জাহ্নৱী কাপুৰ তেওঁৰ নতুন ছবি ‘পেড্ডী’ৰ বাবে শিৰোনাম দখল কৰিছে। ছবিখনৰ মুক্তিৰ দিনাই খালী ভৰিৰে অন্ধ প্ৰদেশৰ তিৰুপতি বালাজী মন্দিৰ দৰ্শন কৰে অভিনেত্ৰী গৰাকীয়ে।

বলীউডৰ অভিনেত্ৰী জাহ্নৱী কাপুৰৰ বহু প্ৰত্যাশিত দক্ষিণৰ ছবি পেড্ডী বৃহস্পতিবাৰে ছবিগৃহত মুক্তি লাভ কৰিছে। এই বিশেষ মূহূৰ্তটোৰ কাৰণে অভিনেত্ৰী গৰাকীয়ে অন্ধ প্ৰদেশৰ তিৰুপতি বালাজী মন্দিৰ দৰ্শন কৰি ভগৱানৰ আশীৰ্বাদ লয়। মন্দিৰত উপস্থিত হৈ জাহ্নৱী কাপুৰে শ্ৰদ্ধাৰে পূজা-অৰ্চনা কৰে আৰু ভগৱানৰ ওচৰত মূৰ দোঁৱাই ছবিখনৰ সফলতা কামনা কৰে। মন্দিৰ প্ৰাংগণত তেওঁক পৰম্পৰাগত ৰূপত দেখা গৈছিল।

অভিনেত্ৰীগৰাকীয়ে খালী ভৰিৰে মন্দিৰত গৈ উপস্থিত হৈছিল। দৰ্শনৰ অন্তত যেতিয়া তেওঁ মন্দিৰৰ পৰা ওলাই আহে, তেতিয়া প্ৰৱেশ দ্বাৰত ৰৈ মূৰ তল কৰি অতি ভক্তিৰে ভগৱানক প্ৰণাম জনায়। এই সময়ছোৱাত জাহ্নৱীয়ে পৰম্পৰাগত ভাৰতীয় সাজ-পোছাক পৰিধান কৰিছিল। তেওঁ এখন বেঙুনীয়া ৰঙৰ চিল্কৰ শাৰী পিন্ধিছিল।

জাহ্নৱী কাপুৰে প্ৰায়েই তিৰুপতি বালাজীৰ দৰ্শনৰ বাবে মন্দিৰলৈ আহে। তেওঁ প্ৰতি বছৰে নিজৰ জন্মদিনৰ সুযোগতে ভগৱান ভেংকটেশ্বৰৰ আশীৰ্বাদ ল’বলৈ তিৰুমালাত উপস্থিত হয়। কেৱল সেয়াই নহয়, নিজৰ প্ৰয়াত মাতৃ শ্ৰীদেৱীৰ জন্মদিনতো তেওঁ মন্দিৰলৈ গৈ পূজা-অৰ্চনা কৰে।

তেওঁৰ ছবি ‘পেড্ডী’ৰ কথা ক’বলৈ গ’লে, এইখন এখন স্পৰ্টছ ড্ৰামা (ক্ৰীড়াভিত্তিক) ছবি, যাৰ পৰিচালনা কৰিছে বুচি বাবু চনাই। ছবিখনত জাহ্নৱী কাপুৰৰ সৈতে দক্ষিণ ভাৰতীয় ছুপাৰষ্টাৰ ৰাম চৰণে মুখ্য চৰিত্ৰত অভিনয় কৰিছে। ইয়াৰ উপৰিও ছবিখনত বোমান ইৰানী, শিৱ ৰাজকুমাৰ, জগতপতি বাবু আৰু দিব্যেন্দুৰ দৰে তাৰকাসকলেও গুৰুত্বপূৰ্ণ চৰিত্ৰত অভিনয় কৰিছে।

লগতে পঢ়ক: “বহুত বস্তু হেৰুৱালোঁ, ১০ বছৰ ধৰি অভিনয় ত্যাগ কৰাৰ কথা ভাবিছো”; মনোজ বাজপেয়ীৰ বিস্ফোৰক স্বীকাৰোক্তি

