শনিবাৰে ইছলামবাগত অনুষ্ঠিত হ’বলগীয়া আমেৰিকা-ইৰাণৰ আলোচনা সন্দৰ্ভত ৰাষ্ট্ৰপতি ট্ৰাম্পে কঠোৰ স্থিতি গ্ৰহণ কৰিছে ।

শনিবাৰে ইছলামবাদত অনুষ্ঠিত হ’বলগীয়া আমেৰিকা আৰু ইৰাণৰ মাজৰ ঐতিহাসিক আলোচনাৰ পূৰ্বে ৰাষ্ট্ৰপতি ড’নাল্ড ট্ৰাম্পে কঠোৰ স্থিতি গ্ৰহণ কৰিছে।ট্ৰাম্পে স্পষ্টভাৱে উল্লেখ কৰিছিল যে তেওঁ কোনো মূল্যৰ বিনিময়ত হৰমুজ প্ৰণালী বন্ধ কৰিবলৈ নিদিয়ে।

ইয়াক আন্তঃৰাষ্ট্ৰীয় জলসীমা বুলি অভিহিত কৰি তেওঁ সকীয়াই দিয়ে যে তাত কোনো ধৰণৰ স্বেচ্ছাচাৰী আচৰণ সহ্য কৰা নহ’ব। তেওঁ জোৰ দি কয় যে ইৰাণে সামৰিকভাৱে যুদ্ধত পৰাস্ত হৈছে, আৰু এতিয়া আমাৰ উদ্দেশ্য হৈছে এই সামুদ্ৰিক পথটো সম্পূৰ্ণৰূপে মুকলি কৰা।

ভৱিষ্যতৰ আলোচনাৰ প্ৰশ্ন সন্দৰ্ভত ট্ৰাম্পে এক ছাচপেন্স জীয়াই ৰাখিছে।পূৰ্বৰ আমেৰিকা চৰকাৰসমূহক লক্ষ্য কৰি তেওঁ কয় ৪৭ বছৰ ধৰি তেওঁলোকে কথা পতাৰ বাহিৰে একোৱেই কৰা নাছিল।ট্ৰাম্পে কয় যে, কাইলৈৰ বৈঠকতেই ইয়াৰ পিছত কি হ’ব সেই কথা নিৰ্ধাৰণ কৰিব।অৱশ্যে ট্ৰাম্পে এইটো স্পষ্ট কৰা নাই যে,এইখন শেষ বৈঠক হ’ব নে আৰু বৈঠক হ’ব। তেওঁ কেৱল কৈছিল যে, “কাইলৈ ​​আমি চাব লাগিব যে ইয়াৰ ফলাফল কি হ’ব।”

লগতে পঢ়ক: “আলোচনা তেতিয়াহে হ’ব যেতিয়া…”; ইছলামাবাদত আলোচনাৰ পূৰ্বে আমেৰিকাক  চৰ্ত ইৰাণৰ

ইৰাণৰ সংসদৰ অধ্যক্ষ মহম্মদ বাঘেৰ গালিবাফে স্পষ্ট কৰি দিছে যে আমেৰিকাৰ সৈতে আলোচনা তেতিয়াহে হ’ব, যেতিয়া দুটা চৰ্ত পূৰণ কৰিব ।

মধ্যপ্ৰাচ্যত চলি থকা উত্তেজনাৰ মাজতে ইৰাণে কূটনৈতিক আলোচনাৰ সন্দৰ্ভত দৃঢ় স্থিতি গ্ৰহণ কৰিছে।শান্তি আলোচনাৰ ঠিক আগতেই ইৰাণে আমেৰিকাক দুটা চৰ্ত দাখিল কৰিছে।ইৰাণৰ সংসদৰ অধ্যক্ষ মহম্মদ বাঘেৰ গালিবাফে কয় যে- যেতিয়ালৈকে মূল চৰ্ত দুটা পূৰণ নহয়, তেতিয়ালৈকে কোনো প্ৰকাৰৰ আলোচনা সম্ভৱ নহয়। ইফালে শান্তি আলোচনা বিফল হ’লে আমেৰিকাই আক্ৰমণ তীব্ৰতৰ কৰাৰ হুংকাৰ দিছে।

