শুনানিৰ সময়ত উচ্চতম ন্যায়ালয়ে নতুন নিয়ম অস্পষ্ট বুলি উল্লেখ কৰি কঠোৰ মন্তব্য কৰে । আদালতে কয় যে ইউজিচিৰ নতুন নিয়মৰ অপব্যৱহাৰ হ’ব পাৰে ।
উচ্চতম ন্যায়ালয়ে ইউজিচি (উচ্চ শিক্ষানুষ্ঠানত সমতা প্ৰসাৰ) নিয়মাৱলী, ২০২৬ক প্ৰত্যাহ্বান জনাই কৰা আবেদনৰ শুনানি গ্ৰহণ কৰে । শুনানিৰ সময়ত উচ্চতম ন্যায়ালয়ে ইউজিচিৰ নতুন নিয়মাৱলী স্থগিতাদেশ জাৰি কৰে । এতিয়া পৰৱৰ্তী নিৰ্দেশ নিদিলৈকে ২০১২ চনৰ নিয়মাৱলী কাৰ্যকৰী হৈ থাকিব ।
পৰৱৰ্তী শুনানি ১৯ মাৰ্চত-
শুনানিৰ সময়ত উচ্চতম ন্যায়ালয়ে নতুন নিয়ম অস্পষ্ট বুলি উল্লেখ কৰি কঠোৰ মন্তব্য কৰে । আদালতে কয় যে ইউজিচিৰ নতুন নিয়মৰ অপব্যৱহাৰ হ’ব পাৰে । উচ্চতম ন্যায়ালয়ে কেন্দ্ৰীয় চৰকাৰক জাননী জাৰি কৰি পৰৱৰ্তী নিৰ্দেশ নোপোৱালৈকে ইউজিচিৰ নতুন নিয়ম কাৰ্যকৰী কৰাত স্থগিতাদেশ জাৰি কৰে । এই বিষয়ত পৰৱৰ্তী শুনানি ১৯ মাৰ্চত অনুষ্ঠিত হ’ব ।
কেন্দ্ৰ আৰু ইউজিচিৰ উত্তৰ বিচাৰিলে ন্যায়ালয়ে-
সৰ্বোচ্চ ন্যায়ালয়ৰ মুখ্য ন্যায়াধীশ সূৰ্য কান্ত আৰু ন্যায়াধীশ জয়মল্য বাগচিৰে গঠিত বিচাৰপীঠে ৰিট আবেদনৰ শুনানি গ্ৰহণ কৰে । মুখ্য ন্যায়াধীশ সূৰ্য কান্তে প্ৰশ্ন কৰে যে আমি জাতিহীন সমাজৰ দিশে আগবাঢ়িব লাগে নে আমি পিছুৱাই গৈছো । ন্যায়াধীশ সূৰ্য্য কান্তে প্ৰশ্ন কৰে যে আমি বিপৰীত দিশত আগবাঢ়িছো নেকি ? যিসকলক সুৰক্ষাৰ প্ৰয়োজন তেওঁলোকৰ বাবে ব্যৱস্থাৰ প্ৰয়োজন । এই সন্দৰ্ভত তেওঁ কেন্দ্ৰ আৰু ইউজিচিৰ পৰা উত্তৰ বিচাৰে । তেওঁ কয় যে, এখন বিশেষ কিমিটও গঠন কৰা যাব পাৰে । তেওঁ নতুন নিয়মৰ ভাষা স্পষ্ট কৰাৰ বাবে বিশেষজ্ঞৰ প্ৰয়োজনীয়তাৰ ওপৰতো গুৰুত্ব আৰোপ কৰে ।
দেশজুৰি ক্ষোভ-
২০২৬ চনৰ ২৩ জানুৱাৰীত ইউজিচি ৰেগুলেচনছ, ২০২৬ৰ বিষয়ে অৱগত কৰা হৈছিল, যাৰ ফলত দেশজুৰি ক্ষোভৰ সৃষ্টি হৈছিল । কেইবাজনো আবেদনকাৰীয়ে এই নিয়মক প্ৰত্যাহ্বান জনাই এই নিয়মক স্বেচ্ছাচাৰী, বৈষম্যমূলক আৰু সংবিধান আৰু বিশ্ববিদ্যালয় অনুদান আয়োগ আইন, ১৯৫৬ উলংঘা কৰা বুলি অভিহিত কৰে । ইউজিচি ইকুইটি ৰেগুলেচনৰ বিৰুদ্ধে আবেদন দাখিল কৰে মৃত্যুঞ্জয় তিৱাৰী, অধিবক্তা বিনীত জিন্দাল আৰু ৰাহুল দেৱানে । আবেদনকাৰীসকলে যুক্তি আগবঢ়ায় যে এই নিয়মসমূহে সাধাৰণ শ্ৰেণীৰ বিৰুদ্ধে বৈষম্যক প্ৰসাৰিত কৰে ।
লগতে পঢ়ক : সদনত দাখিল অৰ্থনৈতিক সমীক্ষা : ২৭ বিত্তীয় বৰ্ষত ৭.২ শতাংশ বিকাশৰ হাৰৰ পূৰ্বানুমান, এইআইৰ ওপৰত গুৰুত্ব