শেহতীয়াকৈ দিয়া এক সাক্ষাৎকাৰত মনোজ বাজপেয়ীয়ে প্ৰকাশ কৰে যে তেওঁ বিগত দহ বছৰ ধৰি অভিনয় ত্যাগ কৰাৰ কথা চিন্তা কৰি আহিছে।

বলীউডৰ অন্যতম প্ৰতিভাশালী আৰু প্ৰিয় তাৰকাৰ ভিতৰত এগৰাকী হৈছে মনোজ বাজপেয়ী।মনোজ বাজপেয়ী বলীউডৰ অন্যতম আটাইতকৈ প্ৰতিভাৱান অভিনেতা। তেওঁ এতিয়ালৈকে নিজৰ কেৰিয়াৰত বহুতো উল্লেখনীয় চলচ্চিত্ৰ উপহাৰ দিছে আৰু নিজৰ অভিনয়ৰ দক্ষতাৰ প্ৰমাণ কৰিছে। একে সময়তে, মনোজ বাজপেয়ী অ’টিটি প্লেটফৰ্মৰো ৰজা হৈ পৰিছে। এই সকলোবোৰৰ মাজতে অলপতে অভিনেতাজনে প্ৰকাশ কৰিছে যে বিগত এটা দশকত তেওঁ বহুবাৰ অভিনয় এৰি দিয়াৰ কথা চিন্তা কৰিছে। তেওঁ স্বীকাৰ কৰিছে যে কঠিন চৰিত্ৰসমূহ ৰূপায়ণ কৰাৰ আৱেগিক বোজাই প্ৰায়ে তেওঁৰ ওপৰত গভীৰ প্ৰভাৱ পেলায়।

এটা সাক্ষাৎকাৰত মনোজ বাজপেয়ীয়ে কয় যে, তেওঁৰ মনলৈ অভিনয় এৰি দিয়াৰ ভাৱ বাৰে বাৰে আহিছে।সঁচা কথা ক’বলৈ গ’লে, বিগত প্ৰায় ১০ বছৰ ধৰি মাজে মাজে মোৰ মন যায় যে মই অভিনয় এৰি দিওঁ। কিন্তু তাৰ পিছত আকৌ কিবা এটা চৰিত্ৰ আহে আৰু সেয়া হৈ উঠে।” অভিনেতাজনে জোৰ দি কয় যে তেওঁ বাধ্যবাধকতাত কাম কৰি থাকিব নিবিচাৰে। তেওঁ কয়, “মই অভিনয়ক বাধ্যবাধকতা হিচাপে কৰিব নিবিচাৰোঁ যে মই ঘৰলৈ দাইল-ভাত লৈ যাব লাগে । মই অভিনয় তেতিয়াহে কৰিব বিচাৰোঁ যেতিয়া কোনোবা এটা চৰিত্ৰ থাকে আৰু তাক ৰূপায়ণ কৰি বৰ আনন্দ পোৱা যায়।”

আটাইতকৈ আকৰ্ষণীয় কথাটো হ’ল মনোজ বাজপেয়ীয়ে প্ৰকাশ কৰিছে যে বহু বছৰ ধৰি অত্যন্ত মানসিক চাপযুক্ত আৰু গভীৰ চৰিত্ৰসমূহ কৰাৰ পিছত, এতিয়া তেওঁ পাতল-লঘু, বাণিজ্যিক মনোৰঞ্জনধৰ্মী বোলছবিৰ প্ৰতি আকৰ্ষিত হৈছে। অভিনেতাজনে কয়, “আজিকালি মোৰ বাণিজ্যিক চৰিত্ৰৰ চিনেমা কৰিবলৈ বৰ মন গৈছে.. একেবাৰে সস্তীয়া কমেডী, অৰ্থহীন কমেডী । অলপ গানৰ তালে তালে নাচিব লাগে। ঘৰৰ পৰা একো প্ৰস্তুতি চলাই যাব নালাগে। কেৱল পৰিয়ালক বিদায় দিয়ক আৰু ছেটত এটা ভাল সময় কটাওক।”

