টি-২০ ফৰ্মেটত দুবাৰকৈ বিশ্বকাপ জয় কৰি টিম ইণ্ডিয়াই ইতিহাস ৰচিছে কিন্তু শেষৰবাৰ এদিনীয়া বিশ্বকাপত ২০১১ চনত জয়লাভ কৰিছিল

টি-২০ বিশ্বকাপ ২০২৬ জয় কৰাৰ পাছত টিম ইণ্ডিয়াৰ পৰৱৰ্তী ডাঙৰ লক্ষ্য হ’ব আইচিচি এদিনীয়া বিশ্বকাপ ২০২৭ । টি-২০ ফৰ্মেটত দুবাৰকৈ বিশ্বকাপ জয় কৰি টিম ইণ্ডিয়াই ইতিহাস ৰচিছে কিন্তু শেষৰবাৰ এদিনীয়া বিশ্বকাপত ২০১১ চনত জয়লাভ কৰিছিল । সেয়েহে দলটোৱে ১৬ বছৰীয়া অপেক্ষাৰ অন্ত পেলাবলৈ জোৰদাৰ প্ৰস্তুতি আৰম্ভ কৰাৰ সময় আহি পৰিছে । টি-২০ বিশ্বকাপ ২০২৬ত ভাৰতৰ জয়ৰ পাছতে মুখ্য প্ৰশিক্ষক গৌতম গম্ভীৰে ২০২৭ চনৰ এদিনীয়া বিশ্বকাপৰ বাবে দলটোৱে কেতিয়াৰ পৰা প্ৰস্তুতি আৰম্ভ কৰিব সেই কথা প্ৰকাশ কৰে ।

সংবাদ মাধ্যমৰ সৈতে কথোপকথনত গৌতম গম্ভীৰে কয় যে আই পি এল ২০২৬ শেষ হোৱাৰ পাছত টিম ইণ্ডিয়াই ২০২৭ চনৰ বিশ্বকাপৰ বাবে প্ৰস্তুতি আৰম্ভ কৰিব । তেওঁ কয় যে আই পি এল ২০২৬ আৰু বিশ্বকাপৰ মাজত প্ৰায় ২৫ৰ পৰা ৩০ খন এদিনীয়া মেচ অনুষ্ঠিত হ’ব, সেয়েহে আগতীয়াকৈ পৰিকল্পনা কৰাটো গুৰুত্বপূৰ্ণ কাৰণ আজিকালি এদিনীয়া ফৰ্মেট বেছিকৈ খেলা নহয় ।

উল্লেখ্য যে, দক্ষিণ আফ্ৰিকাত অনুষ্ঠিত হ’ব এদিনীয়া বিশ্বকাপ ২০২৭ । গম্ভীৰে কয় যে দক্ষিণ আফ্ৰিকাত ক্ৰিকেট খেলাটো সহজ নহয়, গতিকে দলটোৱে সঠিক সংমিশ্ৰণ আৰু তাৰ পৰিস্থিতিত ভাল প্ৰদৰ্শন কৰিব পৰা খেলুৱৈ চিনাক্ত কৰিব লাগিব । তেওঁ কয় যে নিৰ্বাচক আৰু প্ৰশিক্ষক কৰ্মচাৰীয়ে এই বিষয়ত একেলগে কাম কৰিব আৰু আই পি এল ২০২৬ৰ শেষৰ ফালে বিশ্বকাপৰ বাবে দলটোৰ সম্পূৰ্ণ ব্লুপ্ৰিণ্ট সাজু হ’ব ।

লগতে পঢ়ক : বিশ্ব চেম্পিয়ন টিম ইণ্ডিয়াৰ ওপৰত ধনৰ বৰষুণ; বিচিচিআইয়ে দিব ১৩১ কোটি টকাৰ পুৰস্কাৰ

দল নিৰ্বাচনক লৈ মৌনতা ভংগ গৌতম গম্ভীৰৰ

ভাৰতীয় ক্ৰিকেট দলৰ মুখ্য প্ৰশিক্ষক গৌতম গম্ভীৰে খেলুৱৈ নিৰ্বাচন আৰু প্লেয়িং একাদশ নিৰ্বাচন সন্দৰ্ভত প্ৰতিক্ৰিয়া প্ৰকাশ কৰিছে। দলৰ ড্ৰেছিং ৰুমত সম্পূৰ্ণ স্বচ্ছতা থকাৰ কথা কৈছে গৌতম গম্ভীৰে।

দলৰ সংমিশ্ৰণৰ সন্দৰ্ভত কঠোৰ সিদ্ধান্ত লোৱা আৰু মেচ বিজয়ীক এৰি দিয়াৰ বাবে গম্ভীৰ প্ৰায়ে সমালোচনাৰ সন্মুখীন হয়।

শেহতীয়াকৈ বিচিচিআইৰ সৈতে হোৱা এক সাক্ষাৎকাৰত তেওঁ ইয়াক তেওঁৰ প্ৰশিক্ষক কেৰিয়াৰৰ আটাইতকৈ কঠিন অংশ বুলি অভিহিত কৰে।

গম্ভিৰে লগতে কয় যে এনে অনুষ্ঠানত খেলুৱৈসকলৰ সৈতে মুকলি যোগাযোগ বজাই ৰখাটো অতি প্ৰয়োজনীয়, কাৰণ যেতিয়া খেলুৱৈয়ে জানে যে তেওঁলোক প্লেইং একাদশত অন্তৰ্ভুক্ত হোৱাৰ যোগ্য,গতিকে তেওঁৰ নিৰাশ হোৱাটো স্বাভাৱিক।এনে বিষয়ত সততা আৰু স্পষ্টতা অতি গুৰুত্বপূৰ্ণ বুলিও তেওঁ জোৰ দিয়ে।

প্ৰশিক্ষক গৰাকীয়ে কয় যে,’এজন প্ৰশিক্ষক হিচাপে মোৰ বাবে এইটোৱেই হয়তো আটাইতকৈ কঠিন কাম।কেতিয়া মই গম পাও যে বেঞ্চত বহুত মানদণ্ড আছে আৰু প্ৰতিজন খেলুৱৈয়ে প্লেয়িং একাদশত থকাৰ যোগ্য,তথাপিও সেই দিনটোৰ বাবে সৰ্বোত্তম কম্বিনেচনৰ কথা চিন্তা কৰি মাত্ৰ ১১ জন খেলুৱৈ বাছনি কৰিব লাগিব। কিন্তু মোৰ বাবে আটাইতকৈ গুৰুত্বপূৰ্ণ কথাটো হ’ল কথা-বতৰা আৰু সংলাপ।’

তেওঁ লগতে কয় যে, “যোগাযোগ একেবাৰে স্পষ্ট আৰু সৎ হ’ব লাগিব।কেতিয়াবা এইবোৰ অতি কঠিন কথা-বতৰা হয়।যেতিয়া আপুনি এজন খেলুৱৈক কয় যে তেওঁ খেলিব নোৱাৰিব।প্ৰশিক্ষক আৰু খেলুৱৈ উভয়ৰে বাবে এইটোৱেই আটাইতকৈ কঠিন মুহূৰ্ত।

লগতে পঢ়ক: আই পি এল ২০২৬ : কেতিয়া আৰু ক’ত হ’ব নিলাম ?