ছলমান খানৰ ছবি ‘মাতৃভূমি’ ৰ মুক্তিৰ দিন এতিয়াও ঘোষণা কৰা নাই। ইফালে অভিনেতাগৰাকীয়ে ইতিমধ্যে ঈদ ২০২৭ বুকিং কৰিছে।
যেতিয়াই বলীউডৰ ‘চুলতান’ ছলমান খানে এখন ছবি মুক্তি দিয়ে,তেতিয়া তেওঁৰ অনুৰাগী সকলে ছবিখনক লৈ এক উৎসৱৰ দৰে আনন্দ কৰে। ছলমান খান আৰু ‘ঈদ’ৰ মাজৰ সম্পৰ্ক ইমানেই গভীৰ যে, অনুৰাগী সকলে প্ৰতিবছৰে এই সময়ত তেওঁৰ ছবিৰ বাবে আগ্ৰহেৰে অপেক্ষা কৰি থাকে। এতিয়া অভিনেতাগৰাকীয়ে তেওঁৰ পৰৱৰ্তী ডাঙৰ ছবি সন্দৰ্ভত এক বৃহৎ ঘোষণা কৰিছে।
এইবাৰ ছলমান খানে ২০২৭ চনৰ বাবে পৰিকল্পনা কৰিছে।তেওঁ আনুষ্ঠানিকভাৱে ঘোষণা কৰিছে যে-তেওঁৰ আহিব লগীয়া একচন-থ্ৰিলাৰ ছবিখন ২০২৭ চনৰ ঈদ উপলক্ষে ছবিগৃহত মুক্তি পাব।এইবাৰ ভাইজানে দক্ষিণ ভাৰতৰ প্ৰখ্যাত চলচ্চিত্ৰ নিৰ্মাতা বামশী পাইডিপল্লী আৰু প্ৰবীণ প্ৰযোজক দিল ৰাজুৰ সৈতে হাত মিলাইছে।
ছলমান খানে ছবিখনৰ মুক্তিৰ তাৰিখ শ্বেয়াৰ কৰাৰ সমান্তৰালকৈ অনুৰাগীৰ বাবে এটা বিশেষ বাৰ্তাও লিখিছে।তেওঁ পোষ্টটোত লিখিছে যে, ‘অলপ দূৰদৰ্শিতাৰ প্ৰয়োজন,সেইবাবেই ঈদৰ ঘোষণা কৰা হ’ল।চিন্তা নকৰিব, এইটোৰ বিষয়েও ক’ম,যেতিয়া সময় সঠিক হয়,ধৈৰ্য্য—মাত্ৰ অলপ সময়,মোৰ দৰেই তেওঁলোকেও অপেক্ষা কৰিব লাগিব।যি নহওক,আপোনালোকৰ যি পৰিস্থিতি, মোৰো একেই…।
লগতে পঢ়ক: গৰ্ভধাৰণৰ বাবে ‘ৰাকা’ ছবিৰ পৰা বাদ দিয়া হ’ব নেকি দীপিকা পাডুকনক?
