“গুৱাহাটী বিজেপিৰ দুৰ্গ তাত সন্দেহ নাই”; গুৱাহাটীক লৈ মুখ্যমন্ত্ৰীৰ ডাঙৰ মন্তব্য
বিধানসভা নিৰ্বাচনক লৈ প্ৰতিটো ৰাজনৈতিক দলৰ প্ৰচাৰ তুংগত উঠিছে। তাৰ মাজতে মুখ্যমন্ত্ৰী ড০ হিমন্ত বিশ্ব শৰ্মাই কেইবাটাও গুৰুত্বপূৰ্ণ মন্তব্য কৰিছে।
নিৰ্বাচনী প্ৰচাৰৰ বাবে বুধবাৰে টংলাত উপস্থিত হয় মুখ্যমন্ত্ৰী ড০ হিমন্ত বিশ্ব শৰ্মা। নিৰ্বাচনী প্ৰচাৰৰ মাজতে কংগ্ৰেছৰ বিৰুদ্ধে সৰৱ হৈ উঠে মুখ্যমন্ত্ৰীগৰাকী।
মুখ্যমন্ত্ৰী গৰাকীয়ে কয় যে, বৰ্তমান অসমত কংগ্ৰেছ এটা অস্তিত্বশূন্য দল।ৰাজ্যত এতিয়া কংগ্ৰেছৰ শিপা অতি দুৰ্বল।নিৰ্বাচনৰ পিছত দলটো চলাই নিয়াটোৱেই তেওঁলোকৰ বাবে কঠিন হ’ব। কংগ্ৰেছে সফলতা লাভ কৰিব নোৱাৰে। তেওঁ কয় যে, গুৱাহাটী হৈছে বিজেপিৰ দুৰ্গ। গুৱাহাটীৰ আটাইকেইখন আসনেই আমাৰ হাততেই থাকিব।
মুখ্যমন্ত্ৰী গৰাকীয়ে কয় যে, ৰাইজৰ দলে মাত্ৰ ধিঙত হে জয়লাভ কৰিব।এইবাৰ শিৱসাগৰত যুঁজখন কঠিন হ’ব। আনহাতে অসম জাতীয় পৰিষদে এখনো আসনত জয়লাভ নকৰে। কংগ্ৰেছ দলটোৱে ১৫ ৰ পৰা ১৭ খন আসন লাভ কৰিব আৰু এআইইউডিএফ এ ৫ খন আসন পাব।
প্ৰমোদ বড়োৰ কথা উল্লেখ কৰি মুখ্যমন্ত্ৰী গৰাকীয়ে কয় যে, ‘প্ৰমোদ বড়ো জিকিলেও বিধায়ক পদ এৰিব লাগিব। কাৰণ তেওঁ ইতিমধ্যে ৰাজ্যসভালৈ নিৰ্বাচিত হৈছে।তেওঁ সাংসদ পদ এৰি বিধায়ক পদ হ’বলৈ নাহে।আৰু প্ৰমোদ বড়োৱে একেলগে তিনিটা পদত থাকিব নোৱাৰে। তেওঁ জয় লাভ কৰিলে পুনৰ উপ-নিৰ্বাচন অনুষ্ঠিত কৰিব লাগিব। তাত কাৰোৰে লাভ নহ’ব। সেই কাৰণে উপ-নিৰ্বাচন কৰাতকৈ UPPL ৰ মানুহেও বিশ্বজি দৈমাৰীকে ভোট দিব লাগে।
আনহাতে কংগ্ৰেছৰ ইস্তাহাৰৰ কথা উল্লেখ কৰি মুখ্যমন্ত্ৰী গৰাকীয়ে কয় যে, জুবিন গাৰ্গৰ নাম নিৰ্বাচনী ইস্তাহাৰত প্ৰকাশ কৰি কংগ্ৰেছে অতি অক্ষমণীয় কাম কৰিছে। কাৰণ জুবিনে নিজে কৈছিল যে পলিটিষ্ক নকৰিবা বন্ধু। গতিকে কংগ্ৰেছে ৰাইজৰ ওচৰত ক্ষমা খুজি নিৰ্বাচনী ইস্তাহাৰৰ পৰা জুবিনৰ নামটো আঁতৰাই দিব লাগে।
লগতে পঢ়ক: ‘এইবাৰ অসমত মংগলেই মংগল হ’ব’; গোগামুখৰ পৰা অসমবাসীলৈ প্ৰধানমন্ত্ৰী উপহাৰ