শৃংখলাৰ পূৰ্বে ভাৰতীয় দললৈ সকাহ

ইংলেণ্ডৰ বিৰুদ্ধে টেষ্ট শৃংখলাৰ পূৰ্বে ভাৰতীয় দলে সকাহ লাভ কৰিছে । কিয়নো মুখ্য প্ৰশিক্ষক গৌতম গম্ভীৰে পুনৰবাৰ দলত যোগদান কৰিছে । ভাৰত আৰু ইংলেণ্ডৰ মাজত ২০ জুনৰ পৰা লিডছত অনুষ্ঠিত হ’বলগীয়া প্ৰথমখন টেষ্ট মেচ আৰু তাৰ মাত্ৰ দুদিন পূৰ্বে গম্ভীৰ দলত যোগদান কৰিছে । দলটোৰ সৈতে গম্ভীৰ ইংলেণ্ডত উপস্থিত হৈছিল যদিও পাৰিবাৰিক জৰুৰীকালীন অৱস্থাৰ বাবে ১১ জুনত ঘৰলৈ উভতি আহিবলগীয়া হৈছিল ।

১১ জুনত ঘৰলৈ উভতিছিল গম্ভীৰ-

গম্ভীৰৰ মাতৃক হাৰ্ট এটেকৰ বাবে হাস্পতলাত ভৰ্তি কোৰোৱা হৈছিল, যাৰ বাবে ভাৰতীয় মুখ্য প্ৰশিক্ষকগৰাকীয়ে ঘৰলৈ উভতি আহিব লগা হয় । ভাৰতীয় ক্ৰিকেট নিয়ন্ত্ৰণ ব’ৰ্ডৰ এক সূত্ৰই জনাইছিল যে গম্ভীৰৰ মাতৃ এতিয়া ভালেই আছে আৰু তেওঁক শীঘ্ৰে হাস্পতালৰ পৰা যাবলৈ দিয়া হ’ব । গম্ভীৰে এতিয়া দলত যোগদান কৰিছে আৰু অন্যান্য প্ৰশিক্ষক কৰ্মচাৰীৰ সৈতে দলৰ প্ৰস্তুতিৰ তদাৰক কৰিব ।

২০০৭ চনৰ পিছত ইংলেণ্ডত টেষ্ট শৃংখলা জয়ৰ লক্ষ্য ভাৰতৰ-

গম্ভীৰ অনুপস্থিতিত সহকাৰী প্ৰশিক্ষক ৰিয়ান টেন ড’শ্বেট, বেটিং প্ৰশিক্ষক সীতাংশু কোটাক আৰু বলিং প্ৰশিক্ষক মৰ্ণ মৰ্কেলে পাঁচখনীয়া মেচৰ শৃংখলাৰ পূৰ্বে দলৰ প্ৰস্তুতিৰ তদাৰক কৰে । শুভমন গীল নেতৃত্বাধীন ভাৰতীয় টেষ্ট দলটোৱে ২০০৭ চনৰ পিছত ইংলেণ্ডত প্ৰথমখন শৃংখলা জয় কৰিবলৈ খেলপথাৰত নামিব । টেষ্ট শৃংখলাৰ পূৰ্বে ভাৰতীয় দলটোৱে ইণ্ট্ৰা স্কোয়াড মেচত অংশগ্ৰহণ কৰাৰ বিপৰীতে ইণ্ডিয়া এ ইংলেণ্ড লায়ন্সৰ বিৰুদ্ধেও দুখন বেচৰকাৰী টেষ্ট মেচ খেলিছিল ।

ভাৰতে আৰম্ভ কৰিব WTC ৰ নতুন চক্ৰ-

এই শৃংখলাৰ জৰিয়তে ভাৰতীয় দলটোৱে বিশ্ব টেষ্ট চেম্পিয়নশ্বিপৰ নতুন চক্ৰ আৰম্ভ কৰিব । ৰোহিত শৰ্মাৰ ঠাইত টেষ্ট ফৰ্মেটত শুভমন গীলৰ অধিনায়কত্বত দলটোৱে খেলিব । ইংলেণ্ড ভ্ৰমণ গম্ভীৰ আৰু গীলৰ বাবে কঠিন হ’বলৈ গৈ আছে । কিছুদিনৰ পৰা ভাৰতৰ টেষ্ট প্ৰদৰ্শন উন্নত নহয় আৰু নিউজীলেণ্ড আৰু অষ্ট্ৰেলিয়াৰ বিৰুদ্ধে অন্তিমখন টেষ্ট শৃংখলাত পৰাজয়ৰ সন্মুখীন হ’বলগীয়া হৈছিল । যিকোনো ছিৰিজৰ পূৰ্বে ইন্ট্ৰা স্কোয়াড বা প্ৰেকটিছ মেচ দলৰ প্ৰস্তুতিৰ বাবে গুৰুত্বপূৰ্ণ । ভাৰতীয় দলটোৱে ইণ্ট্ৰা স্কোৱাড মেচখন খালী ষ্টেডিয়ামত খেলিবলৈ বাছি লৈছিল যাতে বিপক্ষ দলে দলৰ কৌশলৰ তথ্য লাভ কৰিব নোৱাৰে ।

