মঙলবাৰে অনুষ্ঠিত হোৱা ছুপাৰ-৮ৰ এখন মেচত ইংলেণ্ডে পাকিস্তানক ২ উইকেটত পৰাস্ত কৰে ।

চলিত টি-২০ বিশ্বকাপৰ ছেমি ফাইনেলত প্ৰৱেশ কৰা প্ৰথমটো দল হিচাবে পৰিগণিত হৈছে ইংলেণ্ড । মঙলবাৰে অনুষ্ঠিত হোৱা ছুপাৰ-৮ৰ এখন মেচত ইংলেণ্ডে পাকিস্তানক ২ উইকেটত পৰাস্ত কৰে । মেচখনত লক্ষ্য অনুসৰণ কৰি প্ৰথমৱাস্থাত ইংলেণ্ড শলঠেকত পৰিছিল যদিও হেৰী ব্ৰুকে বিস্ফোৰক ইনিংছেৰে দলক জয়ৰ কাষ চপাই নিয়ে । ব্ৰুকে ৫০ বলত শতকীয় ইনিংছ খেলি দলক বিপৰ্যয়ৰ পৰা উদ্ধাৰ কৰে । শতকৰ পিছতে তেওঁ শ্বাহীন আফ্ৰিদিৰ বলত নিজৰ উইকেট বিসৰ্জন দিয়ে ।

পাল্লেকেলেত খেলা মেচখনত পাকিস্তানে প্ৰথমে বেটিং কৰি ১৬৪ ৰান সংগ্ৰহ কৰে । ইয়াৰ প্ৰতিক্ৰিয়া স্বৰূপে ইংলেণ্ডে শেষৰ অভাৰত বিজয় লক্ষ্যত উপনীত হয় । খেলখনত শ্বাহীন আফ্ৰিদীয়ে চাৰিটা উইকেট দখল কৰিছিল যদিও তেওঁৰ এই প্ৰচেষ্টা অথলে যায় ।

উল্লেখ্য যে, ইংলেণ্ড টি-২০ বিশ্বকাপ ২০২৬ৰ ছেমি ফাইনেলত প্ৰৱেশ কৰা প্ৰথমটো দল হিচাপে পৰিগণিত হৈছে । ১৬৫ ৰানৰ লক্ষ্য অনুসৰণ কৰি ইংলেণ্ডে ইনিংছৰ প্ৰথমটো বলতে ফিল ছল্টৰ উইকেট হেৰুৱাই । পাৱাৰপ্লেৰ অন্ত পৰাৰ পূৰ্বে জোছ বাটলাৰ আৰু জেকব বেথেলৰো উইকেট হেৰুৱাই ইংলেণ্ডে । ইয়াৰ পিছতে মাত্ৰ ২ ৰানতে যেতিয়া টম বেল্টনৰো উইকেটৰ পতন ঘটে তেতিয়া ইংৰাজ বাহিনীৰ জয়ৰ আশা ম্লান হ’বলৈ ধৰে । অৱশ্যে ইয়াৰ পিছতে হেৰী ব্ৰুকে দায়িত্বশীল ইনিংছেৰে দলক বিপৰ্যয়ৰ পৰা উদ্ধাৰ কৰি জয়ৰ কাষ চপাই নিয়ে ।

লগতে পঢ়ক : চিন্তা বাঢ়িল ভাৰতীয় দলৰ! বিশ্বকাপ এৰি ঘৰলৈ ঘূৰিল এইগৰাকী তাৰকা খেলুৱৈ

বিশাখাপট্টনমত অনুষ্ঠিত ভাৰত আৰু নিউজীলেণ্ডৰ মাজত অনুষ্ঠিত হোৱা টি-২০ মেচখনত শিৱম ডুবেই এক চমকপ্ৰদন ইনিংছ খেলে । এই মেচত মাৰমুখী বেটিঙেৰে মাত্ৰ ১৫টা বলত তেওঁ অৰ্ধশতক অৰ্জন কৰে ।

