বনতাৰালৈ ক্লীনশ্বিট

উচ্চতম ন্যায়ালয়ে গঠন কৰা এছ আই টিয়ে গুজৰাটৰ জামনগৰত অৱস্থিত বন্যপ্ৰাণী আৰু পুনৰ্বাসন কেন্দ্ৰ ‘বনতাৰা’ক ক্লীনশ্বিট প্ৰদান কৰি ডাঙৰ সকাহ দিছে । বনতাৰাত নিয়ম আৰু নিয়ন্ত্ৰণ ব্যৱস্থা মানি চলাত সন্তুষ্টি প্ৰকাশ কৰে এছ আই টিৰ বিষয়াসকলে । ন্যায়াধীশ পংকজ মিত্তল আৰু ন্যায়াধীশ পি বি ভাৰালেৰ বিচাৰপীঠে প্ৰতিবেদনখন ৰেকৰ্ডত লৈ কয় যে বনতাৰাত কম্প্লাইয়েন্স আৰু নিয়ন্ত্ৰণ ব্যৱস্থাৰ বিষয়টোত বিষয়াসকলে সন্তুষ্টি প্ৰকাশ কৰিছে ।

এই অভিযোগ উত্থাপিত হৈছে বনতাৰাৰ বিৰুদ্ধে-

শুকুৰবাৰে এই প্ৰতিবেদন দাখিল কৰা হয় আৰু সোমবাৰে উচ্চতম ন্যায়ালয়ে ইয়াৰ ওপৰত অধ্যয়ন কৰে । উচ্চতম ন্যায়ালয়ে এই প্ৰতিবেদন অধ্যয়ন কৰি বিতং নিৰ্দেশ প্ৰদান কৰিব বুলি জানিবলৈ দিয়ে । উচ্চতম ন্যায়ালয়ত দুখন পি আই এল দাখিল কৰা হৈছিল, য’ত বনতাৰাত আইন মানি চলা নাই বুলি অভিযোগ উত্থাপন কৰাৰ লগতে বিদেশৰ পৰা জীৱ-জন্তু বিশেষকৈ হাতী অধিগ্ৰহণ কৰাৰ অভিযোগো উত্থাপন কৰা হৈছিল । এই আবেদনসমূহৰ শুনানি গ্ৰহণ কৰাৰ সময়ত আৰু বিভিন্ন সংবাদ মাধ্যমৰ বাতৰিৰ ভিত্তিত উচ্চতম ন্যায়ালয়ে অভিযোগসমূহৰ তদন্তৰ বাবে এছ আই টি গঠন কৰে । ২৫ আগষ্টত এই এছ আই টি গঠন কৰা হৈছিল আৰু ন্যায়াধীশ জে চেলামেশ্বৰক এই এছ আই টিৰ মুৰব্বী হিচাপে নিযুক্তি দিয়া হৈছিল ।

উচ্চতম ন্যায়ালয়ত দাখিল কৰা আৱেদনত বনতাৰাত অবৈধভাৱে জীৱ-জন্তু ক্ৰয় কৰাৰ অভিযোগ উত্থাপন কৰা হৈছে । বন্যপ্ৰাণী সংৰক্ষণ আৰু পুনৰ সংস্থাপনৰ নামত হাতী, চৰাই আৰু অন্যান্য সংৰক্ষিত প্ৰজাতিৰ বনতাৰালৈ চোৰাংভাৱে অনাৰ অভিযোগ উত্থাপন কৰা হৈছে ।

এই বিষয়সমূহৰ তদন্ত কৰি এছ আই টিয়ে প্ৰতিবেদন দাখিল কৰে-

-ভাৰত আৰু বিদেশৰ পৰা জীৱ-জন্তু বিশেষকৈ হাতী অধিগ্ৰহণ ।

-বন্যপ্ৰাণী (সুৰক্ষা) আইন, ১৯৭২ আৰু ইয়াৰ অধীনত চিৰিয়াখানাৰ বাবে নিৰ্ধাৰিত নিয়ম মানি চলা ।