অভিনেতা গৰাকীয়ে এইটোও স্বীকাৰ কৰিছে যে ‘গলি গুলিয়াঁ’, ‘আলীগড়’ আৰু ‘ভোঁছলে’ৰ দৰে ছবিৰ কিছু অন্ধকাৰ আজিও তেওঁৰ ভিতৰত বিৰাজমান। অভিনেতাজনে কয়, “কেতিয়াবা মই মোৰ মানসিক অন্ধকাৰ অনুভৱ কৰোঁ। কেতিয়াবা মই ঠিকমতে জানো যে এইয়া ক’ৰ পৰা আহিছে।” তেওঁ লগতে কয় যে এনে চৰিত্ৰসমূহে প্ৰায়ে মেজাজ সলনি হোৱা আৰু আৱেগিক ভাগৰৰ কাৰণ হৈ পৰে, যাৰ বাবে আধ্যাত্মিকতা তেওঁৰ জীৱনৰ এক গুৰুত্বপূৰ্ণ আশ্ৰয় হৈ পৰিছে।

তেওঁ নিজৰ সপোনৰ পিছত দৌৰোঁতে কৰা ত্যাগসমূহৰ বিষয়েও কথা পাতিছে, বিশেষকৈ মাক-দেউতাকৰ সৈতে অতিবাহিত কৰা সময়খিনিক লৈ। যেতিয়া তেওঁক সোধা হৈছিল যে এই সংগ্ৰাম ইয়াৰ যোগ্য আছিলনে, তেতিয়া তেওঁ কয়, “প্ৰকৃততে, হয়,” তেওঁ লগতে কয়, “কিন্তু মই বহু বস্তু হেৰুৱালোঁ।” মুম্বাই যিয়ে তেওঁ আৰু তেওঁৰ পিতৃ-মাতৃৰ মাজত দূৰত্ব সৃষ্টি কৰিলে। তেওঁ কয়, “কেতিয়াবা মোৰ ভাব হয়, মই মোৰ দেউতাৰ সৈতে আৰু অলপ সময় পালে ভাল আছিল। আমি এজনে আনজনক আৰু ভালদৰে বুজিব পাৰিলোঁহেঁতেন।মোৰ মাৰ সৈতে আমি আমাৰ ব্যক্তিগত সমস্যাবোৰ সমাধান কৰিব পাৰিলোঁহেঁতেন। অতীতলৈ চালে এই ত্যাগ সৰ্থক যেন লাগে। বাজপায়ীয়ে কয়, “ভৌতিক প্ৰাপ্তিৰ পিছত যেতিয়া আপুনি পিছলৈ ঘূৰি চায়, তেতিয়া অনুভৱ হয় যে সকলোবোৰ ইয়াৰ যোগ্য নাছিল।”

লগতে পঢ়ক: ছীল হ’ল কণ্ঠশিল্পী বাদশ্বাহৰ ক্লাব SAGO; নিয়ম ভংগ কৰাৰ অভিযোগ

ছলমান খানৰ শেহতীয়া এটা পোষ্টে ছচিয়েল মিডিয়াত ধুমুহাৰ সৃষ্টি কৰেছে। যদিও ছালমান খানে চাৰ্টবিহীন ফটোখনত নিজৰ শৰীৰ আৰু এবছ প্ৰদৰ্শন কৰি আছে, কিন্তু তেওঁ দিয়া কেপচনটোতে অনুৰাগীক বিচলিত কৰিছে।

নিজৰ স্বভাৱ সলনি কৰাৰ লগতে ছচিয়েল মিডিয়াত হঠাৎ অত্যন্ত সক্ৰিয় হৈ পৰিছে বলীউডৰ অভিনেতা ছলমান খান।শেহতীয়াকৈ ছলমান খানে ছ’চিয়েল মিডিয়াত ৰহস্যময় কেপচনৰ সৈতে নিজৰ এখন ফটো শ্বেয়াৰ কৰিছে।ফটোখনৰ পৰা অনুমান কৰিব পাৰি যে ‘দবাং খান’ এ তেওঁৰ হৃদয়ত কিছু বেদনা লৈ ফুৰিছে।

