দেওবাৰে পূব ফ্ৰান্সত এখন অসামৰিক বিমান দুৰ্ঘটনাগ্ৰস্ত হৈ এঘাৰজন লোকৰ মৃত্যু হৈছে।বিমানখনত থকা পাইলট ,পাঁচজন ছাত্ৰ আৰু পাঁচজন প্ৰশিক্ষককে ধৰি ১০ জন যাত্ৰীৰ মৃত্যু হৈছে।
দেওবাৰে পূৰ্ব ফ্ৰান্সত এখন সৰু বিমান দুৰ্ঘটনাগ্ৰস্ত হয়। বিমান দুৰ্ঘটনাটোৰ ফলত ১১ জন লোকৰ মৃত্যু হৈছে জানিব পৰা গৈছে। জানিব পৰা মতে, পূব ফ্ৰান্সৰ টমব্লেইন চহৰত সংঘটিত হৈছে এই দুৰ্ঘটনাটো। বিমানখনৰ পাইলট আৰু ১০ গৰাকী যাত্ৰীৰ মৃত্যু হৈছে। যাত্ৰীসকলৰ ভিতৰত পাঁচজন ছাত্ৰ আৰু পাঁচজন প্ৰশিক্ষক আছিল।স্থানীয় প্ৰশাসনে এক্সত এটা পোষ্টত উল্লেখ কৰিছে যে টমব্লেইন পৌৰসভাত অসামৰিক বিমানৰ সৈতে জড়িত এক কাণ্ড সংঘটিত হৈছে। এই বিমানখনে নেন্সি-এচি বিমানবন্দৰৰ পৰা উৰা মাৰিছিল।
স্থানীয় সংবাদ মাধ্যমৰ তথ্য অনুসৰি, বিমানখনত স্কাইডাভিংৰ বাবে এটা দল গৈ আছিল।বিমানখন পেৰাচুটিং স্কুলৰ আছিল আৰু নেন্সি-এচি বিমানবন্দৰৰ পৰা উৰা মৰাৰ সময়তেই দুৰ্ঘটনাগ্ৰস্ত হয়। ইপিনে, দেশখনৰ গৃহ মন্ত্ৰালয়ে জনোৱা মতে, গৃহ মন্ত্ৰী লৰেন্ট নুনেজ দুৰ্ঘটনাটোৰ স্থান অভিমুখে ৰাওনা হৈছে।
এই কৰুণ দুৰ্ঘটনাত বিমানখনত থকা আঠজন ক্ৰু মেম্বাৰৰে থিতাতে মৃত্যু হৈছে
আমেৰিকা যুক্তৰাষ্ট্ৰৰ কেলিফৰ্ণিয়াত সংঘটিত হৈছে এক ভয়াৱহ বিমান দুৰ্ঘটনা । কেলিফৰ্ণিয়াৰ ম’জাভে মৰুভূমিত অৱস্থিত এডৱাৰ্ডছ এয়াৰ ফ’ৰ্চ বেচৰ পৰা উৰণ আৰম্ভ কৰাৰ কিছু সময় পিছতেই আমেৰিকাৰ বিমান বাহিনীৰ এখন বি-৫২ ষ্ট্ৰেটোফৰ্ট্ৰেছ নামৰ গধুৰ বোমাৰু বিমান দুৰ্ঘটনাগ্ৰস্ত হয় । এই কৰুণ দুৰ্ঘটনাত বিমানখনত থকা আঠজন ক্ৰু মেম্বৰৰে থিতাতে মৃত্যু হৈছে ।
আন্তঃৰাষ্ট্ৰীয় সংবাদ মাধ্যম চিএনএন-ৰ তথ্য অনুসৰি, এটা নিয়মীয়া পৰীক্ষামূলক অভিযানত থকা বিমানখনে স্থানীয় সময় অনুসৰি প্ৰায় ১১:২০ বজাত উৰণ আৰম্ভ কৰিছিল । কিন্তু দুৰ্ভাগ্যবশত, উৰণৰ কিছু সময় পিছতেই লছ এঞ্জেলছৰ উত্তৰ-পূবত থকা দুৰ্গম সামৰিক ঘাটিটোৰ ওচৰত বিমানখন দুৰ্ঘটনাত পতিত হয় ।
Deeply anguished by the loss of five Air Warriors in the An-32 accident at Jorhat, Assam.
