰ জীয়াৰী তথা ভাৰতীয় মহিলা ক্ৰিকেট দলৰ উইকেটকীপাৰ বেটছমেন উমা ছেত্ৰীয়ে । এই খবৰে আনন্দিত কৰি তুলিছে আসমবাসীক ।
স্মৃতিৰ কান্ধত সহ-অধিনায়ৰ দায়িত্ব-
স্মৃতি মন্ধানাক এই টেষ্টৰ বাবে ভাৰতীয় দলৰ সহ-অধিনায়ক হিচাপে নিযুক্তি দিয়া হৈছে । মন্ধানাই নিজৰ কেৰিয়াৰত ৭খন টেষ্ট খেলিছে, য’ত তেওঁ দুটা শতক আৰু তিনিটা অৰ্ধশতককে ধৰি ৬২৯ ৰান সংগ্ৰহ কৰিছে ।
ডব্লিউ পি এলৰ জৰিয়তে উজ্বলিল বৈষ্ণৱী শৰ্মাৰ ভাগ্য-
মহিলা প্ৰিমিয়াৰ লীগৰ চলি থকা চতুৰ্থ ছিজনত বৈষ্ণৱী শৰ্মাই মুম্বাই ইণ্ডিয়ানছ হৈ খেলিছে । অভিষেক মেচৰ প্ৰথম অভাৰত উইকেট দখল কৰি তেওঁ বাতৰিৰ শিৰোনাম দখল কৰিছিল আৰু বিচিচিআইয়ে তেওঁক টিম ইণ্ডিয়াৰ টেষ্ট দললৈ আমন্ত্ৰণ কৰি পুৰস্কৃত কৰিছে । টি-২০ ইণ্টাৰনেশ্যনেলৰ পিছত এতিয়া টেষ্টত বৈষ্ণৱীয়ে কেনে প্ৰদৰ্শন আগবঢ়াই তাৰ ওপৰত সকলোৰে দৃষ্টি নিবদ্ধ থাকিব ।
ভাৰতীয় টেষ্ট দল :
হৰমনপ্ৰীত কৌৰ (অধিনায়ক), স্মৃতি মন্ধানা (সহ-অধিনায়ক), শ্বেফালী বাৰ্মা, জেমিমাহ ৰড্ৰিগোজ, অমনজোত কৌৰ, ৰিচা ঘোষ (উইকেটকীপাৰ), উমা ছেত্ৰী (উইকেটকীপাৰ), প্ৰতীকা ৰাৱাল, হাৰলীন দেউল, দীপ্তি শৰ্মা, ৰেনুকা ঠাকুৰ, স্নেহ ৰাণা, ক্ৰান্তি গৌড়, বৈষ্ণৱী শৰ্মা, সয়ালি সাতঘৰে ।
লগতে পঢ়ক : টি-২০ বিশ্বকাপৰ পৰা বাহিৰ হ’ল বাংলাদেশ…
