জুবিন গাৰ্গৰ ঘটনাৰ ন্যায় বিচাৰি এজাহাৰ দাখিল পত্নী গৰিমা গাৰ্গৰ

জুবিন গাৰ্গৰ মৃত্যুৰ ঘটনাই তোলপাৰ লগাই আছে সমগ্ৰ ৰাজ্য । অসমীয়াৰ আপোন শিল্পীগৰাকীৰ মৃত্যুত তেখেতৰ পৰিয়ালৰ লগতে শোকত ভাগি পৰিছে অনুৰাগী তথা অসমবাসী । ক্ষোভিত অনুৰাগী তথা অসমবাসীয়ে এই ঘটনাৰ উচিত তদন্তৰ লগতে ন্যায় বিচাৰিছে । ইতিমধ্যে এই ঘটনাৰ তদন্ত আৰম্ভ কৰিছে চি আই ডিয়ে । ইয়াৰ মাজতে শনিবাৰে নিশা এই ঘটনাৰ তদন্ত বিচাৰি এজাহাৰ দাখিল কৰিলে জুবিন পত্নী গৰিমা শইকীয়া গাৰ্গে ।

জুবিন গাৰ্গৰ মৃত্যু ৯ দিনৰ পিছত ন্যায় বিচাৰি আৰক্ষীৰ কাষ চাপিছে গৰিমা শইকীয়া গাৰ্গ । ছিংগাপুৰত জুবিনৰ সৈতে থকা সকলোৰে বিৰুদ্ধে এই এজাহাৰ দাখিল কৰিছে জুবিন পত্নীয়ে । ই-মেইলযোগে গৰিমা শইকীয়া গাৰ্গে চি আই ডিৰ এছ আই টিত দাখিল কৰিছে এই এজাহাৰ । এজাহাৰত স্বাক্ষৰ কৰে জুবিন পত্নী গৰিমা শইকীয়া গাৰ্গ, ভগ্নী পামি বৰঠাকুৰ আৰু খুড়াক মনোজ বৰঠাকুৰে ।

লগতে পঢ়ক : ৰাইজৰ ক্ষোভৰ সৈতে খেলা নকৰিব : শ্যামকানু-সিদ্ধাৰ্থক সকীয়নি মুখ্যমন্ত্ৰী হিমন্ত বিশ্ব শৰ্মাৰ

সিদ্ধাৰ্থ শৰ্মাৰ এপাৰ্টমেন্টত সন্মুখত উত্তপ্ত পৰিস্থিতি

জুবিনৰ মেনেজাৰ সিদ্ধাৰ্থ শৰ্মাৰ দঁতালপাৰাৰ মানপাৰাৰ বাসগৃহৰ সন্মুখত উত্তপ্ত পৰিস্থিতিৰ সৃষ্টি হৈছে।সিদ্ধাৰ্থ শৰ্মাক বিচাৰি ওলাই আহিল অসংখ্য ক্ষুব্ধ জুবিন অনুৰাগী।অৰ্কিড হিলভিউৰ তৃতীয় মহলাত থাকে সিদ্ধাৰ্থ শৰ্মা।

SIT ৰ এটা দলে এপাৰ্টমেন্টোত অভিযান চলাবলৈ যোৱাৰ সময়তে অসংখ্য ক্ষুব্ধ জুবিন অনুৰাগী উপস্থিত হৈ উত্তপ্ত পৰিস্থিতিৰ সৃষ্টি কৰে।

মানপাৰাৰ ফ্লেটৰ তৃতীয় মহলাত সিদ্ধাৰ্থ লুকাই থকাৰ সন্দেহ কৰা হৈছিল। ফ্লেটৰ গেট খুলি সিদ্ধাৰ্থক শাস্তি দিয়াৰ হুংকাৰ অসংখ্য অনুৰাগীৰ। অৱশ্যে আৰক্ষীৰ উপস্থিতিতিত পৰিস্থিতি নিয়ন্ত্ৰণ কৰা হয়।  

লগতে পঢ়ক: গ্ৰেপ্তাৰ হ’ল শেখৰজ্যোতি গোস্বামী;  বাসগৃহত CID ৰ অভিযান