-উদ্ভিদ আৰু প্ৰাণীৰ বিপন্ন প্ৰজাতিৰ বাণিজ্য সম্পৰ্কীয় আন্তঃৰাষ্ট্ৰীয় চুক্তি (CITES) আৰু আমদানি/ৰপ্তানি আইন আৰু জীয়াই থকা প্ৰাণীৰ আমদানি/ৰপ্তানিৰ সৈতে জড়িত অন্যান্য বিধিগত প্ৰয়োজনীয়তাসমূহ মানি চলা ।

-পশুপালন, পশু চিকিৎসা, পশু কল্যাণ, মৃত্যুৰ হাৰ আৰু ইয়াৰ কাৰণসমূহৰ মানদণ্ড পালন কৰা ।

-জলবায়ুৰ পৰিস্থিতিৰ সৈতে জড়িত অভিযোগ আৰু ঔদ্যোগিক অঞ্চলৰ ওচৰত থকাৰ অভিযোগ ।

-ভ্যানিটি বা ব্যক্তিগত সংগ্ৰহ, প্ৰজনন, সংৰক্ষণ কাৰ্যসূচী আৰু জৈৱ বৈচিত্ৰ্য সম্পদৰ ব্যৱহাৰৰ সৈতে জড়িত অভিযোগ ।

-পানী আৰু কাৰ্বন ক্ৰেডিটৰ অপব্যৱহাৰৰ সৈতে জড়িত অভিযোগ ।

-আৰ্থিক অনুসৰণ, ধন সৰবৰাহ আদি বিষয়ৰ সৈতে জড়িত অভিযোগ ।

লগতে পঢ়ক : ৱাকফ আইনক লৈ উচ্চতম ন্যায়ালয়ৰ অন্তৰ্ৱতীকালীন ৰায়দান… কোনবোৰ বিধানত লাগিল স্থগিতাদেশ

ৱাকফ আইনক লৈ উচ্চতম ন্যায়ালয়ৰ অন্তৰ্ৱতীকালীন ৰায়দান

ৱাকফ (সংশোধনী) আইনক প্ৰত্যাহ্বান জনোৱা আবেদন সন্দৰ্ভত উচ্চতম ন্যায়ালয়ৰ অন্তৱৰ্তীকালীন ৰায়দান । সমগ্ৰ আইনখন নিষিদ্ধ কৰিবলৈ আদালতে স্পষ্টভাৱে অস্বীকাৰ কৰিছে । কিন্তু কিছুমান ধাৰাত স্থগিতাদেশ আৰোপ কৰা হৈছে, যাৰ ওপৰত বহু মুছলমান নেতাই সুখ প্ৰকাশ কৰিছে ।

ভাৰতৰ মুখ্য ন্যায়াধীশ বি আৰ গাভাই আৰু ন্যায়াধীশ অগাস্টিন জৰ্জ মাছিৰ বিচাৰপীঠে আজি অন্তৱৰ্তীকালীন আদেশ গৃহীত কৰে । আদালতে স্বীকাৰ কৰে যে সমগ্ৰ সংশোধনী স্থগিত ৰখাৰ কোনো গোচৰ নাই যদিও কিছুমান বিধান স্থগিত ৰখা হৈছে । ইয়াৰ ভিতৰত ৩(গ), ৩(ঘ), ৩(ঙ) ধাৰা অন্তৰ্ভুক্ত আছে ।

এই বিধানসমূহৰ ওপৰত স্থগিতাদেশ-

-উচ্চতম ন্যায়ালয়ে ৱাকফ সংশোধনী আইন ২০২৫ৰ সেই বিধানৰ ওপৰত স্থাগিতাদেশ জাৰি কৰিছে যি নিয়ম অনুসৰি ৱাকফ সৃষ্টি কৰিবলৈ এজন ব্যক্তিয়ে ৫ বছৰ ইছলামৰ অনুগামী হ’ব লাগিছিল । কোনো ব্যক্তি ইছলামৰ অনুগামী নে নহয় সেইটো নিৰ্ণয় কৰিবলৈ ৰাজ্য চৰকাৰে নিয়ম প্ৰণয়ন নকৰালৈকে এই ব্যৱস্থা স্থগিত ৰখা হ’ব ।

