যুদ্ধবিৰতিৰ পিছতো আমেৰিকা আৰু ইৰাণৰ মাজত উত্তেজনা অব্যাহত আছে। ইফালে শান্তি আলোচনাৰ বাবে আমেৰিকাৰ উপ-ৰাষ্ট্ৰপতি জে ডি ভেন্সো পাকিস্তানত উপস্থিত হৈছে।
শনিবাৰে পাকিস্তানৰ ৰাজধানী ইছলামবাগত ইৰাণ আৰু আমেৰিকাৰ মাজত গুৰুত্বপূৰ্ণ আলোচনা অনুষ্ঠিত হোৱাৰ কথা আছে।ইৰাণ আৰু আমেৰিকাৰ মাজৰ সংঘাতৰ অন্ত পৰিব নে নহয় সেইটো এই আলোচনাৰ পিছত হে নিৰ্ণয় হ’ব।
পাকিস্তানৰ বৈদেশিক পৰিক্ৰমা মন্ত্ৰালয়ে প্ৰকাশ কৰা অনুসৰি শুকুৰবাৰে গভীৰ নিশা সংসদৰ অধ্যক্ষ মহম্মদ বাঘেৰ গালিবাফৰ নেতৃত্বত আৰু বৈদেশিক মন্ত্ৰী আব্বাছ আৰাকচিকে ধৰি ইৰাণৰ এক উচ্চ পৰ্যায়ৰ প্ৰতিনিধি দল ইছলামবাদত উপস্থিত হয়।ইৰাণৰ সংসদৰ অধ্যক্ষ মহম্মদ গালিবাফে কয় যে, শান্তি চুক্তিত উপনীত হ’বলৈ হ’লে আমেৰিকাই ইৰাণৰ দুয়োটা চৰ্ত স্বীকাৰ কৰিব লাগিব।ইয়াৰ ভিতৰত লেবাননত সম্পূৰ্ণ যুদ্ধবিৰতি আৰু জব্দ কৰা ইৰাণৰ সম্পত্তি মুকলি কৰাৰ দাবীও আছে।
পুৱা ৯ বজাৰতেই আমেৰিকা আৰু ইৰাণৰ মাজত আলোচনা আৰম্ভ হোৱাৰ সম্ভাৱনা আছিল যদিও এতিয়া অলপ বেছি সময় লাগিব। অৱশ্যে জানিব পৰা মতে আমেৰিকাৰ সৈতে শান্তি আলোচনাৰ বাবে ইছলামবাগৰ ছেৰেনা হোটেলত ইতিমধ্যে ইৰাণৰ প্ৰতিনিধি দল উপস্থিত হৈছে। ইয়াত পাকিস্তানৰ মধ্যস্থতাত ইৰাণৰ প্ৰতিনিধি দলটোৱে আমেৰিকাৰ উপ-ৰাষ্ট্ৰপতি জে ডি ভ্যান্সৰ নেতৃত্বত থকা দলৰ সৈতে বৈঠক অনুষ্ঠিত কৰিব।
