পশ্চিম বংগৰ ৰাজনৈতিক মহলৰ পৰা এক ধুমুহাৰ খবৰ পোহৰলৈ আহিছে। মমতা বেনাৰ্জীয়ে দুগৰাকী বিধায়কক দলৰ পৰা বহিষ্কাৰ কৰাৰ পিছতে টিএমচিৰ ভিতৰত বিভাজনৰ ভয়ংকৰ ৰূপ ধাৰণ কৰিবলৈ আৰম্ভ কৰিছে।

পশ্চিমবংগত টিএমচিৰ পৰাজয়ৰ পিছৰে পৰা দলটোৰ ভিতৰচ’ৰাত পৰিস্থিতি ভাল নহয়। মমতা বেনাৰ্জীয়ে দুজন বিধায়কক দলৰ পৰা বহিষ্কাৰ কৰাৰ পিছৰে পৰা টিএমচি ফাট মেলাৰ সম্ভাৱনাই দেখা দিছে।

এতিয়া বিদ্ৰোহী বিধায়ক সন্দীপন সাহা আৰু ঋতব্ৰত বেনাৰ্জী বিধানসভাত উপস্থিত হৈছে। তেওঁলোকে দাবী কৰিছে যে দলৰ ৫৯ গৰাকী বিধায়কে তেওঁলোকক সমৰ্থন জনাইছে। আনকি ঋতব্ৰত বেনাৰ্জীয়ে বিধানসভাত বিৰোধী দলৰ নেতাৰ পদো দাবী কৰিব পাৰে।

বিধানসভাত উপস্থিত হোৱাৰ পিছত বিদ্ৰোহী বিধায়কসকলে বিধানসভাৰ অধ্যক্ষক ৫৯ গৰাকী বিধায়কৰ চহী থকা পত্ৰখন অৰ্পণ কৰে। ইয়াৰ পূৰ্বে, টিএমচিৰ পৰা বহিষ্কৃত হোৱা দুই বিধায়ক সন্দীপন সাহা আৰু ঋতব্ৰত বেনাৰ্জীয়ে কলকাতাৰ এমএলএ (MLA) হোষ্টেলত টিএমচিৰ কেইবাগৰাকীও বিধায়কৰ সৈতে এক বৈঠকত মিলিত হৈছিল। এই বৈঠকত মমতাৰ অতি ঘনিষ্ঠ কেইবাগৰাকীও বিধায়কেও অংশগ্ৰহণ কৰিছিল, যাক লৈ সমগ্ৰ পশ্চিমবংগতে ব্যাপক চৰ্চা চলিছিল।

নতুন গোটটোক স্বীকৃতি পাবলৈ হ’লে দুই-তৃতীয়াংশ অৰ্থাৎ ৫৪ গৰাকী বিধায়কৰ সমৰ্থনৰ প্ৰয়োজন হ’ব। যদি ইয়াতকৈ কম বিধায়ক থাকে, তেন্তে অধ্যক্ষই এই নতুন গোটটোক স্বীকৃতি নিদিয়ে।

লগতে পঢ়ক: আজি কৰ্ণাটকৰ মুখ্যমন্ত্ৰী হিচাপে শপত ল’ব ডি কে শিৱকুমাৰে…

মমতা বেনাৰ্জীৰ টিএমচিৰ ভিতৰত বিভাজন সন্দৰ্ভত জল্পনা-কল্পনা তীব্ৰতৰ হৈ পৰিছে।মমতাৰ ওপৰত অসন্তুষ্ট টিএমচিৰ বিধায়কে নতুন দল গঠন কৰিব পাৰে বুলি ধাৰণা কৰা হৈছে।

পশ্চিম বংগৰ ৰাজনীতিত তীব্ৰ বিদ্ৰোহ আৰম্ভ হৈছে । বিধানসভা নিৰ্বাচনত শোচনীয় পৰাজয়ৰ পিছত মমতা বেনাৰ্জীৰ তৃণমূল কংগ্ৰেছে এতিয়া সংকটৰ মুখামুখী হোৱা দেখা গৈছে। দলৰ ভিতৰত ক্ষোভ, বিদ্ৰোহী নেতাৰ সক্ৰিয়তা আৰু একাংশ বিধায়কৰ গোপন বৈঠকে ৰাজনৈতিক মহলত এই চৰ্চা জোৰদাৰ কৰি তুলিছে যে বংগতো মহাৰাষ্ট্ৰৰ দৰে ৰাজনৈতিক ঘটনাৰ পুনৰাবৃত্তি ঘটিব নেকি।

