প্ৰধানমন্ত্ৰী মোদীৰ শোক প্ৰকাশ

সোমবাৰে ছৌদি আৰৱত সংঘটিত হয় এক ভয়ংকৰ পথ দুৰ্ঘটনা । মক্কাৰ পৰা মদিনালৈ গৈ থকা অৱস্থাত সংঘটিত পথ দুৰ্ঘটনাত ৪২ জন ভাৰতীয় নিহত হয় । ভাৰতীয় তীৰ্থযাত্ৰী থকা বাছখনে ডিজেল টেংকাৰৰ সৈতে সংঘৰ্ষত লিপ্ত হোৱাত এই ঘটনা সংঘটিত হয় । নিহতসকলৰ ভিতৰত ২০ গৰাকী মহিলা আৰু ১১ টি শিশু আছে । এই শোকাৱহ ঘটনাক লৈ শোক প্ৰকাশ কৰিছে প্ৰধানমন্ত্ৰী মোদীয়ে । এই দুৰ্ঘটনাত হায়দৰাবাদৰ একেটা পৰিয়ালৰ ৭ জন সদস্যও নিহত হয় বুলি জানিব পৰা গৈছে ।

চৌদি আৰৱৰ এই বাছ দুৰ্ঘটনাক লৈ শোক প্ৰকাশ কৰিছে প্ৰধানমন্ত্ৰী নৰেন্দ্ৰ মোদীয়ে । ছ’চিয়েল মিডিয়াত এটা পোষ্টত প্ৰধানমন্ত্ৰী মোদীয়ে উল্লেখ কৰে যে ৰিয়াদৰ কনছুলেটে সকলো ধৰণৰ সহায় আগবঢ়াইছে । তেওঁ আৰু লিখিছে, “মদিনাত ভাৰতীয় নাগৰিকৰ সৈতে সংঘটিত হোৱা দুৰ্ঘটনাটোত গভীৰ দুখ প্ৰকাশ কৰিছো । নিজৰ আপোনজনক হেৰুৱা পৰিয়ালসমূহৰ প্ৰতি মোৰ সমবেদনা জ্ঞাপন কৰিছো । আমাৰ বিষয়াসকল চৌদি আৰৱ কৰ্তৃপক্ষৰ সৈতে যোগাযোগত আছে ।”

বাছ দুৰ্ঘটনাৰ পিছতে ভাৰতীয় দূতাবাসে হেল্পলাইন জাৰি কৰিছে । দূতাবাসে কয় যে, “চৌদি আৰৱৰ মদিনাৰ ওচৰত ভাৰতীয় উমৰাহ তীৰ্থযাত্ৰীৰ সৈতে সংঘটিত হোৱা মৰ্মান্তিক বাছ দুৰ্ঘটনাৰ বাবে জেদ্দাত থকা ভাৰতীয় কনছুলেট জেনেৰেলত ২৪x৭ নিয়ন্ত্ৰণ কক্ষ স্থাপন কৰা হৈছে । হেল্পলাইনৰ যোগাযোগৰ নম্বৰ হৈছে ৮০০২৪৪০০০৩ ।”

জানিব পৰা মতে  এই দুৰ্ঘটনাত হায়দৰাবাদৰ পৰা যোৱা একেটা পৰিয়ালৰ ৭ জন সদস্যৰ মৃত্যু হয় ।

লগতে পঢ়ক : ছৌদিত উমৰাহ হজলৈ যোৱা ৪২ ভাৰতীয়ৰ সৈতে ভয়ংকৰ ঘটনা

কংগ্ৰেছক তীক্ষ্ণ সামালোচনা প্ৰধানমন্ত্ৰী মোদীৰ

শনিবাৰে প্ৰধানমন্ত্ৰী নৰেন্দ্ৰ মোদীয়ে গুজৰাটৰ চুৰাট ভ্ৰমণ কৰে । চুৰাটৰ এক সমাৱেশত ভাষণত প্ৰধানমন্ত্ৰী মোদীয়ে কয় যে বিহাৰে এক ঐতিহাসিক জয় লাভ কৰিছে আৰু যদি আমি বিহাৰৰ জনসাধাৰণক লগ নোপোৱাকৈ চুৰাট এৰি যাওঁ তেন্তে ভ্ৰমণ অসম্পূৰ্ণ অনুভৱ হয় । তেওঁ গুজৰাটত বসবাস কৰা বিহাৰৰ ৰাইজক সম্ভাষণ জনায় ।

প্ৰধানমন্ত্ৰী মোদীয়ে কয় যে গুজৰাট আৰু বিশেষকৈ চুৰাটত বাস কৰা মোৰ বিহাৰী ভাতৃসকলৰ অধিকাৰ আছে আৰু সেয়েহে আপোনালোকৰ মাজলৈ আহি এই বিজয় উদযাপনৰ কিছু মুহূৰ্তৰ অংশ হোৱাটো মোৰ স্বাভাৱিক দায়িত্ব ।

