ইৰাণৰ সৈতে উত্তেজনাৰ মাজতে মধ্যপ্ৰাচ্যত (পশ্চিম এছিয়া) সামৰিক বাহিনীৰ উপস্থিতি বৃদ্ধি কৰিছে আমেৰিকাই।

ইৰাণৰ ওপৰত আক্ৰমণৰ জল্পনা-কল্পনাৰ মাজতে আমেৰিকাই পশ্চিম এছিয়াত তেওঁলোকৰ সামৰিক বাহিনীৰ সংখ্যা বৃদ্ধি কৰিছে।যোৱা ২৪ ঘণ্টাত আমেৰিকাই মধ্যপ্ৰাচ্যৰ ফালে ৫০খনতকৈও অধিক যুদ্ধ বিমান প্ৰেৰণ কৰিছে।

এই পদক্ষেপ এনে এটা সময়ত লোৱা হৈছে, যেতিয়া আমেৰিকাৰ আৰু ইৰাণৰ মাজত তেওঁলোকৰ পাৰমাণৱিক কাৰ্যসূচী সন্দৰ্ভত নতুন কূটনৈতিক আলোচনা চলি আছে। আমেৰিকাৰ বিষয়াসকলৰ মতে,এই নিয়োগৰ লক্ষ্য হৈছে অঞ্চলটোত আকাশ আৰু নৌসেনাৰ শক্তি শক্তিশালী কৰা।

জানিব পৰা মতে,এফ ২২, এফ ৩৫ আৰু এফ ১৬ ৰ দৰে আধুনিক যুদ্ধ বিমান মধ্যপ্ৰাচ্যৰ দিশে যোৱা দেখা গৈছে।ইয়াৰ লগতে কেইবাখনো এয়াৰ ইন্ধন ভৰোৱা টেংকাৰো মধ্যপ্ৰাচ্যৰ দিশে গতি কৰা দেখা গৈছে। যাৰ পৰা উমান পোৱা যায় যে, আমেৰিকাৰ সৈন্যই দীৰ্ঘদিনৰ বাবে সামৰিক অভিযান চলাবলৈ প্ৰস্তুতি কৰিছে।

ইয়াৰ মাজতে, ছুইজাৰলেণ্ডৰ জেনেভাত শেহতীয়া আলোচনাৰ পিছত আমেৰিকাৰ উপ-ৰাষ্ট্ৰপতি জে ডি ভ্যান্সে কয় যে, ইৰাণে এতিয়াও ৰাষ্ট্ৰপতি ট্ৰাম্পে নিৰ্ধাৰণ কৰা মূল চৰ্তসমূহ মানি ল’বলৈ সন্মত হোৱা নাই।

জে ডি ভ্যান্সে স্পষ্ট কৰি দিয়ে যে ট্ৰাম্পে কিছুমান ‘ৰেড লাইন’ নিৰ্ধাৰণ কৰিছে,যিবোৰ ইৰাণে এতিয়াই মানি ল’বলৈ সাজু নহয়।

লগতে পঢ়ক : ‘প্ৰিয় বন্ধু মেক্ৰন…’ ফ্ৰান্সৰ ৰাষ্ট্ৰপতিক ভাৰতলৈ আদৰণি প্ৰধানমন্ত্ৰী মোদীৰ

আমেৰিকা আৰু ৰাছিয়াৰ মাজত হোৱা New START চুক্তিৰ ম্যাদ বৃহস্পতিবাৰে উকলিব। ইয়াৰ লগে লগে আমেৰিকা আৰু ৰাছিয়াৰ মাজত তেওঁলোকৰ কৌশলগত পাৰমাণৱিক শক্তি সীমিত কৰা কোনো আইনীভাৱে বাধ্যতামূলক চুক্তি আৰু নাথাকিব।

দুখন মহাশক্তি ‘পাৰমাণৱিক নিয়ন্ত্ৰণ’ৰ পৰা মুক্ত হ’বলৈ গৈ আছে,যাৰ কাৰণে আধা পৃথিৱী ভয়ত আছে।আজি ৫ ফেব্ৰুৱাৰী, ২০২৬ তাৰিখে মাজনিশা বিশ্বৰ অন্তিমখন বৃহৎ পাৰমাণৱিক অস্ত্ৰ নিয়ন্ত্ৰণ চুক্তি,New START য়ে নিজৰ আইনী সময়সীমা পূৰণ কৰিব। ইয়াৰ পিছত আমেৰিকা আৰু ৰাছিয়াক অনিয়ন্ত্ৰিত পাৰমাণৱিক যুদ্ধত বাধা দিয়া নিয়মৰ অন্ত পৰিব। 

আমেৰিকা আৰু ৰাছিয়াৰ মাজত পাৰমাণৱিক শক্তি নিয়ন্ত্ৰণ কৰা চুক্তি New START ৰ সন্দৰ্ভত আজি মাজনিশা এক বৃহৎ চুক্তি স্বাক্ষৰহ’ব। ৰাছিয়া আৰু ইউক্ৰেইনৰ মাজত শান্তি চুক্তি সন্দৰ্ভত ইউ এ ইত আলোচনা চলি আছে।

যোৱা ২৪ ঘণ্টা ধৰি চলি থকা মাৰাথন বৈঠকৰ মাজতে আমেৰিকা আৰু ৰাছিয়াইও New START চুক্তিৰ বিষয়ে আলোচনা কৰিছে।

দুয়োখন মহাশক্তিধৰ দেশে সন্ধিখন সম্পূৰ্ণৰূপে ভাঙি যোৱাৰ পৰা ৰক্ষা কৰিবৰ বাবে এটা অন্তৱৰ্তীকালীন চুক্তি ওচৰ চাপিছে।

২০১০ চনত স্বাক্ষৰিত New START চুক্তিখন শীতল যুদ্ধৰ যুগৰ সন্ধিৰ দীৰ্ঘদিনীয়া উত্তৰাধিকাৰৰ ভিতৰত শেষ চুক্তি, যিয়ে বিগত পাঁচ দশক ধৰি বিশ্বক অনিয়ন্ত্ৰিত পাৰমাণৱিক যুদ্ধৰ পৰা সুৰক্ষিত কৰি ৰাখিছে।

এই সন্ধিত আমেৰিকা আৰু ৰাছিয়াক সৰ্বাধিক ১৫৫০টাকৈ নিয়োজিত কৌশলগত পাৰমাণৱিক ৱাৰহেড লৈকে সীমাবদ্ধ কৰা হৈছে।

আজি ৰাতি যদি এই সন্ধিৰ অন্ত পৰে,তেন্তে ইতিহাসত প্ৰথমবাৰৰ বাবে বিশ্বৰ দুখন বৃহৎ পাৰমাণৱিক শক্তিৰ অস্ত্ৰভাণ্ডাৰৰ ওপৰত কোনো আইনী বাধা নাথাকিব।

ইয়াৰ অনুপস্থিতিত অনাস্থা আৰু ভুল বুজাবুজি ইমানেই বৃদ্ধি পাব পাৰে যে পৃথিৱীখনক আকৌ এবাৰ বিপদজনক অস্ত্ৰৰ প্ৰতিযোগিতাত নিক্ষেপ কৰা হ’ব।

লগতে পঢ়ক ; ‘প্রধানমন্ত্রীৰ লগত যিকোনো ঘটনা হ’ল হয়’; লোকসভাৰ অধ্যক্ষ ওম বিৰলাৰ ডাঙৰ ৰহস্য ভেদ