শুকুৰবাৰে ছ’চিয়েল মিডিয়াত এটা পোষ্টৰ জৰিয়তে গালিবাফে কয় যে,  আলোচনা আৰম্ভ হোৱাৰ আগতে দুয়োপক্ষৰ মাজত পাৰস্পৰিক সহমতত নিৰ্ধাৰিত কৰা দুটা অত্যাৱশ্যকীয় বিষয় সমাধান কৰিব লাগিব।প্ৰথমতে—লেবাননত তাৎক্ষণিক আৰু ফলপ্ৰসূ যুদ্ধবিৰতি কাৰ্যকৰী কৰিব লাগিব,আৰু দ্বিতীয়তে—ইৰাণৰ ব্লক কৰা ধন মুকলি কৰা হওক। এই দুটা চৰ্ত পূৰণ হোৱাৰ পিছতহে আলোচনা প্ৰক্ৰিয়া আগবাঢ়িব পাৰিব বুলি তেওঁ গুৰুত্ব আৰোপ কৰে। অৰ্থাৎ ইৰাণে আলোচনাৰ পূৰ্বে কোনো ধৰণৰ ৰেহাই দিয়াৰ যে মুডত নাই সেয়া স্পষ্ট হৈ পৰিছে আৰু ইয়াৰ স্থিতি আৰু কঠোৰ হৈ পৰিছে।

মন কৰিবলগীয়া যে এই মন্তব্য তেতিয়া প্ৰকাশ কৰিছে, যেতিয়া শনিবাৰে পাকিস্তানত আমেৰিকা আৰু ইৰাণৰ মাজত শান্তি আলোচনা অনুষ্ঠিত হোৱাৰ কথা নিশ্চিত হৈছে।

লগতে পঢ়ক: ইৰাণৰ সৈতে শান্তি আলোচনাৰ বাবে পাকিস্তানলৈ ৰাওনা আমেৰিকাৰ উপ-ৰাষ্ট্ৰপতি

দেওবাৰে ড’নাল্ড ট্ৰাম্পে ইৰাণক হৰমুজ প্ৰমালী পুনৰ মুকলি কৰাৰ বাবে চুক্তিত উপনীত হ’বলৈ বা পুনৰ তদুপৰি আন্তঃগাঁথনি আক্ৰমণৰ বাবে নিৰ্ধাৰণ কৰা সময়সীমা ২৪ ঘণ্টা বৃদ্ধি কৰিছে।

মঙলবাৰৰ সময়সীমা নিৰ্ধাৰণ কৰি আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণক এক আল্টিমেটাম জাৰি কৰিছে।তেওঁ উল্লেখ কৰিছে যে যদিহে তেহৰানে হৰমুজ প্ৰণালী মুকলি নকৰে তেন্তে আমেৰিকাই বিধ্বংসী ৰূপ ধাৰণ কৰিব আৰু তাত থকা তেলৰ নিয়ন্ত্ৰণ দখল কৰিব।ইফালে এনে এক প্ৰতিবেদন পোহৰলৈ আহিছে, য’ত উল্লেখ কৰা হৈছে যে আমেৰিকা আৰু ইৰাণে ৪৫ দিনীয়া যুদ্ধবিৰতিৰ আলোচনাত মিলিত হৈছে।

পাকিস্তান, ইজিপ্ত, তুৰস্কৰ জৰিয়তে এই আলোচনা চলি আছে।ইয়াৰ উপৰিও আমেৰিকাৰ দূত ষ্টিভ উইটকফ আৰু ইৰাণৰ বৈদেশিক মন্ত্ৰী আব্বাছ আৰাকচিৰ মাজত গোপন আদান-প্ৰদান চলি আছে।জানিব পৰা মতে, অহা ৪৮ ঘণ্টাৰ ভিতৰত চুক্তি হোৱাৰ সম্ভাৱনা কম। কিন্তু যুদ্ধখন আৰু অধিক তীব্ৰতৰ হোৱাত বাধা দিয়াৰ বাবে ইয়াক ‘শেষ প্ৰচেষ্টা’ বুলি গণ্য কৰা হৈছে।

আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণক হৰমুজ প্ৰমালী পুনৰ মুকলি কৰাৰ বাবে চুক্তিত উপনীত হ’বলৈ বা পুনৰ তদুপৰি আন্তঃগাঁথনি আক্ৰমণৰ বাবে নিৰ্ধাৰণ কৰা সময়সীমা ২৪ ঘণ্টা বৃদ্ধি কৰিছে।

লগতে পঢ়ক: ‘সকলো ধ্বংস কৰি তেলত নিয়ন্ত্ৰণ কৰিম’; ইৰাণক লৈ ট্ৰাম্পৰ বিস্ফোৰক পৰিকল্পনা

ইৰাণক আক্ৰমণ কৰাৰ ভয়ংকৰ পৰিকল্পনাৰ কথা উল্লেখ কৰিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে।

দেওবাৰে (৫ এপ্ৰিল ২০২৬) ইৰাণক পুনৰবাৰ ভাবুকি দিলে আমেৰিকাৰ ৰাষ্ট্ৰপতি ড’নাল্ড ট্ৰাম্পে।তেওঁ উল্লেখ কৰে যে যদিহে হৰমুজ প্ৰণালী মুকলি কৰা নহয় তেন্তে আমেৰিকাই ইৰাণৰ বিদ্যুৎ কেন্দ্ৰত আক্ৰমণ কৰিব।বিশ্বৰ ২০ শতাংশ তেল এই পথেৰে পাৰ হৈ যায়।

ট্ৰাম্পে ইৰাণক এই পথ সম্পূৰ্ণৰূপে মুকলি কৰিবলৈ ১০ দিনৰ আল্টিমেটাম জাৰি কৰিছিল, যিটো পথ এতিয়া শেষ হ’বলৈ ওলাইছে। আমেৰিকাৰ ৰাষ্ট্ৰপতিয়ে ইৰাণক সোমবাৰৰ ভিতৰত (৬ এপ্ৰিল, ২০২৬) এই চুক্তি চূড়ান্ত কৰিবলৈ সকীয়াই দিয়ে, অন্যথা ৭ এপ্ৰিলৰ পৰা ধ্বংসলীলা আৰম্ভ হ’ব বুলি ভাবুকি দিয়ে।

ড’নাল্ড ট্ৰাম্পে নিজৰ চিনাকি শৈলীত ছ’চিয়েল ট্ৰুথত কয় যে মঙলবাৰ (৭ এপ্ৰিল, ২০২৬) ইৰাণত বিদ্যুৎ কেন্দ্ৰ দিৱস আৰু দলং দিৱস হ’ব। ইৰাণৰ বিদ্যুৎ কেন্দ্ৰ আৰু দলং আক্ৰমণ কৰাৰ মুকলি ভাবুকি। আমেৰিকাৰ ৰাষ্ট্ৰপতি গৰাকীয়ে লগতে কয় যে আলোচনাত অংশগ্ৰহণ কৰা ইৰাণৰ আলোচনাপন্থীসকলক সীমিত ক্ষমা প্ৰদান কৰা হৈছে। ইয়াৰ উপৰিও তেওঁ এটা চাঞ্চল্যকৰ দাবী উত্থাপন কৰে যে আমেৰিকাই পূৰ্বে কুৰ্দৰ জৰিয়তে ইৰাণৰ প্ৰতিবাদকাৰীলৈ অস্ত্ৰ-শস্ত্ৰ প্ৰেৰণ কৰিছিল।

এটা সাক্ষাৎকাৰত ট্ৰাম্পে কয়, মই ভাবো ৬ এপ্ৰিলত চুক্তিত উপনীত হোৱাৰ সম্ভাৱনা আছে, তেওঁলোকে এতিয়া কথা পাতি আছে। যদিহে তেওঁলোকে সোনকালে চুক্তিত উপনীত নহয় তেন্তে মই সকলো ধ্বংস কৰি তেল জব্দ কৰাৰ কথা চিন্তা কৰিছো।’

লগতে পঢ়ক: ‘বুৰ্বকসকল!হৰমুজ খুলি দিয়ক, নহ’লে নৰকত যাবা’; আল্টিমেটামৰ পিছত পুনৰ ইৰাণক ধমকি ড’নাল্ড ট্ৰাম্পৰ