জয়েৰে ২০২৫ বৰ্ষৰ অন্ত পেলাইছে ভাৰতীয় দলে । শ্ৰীলংকা মহিলা দলৰ বিৰুদ্ধে ৫-০ত টি-২০ শৃংখলা দখল ভাৰতীয় মহিলা দলৰ । পঞ্চমখন টি-২০ত ১৫ ৰানত হৰমনপ্ৰীত ব্ৰিগেডৰ জয় ।

মঙলবাৰে তিৰুৱনন্তপুৰমৰ গ্ৰীণফিল্ড ইণ্টাৰনেশ্যনেল ষ্টেডিয়ামত অনুষ্ঠিত হোৱা অন্তিম টি-২০ মেচত ভাৰতীয় মহিলা ক্ৰিকেট দলে শ্ৰীলংকাক ১৫ ৰাণত পৰাস্ত কৰে । এই জয়েৰে ভাৰতীয় দলটোৱে ৫-০ ব্যৱধানত শৃংখলাটো দখল কৰিবলৈ সক্ষম হৈছে । শ্ৰীলংকাই টছত জয়লাভ কৰি প্ৰথমে বলিং কৰিবলৈ সিদ্ধান্ত লয় । প্ৰথমে বেটিং কৰি ভাৰতীয় দলটোৱে শ্ৰীলংকাক ১৭৬ ৰানৰ লক্ষ্য নিৰ্ধাৰণ কৰি দিছিল । হৰমনপ্ৰীত কৌৰে বিস্ফোৰক অৰ্ধ শতক অৰ্জন কৰে । ইয়াৰ প্ৰত্যুত্তৰত শ্ৰীলংকাই মাত্ৰ ১৬০ ৰানতে নিজৰ ইনিংছ সামৰিবলৈ বাধ্য হয় । ভাৰতীয় দলৰ এই জয় বিশেষ কাৰণ ভাৰতে অহা বছৰ অৰ্থাৎ ২০২৬ চনত টি-২০ বিশ্বকাপ খেলিব । তাৰ প্ৰস্তুতিৰ বাবে এই শৃংখলাটো অতি গুৰুত্বপূৰ্ণ বুলি বিবেচিত হৈছিল ।

শ্ৰীলংকাৰ বেটিং-

১৭৬ ৰানৰ প্ৰত্যুত্তৰত শ্ৰীলংকাই দ্বিতীয় অভাৰতে অধিনায়ক চামাৰী আটাপাট্টুক হেৰুৱাই সংকটত পৰে । মাত্ৰ দুই ৰানত নিজৰ উইকেট বিসৰ্জন দিয়ে সিংহল অধিনায়কে । কিন্তু তাৰ পিছত হাছিনী পেৰেৰা আৰু দুলহানীয়ে এক শক্তিশালী অংশীদাৰিত্ব গঢ়ি তোলে । দুয়োগৰাকীয়ে দলীয় স্ক’ৰ ৮৬লৈ লৈ যায় । ভাৰতে দ্বিতীয়টো সফলতা ১২ অভাৰত দুলহনীৰ উইকেটৰ ৰূপত লাভ কৰে । অৱশ্যে পেৰেৰাই এটা মূৰত ইনিংছ চম্ভালি আছিল আৰু ১৭ নং অভাৰত আউট হোৱাৰ পূৰ্বে ৬৫ ৰান সংগ্ৰহ কৰে । অৱশ্যে আনটো মূৰত উইকেটৰ পতন অব্যাহত থাকে । পেৰেৰাৰ উইকেটৰ পতন ঘটাৰ সময়ত শ্ৰীলংকাক জয়ী হ’বলৈ ২০টা বলত ৪৪ ৰানৰ প্ৰয়োজন হৈছিল । শ্ৰীলংকাক শেষৰ দুটা অভাৰত ৩৪ ৰানৰ প্ৰয়োজন হৈছিল । অৱশ্যে শ্ৰীলংকাই মাত্ৰ ১৬০ ৰানহে কৰিবলৈ সক্ষম হয় আৰু ভাৰতে ১৫ ৰানত জয়লাভ কৰি ৫-০ ব্যৱধানত শৃংখলাটো দখল কৰে ।

