পাকিস্তানত প্ৰায় ২১ ঘণ্টা ধৰি চলা ইৰাণ আৰু আমেৰিকাৰ মাজত শান্তি আলোচনা ব্যৰ্থ হৈছে। শান্তি আলোচনা বিফলতাক লৈ ইৰাণৰ বৈদেশিক মন্ত্ৰীয়ে এক বিস্ফোৰক মন্তব্য কৰিছে।
পাকিস্তানত ২১ ঘণ্টীয়া ঐতিহাসিক শান্তি আলোচনা চলি থকাৰ পাছতো আমেৰিকা আৰু ইৰাণৰ মাজত শান্তি চুক্তি হ’ব পৰা নাছিল। যাৰ ফলত দুসপ্তাহৰ যুদ্ধবিৰতিৰ ভৱিষ্যতও ভাৰসাম্যত ওলমি থকা যেন লাগে। শান্তি আলোচনা বিফলতাক লৈ এতিয়া ইৰাণৰ বৈদেশিক মন্ত্ৰীয়ে এক বিস্ফোৰক মন্তব্য কৰিছে।
ইৰাণৰ বৈদেশিক মন্ত্ৰী আৰাঘচিয়ে ছ’চিয়েল মিডিয়া প্লেটফৰ্ম এক্সত পোষ্ট কৰি লিখিছে, তেহৰাণে, যুদ্ধ শেষ কৰাত সহায় কৰিবলৈ ভাল উদ্দেশ্যৰে ৪৭ বছৰৰ ভিতৰত আমেৰিকাৰ সৈতে উচ্চ পৰ্যায়ৰ প্ৰত্যক্ষ আলোচনা আৰম্ভ কৰিছিলে,কিন্তু চূড়ান্ত পৰ্যায়ত আলোচনা সেই সময়ত বিফল হ’ল যেতিয়া সফলতা প্ৰায় হাতৰ মুঠিত আছিল।ইয়াৰ বাবে তেওঁ আমেৰিকাক পোনপটীয়াকৈ জগৰীয়া কৰিছে।
তেওঁ কয় যে, আলোচনা বিফল হোৱাৰ আগতে ইৰাণ আমেৰিকাৰ সৈতে চুক্তিত উপনীত হোৱাৰ যথেষ্ট সম্ভাৱনা আছিল,কিন্তু ৱাশ্বিংটনৰ অন্তিম মুহূৰ্তবোৰত,উগ্ৰপন্থী স্থিতি গ্ৰহণ, লক্ষ্য সলনি কৰা, বাধাৰ সৃষ্টিৰ বাবে কথাবোৰ ট্ৰেক বাহিৰ হৈ গ’ল।
লগতে পঢ়ক: “যুদ্ধ অব্যাহত আছে”; বুলেটপ্ৰুফ জেকেট পিন্ধি লেবাননত উপস্থিত বেঞ্জামিন নেতান্যাহু
