জুবিন গাৰ্গৰ শুনানিৰ পৰা ওলাই ক্ষোভ প্ৰকাশ গৰিমা শইকীয়া গাৰ্গৰ।সিহঁত অসুৰ আৰু অসুৰ বধ হ’বই লাগিব।

আজি সম্পন্ন হয় জুবিন গাৰ্গৰ মৃত্যু-ঘটনাৰ শুনানি প্ৰক্ৰিয়া। এই শুনানিৰ বাবে পুৱাই আদালতত উপস্থিত হৈছিল জুবিন গাৰ্গৰ পত্নী গৰিমা শইকীয়া গাৰ্গ। জুবিন গাৰ্গৰ শুনানিৰ পৰা ওলাই ক্ষোভ প্ৰকাশ গৰিমাৰ।

তেওঁ কয় যে,জুবিন গাৰ্গৰ হত্যাৰ লগত জড়িত ৭ অভিযুক্তৰ মুখত কোনো অনুশোচনা নাই।পূৰ্বতে তেওঁলোক যেনেদৰে আছিলে এতিয়া তেনেদৰেই আছে।আচলতে সিহঁতক দোষী বুলি ক’লে মানুহৰ শাৰীত পৰিব।সেইকেইটা অসুৰ আৰু অসুৰ বধ হ’বই লাগিব।

 ইফালে চৰকাৰক শীঘ্ৰেই ফাষ্টট্ৰেক কোৰ্ট গঠনৰ বাবে আহ্বান জনাই ।তেওঁ কয় যে, আইনী প্ৰক্ৰিয়াৰ মাজত থাকিয়েই আমি এই যুঁজ খন কৰিব লাগিব।

কিন্তু ইয়াৰ বাবে আমাক শক্তিশালী দল লাগিব। জুবিন গাৰ্গৰ হত্যাৰে জড়িত সকলোৱে উচিত শাস্তি পাব লাগিব।জুবিন কেৱল মোৰ স্বামীয়েই নাছিল। জুবিন অসমবাসীৰো প্ৰাণ আছিল।  

লগতে পঢ়ক: জামিন বিচাৰি আদালতত আবেদন অমৃতপ্ৰভা মহন্তৰ…

জামিন বিচাৰি আদালতত আবেদন দাখিল কৰিলে জুবিন গাৰ্গৰ হত্যাৰে অভিযুক্ত অমৃতপ্ৰভা মহন্তই। জুবিন ঘটনাৰ ৭ অভিযুক্তৰ বিৰুদ্ধে আজি হ’ব চাৰ্জফ্ৰেম

জুবিন গাৰ্গ হত্যাৰ শুনানিৰ আজি তৃতীয়টো দিন। সত্ৰ ন্যায়াধীশৰ আদালতত জামিন বিচাৰি আবেদন অমৃতপ্ৰভা মহন্তৰ।

ন্যায়াধীশ গৌতম বৰাৰ আদালতত ইতিমধ্যে দাখিল কৰিছে জামিন আবেদন।অমৃতপ্ৰভাৰ সপক্ষে আদালতত জ্যেষ্ঠ অধিবক্তা আনন্দ কুমাৰে ভূঞাই দাখিল কৰে আবেদন।

জুবিন গাৰ্গৰ হত্যাৰ ৭ অভিযুক্তৰ বিৰুদ্ধে আজি হ’ব চাৰ্জফ্ৰেম। ইতিমধ্যে সত্ৰ ন্যায়াধীশৰ আদালতত উপস্থিত হৈছে জুবিন পত্নী গৰিমা শইকীয়া গাৰ্গ, খুড়াক মনোজ বৰঠাকুৰ, অভিযুক্ত অমৃতপ্ৰভা মহন্তৰ অধিবক্তাকে ধৰি SITৰ বিষয়া।

লগতে পঢ়ক: ‘উত্তৰ-পূবৰ বিষয়ে জনাটো আন ৰাজ্যৰ বাবেও গুৰুত্বপূৰ্ণ’… নৱবৰ্ষৰ দিনটোতে কিয় ক’লে মুখ্যমন্ত্ৰী ড০ হিমন্ত বিশ্ব শৰ্মাই 

জুবিন গাৰ্গৰ হত্যাৰ সন্দৰ্ভত মুখ্যমন্ত্ৰী ড০ হিমন্ত বিশ্ব শৰ্মাই আকৌ এক ডাঙৰ মন্তব্য কৰিছে।

জুবিন গাৰ্গৰ মৃত্যুৰ ঘটনাক লৈ পুনৰ মুখ্যমন্ত্ৰী ড০ হিমন্ত বিশ্ব শৰ্মাই এক ডাঙৰ মন্তব্য কৰিছে। মুখ্যমন্ত্ৰী গৰাকীয়ে কৈছে যে, জুবিনৰ বিহু ফাংছনৰ টকা কোনে খালে ? জুবিনক লুটি-পুটি খোৱা সকলৰো তদন্ত হ’ব লাগিব।

জুবিনক কোনে হত্যা কৰিলে আদালতত সেই সকলো কথা ওলাই পৰিব। কিন্তু এতিয়া একাংশ লোকে আচামীসকলক ৰক্ষণাবেক্ষণ দিয়াৰ বাবেহে উঠি-পৰি লাগিছে।

তৰুণ গগৈ, হিতেশ্বৰ শইকীয়াৰ দিনত ডাঙৰ ডাঙৰ দুৰ্ধৰ্ষ অপৰাধীয়েও দুই-আঢ়ৈমাহত জামিন পাইছিল।কিন্তু আজিৰ তাৰিখত এটাও অপৰাধী জামিনত ওলাই আহিব পৰা নাই। মোৰ আদালতৰ ওপৰত সম্পূৰ্ণ বিশ্বাস আছে, জুবিন গাৰ্গে ন্যায় পাবই।