দেওবাৰে টিএমচিয়ে ঋতব্ৰত বেনাৰ্জী আৰু সন্দীপন সাহাক নিলম্বন কৰিছিল। এতিয়া চৰ্চা চলিছে যে এই দুজন বহিষ্কৃত বিধায়কৰ ভিতৰত ঋতব্ৰত বেনাৰ্জী টিএমচিৰ নতুন ‘শিন্দে’ হ’ব পাৰে। একনাথ শিন্দেই যিদৰে ৪০ জন বিধায়কক লগত লৈ সুকীয়া দল গঠন কৰিছিল, ঠিক তেনেদৰে ঋতব্ৰত বেনাৰ্জীয়েও নতুন দল গঠন কৰিব পাৰে। ঋতব্ৰত বেনাৰ্জীয়েও অনুৰূপ চেষ্টা চলাইছে। সেই বাবেই ঋতব্ৰত বেনাৰ্জী আৰু তেওঁৰ সৈতে সন্দীপন সাহাই দলীয় বৈঠকত অংশগ্ৰহণ কৰা নাছিল।

জানিব পৰা মতে,দলৰ পৰা বহিষ্কৃত আৰু অসন্তুষ্ট নেতাসকলে শেহতীয়াকৈ কলকাতাৰ বিধায়ক হোষ্টেলত কেইবাখনো বৈঠক অনুষ্ঠিত কৰিছে। এই বৈঠকত টিএমচিৰ ভৱিষ্যত, সাংগঠনিক পৰিৱৰ্তন আৰু কথিতভাৱে এক নতুন ৰাজনৈতিক বিকল্পৰ সন্দৰ্ভত আলোচনা হোৱা বুলি কোৱা হৈছে। টিএমচিৰ প্ৰায় ১৫ৰ পৰা ২০ জন বিধায়ক এনে নেতাৰ সৈতে যোগাযোগত আছে, যিসকলে দলীয় নেতৃত্বৰ ওপৰত চাপ সৃষ্টি কৰাৰ চেষ্টা চলাইছে। খবৰ অনুসৰি, এই অসন্তুষ্ট নেতাসকলে ‘আচল তৃণমূল’ নামেৰে এক সুকীয়া ৰাজনৈতিক মঞ্চ গঢ়ি তোলাৰ প্ৰস্তুতি চলাইছে। টিএমচি সুপ্ৰিম’ মমতা বেনাৰ্জীয়েও দলৰ ওপৰত অহা এই বিপদক সম্পূৰ্ণৰূপে নাকচ কৰা নাই।

এই সমগ্ৰ বিতৰ্কৰ সূচনা তেতিয়া হৈছিল, যেতিয়া টিএমচি নেতৃত্বই উলুবেৰীয়া পূবৰ বিধায়ক ঋতব্ৰত বেনাৰ্জী আৰু এণ্টালীৰ বিধায়ক সন্দীপন সাহাক দলবিৰোধী কাৰ্যকলাপৰ অভিযোগত বহিষ্কাৰ কৰিছিল। দুয়োগৰাকী বিধায়কে বিৰোধী দলপতিৰ সৈতে জড়িত প্ৰস্তাৱ আৰু স্বাক্ষৰ প্ৰক্ৰিয়াক লৈ প্ৰশ্ন উত্থাপন কৰিছিল। ইয়াৰ পিছত যেতিয়া দুয়োকে দলীয় বৈঠকলৈ মাতি পঠোৱা হৈছিল, তেতিয়া তেওঁলোক তাত উপস্থিত হোৱা নাছিল।

লগতে পঢ়ক: বংগত শুভেন্দু অধিকাৰীৰ মন্ত্ৰীসভা সম্প্ৰসাৰণ; ৩৫ গৰাকী নতুন মুখে ললে শপত

টিএমচিৰ মুৰব্বী মমতা বেনাৰ্জীয়ে দলৰ সদস্য সকলক লৈ এখন বৈঠকত মিলিত হয়। দলটোৰ সংকটৰ সময়খিনিত কেনেদৰে একগোট হৈ থাকিব পাৰে তাক লৈ আলোচনা কৰা হয়।

পশ্চিম বংগ বিধানসভা নিৰ্বাচনত ক্ষমতা হেৰুৱা আৰু বছৰ বছৰ ধৰি সৰ্বাধিক নিৰ্বাচনী বিপৰ্যয়ৰ সন্মুখীন হোৱাৰ পিছত তৃণমূল কংগ্ৰেছৰ সুপ্ৰেমো মমতা বেনাৰ্জীয়ে এতিয়া শূন্যৰ পৰা সংগঠনটো পুনৰ নিৰ্মাণৰ কচৰৎত নামিছে।শুকুৰবাৰে মমতা বেনাৰ্জীয়ে কলকাতাৰ কালিঘাটৰ বাসগৃহত নিৰ্বাচনত প্ৰতিদ্বন্দ্বিতা কৰা সকলো দলীয় প্ৰাৰ্থীৰ সৈতে এক গুৰুত্বপূৰ্ণ পৰ্যালোচনা বৈঠক অনুষ্ঠিত কৰে।

