আমেৰিকাত পুনৰ ভয়ংকৰ বিমান দুৰ্ঘটনা । পাইলটসহ ৭ জন লোক আছিল বিমানখনত। আটাইকেইজনৰে মৃত্যু হোৱা বুলি সন্দেহ কৰা হৈছে।
পুনৰ এক বিমান দুৰ্ঘটনা সংঘটিত হৈছে আমেৰিকাত ।বিমান দুৰ্ঘটনাৰ সন্দৰ্ভত বিষয়াসকলে জনোৱা মতে, উত্তৰ কেৰ’লিনাৰ আঞ্চলিক বিমানবন্দৰত ছয়জন লোক কঢ়িয়াই অনা ব্যৱসায়িক জেট বিমান দুৰ্ঘটনাগ্ৰস্ত হৈছে।
এই বিমানবন্দৰটো নাছকাৰৰ দল আৰু ফৰ্চুন ৫০০ কোম্পানীয়ে ব্যৱহাৰ কৰে।দুৰ্ঘটনাটোৰ পিছতে দাউ দাউ কৈ জ্বলি উঠিছিল বিমানখন আৰু কেইবাজনো লোকৰ মৃত্যু হয়।
বিমানখন নাছকাৰৰ অৱসৰপ্ৰাপ্ত পাইলট গ্ৰেগ বিফেলে উৰুৱাইছিল বুলি জানিব পৰা গৈছে।ফেডাৰেল এভিয়েশন এডমিনিষ্ট্ৰেচনে জনোৱা মতে, চেছনা চি ৫৫০ বিমানখনত পাইলটকে ধৰি ৭ জন লোক আছিল,যিটো চাৰ্লটৰ পৰা প্ৰায় ৪৫ মাইল (৭২ কিলোমিটাৰ) উত্তৰত অৱস্থিত ষ্টেটছভিল আঞ্চলিক বিমানবন্দৰত অৱতৰণ কৰাৰ সময়ত দুৰ্ঘটনাগ্ৰস্ত হয়।
জানিব পৰা মতে বিমানখনে পুৱা ১০ বজাত বিমানবন্দৰৰ পৰা উৰা মাৰিছিল যদিও তাৰ পিছত উভতি আহি অৱতৰণ কৰাৰ চেষ্টা কৰিছিল।আৰু সেই সময়তেই দুৰ্ঘটনাগ্ৰস্ত হয় বিমানখন।
লগতে পঢ়ক: ওছমান হাদীৰ মৃত্যুৰ পিছতে জ্বলিছে বাংলাদেশ;দুটাকৈ সংবাদ প্ৰতিষ্ঠানত অগ্নি সংযোগ