২৮ জানুৱাৰী বুধবাৰে বিশাখাপট্টনমত অনুষ্ঠিত ভাৰত আৰু নিউজীলেণ্ডৰ মাজত অনুষ্ঠিত হোৱা টি-২০ মেচখনত শিৱম ডুবেই এক চমকপ্ৰদন ইনিংছ খেলে । ভাৰতীয় অল ৰাউণ্ডাৰগৰাকীয়ে মাত্ৰ ২৩টা বলত বিস্ফোৰক ৬৫ ৰান সংগ্ৰহ কৰে, য’ত ৭টা ছয় আৰু তিনিটা চাৰিটা আছিল । এই মেচত মাৰমুখী বেটিঙেৰে মাত্ৰ ১৫টা বলত তেওঁ অৰ্ধশতক অৰ্জন কৰে ।

টি-২০ ইণ্টাৰনেশ্যনেলত ভাৰতীয় বেটছমেনৰ এইটোৱেই আছিল তৃতীয় দ্ৰুততম অৰ্ধশতক । এই ক্ষেত্ৰত শিৱম ডুবেতকৈ কেৱল যুৱৰাজ সিং আৰু অভিষেক শৰ্মাহে আগবাঢ়ি আছে । ২০০৭ চনৰ টি-২০ বিশ্বকাপত ইংলেণ্ডৰ বিৰুদ্ধে ১২টা বলত অৰ্ধশতক অৰ্জন কৰিছিল যুৱৰাজে । ইফালে, নিউজীলেণ্ডৰ বিৰুদ্ধে চলিত শৃংখলাৰ সময়ত গুৱাহাটীত ১৪টা বলত অৰ্ধ শতক অৰ্জন কৰিছিল অভিষেক শৰ্মাই ।

টি-২০ত ভাৰতৰ বাবে আটাইতকৈ দ্ৰুততম অৰ্ধশতক (বলৰ ওপৰত ভিত্তি কৰি ):

১২- যুৱৰাজ সিং বনাম ইংলেণ্ড, ডাৰবান ২০০৭

১৪- অভিষেক শৰ্মা বনাম নিউজীলেণ্ড, গুৱাহাটী ২০২৬

১৫- শিৱম ডুবে বনাম নিউজীলেণ্ড, বিশাখাপট্টনম ২০২৬

১৬- হাৰ্দিক পাণ্ডিয়া বনাম দক্ষিণ আফ্ৰিকা, আহমেদাবাদ ২০২৫

১৭- অভিষেক শৰ্মা বনাম ইংলেণ্ড, ৱাংখেড়ে, ২০২৫

নিজৰ বিস্ফোৰক ইনিংছত শিৱম ডুবেই নিউজীলেণ্ডৰ স্পীনাৰ ঈশ সোধীৰ বলত নিৰ্দয় প্ৰহাৰ কৰে । সোধীয়ে এটা অভাৰত ২৯ ৰান ব্যয় কৰে, ইয়াৰে ২৮ ৰান শিৱমৰ বেটৰ পৰাই আহে । এটা ৰান ৱাইডৰ পৰা আহে । এয়া ভাৰতৰ ইনিংছৰ দ্বাদশ অভাৰ আছিল । সেই অভাৰত সোধীৰ বলিঙ আছিল ২, ৪, Wd, ৬, ৪, ৬, ৬ । ভাৰত আৰু নিউজীলেণ্ডৰ মাজত অনুষ্ঠিত হোৱা টি-২০ মেচত একক অভাৰত এইটোৱেই আছিল দ্বিতীয় সৰ্বাধিক ৰান । ২০২০ চনত মাউণ্ট মাউংগানুই টি-২০ত নিউজীলেণ্ডৰ বিৰুদ্ধে এক অভাৰত ৩৪ ৰান সংগ্ৰহ কৰিছিল ডুবেই । তেওঁৰ এই অভিলেখ এতিয়াও অক্ষত হৈ আছে ।