এই বৈঠকত দলৰ ৰাষ্ট্ৰীয় সাধাৰণ সম্পাদক অভিষেক বেনাৰ্জীও উপস্থিত থাকে। পৰাজয়ৰ পিছত দলটোৰ আভ্যন্তৰীণ অস্থিৰতা আৰু নেতাসকলে দল সলনি কৰাৰ জল্পনা-কল্পনাৰ মাজতে মমতা বেনাৰ্জীয়ে স্পষ্টভাৱে কয় যে যিসকলে দলটো এৰিব বিচাৰিছে, তেওঁলোকে তেনে কৰিবলৈ স্বাধীন।

বৈঠকৰ সময়ত মমতা বেনাৰ্জীয়ে নেতাসকলে ৰাজনৈতিক শিবিৰ সলনি কৰাৰ সন্দৰ্ভত স্পষ্টভাৱে কয় “যিসকলে আন দলত যোগদান কৰিব বিচাৰে তেওঁলোকক যাবলৈ দিয়ক।মই দলটোক শূন্যৰ পৰা পুনৰ নিৰ্মাণ কৰিম।যি সকল লোক মোৰ লগত থাকিব বিচাৰে, তেওঁলোকক মই ক’ব বিচাৰিছো যে ক্ষতিগ্ৰস্ত হৈ থকা কাৰ্যালয় সমূহ পুনৰ মেৰামতি কৰক,নতুনকৈ ৰং কৰি সেই কাৰ্যালয় সমূহ পুনৰ খুলি দিয়ক।যদি প্ৰয়োজন হয় মই নিজেই সেই কাৰ্যালয় সমূহ ৰং কৰিম।তৃণমূল কংগ্ৰেছে কেতিয়াও শিৰনত নকৰে।”

মমতা বেনাৰ্জীয়ে আৰু কয় যে, “মই জানো যে কিছুমান মানুহ বেলেগ দললৈ যাব। সম্ভৱ তেওঁলোকৰ নিজৰ কিছুমান বাধ্যবাধকতা আছে।এই বিষয়ে মই একো ক’ব বিচৰা নাই।যিসকল লোকে যাব বিচাৰিছে, তেওঁলোক যাব পাৰে।মই কাকো বলপূৰ্বকভাৱে ৰখাত বিশ্বাস নকৰো।”

লগতে পঢ়ক: ‘সংকট বহু ডাঙৰ‘; মুখ্যমন্ত্ৰীৰ দায়িত্ব লৈয়েই প্ৰধানমন্ত্ৰীলৈ পত্ৰ প্ৰেৰণ থালাপথী বিজয়ৰ

ৰাজ্যপালে ভংগ কৰিলে পশ্চিম বংগৰ বিধানসভা।বংগত নতুন চৰকাৰ গঠনৰ পথ এতিয়া মুকলি হৈছে।

 এখন জাননী আৰু পশ্চিমবংগত এক বৃহৎ ৰাজনৈতিক উত্তাল পৰিস্থিতিৰ সৃষ্টি হৈছে।২০২৬ চনৰ বিধানসভা নিৰ্বাচন প্ৰক্ৰিয়া সম্পূৰ্ণ হোৱাৰ পিছত পশ্চিম বংগৰ গৱৰ্ণৰ আৰ.এন. ৰবিয়ে সমগ্ৰ কেবিনেট ভংগ কৰে।গেজেট অধিসূচনা অনুসৰি, ভাৰতীয় সংবিধানৰ ১৭৪(২) অনুচ্ছেদৰ উপ-দফা (খ)ৰ অধীনত তেওঁৰ হাতত থকা ক্ষমতা প্ৰয়োগ কৰি ৰাজ্যপাল গৰাকীয়ে পশ্চিম বংগ বিধানসভা ভংগ কৰাৰ নিৰ্দেশ দিছে।

ইয়াৰ লগে লগে মমতা বেনাৰ্জী আৰু এতিয়া পশ্চিম বংগৰ মুখ্যমন্ত্ৰী হৈ থকা নাই। উল্লেখযোগ্য যে পদত্যাগক লৈ চলি থকা ৰাজনৈতিক উত্তেজনাৰ মাজতে এই সিদ্ধান্ত পোনপটীয়াকৈ সাংবিধানিক প্ৰক্ৰিয়াৰ অধীনত লোৱা হৈছিল।ইয়াৰ লগে লগে বংগত তৃণমূল কংগ্ৰেছৰ ১৫ বছৰীয়া ক্ষমতাৰ অধ্যায়ৰ অন্ত পৰিল।