আনহাতে তেওঁ কয় যে, ছিংগাপুৰতকৈ ভাৰতৰ আইন ব্যৱস্থা বহু ওপৰত।ছিংগাপুৰৰ পুলিচ অসমত অহা নাই, কিন্তু আমাৰ পুলিচ চিংগাপুৰত গৈছিল।

ছিংগাপুৰৰ বিচাৰ প্ৰক্ৰিয়া আৰু  ভাৰতৰ বিচাৰ প্ৰক্ৰিয়া যথেষ্ট পৃথক।অসমৰ আৰক্ষী হে ছিংগাপুৰলৈ গৈছিল কিন্তু ছিংগাপুৰৰ কোনো আৰক্ষী অসমত আহি তদন্ত কৰা নাই।

লগতে পঢ়ক: ‘জুবিন গাৰ্গৰ হত্যাৰ অভিযুক্তক ফুৰাবলৈ নিয়ক’; শৃংখল চলিহা

জুবিন গাৰ্গ হত্যাৰ ঘটনাৰ তদন্ত লৈ বীৰ লাচিত সেনাৰ নেতা শৃংখল চলিহাই মুখ্যমন্ত্ৰীৰ ওপৰত বিশ্বাস ৰাখিছে। তাৰ মাজতে তেওঁ এক বিস্ফোৰক মন্তব্য কৰিছে।

অসমীয়াৰ হিয়াৰ আমঠু জুবিন গাৰ্গ হত্যাৰ ঘটনাৰ তদন্ত লৈ এক বিস্ফোৰক মন্তব্য কৰিছে বীৰ লাচিত সেনাৰ নেতা শৃংখল চলিহাই। বীৰ লাচিত সেনাৰ নেতা গৰাকীয়ে কৈছে যে, মুখ্যমন্ত্ৰী ড০ হিমন্ত বিশ্ব শৰ্মাৰ ওপৰত তেওঁৰ বিশ্বাস আছে।জুবিন গাৰ্গে ন্যায় পাবই।

কিন্তু তেওঁ বিচাৰে যে ‘জুবিন গাৰ্গৰ হত্যাৰ অভিযুক্তক ফুৰাবলৈ নিয়ক। অসমৰ জনগণে যিটো বিচাৰিছে সেইটো দিয়ক।

জুবিন গাৰ্গৰ ন্যায়ক লৈ অসমবাসীৰ মনত এতিয়াও জুই জ্বলি আছে।জুবিন গাৰ্গক লৈ কোনোধৰণৰ ৰাজনীতি হোৱাতো নিবিচাৰোঁ।

তেওঁ লগতে কয় যে, চৰকাৰৰ ন্যায় ব্যৱস্থাৰ ওপৰত আমাৰ আস্থা আছে।দীঘলীয়া চাৰ্জশ্বীটক লৈ সম্পূৰ্ণ আস্থা  আছে। কিন্তু অসমৰ ৰাইজে যি বিচাৰিছে সেইটো চৰকাৰে দিব লাগে।  

লগতে পঢ়ক: জুবিন হত্যাৰ আজি প্রথম শুনানি, ভার্চুৱেলী হাজিৰ কৰা হ’ব ৭ অভিযুক্তক

অধিবক্তা বিচাৰি এতিয়া হাহাকাৰ কৰিছে শ্যামকানু মহন্তৰ পত্নী অনিতা ডেকা মহন্তই। মানৱীয়তাৰ খাতিৰত সিদ্ধান্ত গ্ৰহণ কৰিবলৈ জনাইছে আহ্বান।

জুবিন গাৰ্গৰ হত্যাৰ সন্দৰ্ভত অভিযুক্ত স্বামী শ্যামকানু মহন্তৰ বাবে অধিবক্তা বিচাৰি হাবাথুৰি খাইছে পত্নী অনিতা ডেকা মহন্তই। হাইক’ৰ্ট বাৰ এছ’চিয়েশ্যনৰ কাষ চাপিছে শ্যামকানুৰ পত্নী অনিতা ডেকা মহন্তৰ।

উকীল সন্থাৰো কাষ চাপিছে শ্যামকানুৰ পত্নীৰ। অভিযুক্তৰ বিৰুদ্ধে ওকালতি নকৰাৰ সিদ্ধান্ত প্ৰত্যাহাৰ কৰি মানৱীয়তাৰ খাতিৰত সিদ্ধান্ত গ্ৰহণ কৰিবলৈ জনাইছে আহ্বান।

দৰাচলতে জুবিন গাৰ্গৰ মৃত্যুৰ পিছতে ৰাজ্যৰ উকীল সন্থাই ৭ অভিযুক্তৰ বিৰুদ্ধে ওকালতি নকৰাৰ সিদ্ধান্ত লৈছিল। যাৰ বাবে এতিয়া উকীল সন্থাৰ কাষ চাপিছে শ্যামকানুৰ পত্নী।  

উল্লখ্য যে, জুবিন গাৰ্গৰ হত্যাৰ গোচৰত ইতিমধ্যে শ্যামকানু মহন্ত, সিদ্ধাৰ্থ শৰ্মা, অমৃতপ্রভা, শেখৰজ্যোতিৰ বিৰুদ্ধে  BNSSৰ ১০৩ ধাৰা আৰোপ কৰা হয়।

লগতে পঢ়ক: কোনে, কিয়, কেনেকৈ হত্যা কৰিছিল জুবিন গাৰ্গক? SIT ৰ ৪ টা বাকচত আছে ৰহস্যজনক তথ্য