Sqn Ldr Prashant Singh, Flt Lt Shubham Kumar, Sgt Jitendra Sharma, Agniveervayu Khemaram Kumawat and Agniveervayu Danish Alam made the supreme sacrifice in the line of duty. Their courage… https://t.co/eChXozjT85
দিল্লী বিমানবন্দৰত এক ভয়ংকৰ বিমান দুৰ্ঘটনা সংঘটিত হয়। জানিব পৰা মতে, দিল্লী বিমানবন্দৰত বৃহস্পতিবাৰে দুখন বিমানৰ সংঘৰ্ষ হয়।এই বিমান দুখন স্পাইচজেট আৰু আকাছা এয়াৰৰ বুলি জানিব পৰা গৈছে।এই দুৰ্ঘটনাত কোনো লোক হতাহত হোৱাৰ খবৰ পোৱা নাই।
আকাছা এয়াৰে এক বিবৃতি যোগে প্ৰকাশ কৰে যে, দিল্লীৰ পৰা হায়দৰাবাদ অভিমুখী আকাছা এয়াৰৰ কিউপি ১৪০৬ বিমানখন দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দত ৰৈ আছিল। সেই সময়তে আন এটা বিমান সংস্থাৰ এখন বিমানে খুন্দা মাৰে।লগে লগে সকলো যাত্ৰী আৰু ক্ৰুক নিৰাপদে নমাই অনা হয়।প্ৰট’কল অনুসৰি সংশ্লিষ্ট বিষয়াসকলক দুৰ্ঘটনাটো অৱগত কৰা হৈছে, আৰু বিষয়টোৰ তদন্ত চলি আছে।
সোমবাৰে সংঘটিত হোৱা এক ভয়ংকৰ বিমান দুৰ্ঘটনাত ৬০ জনতকৈ অধিক লোকৰ মৃত্যু হোৱা বুলি জানিব পৰা গৈছে
দক্ষিণ আমেৰিকাৰ কলম্বিয়াত সোমবাৰে সংঘটিত হোৱা এক ভয়ংকৰ বিমান দুৰ্ঘটনাত ৬০ জনতকৈ অধিক লোকৰ মৃত্যু হোৱা বুলি জানিব পৰা গৈছে । এই ঘটনাত বহু লোক এতিয়াও সন্ধানহীন হৈ আছে । ১২৫ জন যাত্ৰী কঢ়িয়াই নিয়া বিমানখন উৰণৰ কিছু সময়ৰ পাছতে দুৰ্ঘটনাগ্ৰস্ত হয় ।
কলম্বিয়াৰ সেনাই প্ৰায় ৬৬ জন জোৱানৰ মৃত্যু নিশ্চিত কৰিছে । ইয়াৰ পূৰ্বে কলম্বিয়াৰ প’ৰ্ট’ লেগুইজামোৰ মেয়ৰে কয় যে বিমান দুৰ্ঘটনাত ৩৪ জন জোৱানৰ মৃত্যু হৈছে । সংবাদ মাধ্যমৰ বাতৰি অনুসৰি ২০ জনতকৈ অধিক জোৱান সন্ধানহীন হৈ আছে । বায়ুসেনাই জনোৱা মতে, হাৰকিউলিছ চি-১৩০ বিমানখনত ১১০জন জোৱান আৰু ১১জন ক্ৰুকে ধৰি ১২১জন লোক আছিল । সোমবাৰে উৰণৰ সময়ত বিমানখন দুৰ্ঘটনাগ্ৰস্ত হয় । কলম্বিয়াৰ পুটুমায়োৰ পুয়েৰ্টো লেগুইজামোৰ পৰা উৰা মাৰিছিল যদিও কিছু সময়ৰ পিছতে বিমানখন দুৰ্ঘটনাগ্ৰস্ত হয় ।