ভাৰতৰ ইনিংছ-

এই মেচত স্মৃতি মন্ধানাই খেলা নাছিল । তেওঁৰ ঠাইত জি কমলিনীয়ে অভিষেক ঘটায় । অৱশ্যে ভাৰতৰ আৰম্ভণি দুৰ্বল আছিল । দ্বিতীয় অভাৰত শ্বেফালী বাৰ্মা মাত্ৰ ৫ ৰান সংগ্ৰহ কৰি আউট হয় । ইয়াৰ পিছতে অভিষেক ঘটোৱা কমলিনীয়ে ইনিংছ চম্ভালিবলৈ চেষ্টা কৰে যদিও পঞ্চম অভাৰত তেওঁ নিজৰ উইকেট বিসৰ্জন দিয়ে । কমলিনীয়ে ১২ ৰান সংগ্ৰহ কৰে । ইয়াৰ পাছত ভাৰতে উইকেট হেৰুৱাই থাকে । অৱশ্যে হৰমনপ্ৰীতে ইনিংছ চম্ভালি সুস্থিৰে দলৰ স্কৰ আগুৱাই নিয়ে । কঠিন সময়ত ধৈৰ্য্য দেখুৱাই পিছত বিস্ফোৰকভাৱে খেলিছিল ভাৰতীয় অধিনায়কগৰাকীয়ে । হৰমনপ্ৰীতে ৪৩টা বলত ৬৮ ৰান সংগ্ৰহ কৰে । তেওঁ ৯টা চাৰি আৰু এটা ছয় কোবাই । ইয়াৰ পিছতে অৰুন্ধতী ৰেড্ডীয়ে ১১টা বলত ২৭ ৰান সংগ্ৰহ কৰে । তেওঁৰ ইনিংছৰ বাবেই ভাৰতে শ্ৰীলংকাৰ সন্মুখত ১৭৬ ৰানৰ লক্ষ্য নিৰ্ধাৰণ কৰি দিয়ে ।

উল্লেখ্য যে, এই জয়েৰে ভাৰতে শৃংখলাটো ৫-০ত হস্তগত কৰি শ্ৰীলংকাক হোৱাইট ৱাশ্ব কৰে ।

ভাৰতীয় দলৰ মূল একাদশ-

শ্বেফালী বাৰ্মা, জি কমলিনী, ৰিচা ঘোষ, হৰমনপ্ৰীত কৌৰ, হাৰলীন দেউল, দীপ্তি শৰ্মা, অমনজোত কৌৰ, স্নেহ ৰানা, অৰুন্ধতী ৰেড্ডী, বৈষ্ণৱী শৰ্মা, শ্ৰী চৰণী ।

লগতে পঢ়ক : ভাৰতীয় ক্ৰিকেট ২০২৫: মহিলা ক্ৰিকেটৰ স্বৰ্ণিম অধ্যায়, টেষ্টত পুৰুষ দলৰ প্ৰত্যাহ্বানৰ প্ৰাচীৰ

শ্ৰীলংকাৰ বিৰুদ্ধে চতুৰ্থ টি-২০ত বিজয় সাব্যস্ত কৰিছে ভাৰতীয় মহিলা ক্ৰিকেট দলে । এই জয়েৰে শৃংখলাত ৪-০ ব্যৱধানত অগ্ৰগতি লাভ কৰিছে হৰমনপ্ৰীত বাহিনীয়ে ।

