এটা খাৱৈত যাত্ৰীবাহী বাছখন বাগৰি পৰাত এই পথ দুৰ্ঘটনা সংঘটিত হয় । বৰ্তমানলৈকে ৭গৰাকী লোকৰ মৃত্যু হোৱা বুলি জানিব পৰা গৈছে ।

উত্তৰাখণ্ডৰ আলমোৰা জিলাত সংঘটিত হৈছে এক ভয়ংকৰ পথ দুৰ্ঘটনা । এখন বাছ এটা খাৱৈত বাগৰি পৰাত এই পথ দুৰ্ঘটনা সংঘটিত হয় । এই দুৰ্ঘটনাত নিহত হয় ৭ জন লোক । আনহাতে দুগৰাকী মহিলাসহ ১২ জন যাত্ৰী আঙত হৈছে । ইতিমধ্যে ঘটনাস্থলীত আৰক্ষী আৰু প্ৰশাসনৰ দল উপস্থিত হৈছে । আহতসকলক চিকিৎসালয়ত ভৰ্তি কৰোৱা হৈছে ।

খবৰ অনুসৰি আলমোৰাৰ ভিকিয়াছাইন অঞ্চলৰ শিলাপানীত সংঘটিত হয় এই পথ দুৰ্ঘটনা । বাছখন খাৱৈত বাগৰি পৰে । দুৰ্ঘটনাত নিহত হয় ৭ জন লোক । আনহাতে আহত হয় আন ১২ জন যাত্ৰী ।

ঘটনাৰ খবৰ পোৱাৰ লগে লগে ঘটনাস্থলীত উপস্থিত হয় প্ৰশাসন আৰু উদ্ধাৰকাৰী দল । আহতসকলক উদ্ধাৰ কৰি চিকিৎসালয়ত ভৰ্তি কৰোৱা হয় ।

জিলাখনৰ ভিকিয়াছাইন অঞ্চলৰ শিলাপানীৰ সমীপত নিয়ন্ত্রণহীন হৈ বাছখন বাগৰি পৰে ৷ দুৰ্ঘটনাত ৭ জন লোকৰ প্ৰাণহানি হোৱাৰ বিপৰীতে দুগৰাকী মহিলাকে ধৰি ১২ জন যাত্ৰী গুৰুতৰভাৱে আহত হয় । ঘটনা সন্দৰ্ভত তথ্য লাভ কৰাৰ লগে লগে স্থানীয় আৰক্ষী, প্ৰশাসন আৰু সাহায্য আৰু উদ্ধাৰকাৰী দলে সেই স্থানত উপস্থিত হয় ।

বিষয়াসকলৰ মতে, বাছখনত মুঠ ১৯জন যাত্ৰী আছিল । চালকে নিয়ন্ত্ৰণ হেৰুওৱাৰ ফলতে এই পথ দুৰ্ঘটনা হোৱাৰ সন্দেহ কৰা হৈছে । নিহতসকলৰ ভিতৰত আছে ৫ গৰাকী পুৰুষ আৰু দুগৰাকী মহিলা ।

উত্তৰাখণ্ডৰ মুখ্যমন্ত্ৰী পুষ্কৰ সিং ধামীয়ে এই ঘটনাক লৈ গভীৰ শোক প্ৰকাশ কৰে । তেওঁ বিদেহ আত্মাৰ শান্তিৰ বাবে প্ৰাৰ্থনা কৰাৰ লগতে শোকসন্তপ্ত পৰিয়ালক সমবেদনা জ্ঞাপন কৰে । আহতসকলক তাৎক্ষণিক আৰু উপযুক্ত চিকিৎসা সেৱা আগবঢ়াবলৈ জিলা প্ৰশাসনক নিৰ্দেশ দিয়ে মুখ্যমন্ত্ৰীয়ে ।

লগতে পঢ়ক : ‘ভাৰতলৈ পলায়ন উছমান হাদীৰ হত্যাকাৰী…’ বাংলাদেশৰ অভিযোগৰ প্ৰত্যুত্তৰ ভাৰতৰ

এখন ট্ৰাকৰ সৈতে শ্লিপাৰ বাছৰ সংঘৰ্ষৰ ফলত এই ভয়ংকৰ দুৰ্ঘটনা সংঘটিত হয় । ঘটনাত ৯গৰাকী যাত্ৰী জীৱন্তে অগ্নিদগ্ধ হৈ মৃত্যুমুখত পৰে ।

