আমেৰিকা চৰকাৰৰ ৱেবছাইটৰ পৰা নাইকিয়া হ’ল ড’নাল্ড ট্ৰাম্পৰ ফটোসহ ১৬টা এপষ্টেইন ফাইল

জেফ্ৰি এপষ্টেইনৰ সৈতে জড়িত নথি-পত্ৰৰ বাবে ন্যায় বিভাগৰ ৰাজহুৱা ৱেবছাইটৰ পৰা কমেও ১৬টা ফাইল নোহোৱা হৈছে।যিবোৰ ফাইল নোহোৱা হৈছে তাত ৰাষ্ট্ৰপতি ড’নাল্ড ট্ৰাম্পৰ ফটোও সন্নিবিষ্ট কৰা হৈছিল।

এই ফাইলসমূহ এদিন আগতে শ্বেয়াৰ কৰা হৈছিল যদিও ৱেবপেজত এতিয়া উপলব্ধ নহয়।এই সন্দৰ্ভত আমেৰিকা চৰকাৰে কোনো ধৰণৰ স্পষ্টীকৰণ দিয়া নাই।এই ফাইলসমূহ কিয় আঁতৰোৱা হ’ল বা ইচ্ছাকৃতভাৱে নোহোৱা কৰিছে সেই কথা ন্যায় বিভাগে কোৱা নাই।

হেৰাই যোৱা ফাইলসমূহৰ ভিতৰত এপষ্টেইনৰ ঘৰৰ ফটো, নগ্ন ছবি আছিল, য’ত ট্ৰাম্প আৰু এপষ্টেইনক একেলগে দেখিবলৈ পোৱা গৈছে।এই ফটোখন ড্ৰয়াৰত ৰখা ফটোবোৰৰ ভিতৰত আছিল।

কোনো ধৰণৰ কাৰণ নোহোৱাকৈ ফাইলবোৰ ডিলিট কৰা হ’ল সেই সম্পৰ্কে জল্পনা-কল্পনাৰ ইন্ধন যোগাইছে আৰু জনসাধাৰণক কিয় অৱগত কৰা নহ’ল তাক লৈও প্ৰশ্ন উত্থাপন কৰা হৈছে।

ইয়াৰ ফলত এপষ্টেইন আৰু তেওঁৰ চৌপাশৰ শক্তিশালী লোকসকলক লৈ দীৰ্ঘদিনীয়া ৰহস্য আৰু অধিক গভীৰ হৈ পৰিছে।

হাউছ অভাৰচাইট কমিটীৰ ডেম’ক্ৰেটসকলে ছ’চিয়েল মিডিয়া প্লেটফৰ্ম এক্সত এক পোষ্টত এইদৰে কয় ট্ৰাম্পৰ হেৰাই যোৱা ছবিলৈ আঙুলিয়াই তেওঁ লিখিছে-“আৰু কি লুকুৱাই ৰখা হৈছে? আমেৰিকাৰ জনসাধাৰণৰ বাবে আমাক স্বচ্ছতাৰ প্ৰয়োজন।”

লগতে পঢ়ক: অৱতৰণৰ সময়তেই ভয়ংকৰ বিমান দুৰ্ঘটনা; পাইলটসহ ৭ জনৰ মৃত্যু  

ফিফাই ড’নাল্ড ট্ৰাম্পক প্ৰদান কৰিলে প্ৰথম ফিফা শান্তি বঁটা।

আমেৰিকাৰ ৰাষ্ট্ৰপতি ড’নাল্ড ট্ৰাম্পক শান্তি বঁটাৰে সন্মানিত কৰা হয়। অৱশ্যে এয়া শান্তিৰ নোবেল বঁটা নাছিল,যাৰ দাবী ট্ৰাম্পে নিজেই কেইবাবাৰো কৰিছিল।

শুকুৰবাৰে ফিফাই ট্ৰাম্পক প্ৰথমটো  ‘ফিফা শান্তি বঁটা (FIFA Peace Prize)- Football Unites the World’ বঁটা প্ৰদান কৰি সমগ্ৰ বিশ্বক আচৰিত কৰি তুলিছিল।

ফিফাৰ ২০২৬ ৰ বিশ্বকাপৰ ড্ৰ’ৰ সময়ত ৱাশ্বিংটনত অনুষ্ঠিত এক বৃহৎ সমাৰোহত ফিফাৰ সভাপতি জিয়ানি ইনফান্টিনোৱে ট্ৰাম্পক গোল্ডেন ট্ৰফী,পদক আৰু প্ৰমাণ পত্ৰ প্ৰদান কৰে।

ইনফান্টিনোৱে ট্ৰাম্পক এই বঁটা প্ৰদান কৰি কয় যে,’এইটো আপোনাৰ শান্তিৰ বঁটা মহোদয়।আপুনি বিশ্বত শান্তি আৰু ঐক্যৰ বাবে যি কাম কৰিছে,তাৰ বাবে এই সন্মান’।