দেওবাৰে ভাৰত আৰু শ্ৰীলংকাৰ মহিলা ক্ৰিকেট দলৰ মাজত অনুষ্ঠিত হয় পাঁচখন খেলৰ টি-২০ শৃংখলাৰ চতুৰ্থখন মেচ । তিৰুৱনন্তপুৰমত অনুষ্ঠিত হোৱা মেচখনত ভাৰতীয় দলটোৱে ৩০ ৰাণত জয়লাভ কৰি ৪-০ ব্যৱধানত শৃংখলাত অগ্ৰগতি লাভ কৰে । শ্ৰীলংকাই টছত জয়লাভ কৰি প্ৰথমে ভাৰতক বেটিং কৰিবলৈ আমন্ত্ৰণ জনায় । প্ৰথমে বেটিং কৰি ভাৰতে শ্ৰীলংকাক ২২২ ৰানৰ বিশাল লক্ষ্য নিৰ্ধাৰণ কৰি দিয়ে । শ্বেফালী বাৰ্মা আৰু স্মৃতি মন্ধানাৰ বিস্ফোৰক অৰ্ধ শতক আৰু ৰিচা ঘোষৰ ফিনিচিং টাচৰ বাবে ভাৰতে এই মেচত জয়লাভ কৰিবলৈ সক্ষম হয় । লক্ষ্য অনুসৰণ কৰি শ্ৰীলংকাৰ দলটোৱে ২০ অভাৰত ৬ টা উইকেট হেৰুৱাই ১৯১ ৰানহে কৰিবলৈ সংক্ষম হয় ।

শ্ৰীলংকাৰ ইনিংছ-

ভাৰতৰ ২২২ ৰানৰ প্ৰতিক্ৰিয়া স্বৰূপে শ্ৰীলংকাই শক্তিশালী আৰম্ভণি কৰে । পেৰেৰা আৰু চামাৰী আটাপাট্টুয়ে অৰ্ধ শতিকীয় অংশীদাৰিত্ব গঢ়ে । অৱশ্যে ষষ্ঠ অভাৰত আলহী দলটোৱে প্ৰথমটো বিপৰ্যয়ৰ সন্মুখীন হ’বলগীয়া হয় যেতিয়া হাছিনি পেৰেৰা ৩৩ ৰানত আউট হয় । তাৰ পিছতে দুলহানী আৰু আটাপট্টুৱে ইনিংছৰ দায়িত্ব লয় । ৩৭টা বলত ৫২ ৰান সংগ্ৰহ কৰি অধিনায়ক চামাৰীয়ে ১৩ অভাৰত নিজৰ উইকেট বিসৰ্জন দিয়ে । ইয়াৰ পিছত ভাৰতীয় বলাৰসকলে শক্তিশালী প্ৰদৰ্শনেৰে মেচখন নিজৰ হাতলৈ আনে আৰু আলহী দলটোৱে মুঠ ১৯১ ৰানহে সংগ্ৰহ কৰিবলৈ সক্ষম হয় ।

ভাৰতৰ ইনিংছ-

প্ৰথমে বেটিং কৰি ভাৰতে শক্তিশালী আৰম্ভণি কৰে । স্মৃতি মন্ধানা আৰু শ্বেফালী বাৰ্মাই ছয় আৰু চাৰিৰ বৰষুণ নমাই । মাত্ৰ ১০ অভাৰতে ভাৰতৰ স্ক’ৰ ৮৫ত উপনীত কৰায় দুয়োগৰাকী বেটছমেনে । শেফালী বাৰ্মাই মাত্ৰ ৩০টা বলত অৰ্ধ শতক অৰ্জন কৰে । তেওঁ এই বিস্ফোৰক ইনিংছত  সাতটা চাৰি কোবাই । ১৬ নং অভাৰত ভাৰত প্ৰথমটো বিপৰ্যয়ৰ সন্মুখীন হ’বলগীয়া হয়, যেতিয়া শ্বেফালী বাৰ্মাই ৭৯ ৰান সংগ্ৰহ কৰি উইকেট বিসৰ্জন দিয়ে । এই সময়ত ভাৰতৰ স্ক’ৰ আছিল ১৬২ ৰান । মন্ধানাৰ ইনিংছ অব্যাহত আছিল যদিও ১৭ নং অভাৰত তেওঁ নিজৰ উইকেট বিসৰ্জন দিয়ে । মন্ধানাই ৪৮টা বলত ৮০ ৰান সংগ্ৰহ কৰে । তেওঁৰ ইনিংছত ১১টা চাৰি আৰু তিনিটা ছয় আছিল ।