দুৰ্ঘটনাগ্ৰস্ত হোৱা বিমানখন আছিল আমেৰিকাৰ কোম্পানী লকহিড মাৰ্টিনৰ দ্বাৰা নিৰ্মিত হাৰকিউলিছ চি-১৩০ পৰিবহণ বিমান । এই দুৰ্ঘটনাটোত সামৰিক পৰিবহণ বিমানখনত কঢ়িয়াই নিয়া গোলাবাৰুদ আৰু বিস্ফোৰক বিস্ফোৰণৰ ফলত ব্যাপক ক্ষতিসাধন হোৱাৰ লগতে উদ্ধাৰৰ কামো জটিল হৈ পৰে । হাৰকিউলিছ চি-১৩০ বিমান ১৯৫০ চনত নিৰ্মাণ কৰা হৈছিল আৰু ১৯৬০ চনৰ শেষৰ ফালে কলম্বিয়াই ক্ৰয় কৰিছিল । বৰ্তমান এই বিমানসমূহ কলম্বিয়াৰ সৈন্যক কঢ়িয়াই নিয়াৰ বাবে ব্যৱহাৰ কৰা হয় ।
উল্লেখ্য যে, ইকুৱেডৰ আৰু পেৰুৰ সীমান্তৱৰ্তী আমাজন অঞ্চলৰ এখন প্ৰদেশ পুটুমায়োত অৱস্থিত পুয়েৰ্টো লেগুইজামো । প্ৰতিৰক্ষা মন্ত্ৰী পেড্ৰ’ ছানচেজে এক্সত জনোৱা মতে, সোমবাৰে দুৰ্ঘটনাগ্ৰস্ত হোৱা বিমানখনে জোৱান কঢ়িয়াই পুটুমায়োৰ আন এখন চহৰলৈ লৈ গৈছিল । কলম্বিয়াৰ সংবাদ মাধ্যমে অনলাইনত শ্বেয়াৰ কৰা ছবিত দেখা গৈছে যে বিমানখন দুৰ্ঘটনাগ্ৰস্ত হোৱা পথাৰখনৰ পৰা ধোঁৱাৰ ডাঠ ডাৱৰ ওপৰলৈ উঠি আহিছে । জোৱান কঢ়িওৱা এখন ট্ৰাকো ঘটনাস্থলীৰ দিশে তীব্ৰ বেগেৰে গৈ থকা দেখা গৈছে । বায়ুসেনাই এক বিবৃতিত কয় যে দুৰ্ঘটনাস্থলীৰ পৰা কমেও ৭৭ জন লোক আহত অৱস্থাত উদ্ধাৰ কৰা হৈছে । প্ৰতিৰক্ষা মন্ত্ৰালয়ৰ এগৰাকী মুখপাত্ৰই কয় যে বিষয়াসকলে এতিয়াও চূড়ান্ত মৃত্যুৰ সংখ্যাৰ তদন্ত কৰি আছে ।
নিউয়ৰ্কৰ লাগাৰ্ডিয়া বিমানবন্দৰত এক ভয়ংকৰ বিমান দুৰ্ঘটনা সংঘটিত হৈছে। ৰাণৱেৰ পৰা গৈ ৰখাই থোৱা অগ্নিনিৰ্বাপক বাহিনীৰ গাড়ীত খুন্দা এয়াৰ কানাডা এক্সপ্ৰেছৰ এখন বিমানৰ।
