আজি ভাৰত-দক্ষিণ আফ্ৰিকাৰ টি-২০ শৃংখলাৰ প্ৰথমখন মেচ অনুষ্ঠিত হ’ব । কটকৰ বাৰাবটি ষ্টেডিয়ামত অনুষ্ঠিত হ’ব এই মেচ ।

আজিৰে পৰা ভাৰতীয় ক্ৰিকেট দলে দক্ষিণ আফ্ৰিকাৰ বিৰুদ্ধে পাঁচখন খেলৰ টি-২০ শৃংখলা আৰম্ভ কৰিবলৈ সাজু হৈছে । শৃংখলাৰ প্ৰথমখন মেচ আজি সন্ধিয়া ৭:০০ বজাত কটকৰ বাৰাবাটি ষ্টেডিয়ামত অনুষ্ঠিত হ’ব । টি-২০ বিশ্বকাপৰ প্ৰস্তুতিৰ বাবে দুয়োটা দলৰ বাবে এই শৃংখলা গুৰুত্বপূৰ্ণ বুলি বিবেচিত হৈছে । ইফালে দক্ষিণ আফ্ৰিকাই ভাৰতীয় পৰিস্থিতিত অভিজ্ঞতাক অগ্ৰাধিকাৰ দিছে । ইফালে, টিম ইণ্ডিয়াই নিজৰ শক্তিশালী ফৰ্ম অব্যাহত ৰাখিবলৈ বিচাৰিব ।

কেনেকুৱা হ’ব ভাৰতৰ মূল একাদশ ?

ভাৰতীয় অধিনায়ক সূৰ্যকুমাৰ যাদৱে নিজৰ বিস্ফোৰক ফৰ্মৰ ভিত্তিত দলটোক নেতৃত্ব দিব । অভিষেক শৰ্মাৰ সৈতে শুভমন গীলে ইনিংছ মুকলি কৰাৰ সম্ভাৱনা আছে । তিলক বাৰ্মাইও খেলাটো প্ৰায় নিশ্চিত । জিতেশ শৰ্মাই উইকেটকীপিং আৰু বেটিঙৰ জৰিয়তে অৰিহণা যোগাব পাৰে । আঘাতৰ পিছত পুনৰ উভতি অহা হাৰ্দিক পাণ্ডিয়াই অল ৰাউণ্ডাৰ হিচাপে ভাৰসাম্য আনিব । অক্ষৰ পেটেল আৰু কুলদীপ যাদৱে স্পীন বিভাগ চম্ভালিব পাৰে । বৰুণ চক্ৰৱৰ্তীও মূল একাদশত থাকিব পাৰে । ফাষ্ট বলিং বিভাগত অৰ্শদীপ সিং আৰু যশপ্ৰীত বুমৰাহৰ যুটি প্ৰথম পছন্দ হ’ব পাৰে ।

পিটছ কাৰ সহায়ক হ’ব ?

দীৰ্ঘদিনীয়া বিৰতিৰ অন্তত পুনৰ টি-২০ ক্ৰিকেটলৈ ঘূৰি আহিছে বাৰাবাটি ষ্টেডিয়ামৰ খেলপথাৰ । ২০২২ চনৰ জুন মাহৰ পিছত ইয়াত এইখন হ’ব প্ৰথমখন টি-২০ মেচ আৰু শেষবাৰৰ বাবে এই খেলপথাৰত ভাৰত-দক্ষিণ আফ্ৰিকাৰ মেচখনত পেচাৰসকল জিলিকি উঠিছিল । অৱশ্যে এই পিটছ বেটছমেনৰ বাবে সহজ নহ’ব । সামগ্ৰিকভাৱে পেচাৰসকলে প্ৰাৰম্ভিক অভাৰত সহায় বিচাৰি পাব পাৰে, আনহাতে স্পীনাৰসকলে পিছলৈ গ্ৰীপ বিচাৰি পাব ।