ইয়াৰ পিছতে ৰিচা ঘোষে উজ্জ্বল বেটিং কৰে । ১৬টা বলত ৪০ ৰান সংগ্ৰহ কৰি ৪টা চাৰি আৰু ৩টা ছয় কোবাই । অধিনায়ক হৰমনপ্ৰীত কৌৰে ১০টা বলত ১৬ ৰান সংগ্ৰহ কৰে । ইয়াৰ বাবে ভাৰতে শ্ৰীলংকাক ২২২ ৰানৰ লক্ষ্য নিৰ্ধাৰণ কৰি দিয়ে ।

লগতে পঢ়ক : শ্ৰীলংকাৰ বিৰুদ্ধে চতুৰ্থ টি-২০ত ইতিহাস ৰচিলে ভাৰতে…

তিৰুৱনন্তপুৰমত দেওবাৰে শ্ৰীলংকাৰ বিৰুদ্ধে অনুষ্ঠিত হোৱা চতুৰ্থখন টি-২০ মেচত ভাৰতীয় দলে আন এক কৃতিত্ব অৰ্জন কৰিছে । এই মেচখনত ভাৰতীয় বেটছমেনে শ্ৰীলংকাৰ বলিং আক্ৰমণক সম্পূৰ্ৰূপে বিধস্ত কৰি পেলায় ।

ভাৰতীয় মহিলা ক্ৰিকেট দল আৰু শ্ৰীলংকাৰ মহিলা ক্ৰিকেট দলৰ মাজত দেওবাৰে তিৰুৱনন্তপুৰমত অনুষ্ঠিত হৈছে শৃংখলাৰ চতুৰ্থখন টি-২০ মেচ । এই মেচ ভাৰতীয় দলে অভিলেখ সৃষ্টি কৰিছে । এই মেচত প্ৰথমে বেটিং কৰি ভাৰতীয় মহিলা ২২১ ৰান সংগ্ৰহ কৰে । মহিলাৰ টি-২০ ক্ৰিকেটত এয়া ভাৰতৰ সৰ্বোচ্চ মুঠ স্ক’ৰ ।

ভাৰতীয় বেটছমেনে শ্ৰীলংকাৰ বলিং আক্ৰমণ সম্পূৰ্ণৰূপে তচনচ কৰে ।  শেষৰ ১০ অভাৰত ১৩৬ ৰান সংগ্ৰহ কৰে ভাৰতে । টীম ইণ্ডিয়াৰ হৈ স্মৃতি মন্ধানাই সৰ্বোচ্চ ৮০ ৰান সংগ্ৰহ কৰে । একেৰাহে তৃতীয়খন মেচত অৰ্ধশতক অৰ্জন কৰি ৭৯ ৰান সংগ্ৰহ কৰে শ্বেফালী বাৰ্মাই । মালছা শ্বাহানীৰ বাহিৰে কোনো শ্ৰীলংকাৰ বলাৰেই ১০তকৈ কম ইকনমি ৰেটত ৰান দিয়া নাছিল ।

তিৰুৱনন্তপুৰমত অনুষ্ঠিত হৈ থকা এই মেচখনত শ্ৰীলংকাই টছত জয়লাভ কৰি প্ৰথমে বলিং কৰিবলৈ সিদ্ধান্ত লয় । ভাৰতীয় অ’পেনাৰ স্মৃতি মন্ধানা আৰু শ্বেফলী বাৰ্মাই বিধ্বংসী ৰূপ ধাৰণ কৰি পাৱাৰপ্লে’ত দলীয় স্ক’ৰ ৬১লৈ বৃদ্ধি কৰে । শীঘ্ৰেই ভাৰতে ১০ অভাৰত এটাও উইকেট নেহেৰুৱাকৈ ৮৫ ৰাণত উপনীত হয় ।