আন্তঃৰাষ্ট্ৰীয় টি-২০ মেচত (ভাৰত বনাম নিউজীলেণ্ড) এটা অভাৰত সৰ্বাধিক ৰান-

৩৪ ৰান ( মাউণ্ট মাউংগানুই, ২০২০)

২৯ ৰান (বিশাখাপট্টনম, ২০২৬)

ভাৰতৰ হৈ কোনো টি-২০ মেচত অভাৰত সৰ্বাধিক ৰান সংগ্ৰহ কৰা বেটছমেনৰ তালিকাত এতিয়া যৌথভাৱে তৃতীয় স্থানত আছে শিৱম ডুবে । ঈশ সোধীৰ অভাৰত তেওঁ মুঠ ২৮ ৰান সংগ্ৰহ কৰে । লগে লগে ২০২৪ চনৰ টি-২০ বিশ্বকাপৰ সময়ত মিচেল ষ্টাৰ্কৰ অভাৰত ২৮ ৰান সংগ্ৰহ কৰা ৰোহিত শৰ্মাৰ অভিলেখ স্পৰ্শ কৰে তেওঁ । এই ক্ষেত্ৰত এতিয়া ডুবেতকৈ মাত্ৰ যুৱৰাজ সিং (৩৬ ৰান) আৰু সঞ্জু চেমছন (৩০ ৰান)হে আগবাঢ়ি আছে ।

এটা অভাৰত সৰ্বাধিক ৰান সংগ্ৰহ কৰা ভাৰতীয় বেটছমেনে (টি-২০ ইণ্টাৰনেশ্যনেল) :

৩৬- যুৱৰাজ সিং (বলাৰ- ষ্টুয়াৰ্ট ব্ৰড, ডাৰবান, ২০০৭)

৩০- সঞ্জু চেমচন (বলাৰ- ৰিছাদ হুছেইন, হায়দৰাবাদ, ২০২৪)

২৮- ৰোহিত শৰ্মা (বলাৰ- মিচেল ষ্টাৰ্ক, গ্ৰছ আইলেট, ২০২৪)

২৮- শিৱম ডুবে (বলাৰ- ঈশ সোধী, বিশাখাপট্টনম, ২০২৬)

এই মেচখনত শিৱম ডুবেই ২৮২.৬০ ষ্ট্ৰাইক ৰেটত ৰান সংগ্ৰহ কৰে । ৫০তকৈ অধিক টি-২০ ইনিংছত ভাৰতীয় বেটছমেনৰ এই ষ্ট্ৰাইক ৰেট তৃতীয় সৰ্বাধিক । এই ক্ষেত্ৰত তেওঁৰ আগত আছে মাত্ৰ যুৱৰাজ সিং (৩৬২.৫০) আৰু অভিষেক শৰ্মা (৩৪০.০০) ।

ভাৰতৰ বাবে টি-২০ ইনিংছত সৰ্বাধিক ষ্ট্ৰাইক ৰেট (৫০+ ৰান)-

৩৬২.৫০ – যুৱৰাজ সিং (১৬ বলত ৫৮ ৰান) বনাম ইংলেণ্ড, ডাৰবান, ২০০৭

৩৪০.০০ – অভিষেক শৰ্মা (২০ বলত ৬৮* ৰান) বনাম নিউজীলেণ্ড, গুৱাহাটী

২৮২.৬০ – শিৱম ডুবে (২৩ বলত ৬৫ ৰান) বনাম নিউজীলেণ্ড, বিশাখাপট্টনম, ২০২৬

লগতে পঢ়ক : বিপৰ্যয়ৰ সন্মুখীন ভাৰতীয় দল : ব্যয়বহুল প্ৰমাণিত হ’ল ৬ বেটছমেনৰ ৰণনীতি !