ভাৰতৰ সম্ভাৱ্য মূল একাদশ : অভিষেক শৰ্মা, শুভমন গীল, তিলক বাৰ্মা, সূৰ্যকুমাৰ যাদৱ (অধিনায়ক), জিতেশ শৰ্মা (উইকেটকীপাৰ), হাৰ্দিক পাণ্ডিয়া, অক্ষৰ পেটেল, কুলদীপ যাদৱ, বৰুণ চক্ৰৱৰ্তী, অৰ্শদীপ সিং, যশপ্ৰীত বুমৰাহ ।

লগতে পঢ়ক : অষ্ট্ৰেলিয়াৰ খেলুৱৈ মিচেল মাৰ্ছে হঠাতে ল’লে ডাঙৰ সিদ্ধান্ত, ঘোষণা কৰিলে অৱসৰ

ভাৰত-অষ্ট্ৰেলিয়াৰ চতুৰ্থখন টি ২০ মেচ

আজি ভাৰত আৰু অষ্ট্ৰেলিয়াৰ মাজত অনুষ্ঠিত হ’ব শৃংখলাৰ চতুৰ্থখন টি ২০ মেচ । গোল্ড কোষ্টৰ কেৰাৰা অ’ভেলত অনুষ্ঠিত হ’ব এই মেচ । দুপৰীয়া ১:৪৫ বজাৰ পৰা আৰম্ভ হ’ব খেলখন । বৰ্তমান এই শৃংখলাটো ১-১ ব্যৱধানত সমতাত আছে । কেনবেৰাৰ প্ৰথমখন টি ২০ মেচ বৰষুণৰ বাবে পৰিত্যক্ত ঘোষণা কৰা হৈছিল । আনহাতে মেলবৰ্ণৰ দ্বিতীয়খন টি-২০ মেচত অষ্ট্ৰেলিয়াই ৪ উইকেটত জয়লাভ কৰে । ইয়াৰ পিছতে হোবাৰ্টৰ তৃতীয়খন টি-২০ মেচত ভাৰতে ৫ উইকেটত জয়লাভ কৰি শৃংখলাত সমতা স্থাপন কৰে ।

আজিৰ মেচত ভাৰতীয় দলটোৱে নিজৰ মূল একাদশত ক্ষেত্ৰত বিশেষ পৰিৱৰ্তন ঘটোৱাৰ সম্ভাৱনা নাই । হোবাৰ্টত খেলা একেটা দলেই গোল্ড কোষ্টত খেলাৰ সম্ভাৱনা আছে । ইফালে, ট্ৰেভিছ হেড আৰু শ্বীন এবট অষ্ট্ৰেলিয়াৰ দলত নাথাকিব । এছেজৰ বাবে হেড ছিৰিজৰ পৰা আঁতৰি আহিছে । এই মেচৰ বাবে গ্লেন মেক্সৱেল দললৈ ঘূৰি আহিব পাৰে ।

অৱশ্যে গোল্ড কোষ্টত ভাৰতীয় দলটোৱে জয়লাভ কৰিলে অধিনায়ক সূৰ্যকুমাৰ যাদৱে বিৰাট কোহলী আৰু মহেন্দ্ৰ সিং ধোনীৰ পৰম্পৰা অব্যাহত ৰাখিব পাৰিব । এনে পৰিস্থিতিত টিম ইণ্ডিয়াই এই মেচত সকলো প্ৰচেষ্টা চলাব ।

২০১২ চনৰ পৰা অষ্ট্ৰেলিয়াই নিজৰ দেশত টি-২০ শৃংখলাত ভাৰতক পৰাস্ত কৰিব পৰা নাই । সেয়েহে মহেন্দ্ৰ সিং ধোনী আৰু বিৰাট কোহলীৰ পিছত এতিয়া সূৰ্য্যকুমাৰ যাদৱৰ কান্ধত এক উল্লেখযোগ্য দায়িত্ব থাকিব ।