শেষ ১০ অভাৰত ১৩৬ ৰান-

প্ৰথম ১০ অভাৰৰ অন্তত টিম ইণ্ডিয়াৰ স্ক’ৰ আছিল ৮৫/০ । ইয়াৰ পিছতে ভাৰতীয় বেটছমেনে ইমানেই বিস্ফোৰক বেটিং প্ৰদৰ্শন কৰে যে অন্তিম ১০ অভাৰত ১৩৬ ৰান সংগ্ৰহ কৰে । ইফালে শ্বেফলী বাৰ্মাই ৩০টা বলত অৰ্ধ শতক অৰ্জন কৰাৰ বিপৰীতে মন্ধানাই ৩৪টা বলত অৰ্ধ শতকত উপনীত হয় । মন্ধানা আৰু বাৰ্মাই ১৬২ ৰানৰ অ’পেনিং অংশীদাৰিত্ব গঢ়ে । মহিলা টি-২০ ক্ৰিকেটত চতুৰ্থবাৰৰ বাবে মন্ধানা আৰু বাৰ্মাই ১০০ ৰানৰ ওপৰত অ’পেনিং অংশীদাৰিত্ব গঢ়ে ।

টি-২০ত ভাৰতৰ সৰ্বোচ্চ স্ক’ৰ-

চতুৰ্থ টি-২০ত শ্ৰীলংকাৰ বিৰুদ্ধে ভাৰতে ২২১ ৰান সংগ্ৰহ কৰে । আন্তঃৰাষ্ট্ৰীয় মহিলা টি-২০ ক্ৰিকেটত এইটোৱেই হৈছে টিম ইণ্ডিয়াৰ সৰ্বোচ্চ স্ক’ৰ । ইয়াৰ পূৰ্বে ভাৰতৰ সৰ্বোচ্চ স্ক’ৰ আছিল ২১৭ ৰান, যিটো ২০২৪ চনত ৱেষ্ট ইণ্ডিজৰ বিৰুদ্ধে আছিল । এই মেচখনত স্মৃতি মন্ধানাই টি-২০ত শ্ৰীলংকাৰ বিৰুদ্ধে সৰ্বাধিক ব্যক্তিগত ইনিংছ কৰা ভাৰতীয় বেটছমেন হিচাপে পৰিগণিত হয় । ইয়াৰ পূর্বে এই অভিলেখ শ্রীলংকাৰ বিৰুদ্ধে পূর্বৰ খেলখনত ৭৯ ৰান অর্জন কৰা শ্বেফালী বার্মাৰ নামত আছিল ৷ উল্লেখ্য যে, চতুৰ্খন মেচত শ্বেফালীয়েও ৭৯ ৰান সংগ্ৰহ কৰে ।

লগতে পঢ়ক : গৌতম গম্ভীৰৰ ঠাইত ল’ব ভি ভি এছ লক্ষ্মণে ? নীৰৱতা ভংগ কৰিলে বি চি চি আইয়ে

দক্ষিণ আফ্ৰিকাৰ বিৰুদ্ধে পৰৱৰ্তী দুখন টি-২০ৰ বাবে দলৰ পৰা বাদ দিয়া হৈছে এইগৰাকী অলৰাউণ্ডাৰক । তেওঁৰ সলনি দলত শ্বাহবাজ আহমেদক অন্তৰ্ভূক্ত কৰা হৈছে ।

দক্ষিণ আফ্ৰিকাৰ বিৰুদ্ধে চলি থকা পাঁচখন খেলৰ টি-২০ শৃংখলাৰ অন্তিম দুখন মেচৰ পূর্বে ভাৰতীয় দল এক বৃহৎ বিপৰ্যয়ৰ সন্মুখীন হৈছে ৷ তাৰকা অল ৰাউণ্ডাৰ অক্ষৰ পেটেলক অসুস্থতাৰ বাবে শৃংখলাৰ পৰা বাদ দিয়া হৈছে । সোমবাৰে ভাৰতীয় ক্ৰিকেট নিয়ন্ত্ৰণ ব’ৰ্ডে এই কথা ঘোষণা কৰি অক্ষৰ লক্ষ্ণৌত দলটোৰ সৈতে আছে আৰু চিকিৎসা দলৰ তত্বাৱধানত আছে বুলি উল্লেখ কৰে । বাছনি সমিতিয়ে অক্ষৰৰ ঠাইত শ্বাহবাজ আহমেদক দলত অন্তৰ্ভুক্ত কৰিছে ।

