বাৰে বাৰে হোৱা নিৰ্বাচনী পৰাজয়ৰ হতাশাত কংগ্ৰেছ নেতাসকলে দেশক বদনাম কৰিবলৈ চেষ্টা কৰা বুলিও তেওঁ অভিযোগ উত্থাপন কৰে
প্ৰধানমন্ত্ৰী নৰেন্দ্ৰ মোদীয়ে শনিবাৰে অসমত এক জনসভা সম্বোধন কৰি কংগ্ৰেছক তীব্ৰ সমালোচনা কৰে । তেওঁ কয় যে দলটোৱে সমগ্ৰ দেশতে জনসমৰ্থন হেৰুৱাইছে আৰু শীঘ্ৰেই নিৰ্বাচনী পৰাজয়ৰ “শতক অৰ্জন” কৰিব ।
সমবেত ৰাইজক সম্বোধন কৰি প্ৰধানমন্ত্ৰীগৰাকীয়ে কয় যে অসমৰ ৰাইজে ইতিমধ্যে কংগ্ৰেছক প্ৰত্যাখ্যান কৰিছে আৰু দেশৰ ভোটাৰসকলেও ধাৰাবাহিক নিৰ্বাচনত একেই সঁহাৰি জনাই আহিছে ।
প্ৰধানমন্ত্ৰীয়ে কয়- “আপোনালোকে অসমৰ পৰা কংগ্ৰেছক উৎখাত কৰিছে । আজি দেশৰ প্ৰতিখন ৰাজ্যই কংগ্ৰেছক এশিকনি দিছে । এটাৰ পিছত এটাকৈ নিৰ্বাচনত কংগ্ৰেছ পৰাজিত হৈছে । নিকট ভৱিষ্যতে কংগ্ৰেছে পৰাজয়ৰ শতক অৰ্জন কৰাৰ দিশে আগবাঢ়িছে ।”
বাৰে বাৰে হোৱা নিৰ্বাচনী পৰাজয়ৰ হতাশাত কংগ্ৰেছ নেতাসকলে দেশক বদনাম কৰিবলৈ চেষ্টা কৰা বুলিও তেওঁ অভিযোগ উত্থাপন কৰে । এআই সন্মিলনৰ সৈতে জড়িত এক প্ৰতিবাদৰ প্ৰসংগ টানি প্ৰধানমন্ত্ৰী মোদীয়ে কংগ্ৰেছ নেতাসকলে এক অস্বাভাৱিক প্ৰতিবাদ কৰিছিল বুলি অভিযোগ কৰে ।
তেওঁ কয়- “এআই সন্মিলনক লৈ বিৰূপ ধাৰণা সৃষ্টি কৰিবলৈ কংগ্ৰেছে এক অদ্ভুত প্ৰতিবাদ সাব্যস্ত কৰিছিল, ৰাজহুৱাকৈ নিজৰ কাপোৰ নিজেই ফালিছিল । এনে লাগে যেন হতাশাত নিজৰ কাপোৰ ফলাৰ বাহিৰে কংগ্ৰেছৰ হাতত এতিয়া একোৱেই বাকী নাই । সমগ্ৰ দেশে এই কাণ্ডক গৰিহণা দিছে ।”
লগতে পঢ়ক : কংগ্ৰেছ ভাৰত বিৰোধী শক্তিৰ হাতৰ পুতলা হৈ পৰিছে: শিলচৰত প্ৰধানমন্ত্ৰী মোদী
