দক্ষিণ আফ্ৰিকাৰ বিৰুদ্ধে মহিলা টি-২০ শৃংখলাৰ প্ৰথমখন খেলত স্মৃতি মন্ধানাই ইতিহাসৰ সৃষ্টি কৰিছে।
ভাৰতীয় মহিলা ক্ৰিকেট দলৰ উপ-অধিনায়ক স্মৃতি মন্ধানাই আন্তঃৰাষ্ট্ৰীয় ক্ৰিকেটত বেটিঙৰ সৈতে ধাৰাবাহিকভাৱে দুৰ্দান্ত প্ৰদৰ্শন আগবঢ়াই আহিছে।১৭ এপ্ৰিল (শুকুৰবাৰ) ডাৰবানত দক্ষিণ আফ্ৰিকাৰ বিৰুদ্ধে খেলা টি-২০ শৃংখলাৰ প্ৰথমখন খেলত স্মৃতিয়ে ১৩ ৰান সংগ্ৰহ কৰে,কিন্তু এই চমু ইনিংছৰ সময়ছোৱাটো খেলুৱৈ গৰাকীয়ে নিজৰ নামত এটা ডাঙৰ অভিলেখ গঢ়িলে।টি-২০ ইণ্টাৰনেশ্যনেল (টি-২০ আই)ত ভাৰতৰ হৈ সৰ্বাধিক ৰান সংগ্ৰহকাৰী হিচাপে পৰিগণিত হৈছে স্মৃতি মন্ধানা।
এই মেচখনত স্মৃতি মন্ধানাই এক ৰান লোৱাৰ লগে লগেই ৰোহিত শৰ্মাক চেৰ পেলাই শীৰ্ষস্থান লাভ কৰে। ৰোহিত শৰ্মাই ভাৰতৰ হৈ টি-২০ আন্তঃৰাষ্ট্ৰীয় মেচত ৪,২৩১ ৰান সংগ্ৰহ কৰিছিল।স্মৃতিৰ নামত ১৬১খন টি-২০ আন্তঃৰাষ্ট্ৰীয় মেচত গড়ে ৩০.৩১ ৰান সংগ্ৰহ কৰি মুঠ ৪,২৪৪ ৰান কৰে। এই সময়ছোৱাত তেওঁ এটা শতক আৰু ৩৩টা অৰ্ধশতক অৰ্জন কৰিছে।
লগতে পঢ়ক: ‘কিছুমান কঠিন প্ৰশ্নৰ উত্তৰ বিচাৰিব লাগিব’; অবিৰত পৰাজয়ৰ পিছত হাৰ্দিক পাণ্ডিয়াৰ বিস্ফোৰক মন্তব্য
