পৱন খেৰাক পাছপৰ্ট বিতৰ্কক লৈ ৰিণিকি ভূঞা শৰ্মাই ৰুজু কৰা এজাহাৰৰ ভিত্তিত প্ৰদান কৰা এসপ্তাহৰ ট্ৰেনজিট জামিন উচ্চতম ন্যায়ালয়ে স্থগিত ৰখাৰ সিদ্ধান্তক আদৰণি জনায় মুখ্যমন্ত্ৰীয়ে

মুখ্যমন্ত্ৰী ড০ হিমন্ত বিশ্ব শৰ্মাই বুধবাৰে কংগ্ৰেছ নেতা পৱন খেৰাক পাছপৰ্ট বিতৰ্কক লৈ ৰিণিকি ভূঞা শৰ্মাই ৰুজু কৰা এজাহাৰৰ ভিত্তিত প্ৰদান কৰা এসপ্তাহৰ ট্ৰেনজিট জামিন উচ্চতম ন্যায়ালয়ে স্থগিত ৰখাৰ সিদ্ধান্তক আদৰণি জনায় ।

হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাৰ বিৰুদ্ধে থকা একাধিক পাছপৰ্টৰ অভিযোগৰ তদন্ত বিচাৰি কংগ্ৰেছ সাংসদ ৰাহুল গান্ধীয়ে কৰা দাবীৰ সন্দৰ্ভত সোধা প্ৰশ্নৰ উত্তৰত মুখ্যমন্ত্ৰীগৰাকীয়ে লোকসভাৰ বিৰোধী দলপতিগৰাকীক নিজৰ পাছপৰ্ট ৰাজহুৱা কৰিবলৈ প্ৰত্যাহ্বান জনায় । মুখ্যমন্ত্ৰী ড০ শৰ্মাই কয়, “মোৰ মতে, তেলেংগানা আদালতে তেওঁক ট্ৰেনজিট জামিন দিব নোৱাৰে কাৰণ তেওঁ তেলেংগানাৰ বাসিন্দা নহয় । আইন নিজৰ গতিৰে চলিব… মই যদি তেওঁৰ বিৰুদ্ধে এনে অভিযোগ উত্থাপন কৰোঁ, তেন্তে ৰাহুল গান্ধীয়ে একে কথাই ক’বনে ? কথা কোৱাৰ আগতে ৰাহুল গান্ধীয়ে মনত ৰখা উচিত যে তেওঁ ভগৱান নহয় । তেওঁ সংবাদ মাধ্যমৰ আগত নিজৰ পাছপৰ্ট প্ৰদৰ্শন কৰক আৰু ময়ো মোৰ পত্নীৰ পাছপৰ্ট দাঙি ধৰিম ।”

উল্লেখ্য য়ে, অসম চৰকাৰে তেলেংগানা উচ্চ ন্যায়ালয়ে কংগ্ৰেছ নেতা পৱন খেৰাক প্ৰদান কৰা এসপ্তাহৰ অন্তৱৰ্তীকালীন ট্ৰেনজিট জামিনক প্ৰত্যাহ্বান জনাই দাখিল কৰা আৱেদনৰ ভিত্তিত আজি উচ্চতম ন্যায়ালয়ে উক্ত আদেশ স্থগিত ৰাখে আৰু খেৰাক জাননী জাৰি কৰে । ন্যায়াধীশ জে কে মহেশ্বৰী আৰু অতুল এছ চান্দুৰকাৰৰ বেঞ্চে অসম চৰকাৰৰ আৱেদনৰ ওপৰত ভিত্তি কৰি খেৰাৰ পৰা তিনি সপ্তাহৰ ভিতৰত উত্তৰ বিচাৰিছে । অৱশ্যে বিচাৰপীঠে উল্লেখ কৰে যে যদিহে খেৰাই অসমত আগতীয়া জামিনৰ বাবে আৱেদন কৰিব বিচাৰে, তেন্তে আজিৰ এই আদেশে তাত বাধা নিদিয়ে ।

লগতে পঢ়ক : যিকোনো মূহূৰ্ততে গ্ৰেপ্তাৰ হ’ব পাৰে পৱন খেৰা, সৰ্বোচ্চ ন্যায়ালয়ে বান্ধি দিলে সময়

ন্যায়াধীশ জে কে মহেশ্বৰী আৰু ন্যায়াধীশ অতুল এছ চান্দুৰকাৰৰ বিচাৰপীঠে অসম চৰকাৰে দাখিল কৰা আবেদনৰ ওপৰত খেৰাৰ পৰা তিনি সপ্তাহৰ ভিতৰত উত্তৰ বিচাৰিছে

বুধবাৰে উচ্চতম ন্যায়ালয়ে কংগ্ৰেছ নেতা পৱন খেৰাক এসপ্তাহৰ ট্ৰেনজিট অগ্ৰিম জামিন প্ৰদান কৰা তেলেংগানা উচ্চ ন্যায়ালয়ৰ নিৰ্দেশত স্থগিতাদেশ জাৰি কৰে । একে সময়তে অসম চৰকাৰে এই সকাহক প্ৰত্যাহ্বান জনাই দাখিল কৰা আবেদনৰ ভিত্তিত তেওঁলৈ জাননীও প্ৰেৰণ কৰে ।