উল্লেখ্য যে, দুয়োখন দেশৰ মাজত হোৱা বিগত পাঁচখন টি-২০ শৃংখলাত ভাৰতীয় দলটোৱে অষ্ট্ৰেলিয়াৰ মাটিত মাত্ৰ এবাৰহে (২০০৮ চনত) পৰাস্ত হৈছে । তেতিয়া ধোনী আছিল ভাৰতৰ অধিনায়ক । সেই সময়ত কেংগাৰুৱে ভাৰতীয় দলটোক ৯ উইকেটত পৰাস্ত কৰিছিল আৰু শৃংখলাত জয়লাভ কৰিছিল । তাৰ পিছত কেংগাৰুৱে ভাৰতৰ বিৰুদ্ধে কেতিয়াও শৃংখলা দখল কৰিব পৰা নাই ।

২০১২ চনত অনুষ্ঠিত পৰৱৰ্তী ছিৰিজখন ধোনীৰ নেতৃত্বত ১-১ ব্যৱধানত সমতা স্থাপন হৈছিল । ছিডনীত অনুষ্ঠিত প্ৰথমখন মেচত ভাৰত ৩১ ৰাণত পৰাস্ত হয় যদিও দ্বিতীয় টি ২০ মেচত ভাৰতে অষ্ট্ৰেলিয়াক ৮ উইকেটত পৰাস্ত কৰি শৃংখলাত সমতা স্থাপন কৰে ।

ইয়াৰ পাছত ২০১৬ চনত ধোনীৰ অধিনায়কত্বত ভাৰতে অষ্ট্ৰেলিয়াক ৩-০ ব্যৱধানত পৰাস্ত কৰে । ইয়াৰ পাছত ২০১৮ চনত কোহলীৰ নেতৃত্বত ভাৰতীয় দলটোৱে টি-২০ শৃংখলাত ১-১ ব্যৱধানত সমতা স্থাপন কৰে । ২০২০ চনত বিৰাট কোহলীৰ অধিনায়কত্বত পুনৰবাৰ ভাৰতে অষ্ট্ৰেলিয়াত টি-২০ শৃংখলা ২-১ ব্যৱধানত জয়লাভ কৰে ।

অৰ্থাৎ ধোনী আৰু কোহলীৰ অধিনায়ক হিচাপে থকা সময়ছোৱাত টি-২০ শৃংখলাত যি পৰম্পৰা প্ৰচলিত হৈ আহিছে, সেই পৰম্পৰাক সূৰ্য্যই আগুৱাই নিব বিচাৰিব । গোল্ড কোষ্ট টি ২০ মেচত জয়লাভ কৰিলে ভাৰত শৃংখলাত আগবাঢ়িব । ৮ নৱেম্বৰত ব্রিজবেনৰ গাব্বাত জয়লাভ কৰিলে শৃংখলাটো ৩-১ ব্যৱধানত জয়ী হ’ব আৰু সেই মেচখনত পৰাস্ত হ’লেও শৃংখলাটো ২-২ ব্যৱধানত সমাপ্ত হ’ব ৷

গোল্ড কোষ্ট টি-২০ৰ বাবে ভাৰতৰ সাম্ভাব্য মূল একাদশ :

শুভমন গীল, অভিষেক শৰ্মা, সূৰ্যকুমাৰ যাদৱ (অধিনায়ক), তিলক বাৰ্মা, জিতেশ শৰ্মা (উইকেটকীপাৰ), শিৱম ডুবে, অক্ষৰ পেটেল, ৱাশ্বিংটন সুন্দৰ, অৰ্শদীপ সিং, বৰুণ চক্ৰৱৰ্তী, যশপ্ৰীত বুমৰাহ ।

লগতে পঢ়ক : এই নৱেম্বৰতে দুবাৰকৈ মুখামুখি হ’ব ভাৰত আৰু পাকিস্তান! ডোহাত হ’ব এই সংঘৰ্ষ