কৰ্ণাটকৰ চিত্ৰদুৰ্গ জিলাত সংঘটিত হৈছে এক ভয়ংকৰ দুৰ্ঘটনা । এই ভয়ংকৰ দুৰ্ঘটনাত এখন বাছ জুইয়ে আগুৰি ধৰাৰ ফলত জীৱন্তে অগ্নিদগ্ধ হৈ ৯জন লোকৰ মৃত্যু হয় । আহত আটাইকেইজনক সংকটজনক অৱস্থাত চিকিৎসালয়ত ভৰ্তি কৰোৱা হৈছে । এখন ট্ৰাক আৰু এখন ব্যক্তিগত শ্লীপাৰ বাছৰ মাজত সংঘৰ্ষ হোৱাৰ ফলতেই এই ভয়ংকৰ দুৰ্ঘটনাৰ সূত্ৰপতা হয় । সংঘৰ্ষ ইমানেই তীব্ৰ আছিল যে, বাছখন লগে লগে জুইয়ে আগুৰি ধৰে ফলত বাছখনত থকা ৯ জন লোকৰ মৃত্যু হয় ।

বুধবাৰে গভীৰ নিশা চিত্ৰদুৰ্গা জিলাৰ ৪৮ নং ৰাষ্ট্ৰীয় ঘাইপথৰ গোৰ্লাথু ক্ৰছিঙৰ সমীপত এখন তীব্ৰবেগী ট্ৰাকে ডিভাইডাৰ পাৰ হৈ সন্মুখৰ পৰা অহা এখন শ্লীপাৰ বাছত খুন্দা মাৰে । লগে লগে পথৰ মাজতে বাছখনত অগ্নিসংযোগ হয় । যাত্ৰীসকলে কি হৈছে বুজি পোৱাৰ আগতেই জুইৰ লেলিহান শিখাই বাছখন আগুৰি ধৰে । ট্ৰাকখন হিৰিয়ুৰৰ পৰা বেংগালুৰুলৈ আৰু বাছখন বেংগালুৰুৰ পৰা গোকৰ্ণালৈ গৈ আছিল বুলি জানিব পৰা গৈছে ।

অগ্নিদগ্ধ হৈ ৯ যাত্ৰীৰ মৃত্যু-

এই দুৰ্ঘটনাত বাছখনৰ ৯ জন যাত্ৰী জীৱন্তে অগ্নিদগ্ধ হৈ মৃত্যুমুখত পৰে । আন কেইবাজনো আহত যাত্ৰীক ওচৰৰ চিকিৎসালয়ত ভৰ্তি কৰোৱা হয় । মৃতকৰ সংখ্যা বৃদ্ধি পোৱাৰ আশংকা কৰা হৈছে । ঘটনা সন্দৰ্ভত তথ্য লাভ কৰাৰ লগে লগে আৰক্ষীৰ জ্যেষ্ঠ বিষয়া ঘটনাস্থলীত উপস্থিত হৈ পৰিদৰ্শন কৰে । হিৰিউৰ গ্ৰাম্য আৰক্ষী থানাত ঘটনা সন্দৰ্ভত গোচৰ ৰুজু কৰি তদন্ত আৰম্ভ কৰা হৈছে । বাছখনত পোন্ধৰগৰাকী মহিলা আৰু ১৪জন পুৰুষে যাত্ৰী আছিল ।

বাছখনত আছিল ২৯ জন যাত্ৰী-

খবৰ অনুসৰি বাছখনত ২৯ জন যাত্ৰী আছিল । দুৰ্ঘটনাৰ সময়ত বাছ চালক, কণ্ডাক্টৰ আৰু একাংশ যাত্ৰীয়ে বাছৰ পৰা জপিয়াই প্ৰাণ ৰক্ষা কৰে । দুৰ্ঘটনাত ট্ৰাক চালকৰো মৃত্যু হয় । এই ঘটনাৰ পিছতে ৪৮ নং ৰাষ্ট্ৰীয় ঘাইপথত ৩০ কিলোমিটাৰ দৈৰ্ঘ্যৰ যান-জঁটৰ সৃষ্টি হয় ।

দুৰ্ঘটনাটোৰ পিছতে ঘাইপথত হাহাকাৰ সৃষ্টি হয় । একাংশ লোকে বাছখনৰ জুই নিৰ্বাপনৰ চেষ্টা চলাইছিল যদিও সফল নহ’ল । লগে লগে আৰক্ষীক খবৰ দিয়া হয় । আৰক্ষী আৰু অগ্নিনিৰ্বাপক বাহিনীৰ দল ঘটনাস্থলীত উপস্থিত হয় আৰু যথেষ্ট প্ৰচেষ্টাৰ অন্তত জুই নিয়ন্ত্ৰণ কৰে । আৰক্ষীয়ে আটাইকেইটা মৃতদেহ জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰিছে । আহতসকলক চিকিৎসালয়ত ভৰ্তি কৰোৱা হৈছে আৰু কিছুসংখ্যকৰ অৱস্থা সংকটজনক বুলি জানিব পৰা গৈছে ।

লগতে পঢ়ক : ওড়িশাত নিহত শীৰ্ষ মাওবাদী গণেশ উইকেসহ ৬ নক্সালবাদী… মূৰৰ দাম আছিল ১ কোটি