লগতে পঢ়ক : মহিলা T20 বিশ্বকাপৰ সূচী ঘোষণা; ভাৰত-পাকিস্তানৰ মাজত এইটো দিনত অনুষ্ঠিত হ’ব মেচ

১৫ বছৰৰ পাছত এই ষ্টেডিয়ামত অনুষ্ঠিত হ’ব আন্তঃৰাষ্ট্ৰীয় ক্ৰিকেট

ভাৰতীয় ক্ৰিকেট নিয়ন্ত্ৰণ ব’ৰ্ডে ১৪ জুন শনিবাৰে ২০২৬ চনৰ জানুৱাৰী মাহত নিউজীলেণ্ডৰ বিৰুদ্ধে অনুষ্ঠিত হ’বলগীয়া হোৱাইট বল শৃংখলাৰ সময়সূচী ঘোষণা কৰে । এই শৃংখলাত প্ৰথমে দুয়োটা দলৰ মাজত তিনিখনীয়া মেচৰ এদিনীয়া শৃংখলা অনুষ্ঠিত হ’ব । ইয়াৰ পিছত দুয়োটা দলে পাঁচখনীয়া মেচৰ টি-২০ ছিৰিজ খেলিব । ২০২৬ বৰ্ষৰ ১১ জানুৱাৰীৰ পৰা আৰম্ভ হ’ব এই এদিনীয়া শৃংখলা । বদোদৰাত এই দুয়োটা দলৰ মাজত প্ৰথমখন এদিনীয়া মেচ অনুষ্ঠিত হ’ব । ভাৰতীয় পুৰুষ দলটোৱে ইয়াত প্ৰথমবাৰৰ বাবে আন্তঃৰাষ্ট্ৰীয় ক্ৰিকেট খেলিবলৈ সাজু হৈছে ।

১৫ বছৰৰ দীঘলীয়া অপেক্ষাৰ অন্তত বদোদৰাত অনুষ্ঠিত হ’বলৈ গৈ আছে প্ৰথম পুৰুষৰ আন্তঃৰাষ্ট্ৰীয় ক্ৰিকেট মেচ । ইয়াৰ পূৰ্বে কোটাম্বি ষ্টেডিয়ামত ভাৰত আৰু ৱেষ্ট ইণ্ডিজৰ মাজত তিনিখন মহিলাৰ এদিনীয়া খেল অনুষ্ঠিত হৈছে । এই শৃংখলা ২০২৪ চনৰ ডিচেম্বৰ মাহত অনুষ্ঠিত হৈছিল । কেৱল এয়াই নহয়, মহিলা প্ৰিমিয়াৰ লীগ ২০২৫ৰ ৬খন খেলো ইয়াত আয়োজন কৰা হৈছিল ।

নিউজীলেণ্ড আৰু ভাৰতৰ মাজত অন্তিমখন পুৰুষ আন্তঃৰাষ্ট্ৰীয় মেচ ২০১০ চনৰ ডিচেম্বৰ মাহত বাদোদৰাৰ ৰিলায়েন্স ষ্টেডিয়ামত অনুষ্ঠিত হৈছিল । এই মেচখনত টিম ইণ্ডিয়াৰ বৰ্তমানৰ মুখ্য প্ৰশিক্ষক গৌতম গম্ভীৰ আছিল শ্ৰেষ্ঠ খেলুৱৈ । সেই মেচত নিউজীলেণ্ডৰ বিৰুদ্ধে গৌতম গম্ভীয়ে শতক অৰ্জন কৰিছিল । গৌতম গম্ভীৰৰ বাহিৰেও বিৰাট কোহলীয়ে ৬৩ ৰানৰ অপৰাজিত ইনিংছ খেলিছিল ।

এই মেচখন সকলো অনুৰাগীৰ বাবে অতি স্মৰণীয় হ’ব কাৰণ ১৫ বছৰৰ দীঘলীয়া ব্যৱধানৰ অন্তত বদোদৰাত পুৰুষৰ আন্তঃৰাষ্ট্ৰীয় মেচ অনুষ্ঠিত হ’ব । ইয়াৰ পিছত ১৪ জানুৱাৰীত ৰাজকোটত এই দুয়োটা দলৰ মাজত দ্বিতীয়খন এদিনীয়া খেল অনুষ্ঠিত হ’ব, আনহাতে ১৮ জানুৱাৰীত ইন্দোৰত অনুষ্ঠিত হ’ব তৃতীয় আৰু অন্তিমখন এদিনীয়া মেচ ।