কাইলৈৰ পৰা আৰম্ভ হ’ব ভাৰত-অষ্ট্ৰেলিয়া টি ২০ শৃংখলা

কাইলৈৰ পৰা আৰম্ভ হ’ব ভাৰত-অষ্ট্ৰেলিয়াৰ টি ২০ শৃংখলা । অষ্ট্ৰেলিয়াৰ বিৰুদ্ধে এদিনীয়া শৃংখলাত পৰাজয়ৰ পোতক তুলিবলৈ সাজু হৈছে সূৰ্যকুমাৰ যাদৱ নেতৃত্বাধীন ভাৰতীয় টি-২০ দলে । পাঁচখন মেচৰ টি ২০ শৃংখলাৰ প্ৰথমখন মেচ কেনবেৰাত অনুষ্ঠিত হ’ব । ২০২৩ চনৰ আগষ্টৰ পিছত ভাৰতীয় দলটোৱে কোনো টি-২০ শৃংখলাত এতিয়ালৈকে পৰাস্ত হোৱা নাই । এতিয়া অষ্ট্ৰেলিয়াতো এই জয়ৰ ধাৰা অক্ষুণ্ণ ৰখাৰ সুযোগ লাভ কৰিছে ভাৰতীয় দলে ।

ভাৰত আৰু অষ্ট্ৰেলিয়াৰ মাজত ২৯ অক্টোবৰত কেনবেৰাত অনুষ্ঠিত হ’ব প্ৰথমখন টি-২০ । আটাইকেইটা টি-২০ মেচ ভাৰতীয় সময় অনুসৰি ১:৪৫ বজাৰ পৰা আৰম্ভ হ’ব ।

যদি আপুনি টিভিত লাইভ টেলিকাষ্ট চাব বিচাৰে তেন্তে ষ্টাৰ স্প’ৰ্টছ নেটৱৰ্কত লাইভ সম্প্ৰচাৰ কৰা হ’ব এই মেচ । মোবাইল বা এণ্ড্ৰইড টিভিৰ বাবে জিঅ’হটষ্টাৰ এপ আৰু ৱেবছাইটত উপলব্ধ হ’ব লাইভ ষ্ট্ৰীমিং ।

ভাৰত-অষ্ট্ৰেলিয়া টি ২০ শৃংখলাৰ সূচী-

ভাৰত আৰু অষ্ট্ৰেলিয়াৰ মাজত প্ৰথমখন টি-২০ মেচ ২৯ অক্টোবৰত কেনবেৰাত অনুষ্ঠিত হ’ব । তেওঁলোকৰ পৰৱৰ্তী টি-২০ মেচ ৩১ অক্টোবৰত মেলবৰ্ণ, ২ নৱেম্বৰত হোবাৰ্ট আৰু ৬ নৱেম্বৰত গোল্ড কোষ্টত অনুষ্ঠিত হ’ব ।

ভাৰত আৰু অষ্ট্ৰেলিয়াই এই পৰ্যন্ত ৩২খন খেল খেলিছে, ইয়াৰে ২০খনত টিম ইণ্ডিয়াই জয়লাভ কৰিছে । অষ্ট্ৰেলিয়াই মাত্ৰ ১১ বাৰহে জয়লাভ কৰাৰ বিপৰীতে এখন মেচ ড্ৰ’ত সমাপ্ত হৈছে ।

এই ছিৰিজৰ বাবে ভাৰতীয় দল :

সূৰ্যকুমাৰ যাদৱ (অধিনায়ক), অভিষেক শৰ্মা, শুভমন গীল (সহ-অধিনায়ক), তিলক বাৰ্মা, নীতিশ কুমাৰ ৰেড্ডী, শিৱম ডুবে, অক্ষৰ পেটেল, জিতেশ শৰ্মা (উইকেটকীপাৰ), বৰুণ চক্ৰৱৰ্তী, যশপ্ৰীত বুমৰাহ, আৰ্ষদীপ সিং, কুলদীপ যাদৱ, হৰ্ষিত ৰাণা, সঞ্জু চেমচন (উইকেটকীপাৰ), ৰিংকু সিং, ৱাশ্বিংটন সুন্দৰ ।

লগতে পঢ়ক : ICU ত ভৰ্তি ক্ৰিকেটাৰ শ্ৰেয়াছ আয়াৰ; কেচ লোৱাৰ সময়তে হৈছিল আঘাতপ্ৰাপ্ত