এই বঁটা গ্ৰহণ কৰি ট্ৰাম্পে কয় যে,’এইটো মোৰ জীৱনৰ আটাইতকৈ ডাঙৰ সন্মান।’ লগতে তেওঁৰ পত্নী মেলানিয়া ট্ৰাম্প, কানাডাৰ প্ৰধানমন্ত্ৰী মাৰ্ক কাৰ্নি আৰু মেক্সিক’ৰ ৰাষ্ট্ৰপতি ক্লাউডিয়া শ্বেইনবামক ধন্যবাদ জনায়।

গাজা যুদ্ধবিৰতিত ট্ৰাম্পৰ ভূমিকাক প্ৰশংসা কৰি ইনফান্টিনোৱে কয় যে,ট্ৰাম্প নোবেলৰ যোগ্য।এই বঁটা প্ৰথমবাৰৰ বাবে ফিফাই আৰম্ভ কৰিছে আৰু ফিফাৰ দ্বাৰা আৰম্ভ কৰা বিশ্ব শান্তি বঁটাৰ বিজয়ী হয় ট্ৰাম্প।

লগতে পঢ়ক: তেওঁলোকৰ উদ্দেশ্য শান্তি নহয়… ভাৰত ভ্ৰমণৰ পূৰ্বে ইউৰোপীয় দেশসমূহক লক্ষ্য কৰি ক’লে পুটিনে

হোৱাইট হাউচত হাহাকাৰ

হোৱাইট হাউচত হাহাকাৰ । বিশ্বৰ আটাইতকৈ শক্তিশালী দেশখনৰ ৰাষ্ট্ৰপতি ড’নাল্ড ট্ৰাম্পৰ বাসস্থানৰ পৰা মাত্ৰ কেইগজমান দূৰত্বত সংঘটিত হৈছে গুলীচালনা । ৱাশ্বিংটন ডিচিৰ হোৱাইট হাউছৰ পৰা মাত্ৰ অলপ দূৰত সংঘটিত হয় এই গুলীচালনা । এই গুলীচালনাৰ ঘটনাত কমেও তিনিজন লোক আহত হয়, য’ত নেশ্যনেল গাৰ্ডৰ দুজন সদস্যও আছে । স্থানীয় সময় অনুসৰি দুপৰীয়া ২:৩০ বজাত হোৱাইট হাউচৰ সমীপত সংঘটিত হয় এই ঘটনা । আহত নেশ্যনেল গাৰ্ডৰ সদস্য দুজনক পৃথকে পৃথকে চিকিৎসালয়ত ভৰ্তি কৰোৱা হৈছে ।

পশ্চিম ভাৰ্জিনিয়াৰ গৱৰ্ণৰ পেট্ৰিক মৰিছে প্ৰথমে টুইটাৰত পোষ্ট কৰিছিল যে নেশ্যনেল গাৰ্ডৰ দুজন সদস্যৰ মৃত্যু হৈছে । অৱশ্যে পিছত তেওঁ নিজৰ পোষ্টটো ডিলিট কৰে ।

মেট্ৰ’পলিটান আৰক্ষী বিভাগে প্ৰকাশ কৰা অনুসৰি হোৱাইট হাউছৰ সমীপত এই গুলীচালনা সংঘটিত হয় । ঘটনাৰ লগে লগে অঞ্চলটোত আৰক্ষীৰ মোতায়েন কৰা হয় । এছাল্ট ৰাইফল লৈ সজ্জিত আৰক্ষী কেইবাটাও ব্লকত বিয়পি পৰে আৰু সমগ্ৰ অঞ্চলটো ছীল কৰে । পথ বন্ধ কৰি দিয়া হয়, অসংখ্য আৰক্ষীৰ বাহন আৰু এম্বুলেন্স সেই স্থানত উপস্থিত হয় আৰু তদন্তকাৰী দল সক্ৰিয় কৰা হয় ।

ইফালে এই ঘটনা সংঘটিত কৰা শ্বুটাৰজনক চিনাক্ত কৰা হৈছে । আইন প্ৰয়োগকাৰী সংস্থাৰ মতে আক্ৰমণকাৰীজন ৱাশ্বিংটন অঞ্চলৰ বাসিন্দা নহয় । বৰ্তমান আক্রমণকাৰীজন জিম্মাত আছে আৰু জেৰা অব্যাহত ৰখা হৈছে । এই ঘটনাৰ আঁৰৰ উদ্দেশ্যৰ তদন্তও অব্যাহত ৰাখিছে কৰ্তৃপক্ষই ।

লগতে পঢ়ক : চাংহাই বিমানবন্দৰ বিবাদ… অৰুণাচলৰ মহিলাৰ সৈতে হোৱা দুৰ্ব্যৱহাৰৰ অস্বীকাৰ চীনৰ