তৃতীয় টি-২০ত খেলা নাছিল অক্ষৰ পেটেলে-

দক্ষিণ আফ্ৰিকাৰ বিৰুদ্ধে তৃতীয় টি-২০ত খেলা নাছিল অক্ষৰ পেটেলে । অধিনায়ক সূৰ্য্যকুমাৰ যাদৱে তেওঁৰ স্বাস্থ্য ভাল নহয় বুলি উল্লেখ কৰাৰ বিপৰীতে বুমৰাহ ব্যক্তিগত কাৰণত পৰিয়ালৰ ওচৰলৈ উভতি অহাৰ কথা উল্লেখ কৰিছিল । বিচিচিআইয়ে এতিয়া স্পষ্ট কৰি দিছে যে লক্ষ্ণৌ আৰু আহমেদাবাদত অনুষ্ঠিত হ’বলগীয়া মেচত অক্ষৰ পেটেল দলৰ পৰা সম্পূৰ্ণৰূপে বাহিৰ হৈছে । বৰ্তমান তেওঁ চিকিৎসা দলৰ তত্বাৱধানত আছে ।

শ্বাহবাজ আহমেদক সুযোগ-

অক্ষৰ পেটেল বাদ পৰাৰ পিছত বাছনি সমিতিয়ে শ্বাহবাজ আহমেদক দলত অন্তৰ্ভুক্ত কৰিছে । ২০২২ চনত ভাৰতৰ হৈ অভিষেক ঘটোৱা ৩১ বছৰীয়া অল ৰাউণ্ডাৰগৰাকীয়ে তাৰ পিছৰ পৰা দলত সুযোগ পোৱা নাই । এতিয়া তেওঁ পুনৰ দললৈ ঘূৰি আহিছে । এই পৰ্যন্ত খেলা টি-২০ মেচ দুখনত শ্বাহবাজে দুটা উইকেট দখল কৰাৰ বিপৰীতে তিনিখন এদিনীয়াত তিনিটা উইকেট দখল কৰিছে ।

২-১ ব্যৱধানত ভাৰতৰ অগ্ৰগতি-

ভাৰত আৰু দক্ষিণ আফ্ৰিকাৰ মাজত চলি থকা পাঁচখন খেলৰ টি-২০ শৃংখলাত আয়োজক দলটোৱে দুখন মেচত জয়লাভ কৰি ২-১ ব্যৱধানত আগবাঢ়ি আছে । সূৰ্যকুমাৰ যাদৱৰ নেতৃত্বত ভাৰতীয় দলটোৱে প্ৰথম আৰু তৃতীয় মেচত জয়লাভ কৰাৰ বিপৰীতে আলহী দলটোৱে দ্বিতীয়খন খেলত জয়লাভ কৰে । এতিয়া ভাৰতীয় দলটোৱে চতুৰ্থখন মেচত চকু ৰাখিছে, যিখন খেল ১৭ ডিচেম্বৰত লক্ষ্ণৌৰ একনা ষ্টেডিয়ামত অনুষ্ঠিত হ’ব । এই মেচখনত যদি ভাৰতে জয়লাভ কৰে তেন্তে ৩-১ ব্যৱধানত অপ্ৰতিৰোধ্য অগ্ৰগতি লাভ কৰি শৃংখলা দখল কৰিব । শৃংখলাৰ চূড়ান্ত খেলখন অহা ১৯ ডিচেম্বৰত আহমেদাবাদত অনুষ্ঠিত হ’ব ।

লগতে পঢ়ক : ফুটবল কিংবদন্তি লিয়নেল মেছিক টিম ইণ্ডিয়াৰ জাৰ্চি উপহাৰ দিলে জয় শ্বাহে, টি-২০ বিশ্বকাপলৈয়ো জনালে নিমন্ত্ৰণ

কটকত অনুষ্ঠিত হোৱা শৃংখলাৰ প্ৰথমখন টি-২০ মেচত দক্ষিণ আফ্ৰিকাৰ বিৰুদ্ধে বিশাল ব্যৱধানত জয়লাভ কৰিছে ভাৰতীয় দলে । এই মেচত বেটিং-বলিং উভয়তে বিস্ফোৰক প্ৰদৰ্শন কৰে হাৰ্দিক পাণ্ডিয়াই ।

