২১ ঘণ্টা ধৰি চলা এক দীঘলীয়া আলোচনাৰ অন্তত, দুয়োপক্ষৰ মাজত অচলাৱস্থা অব্যাহত থকা অৱস্থাতে আমেৰিকাৰ উপ-ৰাষ্ট্ৰপতি জে ডি ভেন্স আমেৰিকালৈ ৰাওনা হয়

পাকিস্তানত আমেৰিকা যুক্তৰাষ্ট্ৰ আৰু ইৰানৰ মাজত প্ৰায় ২১ ঘণ্টা ধৰি চলা এক দীঘলীয়া আলোচনাৰ অন্তত, দুয়োপক্ষৰ মাজত অচলাৱস্থা অব্যাহত থকা অৱস্থাতে আমেৰিকাৰ উপ-ৰাষ্ট্ৰপতি জে ডি ভেন্স আমেৰিকালৈ ৰাওনা হৈছে । দেওবাৰে পুৱতি নিশা সাংবাদিকৰ সৈতে কথা পতাৰ কিছু সময়ৰ পিছতে আমেৰিকাৰ উপ-ৰাষ্ট্ৰপতিগৰাকীয়ে প্ৰস্থান কৰে । এই অচলাৱস্থাই প্ৰথম পৰ্যায়ৰ আলোচনাত শান্তি প্ৰচেষ্টাক যথেষ্ট পিছুৱাই দিছে । তেওঁক বিদায় জনাবলৈ গৃহমন্ত্ৰী মহছিন নাকভি, বৈদেশিক মন্ত্ৰী ইছাক দাৰ আৰু সেনা প্ৰধান আছিম মুনিৰ উপস্থিত থাকে ।

পাকিস্তানত আমেৰিকা আৰু ইৰানৰ মাজত কেইবা ঘণ্টা ধৰি চলা আলোচনাৰ অন্তত দেওবাৰে এক অচলাৱস্থাৰ সৃষ্টি হয়, যিহেতু আমেৰিকাৰ উপ-ৰাষ্ট্ৰপতি জে ডি ভেন্সে কয় যে ইৰানৰ সৈতে হোৱা আলোচনাত কোনো চুক্তিত উপনীত হ’ব পৰা নগ’ল । তেওঁ কয় যে যদিও তেওঁলোক আমেৰিকালৈ উভতি যাব, এই ঘটনাটো আমেৰিকাতকৈ “ইৰানৰ বাবেহে বেয়া খবৰ”।

ভেন্সে কয়, “ইৰানৰ সৈতে আমাৰ কেতবোৰ গুৰুত্বপূৰ্ণ সহমত হৈছে এয়া ভাল খবৰ । বেয়া খবৰটো হ’ল যে আমি কোনো চুক্তিত উপনীত হ’ব পৰা নাই । এয়া আমেৰিকা যুক্তৰাষ্ট্ৰতকৈ ইৰানৰ বাবেহে বেছি বেয়া খবৰ ।” তেওঁ লগতে কয়, “আমি কোনো চুক্তিত উপনীত নোহোৱাকৈ আমেৰিকালৈ উভতি গৈ আছোঁ ।”

তেওঁ গুৰুত্ব আৰোপ কৰে যে আমেৰিকাই নিজৰ চৰ্তসমূহ আৰু যিবোৰ বিষয়ত শিথিলতা প্ৰদৰ্শন কৰিব পাৰি সেইবোৰ স্পষ্ট কৰি দিছিল যদিও ইৰানে “আমাৰ চৰ্ত মানি ল’বলৈ অস্বীকাৰ কৰিলে”। সংবাদ মাধ্যমৰ আগত ভেন্সে পুনৰ কয় যে ৱাশ্বিংটনে তেহৰানৰ পৰা এইটো নিশ্চিত প্ৰতিশ্ৰুতি বিচাৰিছিল যে তেওঁলোকে পাৰমাণৱিক অস্ত্ৰ আৰু সেয়া নিৰ্মাণ কৰিব পৰা সঁজুলি সংগ্ৰহ নকৰে ।

তেওঁ লগতে কয়, “ইৰানে আমাৰ চৰ্ত মানি ল’ব পৰা স্থিতিত আমি উপনীত হ’ব নোৱাৰিলোঁ ।” তেওঁ কয় যে আমেৰিকা অতি “নমনীয় আৰু উদাৰ” হোৱাৰ পিছতো আলোচনাত কোনো অগ্ৰগতি নহ’ল ।

