মধ্য প্ৰাচ্যত চলি থকা যুদ্ধৰ মাজতে ৰাজ্যৰ বিভিন্ন প্ৰান্তত পেট্ৰ’ল-ডিজেলৰ নাটনিক লৈ বহু উৰা বাতৰি বিয়পি পৰিছে। পুৱাৰে পৰা পেট্ৰ’ল পাম্প সমূহক দীঘলিয়া শাৰীও দেখিবলৈ পোৱা গৈছে। তাম মাজতে ইণ্ডিয়ান অইলে এক ডাঙৰ খবৰ দিছে।
ৰাজ্যত পেট্ৰ’ল-ডিজেল নাটনি হ’ব বুলি বিভিন্ন প্ৰান্তত পুৱাৰে পৰা দীঘলিয়া শাৰী দেখিবলৈ পোৱা গৈছিল। কিন্তু তাৰ মাজতে ইণ্ডিয়ান অইলে কৈছে যে,অসমত নাটনি হোৱা নাই পেট্ৰ’ল-ডিজেল। পেট্ৰ’ল-ডিজেলক লৈ আতংকিত হোৱাৰ কোনো কাৰণ নাই।
IOCL-এ স্পষ্ট কৰি দিছে যে ৰাজ্যত বৰ্তমানেও পৰ্যাপ্ত ইন্ধন মজুত আছে। গ্ৰাহক সকলক প্ৰয়োজনতকৈ অধিক তেল কিনি ভিৰ নকৰিবলৈ অনুৰোধ কৰিছে। ইণ্ডিয়ান অইলে উৰাবাতৰি বিয়পোৱাসকলক সাৱধানো কৰি দিয়।
তাৰ লগতে গুৱাহাটী পেট্ৰ’ল পাম্প পৰিদৰ্শন কৰি জিলা আয়ুক্তই এক গুৰুত্বপূৰ্ণ মন্তব্য কৰিছে।জিলা উপাযুক্ত গৰাকীয়ে মহানগৰবাসীক ভুৱা বাতৰিত আতংকিত নহ’বলৈ আহ্বান কৰিছে। তেওঁ কয় যে, গুৱাহাটীতো পৰ্যাপ্ত পৰিমাণৰ পেট্ৰ’ল-ডিজেল মজুত আছে।
IOCL ৰ ৪৫ লাখ লিটাৰ পেট্ৰ’ল আৰু ৫৫ লাখ লিটাৰ ডিজেল গুৱাহাটীত মজুত আছে। আনহাতে HPCL ৰ ৪ লাখ লিটাৰ পেট্ৰ’ল গুৱাহাটীত মজুত আছে। গুৱাহাটীত বন্ধ নহয় পেট্ৰ’ল পাম্প। জনসাধাৰণক ভুৱা বাতৰি প্ৰচাৰ কৰা সকলক সাধান কৰি দিয়ে জিলা উপায়ুক্ত গৰাকীয়ে।আনহাতে পেট্ৰ’ল-ডিজেলৰ সমস্যা থাকিলে মহানগৰবাসীয়ে ১০৭৭ হেল্পলাইন নম্বৰত জনাব পাৰিব বুলিও তেওঁ কৈছে।
লগতে পঢ়ক: অৱনতি ঘটিছে পশ্চিম এছিয়াৰ পৰিস্থিতি; সকলো ৰাজ্যৰ মুখ্যমন্ত্ৰীলৈ প্ৰধানমন্ত্ৰীৰ ফোন