ছলমান খানে নিজৰ ইনষ্টাগ্ৰাম হেণ্ডেলত চাৰ্টবিহীন এখন ফটো শ্বেয়াৰ কৰিছে।ছবিখনত ‘দবাং খান’ক চোফা এখনত বহি থকা দেখা গৈছে।চেহেৰাৰ পৰা বিচাৰ কৰিলে তেওঁ গভীৰ চিন্তাত সোমাই পৰাৰ দৰে অনুভৱ হয়।

ফটোখন শ্বেয়াৰ কৰি ছলমান খানে কেপচনত লিখিছে— মোৰ মতে নিজৰ লগত থকাৰ দুটা উপায় আছে—অকলে থাকক, বা নিসংগতাত বাস কৰক।অকলশৰীয়া ব্যক্তি এগৰাকীয়ে নিজৰ মতে থাকিব পাৰে, কিন্তু অকলশৰীয়া তেতিয়া অনুভৱ কৰে, যেতিয়া কোনোবা আপোনাৰ লগত থাকিব নিবিচাৰে।এতিয়া, ইয়াৰ পিছত কি কৰিব সেইটো আপোনাৰ ওপৰত নিৰ্ভৰশীল।

ছলমান খানৰ এই পোষ্টটো এতিয়া সামাজিক মাধ্যমত দ্ৰুতগতিত ভাইৰেল হৈ পৰিছে। বহু অনুৰাগীয়ে কৈছে যে ৬০ বছৰ বয়সত নিসংগতাত ভুগিছে ছলমান খান।  

লগতে পঢ়ক: ৰাষ্ট্ৰপতি ভৱনত প্ৰদৰ্শিত হ’ল  সঞ্জয় দত্তৰ বিতৰ্কিত ছবি ‘আখৰী সাৱাল’

বলীউডৰ অভিনেতা সঞ্জয় দত্তই দৰ্শকসকলৰ বাবে এক বৃহৎ ঘোষণা কৰিছে। পুনৰ এবাৰ ৰূপালী পৰ্দাত খলনায়ক হিচাপে ঘূৰি আহিবলৈ সাজু হৈছে সঞ্জয় দত্ত।

১৯৯৩ চনৰ ছুপাৰহিট ছবি খালনায়কৰ স্মৃতি আজিও দৰ্শকৰ হৃদয়ত জীয়াই আছে।সঞ্জয় দত্ত আৰু মাধুৰী দীক্ষিত অভিনীত এই ছবিখনে বক্স অফিচত ধুমুহাৰ সৃষ্টি  কৰিছিলে।এতিয়া ৩৩ বছৰৰ পাছত আকৌ এবাৰ ছবিগৃহত ফলকনি তুলিবলৈ আহি আছে খালনায়ক ৰিটাৰ্ণছ।বহু বছৰৰ মূৰত পুনৰ এবাৰ খলনায়ক হিচাপে ঘূৰি আহিছে সঞ্জয় দত্ত।মুক্তি পালে চিনেমাখনৰ প্ৰথমটো টিজাৰৰ ভিডিঅ’।

ভিডিঅ’টোৰ প্ৰথম দৃশ্যটোৱে অতি ভয়ংকৰ।সঞ্জয় দত্তক তেজেৰে ৰাঙলী হৈ থকা দেখিবলৈ পোৱা গৈছে। চাৰিওফালে জুই জ্বলি আছিল। অভিনেতাজনৰ মুখত আঘাতৰ চিন আচিল।টিজাৰত সঞ্জয় দত্তৰ উগ্ৰ অৱতাৰ প্ৰদৰ্শিত হৈছে।এই টিজাৰটো শ্বেয়াৰ কৰি সঞ্জয় দত্তই লিখিছে: কিছুমান কাহিনী শেষ নহয়…পুনৰবাৰ আৰম্ভ হয়।খালনায়ক ৰিটাৰ্ণছ।সঞ্জয়ৰ বাহিৰেও ছবিখনত আৰু কোন কোন আছে সেই কথা এতিয়াও জানিব পৰা হোৱা নাই।