নিউয়ৰ্কৰ লাগাৰ্ডিয়া বিমানবন্দৰৰ ৰাণৱেত এক ভয়ংকৰ বিমান দুৰ্ঘটনা সংঘটিত হয। এয়াৰ কানাডা এক্সপ্ৰেছৰ এখন বিমানে বিমানবন্দৰত ৰখাই থোৱা এখন অগ্নিনিৰ্বাপক বাহিনীৰ গাড়ীৰ সৈতে সংঘৰ্ষ হয়,ফলত বহু লোক গুৰুতৰভাৱে আহত হয়।
দুৰ্ঘটনাটো সংঘটিত হোৱাৰ লগে লগে উদ্ধাৰ অভিযান আৰম্ভ হয়।জানিব পৰা মতে, বিমানখনত প্ৰায় ১০০ গৰাকী যাত্ৰী আছিল।দুৰ্ঘটনাটোত বহুলোক আহত হৈছে। আহতসকলক ততাতৈয়াকৈ চিকিৎসালয়লৈ প্ৰেৰণ কৰা হয়।
দক্ষিণ আমেৰিকাৰ দেশ বলিভিয়াত এক ভয়ংকৰ বিমান দুৰ্ঘটনা সংঘটিত হয়। বলিভিয়াৰ বায়ুসেনাৰ এখন হাৰকিউলিছ চি-১৩০ বিমান ৰাণৱেৰ পৰা ছিটিকি গৈ বিমানবন্দৰৰ সীমা ভাঙি পথত খুন্দা মাৰে।
দক্ষিণ আমেৰিকাৰ দেশ বলিভিয়াত শুকুৰবাৰে (২৭ ফেব্ৰুৱাৰী) এক ভয়ংকৰ বিমান দুৰ্ঘটনা সংঘটিত হয়। ৰাজধানী লা পাজৰ সমীপৰ এল আল্ট’ চহৰত দুৰ্ঘটনাগ্ৰস্ত হয় বলিভিয়াৰ বায়ুসেনাৰ হাৰকিউলিছ চি-১৩০ বিমান।
এই দুৰ্ঘটনাত ১৫ জন লোক নিহত হোৱাৰ লগতে কমেও ৩০ জন লোক আহত হয়।ৰাণৱেৰ পৰা ছিটিকি গৈ বিমানখনে ভাঙি দিয়ে বিমানবন্দৰৰ সুৰক্ষা বেৰ।
স্থানীয় সময় অনুসৰি সন্ধিয়া প্ৰায় ৬ বজাত সংঘটিত হয় এই দুৰ্ঘটনাটো।বিমানখনে অৱতৰণৰ সময়ত ৰাণৱেৰ পৰা বাহিৰ হৈ যায়। তাৰ পিছত বিমানবন্দৰৰ সীমা ভাঙি পথত বাগৰি পৰে।
বিমানখনে কেইবাখনো গাড়ী আৰু অন্যান্য বাহনৰ সৈতে সংঘৰ্ষত লিপ্ত হয়।এই সংঘৰ্ষটো ইমানেই ভয়াৱহ আছিল যে বহু বাহন সম্পূৰ্ণৰূপে ক্ষতিগ্ৰস্ত হয়।
অগ্নিনিৰ্বাপক বাহিনীৰ মুৰব্বী পাভেল টোভাৰৰ মতে মৃত লোকসকল বিমানত আছিল নে চহৰখনৰ বিমানবন্দৰৰ ওচৰৰ ঘাইপথত ক্ষতিগ্ৰস্ত গাড়ীত আছিল সেই কথা স্পষ্ট কৰা নাই।
জানিব পৰা মতে,এই বিমানখনে দেশৰ বিভিন্ন প্ৰান্তলৈ নতুন বেংক নোট ডেলিভাৰী কৰিবলৈ গৈ আছিল।দুৰ্ঘটনাটোৰ পিছত পথত সিঁচৰতি হৈ পৰে নোট।
