ৰাজ্যত ৫ বছৰতে পথ দুৰ্ঘটনাত নিহত ১৫,৩০৬ । দেশত পথ দুর্ঘটনাত মৃত্যুৰ হাৰ হ্রাস পোৱাৰ বিপৰীতে পাঁচ বছৰত অসমত বৃদ্ধি ২৭.৪৬ শতাংশ । ৰাজ্যসভাত কেন্দ্রীয় পথ পৰিবহণ মন্ত্রী গাডকাৰিৰ উদ্বেগজনক তথ্য ।
দেশত পথ দুৰ্ঘটনাত মৃত্যুৰ হাৰ তুলনামূলকভাৱে হ্রাস পাহছে যদিও অসমত যোৱা পাঁচ বছৰত বৃদ্ধি পোৱাহে পৰিলক্ষিত হৈছে ৷ ৰাজ্যখনত যোৱা পাঁচ বছৰত পথ দুৰ্ঘটনাত প্রাণ হেৰুৱাহছে ১৫,৩০৬জন লোকে ৷ আজি ৰাজ্যসভাত এহ ডদ্বেগজনক তথ্য দাঙি ধৰিছে কেন্দ্রীয় পথ পৰিবহণ আৰু ঘাহপথ মন্ত্রী নীতিন জয়ৰাম গাডকাৰিয়ে ৷
সদনৰ প্রশ্নোত্তৰকালত কংগ্রেছ সাংসদ দিগ্বিজয় সিং আৰু ৰঞ্জিত ৰঞ্জনে উত্থাপন কৰা পথ দুৰ্ঘটনা সম্পর্কীয় এক প্রশ্নৰ উত্তৰত মন্ত্রী গাডকাৰিয়ে প্রকাশ কৰা মতে, সমগ্র দেশত পথ দুর্ঘটনাত মৃত্যুৰ হাৰ বিগত কিছু বছৰত ডল্লেখযোগ্যভাৱে হ্রাস পাইছে ৷ তেওঁ কয় যে ২০১৮ চনত দেশৰ প্রতি দহ হাজাৰ গাড়ীৰ বিপৰীতে পথ দুর্ঘটনাত মৃত্যুৰ হাৰ আছিল ৫.৮ শতাংশ ৷ ২০২২ চনত এহ হাৰ হ্রাস পায় ৪.৩ শতাংশলৈ ৷
একেদৰে প্রতি দহ হাজাৰ কিলোমিটাৰ ৰাস্তাত ২০১৮ চনত গডত ২৫৪জন লোকৰ প্রাণহানি হৈছিল যদিও ২০২২ চনত এহ হাৰ ২৫০জনলৈ কিছু হ্রাস পায় ৷ পিছে মন্ত্রী গাডকাৰিয়ে অসমৰ বাবে প্রদান কৰা বিস্তাৰিত তথ্যত পথ দুর্ঘটনাৰ এক বিপৰীত তথ্য পোহৰলৈ আহিছে ৷ তেওঁ ২০২০ চনৰ পৰা প্রদান কৰা তথ্য অনুসৰি উক্ত চনত অসমত পথ দুর্ঘটনাত মৃত্যু হৈছিল ২,৬২৯জনৰ ৷ কিন্তু ২০২৪ চনত ৰাজ্যখনত পথ দুর্ঘটনাত প্রাণ হেৰুৱায় ৩,৩৫১জনে ৷ অর্থাৎ বিগত পাঁচ বছৰত অসমত পথ দুর্ঘটনাত মৃত্যু হোৱা লোকৰ সংখ্যা ২৭.৪৬ শতাংশ বৃদ্ধি পাইছে ৷
মন্ত্রী গাডকাৰিয়ে প্রদান কৰা তথ্য অনুসৰি হয়াৰ মাজৰ তিনি বছৰত অর্থাৎ ২০২১, ২০২২ আৰু ২০২৩ চনত অসমত পথ দুর্ঘটনাত প্রাণ হেৰুওৱা লোকৰ সংখ্যা আছিল ক্রমে ৩,০৩৬, ২,৯৯৪ আৰু ৩,২৯৬ ৷ মন্ত্রীজনে প্রকাশ কৰা মতে, দেশৰ মুঠ ১,৭৮,২৯৩ কিলোমিটাৰ ৰাস্তাত সমীক্ষা চলাই সন্ধান লাভ কৰা দুর্ঘটনা অধ্যুষিত ১২,২৮৯টা ব্লেকস্পটৰ স্বল্পম্যাদী সংস্কাৰ কৰা হৈছে ৷ দীর্ঘম্যাদী সংস্কাৰ কৰা হৈছে আন ৫,৭৭৩টা ব্লেকস্পটৰ ৷ ডল্লেখ্য যে অসমত দুর্ঘটনা অধ্যুষিত ৯৫টা ব্লেকস্পট পূর্বতে চিহ্ণিত কৰা হৈছিল ৷
লগতে পঢ়ক : আজি লোকসভাত প্ৰদূষণ সন্দৰ্ভত আলোচনা, বিয়লি ৫ বজাত পৰিৱেশ মন্ত্ৰীয়ে দিব উত্তৰ