লগতে পঢ়ক : IND Vs NZ : বি চি চি আইয়ে ঘোষণা কৰিলে সূচী; ১১ৰ পৰা ৩১ জানুৱাৰীলৈ অনুষ্ঠিত হ’ব ৮খন মেচ

কামাখ্যা দৰ্শন গৌতম গম্ভীৰৰ

টেষ্ট শৃংখলাৰ বাবে ইংলেণ্ড ভ্ৰমণলৈ যাব ভাৰতীয় দল । ২০ জুনৰ পৰা দুয়োটা দলৰ মাজত পাঁচখনীয়া মেচৰ টেষ্ট শৃংখলা আৰম্ভ হ’ব । ইয়াৰ পূৰ্বে সোমবাৰে মা কামাখ্যা মন্দিৰত উপস্থিত হয় ভাৰতীয় দলৰ মুখ্য প্ৰশিক্ষক গৌতম গম্ভীৰ । কামাখ্যা দৰ্শন কৰি আশীৰ্বাদ বিচাৰিলে ভাৰতীয় ক্ৰিকেট দলৰ মুখ্য প্ৰশিক্ষকগৰাকীয়ে ।

ইংলেণ্ড ভ্ৰমণৰ বাবে ভাৰতীয় দল ঘোষণাৰ কিছুদিন পিছতে কামাখ্যা ধাম দৰ্শনৰ বাবে গুৱাহাটীত উপস্থিত হয় গম্ভীৰ । উল্লেখ্য যে ইংলেণ্ডৰ বিৰুদ্ধে শৃংখলাৰ জৰিয়তে ভাৰতৰ বাবে আৰম্ভ হ’ব বিশ্ব টেষ্ট চেম্পিয়নশ্বিপ ২০২৫-২৭ চক্ৰ । ইংলেণ্ডৰ বিৰুদ্ধে এই শৃংখলা প্ৰশিক্ষক গম্ভীৰৰ বাবেও অতি গুৰুত্বপূৰ্ণ । ইয়াৰ পূৰ্বে প্ৰশিক্ষক গম্ভীৰৰ অধীনত টিম ইণ্ডিয়াই নিউজীলেণ্ড আৰু অষ্ট্ৰেলিয়াৰ বিৰুদ্ধে টেষ্ট শৃংখলাত শোচনীয় পৰাজয়ৰ সন্মুখীন হৈছিল ।

গৌতম গম্ভীৰৰ অধীনত ভাৰতৰ টেষ্ট অভিলেখ-

গৌতম গম্ভীৰ মুখ্য প্ৰশিক্ষক হৈ থকা অৱস্থাত ভাৰতে এতিয়ালৈকে ৩ খন টেষ্ট শৃংখলা খেলিছে আৰু ইয়াৰে মাত্ৰ এটা টেষ্ট শৃংখলাতহে জয়লাভ কৰিছে । বাংলাদেশৰ বিৰুদ্ধে ঘৰুৱা টেষ্ট শৃংখলাত ভাৰতীয় দলটোৱে ২-০ ব্যৱধানত জয়লাভ কৰিছিল যদিও তাৰ পাছত নিউজীলেণ্ডে ভাৰতক নিজৰ ঘৰুৱা মাটিতে ৩-০ ব্যৱধানত পৰাস্ত কৰিছিল । লগে লগে টিম ইণ্ডিয়াৰ ডব্লিউ টি চিৰ ফাইনেলৰ পথ প্ৰায় ৰুদ্ধ হ’বলৈ ধৰে । ইয়াৰ পিছতে অষ্ট্ৰেলিয়াৰ বিৰুদ্ধে ১-৩ ব্যৱধানত পৰাজয়ৰ সন্মুখীন হ’বলগীয়া হৈছিল টিম ইণ্ডিয়া ।

এতিয়া শুভমন গীলৰ কান্ধত অধিনায়কৰ দায়িত্ব-

ৰোহিত শৰ্মা আৰু বিৰাট কোহলীয়ে টেষ্টৰ পৰা অৱসৰ লোৱাৰ পিছত ভাৰতীয় টেষ্ট দলৰ অধিনায়কত্ব শুভমন গীলক দিয়া হৈছে । আনহাতে ঋষভ পণ্টক উপ-অধিনায়ক হিচাপে নিযুক্তি দিয়া হৈছে । ইংলেণ্ড ভ্ৰমণৰ বাবে কৰুণ নাইৰ আৰু শ্বাৰ্দুল ঠাকুৰ টেষ্ট দললৈ ঘূৰি অহাৰ বিপৰীতে হৰ্ষিত ৰাণা, মহম্মদ ছামি আৰু সৰফৰাজ খানক দলৰ পৰা বাদ দিয়া হৈছে ।

লগতে পঢ়ক : ‘ৰোহিত-বিৰাট নাই…টিম ইণ্ডিয়াত শূন্যতা..’; হৰভজন সিঙে বিশ্বাসত ল’ব পৰা নাই নেকি শুভমন গীলক?