পশ্চিমবংগৰ প্ৰাক্তন মুখ্যমন্ত্ৰী মমতা বেনাৰ্জীৰ বিৰুদ্ধে এজন অধিবক্তাই এজাহাৰ দাখিল কৰিছে।এই এহাজাৰত মমতা বেনাৰ্জীয়ে সনাতন ধৰ্ম সন্দৰ্ভত আপত্তিজনক মন্তব্য কৰাৰ অভিযোগ উত্থাপন হৈছে।
পশ্চিম বংগৰ প্ৰাক্তন মুখ্যমন্ত্ৰী তথা তৃণমূল কংগ্ৰেছ (TMC)ৰ প্ৰধান মমতা বেনাৰ্জী পুনৰ এবাৰ বিতৰ্কৰ মাজত সোমাই পৰিছে। মমতাৰ বিৰুদ্ধে শিলিগুৰিৰ চাইবাৰ থানাত এখন এজাহাৰ দাখিল কৰা হৈছে। এই অভিযোগত মমতা বেনাৰ্জীৰ বিৰুদ্ধে সনাতন ধৰ্মক লৈ আপত্তিজনক মন্তব্য কৰাৰ অভিযোগ উত্থাপন কৰিছে। লগতে ইয়াৰ জৰিয়তে ধৰ্মীয় অনুভূতি আঘাতপ্ৰাপ্ত কৰাৰো অভিযোগ অনা হৈছে।
প্ৰাপ্ত তথ্য অনুসৰি, অধিবক্তা ৰিংকী চেটাৰ্জী সিঙে এই এজাহাৰখন দাখিল কৰিছে। অভিযোগত দাবী কৰা হৈছে যে মমতা বেনাৰ্জীৰ ভাষণে ধৰ্মীয় অনুভূতিত আঘাত হানিছে আৰু ই সমাজত উত্তেজনা সৃষ্টি কৰিব পাৰে। মমতাৰ বিৰুদ্ধে অভিযোগ উঠিছে যে তেওঁ ২০২৫ চনত কলকাতাত অনুষ্ঠিত এক ঈদৰ কাৰ্যসূচীত সনাতন আৰু হিন্দু ধৰ্মক লৈ আপত্তিজনক মন্তব্য কৰিছিল। বিতৰ্কটো বিশেষকৈ তেওঁ ‘লেতেৰা ধৰ্ম’ৰ দৰে শব্দ ব্যৱহাৰ কৰা বুলি উত্থাপিত হোৱা অভিযোগক লৈ হৈছে।
আনহাতে, পশ্চিম বংগত মমতা বেনাৰ্জীৰ শোচনীয় পৰাজয়ৰ পাৰ্শ্বক্ৰিয়া এতিয়া দৃশ্যমান হ’বলৈ আৰম্ভ কৰিছে। যিবোৰ অঞ্চলক টিএমচিৰ দুৰ্গ বুলি গণ্য কৰা হৈছিল, তাৰ পৰা প্ৰায় ১০০ গৰাকী কাউন্সিলাৰে পদত্যাগ কৰিছে। ইয়াৰ মাজতে মঙলবাৰে কাকলি ঘোষকে ধৰি দলটোৰ ছয়গৰাকী বিধায়কে বংগৰ মুখ্যমন্ত্ৰী শুভেন্দু অধিকাৰীৰ প্ৰশাসনিক পৰ্যালোচনা বৈঠকত অংশগ্ৰহণ কৰে।
ধাৰণা কৰা হৈছে যে বিজেপি ক্ষমতালৈ অহাৰ পিছৰে পৰা টিএমচিৰ ভিতৰচ’ৰাত অসন্তুষ্টিৰ পৰিৱেশে বিৰাজ কৰিছে। কেইবাগৰাকীও নেতাই এই পৰাজয়ৰ বাবে ডায়মণ্ড হাৰ্বাৰৰ সাংসদ তথা মমতা বেনাৰ্জীৰ ভতিজাক অভিষেক বেনাৰ্জী আৰু আই-পিএচিক জগৰীয়া কৰা হৈছে। ডায়মণ্ড হাৰ্বাৰৰ ১৬ জনীয়া পৌৰসভাৰ ৮ গৰাকী তৃণমূল পাৰিষদেও পদত্যাগ কৰিছে।
লগতে পঢ়ক: “তৃণমূল কংগ্ৰেছৰ ২০ সাংসদ বিজেপিত যোগদান কৰিবলৈ সাজু”; সাংসদ সৌমিত্ৰ খানৰ বিস্ফোৰক মন্তব্য