ইফালে, ইৰানৰ ৰাষ্ট্ৰীয় সম্প্ৰচাৰক প্ৰেছ টিভিয়ে প্ৰতিবেদন দিছে যে আমেৰিকাৰ অত্যাধিক দাবীৰ বাবে তেহৰান আৰু ৱাশ্বিংটনৰ মাজত আলোচনা কোনো সিদ্ধান্ত অবিহনেই সমাপ্ত হয় । তেওঁলোকে কয় যে পাৰমাণৱিক অধিকাৰ আৰু হৰমুজ প্ৰণালীৰ দৰে কেইবাটাও বিষয়ত দুয়োপক্ষৰ মাজত মতানৈক্য আছিল ।

লগতে পঢ়ক : সমাধান নোলাল ইছলামাবাদ আলোচনাত… জে ডি ভান্সে ক’লে ইৰানৰ বাবে এয়া বেয়া খবৰ

ইছলামাবাদৰ পৰা সংবাদ মাধ্যমক সম্বোধন কৰি ভান্সে কয় যে ২১ ঘণ্টা ধৰি চলা আলোচনাত কেইবাটাও গুৰুত্বপূৰ্ণ বিষয়ত আলোচনা কৰা হৈছিল, যদিও কোনো সিদ্ধান্তত উপনীত হ’ব পৰা নগ’ল

ফলাফল বিহীন ভাৱেই সমাপ্ত হ’ল আমেৰিকা-ইৰান আলোচনা । পাকিস্তানত আমেৰিকা যুক্তৰাষ্ট্ৰ আৰু ইৰানৰ মাজত কেইবা ঘণ্টা ধৰি চলা আলোচনাৰ অন্তত দেওবাৰে এক অচলাৱস্থাৰ সৃষ্টি হয় । আমেৰিকাৰ উপ-ৰাষ্ট্ৰপতি জে ডি ভান্সে কয় যে ইৰানৰ সৈতে হোৱা আলোচনাত কোনো চুক্তিত উপনীত হ’ব পৰা নগ’ল । তেওঁ কয় যে তেওঁলোক আমেৰিকালৈ উভতি যাব যদিও এই ঘটনাটো আমেৰিকাতকৈ ইৰানৰ বাবেহে অধিক “বেয়া খবৰ”।

ইছলামাবাদৰ পৰা সংবাদ মাধ্যমক সম্বোধন কৰি ভান্সে কয় যে ২১ ঘণ্টা ধৰি চলা আলোচনাত কেইবাটাও গুৰুত্বপূৰ্ণ বিষয়ত আলোচনা কৰা হৈছিল, যদিও কোনো সিদ্ধান্তত উপনীত হ’ব পৰা নগ’ল । তেওঁ কয়, “আমাৰ ইৰানৰ সৈতে কেইবাটাও গুৰুত্বপূৰ্ণ বিষয়ত সন্মতি হৈছে— সেয়া এক ভাল খবৰ । কিন্তু বেয়া খবৰটো হ’ল যে আমি কোনো চুক্তিত উপনীত হ’ব পৰা নাই । এইটো আমেৰিকা যুক্তৰাষ্ট্ৰতকৈ ইৰানৰ বাবেহে অধিক বেয়া খবৰ ।”

ভান্সে কয়, “আমি কোনো চুক্তিত উপনীত নোহোৱাকৈয়ে আমেৰিকালৈ উভতি গৈ আছোঁ ।” তেওঁ কয় যে আমেৰিকাই নিজৰ চৰ্ত আৰু যিবোৰ বিষয়ত আপোচ কৰিবলৈ সাজু আছিল সেয়া স্পষ্ট কৰি দিছিল, কিন্তু ইৰানে “আমাৰ চৰ্তসমূহ গ্ৰহণ নকৰাৰ সিদ্ধান্ত ল’লে”।