প্ৰধানমন্ত্ৰী মোদীয়ে কয় যে বিহাৰৰ জনসাধাৰণক ৰাজনীতি শিকোৱাৰ প্ৰয়োজন নাই । তেওঁলোকে ৰাজনীতিৰ বিষয়ে বিশ্ববাসীক বুজাই । তেওঁ কয় যে বিহাৰে জাতিবাদী ৰাজনীতিক প্ৰত্যাখান কৰিছে । তেওঁ লগতে কয় যে বিহাৰে এতিয়া বিশ্বজুৰি খ্যাতি লাভ কৰিছে । য’তেই যাওক তাতেই বিহাৰৰ প্ৰতিভা দেখিব ।

প্ৰধানমন্ত্ৰী মোদীয়ে কয়, “বিগত দুবছৰ ধৰি এই জামানতী নেতাসকলে বিহাৰলৈ গৈ জাতিবাদৰ প্ৰচাৰ কৰি আহিছে । তেওঁলোকে নিজৰ সাধ্য অনুসৰি জাতিবাদৰ বিষ বিয়পাবলৈ চেষ্টা কৰিছিল । কিন্তু এই বিহাৰ নিৰ্বাচনে জাতিবাদৰ এই বিষক সম্পূৰ্ণৰূপে প্ৰত্যাখান কৰিছে ।”

তেওঁ কয় যে, সমাজৰ প্ৰতিটো শ্ৰেণীয়ে এন ডি এক সমৰ্থন কৰিছে । কংগ্ৰেছ আৰু অন্যান্য দলসমূহে বিহাৰৰ জনসাধাৰণৰ বাবে ভুলাবলৈ চেষ্টা কৰিছিল, কিন্তু তেওঁলোকে নুশুনিলে । এই মুছলিম লীগী মাওবাদী কংগ্ৰেছক দেশে নাকচ কৰিছে বুলি মন্তব্য কৰে প্ৰধানমন্ত্ৰীগৰাকীয়ে । লগতে পৰিস্থিতি এনেকুৱা হৈ পৰিছে যে এতিয়া কোনেও কংগ্ৰেছক বচাব নোৱাৰে বুলিও মন্তব্য কৰে তেওঁ ।

ইফালে ৱাকফ আইনৰ কথা উল্লেখ কৰি প্ৰধানমন্ত্ৰী নৰেন্দ্ৰ মোদীয়ে কয় যে বিহাৰত মাটি আৰু ঘৰ অবৈধভাৱে দখল কৰি তাৰ পিছত ৱাকফৰ সম্পত্তিলৈ ৰূপান্তৰিত কৰা হৈছিল । তামিলনাডুত হাজাৰ হাজাৰ বছৰ পুৰণি গাঁৱক ৱাকফৰ সম্পত্তিলৈ ৰূপান্তৰিত কৰা হৈছিল । ইয়াৰ ফলত সমগ্ৰ দেশতে উদ্বেগ সৃষ্টি হৈছিল । তাৰ পিছত, আমি সংসদত ৱাকফ সম্পৰ্কে আইন প্ৰণয়ন কৰিলোঁ । আজি সকলো উন্নতি হৈছে । তেওঁ আৰু কয় যে বিগত দুই-তিনি বছৰে বিহাৰ বিধানসভাৰ জ্যেষ্ঠ নেতাসকলে নীতিশ কুমাৰক অপমান কৰাটো ফেশ্বন হৈ পৰিছে । বিহাৰৰ ৰাইজে নিজৰ উত্তৰ দিছে ।

প্ৰধানমন্ত্ৰীয়ে কয় যে লোকসভা নিৰ্বাচনৰ পিছত অনুষ্ঠিত হোৱা সকলো নিৰ্বাচনতে তেওঁলোকৰ প্ৰদৰ্শন দুৰ্বল । কালি নিৰ্বাচন অনুষ্ঠিত হোৱা ৫-৬ ৰাজ্যত কংগ্ৰেছে যিমান বিধায়ক লাভ কৰিছিল, তাতকৈ আমি অকল বিহাৰতে অধিক বিধায়ক লাভ কৰিছিলো । তেওঁ কয় যে প্ৰতিটো বিজয়ে আমাৰ বাবে অধিক দায়িত্ব কঢ়িয়াই আনে । প্ৰতিটো বিজয়ে আমাক দেশৰ বাবে অধিক কাম কৰিবলৈ অনুপ্ৰাণিত কৰে ।

লগতে পঢ়ক : বিপুল বিজয়ৰ পাছত নীতিশ কুমাৰক সাক্ষাৎ চিৰাগ পাছোৱানৰ