ভাৰত আৰু দক্ষিণ আফ্ৰিকাৰ মাজত অনুষ্ঠিত হোৱা পাঁচখন মেচৰ টি-২০ শৃংখলাৰ প্ৰথমখন খেল মঙলবাৰে কটকৰ বাৰাবাটি ষ্টেডিয়ামত অনুষ্ঠিত হয় । এই মেচখনত ভাৰতীয় দলটোৱে ১০১ ৰানৰ বৃহৎ ব্যৱধানত জয়লাভ কৰে । দুমাহৰ পিছত আৰম্ভ হ’বলগীয়া টি-২০ বিশ্বকাপৰ প্ৰস্তুতিৰ বাবে এই টি-২০ ছিৰিজ অতি গুৰুত্বপূৰ্ণ । দক্ষিণ আফ্ৰিকাৰ অধিনায়ক এইডেন মাৰ্ক্ৰামে টছত জয়লাভ কৰি প্ৰথমে বলিং কৰিবলৈ সিদ্ধান্ত লয় । প্ৰথমে বেটিং কৰি ভাৰতে দক্ষিণ আফ্ৰিকাক ১৭৬ ৰানৰ লক্ষ্য নিৰ্ধাৰণ কৰি দিছিল । হাৰ্দিক পাণ্ডিয়াই ৫৯ ৰানৰ অপৰাজিত ইনিংছ খেলে । কিন্তু ইয়াৰ প্ৰতিক্ৰিয়া স্বৰূপে দক্ষিণ আফ্ৰিকাই ১৩ অভাৰতে ৭৪ ৰানত আটাইকৈইটা উইকেট হেৰুৱাই মেচখনত আত্মসমৰ্পণ কৰে ।

দক্ষিণ আফ্ৰিকাৰ ইনিংছ-

১৭৬ ৰানৰ প্ৰত্যুতৰত দক্ষিণ আফ্ৰিকাৰ আৰম্ভণি অতি দুৰ্বল আছিল । প্ৰথম অভাৰৰ দ্বিতীয় বলত অৰ্শদীপে কুইণ্টন ডি ককক আউট কৰে । ডি ককে নিজৰ একাউণ্ট খুলিবলৈয়ো সক্ষম নহ’ল । ইয়াৰ পাছতে তৃতীয় অভাৰত অৰ্শদীপে ষ্টাবছকো আউট কৰে । ষ্টাবছে ১৪ ৰান সংগ্ৰহ কৰে । ষষ্ঠ অভাৰৰ প্ৰথম বলত অধিনায়ক এইডেন মাৰ্কৰামক আউট কৰে অক্ষৰ পেটেলে । মাৰ্ক্ৰামে মাত্ৰ ১৪ ৰানহে কৰিবলৈ সক্ষম হয় । সপ্তম অভাৰত হাৰ্দিক পাণ্ডিয়াই আলহী দলটোৰ শিবিৰত মোক্ষম আঘাত হানে । তেওঁৰ প্ৰথম বলতে মিলাৰক আউট কৰে । লগে লগে দক্ষিণ আফ্ৰিকাই ৫০ ৰানৰ ভিতৰত চতুৰ্থটো আঘাতৰ সন্মুখীন হ’বলগীয়া হয় । ইয়াৰ পিছতে বৰুণে অষ্টম অভাৰত দক্ষিণ আফ্ৰিকাক পঞ্চমটো আঘাত দিয়ে ।

ইয়াৰ পাছতে বৰুণে দশম অভাৰত জেন্সেনক বল্ড কৰি আলহী দলটোৰ ষষ্ঠ উইকেটৰ পতন ঘটায় । জেন্সেনে ১২ ৰান সংগ্ৰহ কৰে । ১১ নং অভাৰত বুমৰাহে ব্ৰেভিছক আউট কৰে । এই উইকেটৰ জৰিয়তে বুমৰাহৰ টি-২০ৰ ১০০ সংখ্যক উইকেট সম্পূৰ্ণ হয় । একেটা অভাৰতে বুমৰাহে কেশৱ মহাৰাজকো পেভিলিয়নৰ বাট দেখুৱাই । ১২ নং অভাৰত অক্ষৰে দক্ষিণ আফ্ৰিকাৰ নৱমটো উইকেট দখল কৰে । ইয়াৰ পিছতে শিৱম ডুবেই দক্ষিণ আফ্ৰিকাৰ ৭৪ ৰানত অন্তিমটো উইকেট দখল কৰে ।