-ন্যায়ালয়ে নিৰ্দেশ দিছে যে যিমানদূৰ সম্ভৱ ৱাকফ ব’ৰ্ডৰ মুখ্য কাৰ্যবাহী বিষয়া মুছলমান হ’ব লাগে । এই সন্দৰ্ভত আদালতে কোনো নিৰ্দেশ দিয়া নাই । বৰঞ্চ ই নিজৰ পৰামৰ্শ দিছে ।

-ইয়াৰ লগতে ব’ৰ্ডৰ মুঠ ১১ জন সদস্যৰ ভিতৰত ৩ জনতকৈ অধিক অমুছলমান সদস্য নাথাকিব । ইয়াকো সকাহৰ সিদ্ধান্ত বুলি গণ্য কৰা হৈছে । আনহাতে পৰিষদত ৪ জন অমুছলমান সদস্য থকাৰ অনুমোদন দিয়া হৈছে ।

-উচ্চতম ন্যায়ালয়ে ৱাকফৰ সম্পত্তিৰ বাধ্যতামূলক পঞ্জীয়ন নিষিদ্ধ কৰিবলৈ অস্বীকাৰ কৰিছে, কাৰণ পূৰ্বৰ আইনসমূহতো এই দিশটো উপস্থিত আছিল । আদালতে নিজৰ আদেশত এই দিশটো লক্ষ্য কৰি লোৱা বুলি জানিবলৈ দিয়ে ।

-উচ্চতম ন্যায়ালয়ে নিজৰ সিদ্ধান্তত স্পষ্ট কৰি দিছে যে সংগ্ৰাহক বা কাৰ্যবাহীক সম্পত্তিৰ অধিকাৰৰ সিদ্ধান্ত ল’বলৈ দিয়া হোৱা নাই । আদালতে কয় যে ৱাকফৰ সম্পত্তিৰ চূড়ান্ত সিদ্ধান্ত ৱাকফ ন্যায়াধিকৰণ আৰু উচ্চ ন্যায়ালয়ে ধাৰা ৩(গ)ৰ অধীনত নোলোৱালৈকে ৱাকফক সম্পত্তিৰ পৰা উচ্ছেদ কৰা নহ’ব । ইয়াৰ লগতে আদালতৰ সিদ্ধান্ত নোপোৱালৈকে ৰাজহ ৰেকৰ্ডত কোনো ধৰণৰ হস্তক্ষেপ নহ’ব । অৰ্থাৎ এতিয়া সংগ্ৰাহকৰ সিদ্ধান্তই প্ৰমাণ নকৰে যে সম্পত্তিটো ৱাকফ বা নহয় ।

এই সকলোবোৰ বিধানক লৈ আইনখন বলবৎ হোৱাৰ পিছৰে পৰা বিতৰ্কৰ সৃষ্টি হৈছিল । এতিয়া উচ্চতম ন্যায়ালয়ে এইবোৰৰ ওপৰত অন্তৱৰ্তীকালীন স্থগিতাদেশ দিয়াৰ লগে লগে মুছলমান পক্ষই ইয়াক সকাহ হিচাপে লৈছে ।

আনহাতে ৱাকফ আইন কাৰ্যকৰী হোৱাৰ লগে লগে বহু লোকে উচ্চতম ন্যায়ালয়ৰ দুৱাৰত টোকৰ মাৰে । ইয়াৰ লগতে আইনখনৰ ওপৰত সম্পূৰ্ণ নিষেধাজ্ঞা আৰোপ কৰাৰ দাবী উত্থাপন কৰা হয় । এই সন্দৰ্ভত সমগ্ৰ দেশতে প্ৰতিবাদো দেখা যায় । এই গোচৰৰ শুনানি গ্ৰহণ কৰি আজি উচ্চতম ন্যায়ালয়ে ৰায় দিয়ে । ইয়াৰ লগতে ই স্পষ্টভাৱে অস্বীকাৰ কৰিছে যে তেওঁলোকে এই আইনখনৰ ওপৰত সম্পূৰ্ণ নিষেধাজ্ঞা আৰোপ নকৰে ।

লগতে পঢ়ক : সুধাকণ্ঠ ড০ ভূপেন হাজৰিকাৰ প্ৰধানমন্ত্ৰীয়ে স্মৃতিত মুকলি কৰিলে স্মাৰক মুদ্ৰা… ঐতিহাসিক ক্ষণৰ সাক্ষী হৈ ৰ’ল অসমবাসী