সংবাদ মাধ্যমৰ উত্তৰত ভান্সে পুনৰবাৰ কয় যে ৱাশ্বিংটনে তেহৰানৰ পৰা এইটো নিশ্চিত কৰিব বিচাৰিছিল যে তেওঁলোকে পাৰমাণৱিক অস্ত্ৰ আৰু সেয়া প্ৰস্তুত কৰাৰ আহিলাসমূহ সংগ্ৰহৰ চেষ্টা নকৰে । তেওঁ লগতে কয়, “আমি এনে এটা পৰ্যায়লৈ যাব নোৱাৰিলোঁ য’ত ইৰানে আমাৰ চৰ্ত মানি ল’বলৈ সাজু আছিল ।” তেওঁ উল্লেখ কৰে যে আমেৰিকা যথেষ্ট “নমনীয় আৰু সহায়ক” হোৱা স্বত্বেও আলোচনা আগুৱাই নিব পৰা নগ’ল ।

ভান্সে কয়, “আমি ইয়াৰ পৰা এটা অতি সৰল প্ৰস্তাৱ লৈ ওলাই আহিছো- বুজাবুজিৰ এক পদ্ধতি যিটো আমাৰ অন্তিম আৰু সৰ্বশ্ৰেষ্ঠ প্ৰস্তাৱ । এতিয়া ইৰানে ইয়াক গ্ৰহণ কৰে নে নকৰে সেয়া চাবলগীয়া হ’ব ।”

সংবাদমেলৰ সময়ত ভান্সে উল্লেখ কৰে যে তেওঁ সমগ্ৰ আলোচনাৰ সময়ছোৱাত ৰাষ্ট্ৰপতি ডোনাল্ড ট্ৰাম্পৰ লগতে ৰাজ্যিক সচিব মাৰ্কো ৰুবিঅ’, যুদ্ধ সচিব পিট হেগচেথ, কোষাগাৰ সচিব স্কট বেচেণ্ট আৰু আমেৰিকাৰ চেণ্ট্ৰেল কমাণ্ডৰ কমাণ্ডাৰ এডমিৰেল ব্ৰেড কুপাৰৰ দৰে কেইবাজনো শীৰ্ষ আমেৰিকান বিষয়াৰ সৈতে “নিৰন্তৰ” যোগাযোগত আছিল । ভান্সে কয়, “আমি দলটোৰ সৈতে নিৰন্তৰ যোগাযোগত আছিলোঁ কাৰণ আমি সৎ ভাৱে আলোচনা কৰিছিলোঁ ।”

লগতে পঢ়ক : ইছলামাবাদত আৰম্ভ আমেৰিকা-ইৰাণ শান্তি আলোচনা

ইছলামাবাদত আমেৰিকা যুক্তৰাষ্ট্ৰ, ইৰাণ আৰু পাকিস্তানৰ মাজত ত্ৰিপাক্ষিক যুদ্ধবিৰতি আলোচনা আৰম্ভ

অৱশেষত আলোচনাৰ টেবুললৈ আহিল আমেৰিকা আৰু ইৰাণ । আন্তঃৰাষ্ট্ৰীয় সংবাদ মাধ্যমত প্ৰকাশিত প্রতিবেদন অনুসৰি, ইছলামাবাদত আমেৰিকা যুক্তৰাষ্ট্ৰ, ইৰাণ আৰু পাকিস্তানৰ মাজত ত্ৰিপাক্ষিক যুদ্ধবিৰতি আলোচনা আৰম্ভ হৈছে । প্রতিবেদনত উল্লেখ কৰা হৈছে যে ১৯৭৯ চনৰ ইছলামিক বিপ্লৱৰ পিছত ৱাশ্বিংটন আৰু তেহৰানৰ মাজত এয়া সৰ্বোচ্চ পৰ্যায়ৰ আলোচনা ।

আমেৰিকাৰ সৈতে আলোচনাৰ পূৰ্বে ইৰাণৰ আলোচনাপন্থী দলে পাকিস্তানৰ ৰাজধানীত এক কৌশলগত বৈঠক অনুষ্ঠিত কৰে । উচ্চস্তৰীয় আলোচনাত অংশগ্ৰহণ কৰিবলৈ ইছলামাবাদত উপস্থিত হোৱা প্ৰতিনিধি দলটোৱে আমেৰিকাৰ সৈতে আনুষ্ঠানিক “শান্তি আলোচনা” আৰম্ভ হোৱাৰ পূৰ্বে নিজৰ কাৰ্যসূচী চূড়ান্ত কৰে । এই ব্যস্ততাৰ পূৰ্বে আমেৰিকাৰ উপ-ৰাষ্ট্ৰপতি জে ডি ভেন্সে পাকিস্তানৰ প্ৰধানমন্ত্ৰী শ্বেহবাজ শ্বৰীফৰ সৈতে এক উচ্চ পৰ্যায়ৰ বৈঠকতো মিলিত হয় বুলি হোৱাইট হাউছৰ এক বিবৃতিত প্ৰকাশ পাইছে ।