ভাৰতীয় বলাৰৰ প্ৰদৰ্শন-

ভাৰতীয় বলাৰৰ প্ৰদৰ্শনৰ কথা ক’বলৈ গ’লে অৰ্শদীপে ২ অভাৰত ১৪ ৰান খৰছ কৰি ২টা উইকেট দখল কৰে । বুমৰাহে ৩ অভাৰত ১৭ ৰান দি ২ উইকেট দখল কৰে । বৰুণে ৩ অভাৰত ১৯ ৰান খৰছ কৰি ২ টা উইকেট দখল কৰে । অক্ষৰেও দুটা উইকেট লাভ কৰাৰ বিপৰীতে হাৰ্দিক আৰু শিৱম ডুবেই ১টাকৈ উইকেট লাভ কৰে ।

ভাৰতৰ ইনিংছ-

কটক টি-২০ত ভাৰতৰ আৰম্ভণি বেয়া আছিল । শুভমন গীল লুংগি এনঙিডিৰ বলত প্ৰথম অভাৰতে মাত্ৰ ৪ ৰানত আউট হয় । ইয়াৰ কিছু সময়ৰ পাছতে অধিনায়ক সূৰ্যকুমাৰ যাদৱো লুংগী এনঙিডিৰ বলত ১১ ৰান সংগ্ৰহ কৰি পেভিলিয়নমুখী হয় । ছয় অভাৰৰ অন্তত ভাৰতৰ স্ক’ৰ আছিল ৪০-২ । সপ্তম অভাৰত ভাৰতে তৃতীয়টো বিপৰ্যয়ৰ সন্মুখীন হ’বলগীয়া হয় যেতিয়া অভিষেক শৰ্মাই ১৭ ৰানত নিজৰ উইকেট বিসৰ্জন দিয়ে । ইয়াৰ পিছতে তিলক বাৰ্মা আৰু অক্ষৰ পেটেলৰ মাজত এক শক্তিশালী অংশীদাৰিত্ব গঢ়ি উঠে । অৱশ্যে দ্বাদশ অভাৰত ২৬ ৰান সংগ্ৰহ কৰি তিলক বাৰ্মা পেভিলিয়নৰ বাট বুলে । ১৪ নং অভাৰত পঞ্চমটো বিপৰ্যয়ৰ সন্মুখীন হয় ভাৰত যেতিয়া অক্ষৰ পেটেলে ২৩ ৰান সংগ্ৰহ কৰি আউট হয় ।

ইয়াৰ পিছতে হাৰ্দিক পাণ্ডিয়া আৰু শিৱম ডুবে ১৯টা বলত ৩৩ ৰান সংযোজন কৰি শক্তিশালী অংশীদাৰিত্ব গঢ়ি তোলে । অৱশ্যে ১৮ নং অভাৰত ১১ ৰান সংগ্ৰহ কৰি ডুবে আউট হয় । ২৫টা বলত হাৰ্দিক পাণ্ডিয়াই নিজৰ অৰ্ধশতক সম্পূৰ্ণ কৰে । হাৰ্দিকে ২৮টা বলত অপৰাজিত ৫৯ ৰান সংগ্ৰহ কৰে আৰু ভাৰতে দক্ষিণ আফ্ৰিকাক ১৭৬ ৰানৰ লক্ষ্য নিৰ্ধাৰণ কৰাত সহায় কৰে । হাৰ্দিক পাণ্ডিয়া প্লেয়াৰ অব্ দ্য মেচ বিবেচিত হয় ।

লগতে পঢ়ক : আই পি এল ২০২৬ৰ নিলামৰ বাবে চৰ্টলিষ্ট ৩৫০জন খেলুৱৈ; বাহিৰ হ’ল ১০০৫গৰাকী