ন্যায়াধীশ জে কে মহেশ্বৰী আৰু ন্যায়াধীশ অতুল এছ চান্দুৰকাৰৰ বিচাৰপীঠে অসম চৰকাৰে দাখিল কৰা আবেদনৰ ওপৰত খেৰাৰ পৰা তিনি সপ্তাহৰ ভিতৰত উত্তৰ বিচাৰিছে । অৱশ্যে বিচাৰপীঠে উল্লেখ কৰে যে যদিহে খেৰাই অসমত আগতীয়া জামিনৰ বাবে আবেদন কৰিব বিচাৰে, তেন্তে আজিৰ এই নিৰ্দেশত কোনো বাধা নাথাকিব ।

আদালতে কয়, “জাননী জাৰি কৰা হওক । ইতিমধ্যে, বিবাদিত নিৰ্দেশটো স্থগিত ৰখা উচিত । যদি আবেদনকাৰীয়ে অসমৰ সংশ্লিষ্ট আদালতত আগতীয়া জামিনৰ বাবে আবেদন কৰে, তেন্তে তেনে আবেদনৰ ওপৰত সিদ্ধান্ত লওঁতে আজিৰ এই নিৰ্দেশৰ কোনো প্ৰভাৱ নপৰিব । জাননী জাৰি কৰা হওক । তিনি সপ্তাহৰ ভিতৰত ইয়াৰ উত্তৰ দিব লাগিব ।”

১০ এপ্ৰিলৰ পৰা এসপ্তাহৰ বাবে চৰ্তসাপেক্ষে ট্ৰেনজিট আগতীয়া জামিন প্ৰদানৰ তেলেংগানা উচ্চ ন্যায়ালয়ৰ সিদ্ধান্তৰ বিৰুদ্ধে অসম আৰক্ষীয়ে সৰ্বোচ্চ ন্যায়ালয়ৰ কাষ চাপিছিল । জামিনৰ নিৰ্দেশ অনুসৰি, পৱন খেৰাই অসমৰ সক্ষম ক্ষেত্ৰাধিকাৰ থকা আদালতৰ কাষ চাপিব লাগে আৰু আইন অনুসৰি উপযুক্ত সকাহ বিচাৰিব লাগে ।

পাছপোৰ্ট আৰু সম্পত্তিৰ তথ্যক লৈ কৰা অভিযোগ সন্দৰ্ভত অসমৰ মুখ্যমন্ত্ৰী হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাই ৰুজু কৰা এক গোচৰত তেলেংগানা উচ্চ ন্যায়ালয়ে খেৰাক এসপ্তাহৰ আগতীয়া জামিন প্ৰদান কৰিছিল ।

তেওঁ অভিযোগ কৰিছিল যে মুখ্যমন্ত্ৰী ড০ শৰ্মাৰ পত্নী ৰিণিকি ভূঞা শৰ্মাৰ ওচৰত ভাৰত, ইউএই আৰু ইজিপ্তৰ তিনিখনকৈ পাছপোৰ্ট আছে আৰু ডুবাইত তেওঁৰ অঘোষিত বিলাসী সম্পত্তি আছে ।

ইতিমধ্যে মুখ্যমন্ত্ৰী পৰিয়ালে এই দাবীসমূহক দৃঢ়তাৰে অস্বীকাৰ কৰি নথিপত্ৰসমূহক পাকিস্তানী ছচিয়েল মিডিয়া গোটসমূহে প্ৰচাৰ কৰা “এআই-দ্বাৰা নিৰ্মিত ভুৱা তথ্য” বুলি অভিহিত কৰিছে ।

এই অভিযোগৰ প্ৰতিক্ৰিয়া প্ৰকাশ কৰি মুখ্যমন্ত্ৰী ড০ শৰ্মাই পূৰ্বতে কঠোৰ ব্যৱস্থা গ্ৰহণৰ সংকল্প লৈ কৈছিল, “অভিযোগ উত্থাপন কৰাৰ আগতে তেওঁ বিদেশ মন্ত্ৰীক সুধিব লাগিছিল । খৰ্গে জীৰ বয়স হ’ল, তথাপিও তেওঁ উন্মাদৰ দৰে কথা কয় । অসম আৰক্ষীয়ে পাতালৰ পৰাও মানুহ বিচাৰি আনিব পাৰে । মোৰ সন্দেহ হয় যে ৰাহুল গান্ধীয়েই তেওঁক এই নথিপত্ৰবোৰ দিছে । গতিকে এই গোচৰ ৰাহুল গান্ধীলৈকেও যাব । আমাক ভয় খুৱাবলৈ চেষ্টা নকৰিব । এইখন অসম আৰু আমি ১৭ বাৰ ইছলামিক আক্ৰমণৰ বিৰুদ্ধে যুঁজ দিছোঁ ।”

লগতে পঢ়ক : ৰাজ্যবাসীলৈ অসমীয়া নৱবৰ্ষ আৰু ৰঙালী বিহুৰ শুভেচ্ছা মুখ্যমন্ত্ৰী হিমন্ত বিশ্ব শৰ্মাৰ