ইৰাণৰ সংসদৰ অধ্যক্ষ মহম্মদ বাঘেৰ ঘালিবাফ আৰু বৈদেশিক মন্ত্ৰী আব্বাছ আৰাঘচীয়েও পাকিস্তানৰ প্ৰধানমন্ত্ৰীগৰাকীক সাক্ষাৎ কৰে । ছেৰেনা হোটেল এই কূটনৈতিক তৎপৰতাৰ কেন্দ্ৰবিন্দু হৈ পৰিছে, য’ত ইৰাণ আৰু আমেৰিকা দুয়োটা প্ৰতিনিধি দল আলোচনাত অংশ ল’বলৈ উপস্থিত হৈছে । বিলাসবহুল হোটেলখনৰ বাহিৰৰ দৃশ্যত দেখা গৈছে যে আন্তঃৰাষ্ট্ৰীয় প্ৰতিনিধিসকল অনুষ্ঠানস্থলীত সমবেত হোৱাৰ সময়ত কটকটীয়া নিৰাপত্তা আৰু ব্যাপক তৎপৰতা চলিছে ।

জে ডি ভেন্সৰ নেতৃত্বত আমেৰিকাৰ প্ৰতিনিধি দলটোত ষ্টিভ উইটকফ আৰু জাৰেড কুচনাৰ অন্তৰ্ভুক্ত আছে । শ্বেহবাজ শ্বৰীফে আগতে এই আলোচনাৰ পৰিণতি নিৰ্ণায়ক হ’ব বুলি অভিহিত কৰিছিল । তীব্ৰ নিৰাপত্তাৰ মাজত অনুষ্ঠিত হোৱা এই আলোচনাৰ লক্ষ্য হৈছে এক থুনুকা যুদ্ধবিৰতিক সুস্থিৰ কৰা আৰু আঞ্চলিক নিৰাপত্তাৰ ভৱিষ্যত নিৰ্ধাৰণ কৰা । ৮ এপ্ৰিলত যুদ্ধবিৰতি ঘোষণা কৰা হৈছিল । ইৰাণৰ উপ-ৰাষ্ট্ৰপতি মহম্মদ ৰেজা আৰিফে পূৰ্বে পৰামৰ্শ দিছিল যে ইয়াৰ ফলাফল সম্পূৰ্ণৰূপে আমেৰিকাৰ দৃষ্টিভংগীৰ ওপৰত নিৰ্ভৰ কৰিব ।

এক্সত তেওঁ উল্লেখ কৰে যে যদি ইৰাণৰ প্ৰতিনিধিসকলে “আমেৰিকা ফাৰ্ষ্ট” নীতিৰ প্ৰতিনিধিত্ব কৰাসকলক লগ পায়, তেন্তে দুয়োপক্ষ আৰু বিশ্বৰ বাবে লাভজনক এক চুক্তি হোৱাৰ সম্ভাৱনা আছে । অৱশ্যে তেওঁ সকীয়াই দিয়ে যে যদি তেওঁলোকে “ইজৰাইল ফাৰ্ষ্ট” নীতিৰ প্ৰতিনিধিসকলৰ মুখামুখি হয়, তেন্তে কোনো চুক্তি নহ’ব আৰু তেওঁলোকে পূৰ্বতকৈ অধিক জোৰদাৰভাৱে প্ৰতিৰক্ষা অব্যাহত ৰাখিবলৈ বাধ্য হ’ব, যাৰ ফলত বিশ্বই অধিক মূল্য ভৰিব লাগিব ।

লগতে পঢ়ক : ‘দুয়োটা চৰ্ত পূৰণ হ’লেহে আলোচনা সম্ভৱ’; আমেৰিকাৰ সৈতে আলোচনাৰ পূৰ্বে ইৰাণৰ লক্ষ্মণ ৰেখা