১৯৯৩ চনত মুক্তি পোৱা খালনায়ক ছবিখনৰ প্ৰযোজক আছিল সুভাষ ঘাই। সঞ্জয় আৰু মাধুৰী দীক্ষিতৰ উপৰিও অনুপম খেৰ, ৰাখী, আৰু জেকী শ্ৰফে গুৰুত্বপূৰ্ণ ভূমিকা পালন কৰিছিল।সঞ্জয়ে কুখ্যাত অপৰাধী বলৰাম প্ৰসাদ (বল্লু)ৰ চৰিত্ৰত অভিনয় কৰিছিল।ছবিখনৰ গীত সমূহ এতিয়াও জনপ্ৰিয়। ছবিখনক লৈ এতিয়া দৰ্শক সকল আনন্দিত হৈছে।  

লগতে পঢ়ক: “কিছু সময় ধৈৰ্য ধৰক…”; ২৭ চনৰ ঈদক লৈ ছলমান খানৰ ডাঙৰ ঘোষণা

‘কান্তৰা: অধ্যায় ১’ত অভিনয় কৰা দেৱী চামুণ্ডীক লৈ ৰণবীৰ সিঙে এক মন্তব্য কৰিছিল,যিটো আপত্তিজনক বুলি গণ্য কৰা হৈছিল। এতিয়া আকৌ এই মন্তব্যক লৈ বিপদত পৰিছে ৰণবীৰ সিং।

বলীউডৰ অভিনেতা ৰণবীৰ সিং পুনৰবাৰ চৰ্চালৈ আহিছে, কিন্তু এইবাৰ ছবিৰ বাবে নহয়, বৰঞ্চ ‘কান্তৰা’ৰ বিতৰ্কৰ বাবেহে।ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱ ২০২৫ৰ সময়ত যি বিতৰ্ক উদ্ভৱ হৈছিল, সেই বিতৰ্কই এতিয়া আইনী ৰূপ ধাৰণ কৰিছে।ৰণবীৰ সিঙে কৰ্ণাটক উচ্চ ন্যায়ালয়ত ক্ষমাপ্ৰাৰ্থনাৰ সংশোধিত শপতনামা দাখিল কৰিবলৈ সন্মতি প্ৰকাশ কৰিছে ।

এই পদক্ষেপ তেতিয়া গ্ৰহণ কৰা হৈছিল যেতিয়া অভিযোগকাৰীয়ে পূৰ্বৰ ক্ষমা বিচৰাটো ‘কেৱল অভিনয়’ বুলি অভিহিত কৰি মানি ল’বলৈ অস্বীকাৰ কৰিছিল। এতিয়া অভিনেতা গৰাকীয়ে নতুন পদ্ধতিৰে নিজৰ ভূলৰ শুধৰণি পুনৰবাৰ আদালতৰ ওচৰত দাখিল কৰিব লাগিব।

দৰাচলতে, ৰণবীৰ সিঙে এই বিবাদক লৈ পূৰ্বেও ক্ষমা বিচাৰিছিল, কিন্তু অভিযোগকাৰীয়ে তাক ভাল পোৱা নাছিল।আদালতৰ শুনানিৰ সময়ত অভিযোগকাৰীৰ হৈ যুক্তি দিয়া হৈছিল যে অভিনেতাগৰাকীৰ পূৰ্বৰ ক্ষমাপ্ৰাৰ্থনাত প্ৰকৃত অনুশোচনাৰ অভাৱ আছিল আৰু তেওঁৰ সুৰটো গুৰুতৰ যেন লগা নাছিল। এই আপত্তিৰ পিছতে ৰণবীৰৰ অধিবক্তাই আদালতক আশ্বাস দিয়ে যে তেওঁ অভিযোগকাৰীৰ সৈতে আলোচনা কৰি নতুন, সংশোধিত ক্ষমাপ্ৰাৰ্থনা দাখিল কৰিব।

লগতে পঢ়ক: ‘শেষটোক স্বীকাৰ কৰক…’; অৰ্জুন কাপুৰৰ চাঞ্চল্যকৰ পোষ্ট