মুখ্য সচিব দূষমন্ত নাৰিয়ালাই ৰাজ্যপালৰ স্বাক্ষৰ থকা এই আদেশ জনস্বাৰ্থত প্ৰকাশ কৰিছিল।নিৰ্বাচনৰ পিছত নতুন চৰকাৰে কাৰ্যভাৰ গ্ৰহণ কৰাৰ পূৰ্বে বিদায়ী বিধানসভা ভংগ কৰাটো সাংবিধানিক পৰম্পৰা।

এই নিৰ্দেশৰ লগে লগে পশ্চিম বংগত সপ্তদশ বিধানসভাৰ কাৰ্যকালৰ অন্ত পৰিল আৰু নৱনিৰ্বাচিত প্ৰতিনিধিৰ সৈতে ১৮ নং বিধানসভা গঠনৰ পথ মুকলি হৈছে।অহা কেইদিনমানৰ ভিতৰত নতুন মন্ত্ৰীসভাৰ শপত গ্ৰহণ আৰু বিধানসভাৰ প্ৰথমখন অধিৱেশন আহ্বানৰ প্ৰক্ৰিয়া আৰম্ভ হ’ব।

লগতে পঢ়ক: ‘ৰাজ্যপালে বিজেপিৰ পক্ষ লৈছে’; দ্বিতীয়বাৰ ৰাজভৱনৰ পৰা খালী হাতেৰে উভতিল থালাপথী বিজয়

চন্দ্ৰনাথ ৰাথৰ হত্যাকাণ্ডৰ সন্দৰ্ভত সুবেন্দু অধিকাৰীয়ে মমতা বেনাৰ্জীক লক্ষ্য কৰি লৈছে। সুবেন্দু অধিকাৰীয়ে কৈছে যে, “মমতাক পৰাস্ত কৰাৰ বাবেই চন্দ্ৰনাথক হত্যা কৰা হ’ল”

বিজেপি নেতা সুবেন্দু অধিকাৰীয়ে তেওঁৰ পি এ চন্দ্ৰনাথ ৰাথৰ হত্যাকাণ্ড সন্দৰ্ভত এক বৃহৎ বিবৃতি প্ৰকাশ কৰিছে।চন্দ্ৰনাথ ৰাথৰ হত্যাকাণ্ডক লৈ তেওঁ তৃণমূল কংগ্ৰেছৰ মুৰব্বী মমতা বেনাৰ্জীক লক্ষ্য কৰি লৈছে।সুবেন্দু অধিকাৰীয়ে কয়, “মই ভবানীপুৰত মমতাক পৰাস্ত কৰিলোঁ; সেইবাবেই চন্দ্ৰনাথক হত্যা কৰা হ’ল।” পশ্চিম বংগৰ উত্তৰ ২৪ পৰগনা জিলাত বুধবাৰে নিশা প্ৰায় ১০:৩০ বজাত মধ্যমগ্ৰামৰ দোলতলাৰ সমীপত মটৰ চাইকেলত অহা দুৰ্বৃত্তই চন্দ্ৰনাথ ৰাথক গুলীয়াই হত্যা কৰে।

আক্ৰমণকাৰীয়ে তেওঁক চাৰি জাই গুলীচালনা কৰে। আজি মধ্যগ্ৰামৰ চিকিৎসালয়ৰ পৰা চন্দ্ৰনাথ ৰাথৰ মৃতদেহ তেওঁৰ বাসগৃহলৈ অনা হয়।

চন্দ্ৰনাথ ৰাথৰ হত্যাৰ সন্দৰ্ভত সুবেন্দু অধিকাৰীয়ে কয়, এই হত্যাকাণ্ডৰ বাবে যিমানেই নিন্দা কৰা হয়, সিমানেই কম হ’ব।তেওঁক এই কাৰণেই হত্যা কৰা হ’ল কাৰণ তেওঁ মোৰ সহযোগী আছিল আৰু মই ভবানীপুৰত মমতা বেনাৰ্জীক পৰাস্ত কৰিছিলোঁ।এইটোৱেই তেওঁৰ হত্যাৰ কাৰণ হ’ব পাৰে।মই তেওঁলোকৰ পৰিয়ালৰ সৈতে আছো, আৰু পৰিয়ালে দাবী কৰে যে হত্যাৰ দোষীসকলক গ্ৰেপ্তাৰ কৰা হওক আৰু তেওঁলোকক শাস্তি দিয়া উচিত। মৰণোত্তৰ পৰীক্ষাত দেখা গ’ল যে তেওঁক চাৰিটা গুলী নিক্ষেপ কৰা হৈছে; এই হত্যাকাণ্ডটো পূৰ্ব পৰিকল্পিত আছিল।”

লগতে পঢ়ক: মোক বৰ্খাস্ত কৰক, কিন্তু মই পদত্যাগ নকৰোঃ শোচনীয় পৰাজয়ৰ পাছতো নাচোৰবান্দা মমতা বেনাৰ্জী